ElNaGaR

💗

لَا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ

من دعاء النبي ﷺ كان: اللهم إني أسألك قرة عين لا تنقطع.

وقرة عين دي معناها إن ربنا يرزق البني آدم بالإستقرار والرضا في كل أمور حياته، في الحلو والمر، وإنه يشوف كل حاجة ربنا كاتبها له هي لطف ورحمة منه سبحانه وتعالى

وده طبعًا بيجيب وراه راحة كبيرة في القلب، وإحساس بالأمان والطمأنينة، لأن العين هي بوابة القلب، فلو العين ارتاحت وهديت للي شايفاه، القلب كمان هيرتاح ويطمن مفيش كلام!

اللهم إنا نسألك قرة عين لا تنقطع، والرضا بكل أقدارك خيرها وشرها، يا رب ارزقنا راحة البال، وعفة النفس، وطمأنينة القلب، وحسن الخاتمة، وارحمنا واغفر لنا يا رب العالمين.🩷🌱

يا أفصح الناطقين الضاد قاطبةً
حديثك الشهد عند الذائق الفهمِ.ﷺ


أحمد شوقي.

أستغفر الله العظيم واتوب إليه.♡

صبــــاح الخـيـر. 🩷
يمكن تنجيني المرات اللِّي قعدت فيها أواسي حد وأطمن قلبه، في نفس الوقت اللِّي كنت أنا فيه دايب في قلقي وخوفي لدرجة الخنقة

يمكن تنجيني المرات اللِّي ما رضيتش أواجه فيها حد بحجم الأذى اللِّي سببهولي، واخترت إني أمشي وأنا بقول يا رب اغفرله اللِّي عمله في حقي، واغفرلي لو كنت قصرت في حقه

يمكن تنجيني المرات اللِّي سمعت فيها كلام وجعني أوي، واخترت إني أكظم غيظي وزعلي، بعد ما قلبي بقى حتت مكسورة صعب تتصلح أو تِلم بسهولة

يمكن تنجيني المرات اللِّي سقف توقعاتي وقع فيها للارض، وكمية الخيبات الصعبة اللِّي عيشتها، ورغم كدا عافرت بكل جهدي علشان ماقطعش الأمل جوايا رغم كل ده

يمكن كل الوجع اللِّي صاب قلبي ده يكون سبب في نجاتي، وترضى عني وترضيني يا رب.