Noha.ElFaham

في زمن بقى فيه الوفا استثناء، والجدعنة مصلحة،
والكلمة ممكن تتباع بأول موقف…

خليك على أصلك.

ما تتغيرش عشان ناس اتغيرت،
ما تبخلش بالخير عشان حد ما قدّروش،
وما تخليش قسوة اللي حواليك تسرق منك أجمل حاجة فيك.

الأصل مش بيتغيّر لما الظروف تتغيّر…
الأصل هو اللي بيفضل فيك لما كل حاجة حواليك تتغيّر.

خليك ابن الأصول، حتى لو الزمن نسي يعني إيه أصول.
خليك إنسان حقيقي، حتى لو الحقيقة بقت نادرة.

وفي زمن تاهت فيه الأصول…
أجمل انتصار إنك تفضل على أصلك
#الاصل #المواقف #الناس #معادن #خواطر

في لحظة معينة في حياتك…
هتعرفي إن مفيش حد هيبنيك غير إنتِ

أوقات كتير بنقف مع نفسنا ونسأل: هو أنا رايحة على فين؟
وهتسألي نفسك سؤال واحد:
هو أنا راضية باللي وصلت له…
ولا لسه جوايا نسخة مستنياها تطلع ؟

اللي محدش بيقولهولِك إن أقوى نسخة منك…
مش بتكون جاهزة و لا متفصله
و لا حتى بناخد مقاسها و نفصلها على مزاجنا

في لحظة معينة في حياتك… هتعرفي إن مفيش حد هيبنيك غير إنتِ و بس ، وإن أكبر هدية تقدري تعمليها لنفسك…
إنك تركّزي طاقتك على اللي جاية مش اللي فات

اللحظة دي بتتبني من الوجع اللي عديتي به، من اللي خسرتيه، من اللي تعلمتيه، ومن كل مرة قومتي نفسك فيها من غير ما حد يحس
النسخة اللي جايّة منك…
هي اللي تستحق التعب، والصبر، والمحاولات اللي محدش يعرف عنها حاجة

هي اللي تستاهل كل فكرة حلوة، كل نية صافية، كل خطوة صغيرة محدش بياخد باله منها غيرك

في مرحلة معينة… هتكتشفي إنك اتغيّرت.
مش فجأة، لكن بالتراكم… خطوة على خطوة، ووجع على وجع، وقيام بعد كل سقوط كتير

النسخة اللي جاية منك…هي موطن راحتك.
هي اللي هتسمعي فيها صوتك أعلى، وقلبك أهدى، وعقلك أوعى

لإن النسخة اللي جاية منك…
مش هتيجي من الراحة، ولا من الناس، ولا من الحظ.
هتيجي من شغلك على نفسك، من احترامك لحدودك، ومن كل مرة قلتي فيها “كفاي
ركّزي طاقتك في اللي جاية…
لإن اللي جاي منك أقوى بكتير من اللي فات.
والدنيا دايمًا بتفتح أبواب جديدة… لما إحنا نبقى مستعدين.

ركّزي طاقتك على نفسك… لأن مفيش حد محتاجها قدّك
#طاقتك #طاقة #طاقةايجابية #حياة #الراحةالنفسية #راحتك #راحتك #فرصة #ذاتك #حدودك #حياتك #نسختك #قلبك