Doaaa Syed
Share
استشاري نفسي وأسري وتعديل سلوك
جامعة عين شمس
دبلوم عام تربوي
دورة تدريبية في الإرشاد النفسي والأسري.
دورة تدريبية في تعديل السلوك.
جلسات نفسية 🧘♀️ | استشارات أسرية 👨👩👧
تعديل سلوك الأطفال والكبار 🌱
معاك لرحلة وعي أعمق وحياة متوازنة 💫
02/07/2026
📦 صندوق الإسعافات النفسية
# # لو بتأجلي كل حاجة؟؟؟
ماتستنيش الحماس.
ابدئي الأول.
الحماس ساعات كتير بييجي بعد البداية، مش قبلها.
إبدأي في ظروف وفي أي حالة.
وحدي لنفسك قاعدة..
بنعمل الصح حتى لو مش قادرين ومش عايزين ومالناش نفس
اعمليها لمدة ٥ دقايق بس.
في الغالب هتكملي لوحدك.
#كبسولةنفسية
01/07/2026
📦 صندوق الإسعافات النفسية
# # لو حاسة إنك فاشلة؟؟؟
اهدَي شوية.
أنتِ مش فاشلة.
ممكن تكوني مرهقة، أو التوفيق ماحالفكيش المرة دي،
بس الأكيد إنك لو إستسلمتي لإحساس الفشل دا عمرك ماهتدوق النجاح
خدي بالك..........
الفشل موقف بنمر بيه.
إنما هوية الإنسان أكبر بكتير من نتيجة أو تجربة.
#كبسولةنفسية
30/06/2026
📦 صندوق الإسعافات النفسية
#لو بتقارني نفسك بالناس؟؟
إنتِ مش متأخرة.
إنتِ ماشية في طريق مختلف.
ماشية في طريقك إنتي، قدرك إنتي..
حياتنا مش واحدة ولا خبراتنا واحدة ولا أرزاقنا واحدة.
السوشيال ميديا بتورينا جزء صغير جدًا من حياة الناس، مش حياتهم الحقيقية.
قارني نفسك بنفسك من شهر فات أو سنة فاتت.
دي المقارنة الوحيدة اللي تستحق.
#كبسولةنفسية
29/06/2026
📦 صندوق الإسعافات النفسية
# # لو حد جرحك بكلامه؟؟؟
مش كل كلام بيتقال عنك بيعبر عن حقيقتك.
أوقات كتير بيعبر عن الشخص اللي قاله.
خدي نفس واسألي نفسك:
هل الكلام ده حقيقي فعلًا؟
لو الإجابة لأ...
ماتسمحيش لكلمة واحدة تهز صورتك عن نفسك.
ملحوظة🧐
لو الكلام وجعك ممكن يكون لمس جرح قديم
حاولي تداوي الجرح القديم دا عشان تبقى اقوي ومش كل كلمة تأثر في نفسيتك
#كبسولةنفسية
28/06/2026
📦 صندوق الإسعافات النفسية🚑
# # لو فقدتي الشغف؟؟؟
ماتقلقيش.
فقدان الشغف مش معناه إنك فشلتي.
ممكن يكون جسمك وعقلك محتاجين راحة.
ماتجبريش نفسك ترجعي زي الأول في يوم واحد.
ابدئي بخطوات صغيرة جدًا.
الشغف بيرجع بالتدريج، مش بالضغط على النفس.
#كبسولةنفسية
27/06/2026
📦 صندوق الإسعافات النفسية
# #لو عندك ضغط ومش قادرة تكملي يومك؟؟؟
متبصيش على كل اللي وراكي.
ركزي بس على الخطوة اللي قدامك.
اعملي قاعدة بسيطة:
❌ مش كل حاجة مهمة.
❌ مش كل حاجة مستعجلة.
❌ مش كل حاجة لازم تتعمل النهارده.
رتبي أولولياتك واعملي مهمة واحدة بس، وبعدها اللي بعدها.
🚨وإفتكري
إن إنتي مش في سباق مين يلحق يخلص الأول،، راحتك الجسدية وسلامك النفسي أهم من كل شيء.
#كبسولةنفسية
26/06/2026
📦 صندوق الإسعافات النفسية🚑
# # لو حاسة بالذنب؟؟
مش كل مرة تقولي فيها "لأ" تبقي إنسانة وحشة.
ومش كل مرة تختاري نفسك تبقي أنانية.
إنتِ ليكي حق ترتاحي.
ليكي حق تحطي حدود.
ليكي حق ماتحمليش كل حاجة لوحدك.
الذنب مش دايمًا معناه إنك غلط.
#كبسولةنفسية
16/04/2026
TikTok · Doaa Syed💊كبسولةنفسية شاهد الفيديو الذي أنشأه Doaa Syed💊كبسولةنفسية.
Click here to claim your Sponsored Listing.
Category
Website
Address
Cairo
Opening Hours
| Monday | 9am - 3pm |
| Tuesday | 9am - 3pm |
| Wednesday | 9am - 3pm |
| Thursday | 9am - 3pm |
| Sunday | 9am - 5pm |