Rus performance

الرجالة بتاعت الgac empow الظاهر كده حبوا المكان والشغل اللي بيطلع من المكان 🤣
الشاب العسل اللي في الصوره ده كان جاي يعمل داون بايب بس غير رأيه وقال انا هعمل اجزوست كامل (full exhaust system)
وعملناله السيستم كامل كله فك وتركيب عشان لما يعمل صيانة في التوكيل يبقي كله فك وتركيب من غير اي قطع ،وبعد ماخلصنا عزلنا الداون بايب بالهيت شيلد الاستانلس وكتبناله اسمه ع الديول وبس كده
هنرفعلكم فيديو ليها دلوقتي 😍

شباب ال GAC empow حبوا الداون بايب بتاعتنا ودي تاني داون بايب لنفس الجروب الرايق ده وكمان عملنالهم عليها الهيت شيلد الاستانلس عشان نعزل الحراره عن المكان المحيط بالداون بايب عشان الحراره بتأثر علي الضفيره والقطع البلاستيك الموجوده حوالين الداون بايب وممكن توصلك جوه العربيه
ف كده انت في الامان بالاضافه لديزاين الداون بايب المميزين بيه يعني كده كل تفصيله معموله صح ومظبوطه ١٠٠٪؜ 😍

هنرفعلكم الفيديو دلوقتي

اللي في اول صوره دول يبقو اتنين downpipe بتوع بورش كيان من براند امريكي وماشاء الله عليهم حلوين اوي

واللي في باقي الصور دول يبقوا ٤ downpipe لعربيتين بورش كيان لأتنين صحاب من براند روسي 😂 بس في مدينه السلام عادي .

لو فاكرين يوسف اللي كنا محولين عربيته البومه ال٢،٤ مايفك لتربو كان عايز يعمل داون بايب لعربيته البورش كيان بموتور توين تربو وجابلنا صوره ل اكتر براند غالي بيصنع الداون بايب ليها في امريكا وقالنا انا عايز زي دي بالظبط وتكون نفس الشكل
وقام شادد معاه صاحبه لأنه كان هيتسوح بره في مكان ما ومعاه نفس العربيه وقاله مش انت عايز تعمل داون بايب انا هعملهملك بمعرفتي ، يوسف جيه اتفق معانا وقالي هتطلع زيها بالظبط قولتله اعتبر اللي في الصوره معاك وعملناله ٤ داون بايب مهمتين بكل تفصيله فيهم كبيره وصغيره وكل حاجه محسوبه ومدروسه عشان يطلعوا بالشكل ده وكتبنا اسم كل واحد منهم علي الداون بايب بتاعته ده غير انهم مصنوعين بماتريال قويه جداً تستحمل الموتور ال4000cc توين تربو وكمان في الاخر خالص عملنالهم ستانلس هيت شيلد وبصراحه شكلهم بقي تحفه يتباسو ويتحطوا في النيش 😂
وطبعا انتوا ليكم نظره في شغلنا من زمان ..

وبصراحه ياجماعه علي قد ما الداون بايبس دي تشوفها شكلها بسيط علي قد ماهي صعبه جداً في تصنيعها بس الحمدلله دايما ربنا كارمنا في كل حاجه عشان نقدر نقدم للسوق المصري احلام كل واحد فينا نفسه يعمل احلي حاجه لعربيته
ودايما في ضهركم يارجاله 👏🏻

وزي كل فتره بنرفعلكم بوست مميز اذا كان هيدرز & مانيفولد او اجزوست فشيخ ، وبنصعبها ع الناس اللي بتقلدنا 🤣 عايزين نقول جمله كل بوست مميز ، ( احنا مبنترددش ابداً نرفع كميه الصوره دي بكل تفاصيلها لأننا علي يقين ان اللي بيقلد اخره تقليد ) والسلام عليكم ورحمة الله وبركاته 😍

مصطفي كان عايز حد يعمله داون بايب لعربيته ال Gac empow تكون بنفس شكل الاستوك وبنفس الكيرفات والمقاسات وكمان بنفس شكل مكان التثبيت وبعد لف وتدوير جالنا وعملناله اللي هو عايزه واكتر وبس كده
هنرفعلكم الصوت من غير داون وبعد الداون 😍

صباح الخير، اتأخرنا عليكوا اوي
الراجل العسل اللي ف الصوره ده جالنا بال٤٤٠ القمر دي ماشاء الله بالموتور الB58 ☠️
جايبلها داون بايب من بره وكان عايز يعمل ال catback بالريموت
عملناله طلبه بالظبط زي ماكان عايز بس بالتفاصيل الروسيه والبايبس ماشيه مظبوط ١٠٠٪؜ مع جسم العربيه ودي حاجه مهمه جداً تستاهل نقولها عشان لو فيه اي غلطه في المسار بتسمع أصوات مزعجه طول م انت ماشي وبس كده
هنرفعلكم الفيديو كمان شويه

العربيه دي Audi TT🤩
وعليها مكنه 2.0T
صاحبها رزعها واحد air suspension وجيه رماهلنا ومشي
قالك عيش انت بقي
رفعناها ادينالها واحد داون بايب ٣،٥ انش من اللي بيستحمل كل حاجه ده
مع كات باك ٣ انش من النضيف
مع الريموت عشان كل حاجه بقي
مع البلاك تيب ال٤ انش
وزي ما ف الصور كده كل حته فيها تفصيله
وبس كده دي البدايه بنسخن بيها بس 😍