EQUAS

تفكير مهندسين الجودة وسلامة الغذاء المغتربين في السكن كل يوم 😅💔

" هناك أخطاء لا يمكن إصلاحها إلا بصعوبة "

لما تبص على أو بند من بنود ال PRP'S في المواصفة القياسية ISO 22002-X هتلاقي أول بند في التطبيق العملي هو البند الرابع :
Construction and Layout building
وبعده علطول البند الخامس
Design and Layout of facilities and work Space

دول اللي بيتبني عليه كافة نظام سلامة الغذاء بعد كده ودول الغلطة فيهم حرفيا ... بمبلغ وقدره !

تخيل تكتشف ان الأسطح الملامسة للغذاء في ماكينة التعبئة بتصدي دا معناه = فشل ذريع في تطبيق مبادئ سلامة الغذاء وعيب كبير في خطة الهاسب اللي هي أصلا بتقولك طبق ال PRP الأول!

أو تلاقي مفيش ميول في الأرضية، فمياه التنظيف بتركن في احزاء متفرقة من الصالة = هدر كبير جدا لمواد التنظيف والمياه ووقت كبير جدا في التنظيف وتجفيف المياه !

مفيش عدد دورات مياه كفاية = مشاكل في نظام التنظيف والتعقيم، ومفيش مكان يابشمهندس اغسل فيه ايدي ، ولقيت الاحواض زحمة !

عدم وجود مساحة كافية في المخازن = بتسبب مشاكل في نظام ال FEFO ومشاكل في فصل المواد الخام بعضها عن بعض وعن مواد التعبئة والكيماويات

تصميم المباني بطريقة غير عملية للصناعة = هتلاقي السقف بينقط ميا وبيلم اتربة وتضطر تنضف كل شويا

في المقابل فإن أي حاجة بعيداً عن المباني يمكن إصلاحها تقريبا بالتدريب و دعم كافي من الإدارة العليا

وهي دي Cost of Poor Quality ✨

EQUAS
Quality Assured safety secured

من دستور إيكواس للتدريب المهني والاستشارات
أي زميل بيحضر معانا كورس معين له مطلق الحريه في التواصل معنا عبر اي وسيلة تواصل "واتساب، فون كول، زوم ميتنج، شات" لمناقشة اي معلومه تخص الكورس اللي اخده سواء في فترة الكورس أو في وقت غير فترة الكورس ولينا مبدأ في ده.

تخيل مثلا تتعلم معلومه معينه وتروح لمكان عملك تناقش أفكارك مع زملاء، مديرين، مشرفين، استشاريين، مفتشين،، وحابب ترجع تناقش معانا مره تانيه احنا ع الرحب والسعة بل بالعكس بنسعد بده جدا وده بيحصل في العادي بفضل الله.

حضرتك وقت الكورس ممكن تكون أفكارك لسه مش واضحه اوي، إحنا بنشتغل ع توسيع مدارك الفكر، بننقلك خبرة التعامل مع البنود، أو طرق ومنهجيات التدريب المختلفه، ف وارد تجيلك فكره معينه خارج إطار فترات الكورس وده شئ طبيعي، فحضرتك تتواصل معنا ع جروب الكورس نفسه وتقول سؤالك ونجتهد كده ونبقي شاطرين كلنا 🎖️

اهلا بكم في عالم الجودة وسلامة الغذاء

EQUAS
Quality Assured safety secured

بتضيّع وقت ومواد خام في Trials عشوائية؟ 🧪

أغلب مشاكل تطوير المنتجات مش في المعمل.. المشكلة إننا بنبدأ من غير Plan واضحة.

يوم الأحد 28 سبتمبر، الساعة 8 مساءً، سيشن مجانية Live هنمشي فيها على رحلة تطوير المنتج خطوة بخطوة: من الـ Product Brief لحد الـ Scale-up على خط الإنتاج.

هتخرج منها عارف:
• إزاي تخطط أول Trial صح من غير هدر
• إيه الـ TPP وليه بيوفّر نص مجهود التجارب
• الأخطاء الشائعة اللي بتهد ميزانيات مصانع كاملة

السيشن مجانية تماماً.. سجّل مكانك من هنا 👇
https://docs.google.com/forms/d/e/1FAIpQLSdM1vKCtuDnEUeZ81j5Iw5bfORjLrcurWiG9CAqXLa1nX3Bhg/viewform

الهامستر يجري في كل مكان وفي كل وقت 😂😂🎖️

يا تري الشركات هتعمل ايه وفرق الجودة احتا شايفين انهم أكتر ناس في الكوكب المفروض تفرح بالاصدار الجديد ده 🎖️

الجودة بلا أخلاق… لا تساوي شيئًا.
ممكن يبقى عندك ISO، وإجراءات، وملفات، وشهادات…
وممكن كمان كل حاجة على الورق تبان تمام التمام.
بس السؤال الحقيقي:
اللي مكتوب ده حصل فعلًا؟ ولا إحنا بس بنظبط الورق؟
الممارسات غير الأخلاقية في الجودة ممكن تبقى حاجات زي:
تمضي على سجل إن الشغل اتعمل، وهو أصلًا ما اتعملش.
تعدّل في البيانات بدل ما تدور على سبب المشكلة.
تخبي NCR عشان الـ KPI يطلع حلو.
تقفل CAPA عشان تقفل في السيستم، مش عشان المشكلة اتحلت.
تعمل إجراء مكتوب تحفة، وفي أرض الواقع محدش بيمشي عليه.
تتجاهل نتيجة مش مقبولة وتقول: "دي مرة ومش هتتكرر."
تضغط على الـ QA إنه يعدّي حاجة هو مش مقتنع بيها.
تعمل Audit عشان تطلع بأقل عدد ملاحظات، مش عشان تعرف الحقيقة.
تكمل بيانات ناقصة بأثر رجعي وكأنها اتسجلت وقت حدوثها.
تزور شهادة مطابقة أو شهادة اعتماد.
تغيّر أو تزور نتائج تحليل عشان المنتج يعدّي.
تستخدم شهادة أو تقرير لجهة اعتماد/معمل بشكل غير صحيح أو توهم العميل إن المنتج أو الشركة واخدة اعتماد وهي مش واخداه.
وهنا الموضوع مبقاش Quality Issue بس.
ده بقى موضوع أمانة ومسؤولية.
لأن في الآخر، ورا كل رقم في تقرير تحليل،
وورا كل توقيع على سجل،
وورا كل شهادة مطابقة،
في منتج ممكن يوصل لإنسان.
الجودة الحقيقية بتبان لما يكون عندك مشكلة وتقول:
"آه، حصلت… ودي الحقيقة."
مش لما نخلي الورق شكله حلو.
الجودة مش إن الـ Audit يعدّي.
الجودة إن اللي بنقوله للـ Auditor هو فعلًا اللي بيحصل.
مش إن الـ KPI يطلع أخضر.
المهم إن المشكلة نفسها تكون اتحلت.
ومش إن عندك شهادة معلقة على الحيطة.
المهم إن السلوك اللي ورا الشهادة يستحقها.

لأن الشهادة ممكن تتزور…لكن المسؤولية عن قرارك مش بتتزوّر.
Quality starts with mindset.
EQUAS — Quality Assured, Safety Secured

الحمد لله بدأنا راوند ال FSSC V7 والي هتكون ان شاء الله ٦٠ ساعه تدريبيه كامله، بنحاول ع قد ما نقدر ننقل الخبرات ونبسط المفاهيم بطريقه سهله جدا ونخلي المهندس مش مستصعب اي مصطلح أو أي بند.

هنقدر ان شاء الله نخرج مهندسين فاهمين ومتخصصين 💯

مثال عملي ومحاكاه لما يحدث داخل التفتيشات، وكمان لو انت هتشتغل startup والا رايح ع شركة هيا بالفعل شغاله ده بيفرق مع المتدرب علشان هوا عايز يعرف هوا هيبتدي ازاي وهيعرف يطبق ازاي برده.

الحمد لله ع جميل رزقه وعفوه، ونردد دائما دعاء القرآن اللهم زدنا علما ونفع بنا وبكم 🎖️

EQUAS
Quality Assured safety secured

هوا كل شوية أبديت والا ايه ما كفايه يا جماعه مش عارفين نذاكر اللي معانا الأول 😂😂😂 💔