CARS CLUB 2

مصر البلد الوحيدة اللي العربية بيتعملها جروب قبل ما تنزل السوق 😅
خليني أبقى أوريلكم الفرق بين نسخة الفينو في مصر والفينو بره مصر عشان تعرفوا بتشتروا إيه 😁

عربية نازلة من غير كارتيرة عجل؟؟ والملاك بتفتكس والتوكيل بيتأمر كمان في طريقة التركيب؟! 🤔

إيه عالم سمسم اللي عايشين فيه دا؟! 😏

التلاتة سلندر مقوية قلبهم 🤭
أسعار الأسكوتارات ولعت 😅

كان عندك كام سنة لما عرفت إن حساس الأيرباج في العربية مش مجرد حساس بيحس بالصدمة ويفتح الأيرباج لما الصدمة توصله؟! 😅

✅ الحقيقة إنه Accelerometer بيقيس التسارع والتباطؤ، يعني معدل التغير في سرعة العربية مع الزمن، وكمبيوتر العربية بيحلل الإشارة دي ويحدد إذا كان التصادم يستدعي فتح الأيرباج وشد حزام الأمان ولا لأ 🤯

هل أنت بتختار عربيتك صح؟! 🤔

من أكبر الغلطات اللي ناس كتير بتقع فيها هو إنه يشتري عربية بمنظومة معينة وهو مش عارف هي تناسبه ولا لأ!! 🚗

يعني يكون عايز عربية عائلية ومش بتاع جري وتنطيط ويروح يشتري عربية بفتيس DCT أو بموتور تيربو.

يكون بيحب الجري 🏎️ فيروح يشتري عربية بفتيس CVT و3 سلندر.

يكون بيمشي في زحمة كتير فيشتري عربية مش بس بفتيس DCT لأ كمان وDry 😬

طيب هل شكل وكماليات أو حتى سعر العربية هيخلوك متحسش بمشاكل الحاجات دي مقارنة بإحتياجاتك؟!

الحقيقة لأ.. هتضايق وممكن تعاني كمان ⚠️

البادجت هي أول حاجه بتحرك أي حد أنا فاهم دا، بس لازم تفهم منظومة العربية الأول وتقارنها بإحتياجاتك، والأهم ميكونش نوع الفتيس أو عدد السلندرات أو الأحصنة بالنسبة لك مجرد رقم ممكن يكون أقل أو أكتر بكتير من احتياجاتك 🎯

ومتنساش إن أهم عنصر في منظومة أي عربية هو عنصر الأمان 🛡️، والأمان مش بيتحقق بعدد إيرباجز كتير وخلاص، لأ بيتحقق بفعالية المنظومة دي في الطوارئ 🙂

يا ترى، أنت إخترت عربيتك إزاي؟! 🤔

دايماً كنتوا تقولولي متحكمش على العربيات الصينية قبل ما تجربها 👌

مع إن نوع المحتوى اللي بقدمه بياخد زاوية تاني من تحليل منظومة العربية غير تجربة القيادة ومع ذلك أنا موافق من باب (الميه تكدب الغطاس) 😉

شايفين إيه العربية اللي تستحق التجربة من وجهة نظركم أعملها مراجعة ونبتدي بيها وتكون تهم فئة كبيرة من الناس؟! 🤔

أيهم تفضل إمتلاكها ولماذا؟
⛽️ سيارة بنزين
🔋سيارة كهربائية بالكامل
⚡️هايبرد
🔌 Plugin hybrid
💡Reev

كسر الخواطر أصعب مما تتخيلوا

في مسلسل اسمه طاقة نور فيه شخصية اسمه عبد الحميد، راجل بسيط من الأرياف اتقدم للعمل بالخارجية ومتمش تعيينه وتم تعيين شخص اقل منه علمياً بالواسطة.
الشخص دا لأنه مريض كسر نفسه، قاله انا اتعينت وانت لأ يا فلاح روح اجري على غيط بلدكم.
عبد الحميد يأس ونط في النيل بعد ما ضاع حلمه واتكسرت نفسه

خلال احداث اليومين اللي فاتوا تواصل معايا ناس لو كنت يمكن سعيت اني أعرفهم مكنتش عرفت، منهم شخص محترم مقدم محتوى للسيارات حكالي قصة مشابهة لقصة عبد الحميد، كان لسه في بداية تقديم المحتوى، دخل إنسان لا يقال عنه غير إنه مريض نفسي محتاج لعلاج ودا مش ذم فيه دي حقيقة، قاله انت مبتعرفش تعمل محتوى وفي ما معناه ملكش فيها.

الراجل كان على وشك انه فعلاً ميقدمش محتوى تاني بعد ما حس بإحباط شديد من واحد أصلاً منتشر وليه متابعين كتير بس عشان هو مريض مش عايز حد يتشاف غيره، محدش يتكلم عن العربيات غيره، مع اني لو كنت اتعلمت حاجه من المجال دا فأنا اتعلمت ان كل واحد مهماً كان هبيد، جاهل، ملوش فيها برضه بيكون ليه متابعينه اللي بيحبوه ويدافعوا عنه ومهماً اتقال عليه مش هيصدقوا وهيمجدوا فيه، فكونك تذم في شخص ما دا مش هيخليه يخسر متابعين، دا يمكن يزيدوا

فنصيحة لوجه الله لكل واحد في شغل في مجال ما، بيقدم محتوي، بيتعامل مع ناس، ساعد غيرك وغير غيرة تحسن منك مش تهد من غيرك لانه في الاخر رزق، الفلوس رزق، الشغل، المتابعين، حب الناس كلها أرزاق ومش إستكتارك على حد رزقه مهماً كان هو اللي هيقلله ولا هيزود من رزقك

رفقاً بالنفوس فإنها هشة، وكما قال رسول الله صلى الله عليه وسلم، فلتقل خيراً أو لتصمت