Aya Al-Rashidi

" إنما القلوب أمانه، تخيّروا لقلوبكم مُستقرّها ومُستودعها "

ده شكله طيب
دى شكلها محترمه اوى
ده شكله أبن ناس
دى شكلها جدعة وأصيله
ده شكله حد لطيف
دى شكلها فرفوشة
حاول تفهم إن مفيش بنى أدم فى الدنيا بيتحكم عليه من شكله مينفعش تبقى بتختار حد المفروض هيكون شريك حياتك وهتعيش معاه فى بيت واحد وتحكم عليه بالبساطة لمجرد انك شوفته دى لازم تتعامل مع الشخص فترة كافية ويحصل مواقف كتير وتشوف فيها ردود الأفعال ولازم تشوف الجانب الدينى والأخلاقى بشكل دقيق جداً وتشوف طبيعة تعاملات الشخص فى مختلف جوانب حياته وطريقة إدارته لحياته ولعلاقاته وتصرفاته فى وقت المشاكل والازمات واتخاذ القرارات عشان تقدر تحكم عليه صح وعشان تبقى داخل على الجواز وأنت مطمن بناء على المواقف وتعاملات كتير اللى حصلت بينكم فبلاش أحكام متسرعه ومفيش حد بيتحكم عليه من شكله

من علامات الصحة النفسية هيا:

القدرة على التخلي لما يكون لابد منه

تعرف أنك لو كرهت شخص بعد ما حبيته تبقى لسه مشاعرك موجودة ناحيته ؟

لأن الكره مشاعر غضب مؤقتة ممكن يزول بزوال الغضب ، لكن الاخطر هو أن يتحول الحب إلى لا مبالاه ، أو بمعنى أدق الشخص اللي كنت بتحبه لو تحول لشىء غير مؤثر في حياتك شىء شفاف كده ، يعني لا بتحبه ولا بتكره ، ولا تصرفاته حتى بتأثر فيك ، حتى سيرته بتمر عليك عادي ، كده أعرف إن قلبك مبقاش يحبه ، ومشاعرك ناحيته ماتت ، وإنه خرج من حياتك بلا رجعه ، أصل الإحساس ده مينفعش بعده يبقى فيه رجوع تاني .

👈 بلاش ترجع للأوحش لمجرد انك مش عارف تصبر للاحسن 👌

أوعى فى يوم تلوم نفسك ب إنك بترفض تدخل أو تكمل فى العلاقات اللى فيها إهانة أو أذى أو قلة إحترام وتقدير
أو قلة أدب أنت صح وأوعى تسمع كلام حد أو تبطل تفكر بالطريقة دى لأنك لو قبلت بغير كده هتخسر كتير اوى واولهم نفسك وهتخسر إحترامك لنفسك ب إنك دخلت نفسك فى حاجه مش شبهك وقبلت تكون فى علاقة غير سوية👌.

أوعى فى وقت ضعفك ترجع للمشاعرك اللى كنت رفضتها بعقلك (لأنك هتندم)

وأنت بتسعى للجواز خلى
بالك إن الراحة اللى أنت حسيتها فى بداية التعارف حلوة بس مش هى الأساس ، الأهم هى الراحة اللى هتحسها من المواقف والتعاملات المتكررة وهى دى اللى تبنى عليها رأيك

مع كل أزمة أو مشكلة هتحصلك هيظهرلك 3 حاجات
1- مدى صدقك فى الاستعانة بالله واللجوء لله
2- مدى قوة تحملك وصبرك الحقيقى
3- مدى صدق الناس معاك