RAP GEEK

في صباح 25 يونيو 2009…

دخل الدكتور كونراد موري أوضة مايكل جاكسون الساعة 10:40..

بعد ليلة طويلة من الأرق… اداله جرعة البروبوفول بناءا على طلب مايكل.

ولأول مرة من ساعات مايكل نام.

لكن المشكلة إن الدكتور خرج من الأوضة لمدة 82 دقيقة كاملة.

82 دقيقة بيتكلم في التيليفون وبيبعت إيميلات..

في الوقت اللي كان مايكل بيموت فيه..

فلما رجع، لقى مايكل مش بيتنفس.

حاول يعمل إنعاش بطريقة غلط.. وده خلاه يتأخر في طلب الاسعاف.

وفي الساعة 2:26 الظهر المستشفى أعلنت وفاة مايكل.

والقضية اتسجلت "قتل غير متعمد".

الدكتور اتحكم عليه بـ4 سنين لكنه خرج بعد اتنين بس..

مع العلم الطبيب ده اللي كان موظفه هي الشركة اللي مايكل مضى معاها تور ذات إز إت..

والشركة بعد وفاة مايكل عرضت جزء من الكواليس وجمعت منها ارباح 265 مليون دولار من غير ما يصرفوا أي شيء على حفلات وغيره

فالسؤال هنا
إزاي نجم بحجم مايكل جاكسون.. تحت رعاية طبية خاصة.
يموت لوحده لمدة 82 دقيقة كاملة من غير ما حد ياخد باله؟

فهل كان خطأ طبي ولا صفقة الكل استفاد منها حتى سوني وورثة مايكل؟

مايكل جاكسون قبل موته كان مديون بمئات الملايين…

لكن كان عنده حاجة أهم من الفلوس نفسها
وهي نص كتالوج البيتلز.
واحد من أغلى الأصول الموسيقية في التاريخ.

لكن هل امتلاكه ليه كان سبب موته؟

السؤال ده لإن مايكل قال علنًا “سوني بتحاول تدمرني.”

وخاض حرب ضروس بينه وبين سوني ورئيسها توني موتولا..

لكن بعدها بسنين مايكل يموت قبل أول حفلة من الجولة اللي كانت هتسد ديونه كلها.

بعد وفاته التركة باعت الكتالوج اللي حارب عشانه لسوني.

فهل دي مجرد صدفة؟

ولا كان فيه ناس مستفيدة من موت مايكل جاكسون وتشويه صورته؟