Prophet Sultan

عايزة علاقتك ب جوزك تنجح.!🤗💐❤️

1- نظمى وقتك حسب وقت جوزك، يعنى لو كان بيصحى بدرى اصحى معاه و شوفى طلباته إيه وممكن تكملى نوم بعد ما يخرج للشغل.

2- بيتك لازم يكون نظيف و جميل علشان يحس بالراحة و الاسترخاء فيه، مش عايش في كركبة، كل حاجه لازم تكون جميلة و ف مكانها حتى الريحة تكون جميلة علشان يحب يقضي فيه أجمل وقت بدل ما يخرج بره.

3- لما جوزك يقرب يرجع لازم تكوني خلصتى كل شغل البيت و الأكل جاهز وأنتى غاية في الجمال، ملابس غير بتاعت المطبخ إللى ريحتها أكل و مظبطة نفسك و تستقبليه بأجمل ابتسامة و كوب ماء أو عصير لحد ما الأكل يتحضر على السفرة، و مش عيب أنك تقبليه وتحضنيه أول ما يوصل، دا بيدى شعور بالحب و المودة و الرحمة و بتعلموا أولادكم معنى الألفة و المحبة و بتخلى عند أطفالك شعور سوى يطلع أجيال أسوياء للمجتمع.

4- من وقت للتانى لما يكون زوجك خارج المنزل اطمنى عليه برسالة.

5- دى أهم نقطة الكلام الحلو يا جماعة بيفرق مع أى إنسان خلقه ربنا، محتاجين نقول كلام حلو ف جميع العلاقات بمختلف أنواعها زى ربنا يخليك ليا، وحشتنى، خلى بالك من نفسك، طمنى عليك يا روحى، الدنيا متسواش حاجة من غيرك وهكذا.

6- و دى النقطه الرابحة، عايز تكسبى حب جوزك؟ احترامك لأهله وعائلته و تعاملك الحلو معاهم و تقديرك ليهم، كل ما كانت علاقتك بأهل جوزك حلوة و هادية و خالية من أى مشاكل كل ما هو هيحبك و يحترمك و يشيلك في عينه، و خدى بالك إن احترامك و تقديرك لأهله بيدل على أنك بتحبيه هو و تحترميه هو و بتعملى كل دا علشان خاطرة هو، بمعنى أصح "من أجل عين تكرم ألف عين"

7- إنك تسمعى كلامه و بلاش العند و الصوت العالي، خليكى رقيقه ف تصرفاتك و خلي جوزك يسمع منك كلمة حاضر كتير أوي، كل النقاط دى بسيطة و تقدرى تنجحى بيها حياتك الزوجية.