PrimingAba
Share
Contact information, map and directions, contact form, opening hours, services, ratings, photos, videos and announcements from PrimingAba, Digital creator, Cairo.
ممارس سلوك تنظيمي OBM-P
Approved content provider Qaba-IBAO مقدم محتوى معتمد بورد دولي لتحليل السلوك التطبيقي
Masters Candidate GFU
محلل سلوك دولي IBA
مشرف سلوكي معتمد Qasp-s
فني سلوكي معتمد RBT
19/09/2026
**بعد واقعة ضرب الأخصائية لطفل داخل الجلسة… لازم نتكلم عن المشكلة الحقيقية.**
لأن السؤال مش بس:
**"إزاي الأخصائية عملت كده؟"**
السؤال الأخطر هو:
**"مين سمح لشخص غير مؤهل بشكل كافٍ إنه يكون مسؤولًا عن طفل من الأساس؟"**
إحنا عندنا مشكلة في منظومة كاملة:
مركز عايز يوفر في المرتبات،
فيجيب **حديث تخرج بأقل تكلفة**.
أهل شايفين إن "أخذ كورس ABA" كفاية،
ومش بيسألوا عن التدريب العملي أو الإشراف.
مكان يكتب في الإعلان:
**"مطلوب أخصائي… الخبرة مش شرط."**
وبعدها يحط شخص لسه بيتعلم في جلسة طفل،
ويعتبر إن أي خطأ ممكن يتصلح بالتجربة.
**لا. مش كل حاجة ينفع نتعلمها وإحنا بنتعامل مع طفل.**
حديث التخرج مش مشكلة.
وإن الشخص يبدأ حياته المهنية مش مشكلة.
**المشكلة إنك تحط شخص لسه بيتعلم في موقف يتطلب كفاءة، من غير تدريب فعلي، ومن غير إشراف، ومن غير رقابة.**
والأغرب؟
إن أحيانًا الأخصائي اللي عنده سنين من الخبرة والتدريب الحقيقي يتم تجاهله،
لمجرد إن شخصًا آخر **مستعد يشتغل بأقل.**
فنختار الأرخص بدل الأكفأ.
ثم نستغرب عندما تظهر ممارسات غير مهنية.
وفي المقابل، بعض المراكز لا تملك أصلًا نظامًا حقيقيًا لتقييم كفاءة الأخصائيين:
❌ لا تقييم مهارات عملي.
❌ لا تدريب كافٍ قبل التعامل المستقل.
❌ لا إشراف مهني فعلي.
❌ لا متابعة مستمرة.
❌ لا محاسبة واضحة.
**مجرد شهادة على الحائط… وطفل داخل الجلسة.**
وهنا لازم نقولها بوضوح:
**الشهادة مش كفاءة.
والكورس مش تدريب.
والخبرة مش عدد السنين فقط.
والجلسة مش مكان للتجربة والخطأ.**
الطفل له حق في خدمة آمنة، محترمة، ومبنية على كفاءة حقيقية.
ولو عايزين نمنع تكرار مثل هذه الوقائع،
فمش كفاية نلوم الشخص بعد وقوع الكارثة.
**لازم نسأل عن المركز.
عن نظام التوظيف.
عن التدريب.
عن الإشراف.
عن الرقابة.
وعن المعايير اللي بنختار على أساسها مين يتعامل مع أطفالنا.**
لأن في النهاية…
**لما يكون توفير شوية فلوس أهم من كفاءة الشخص اللي ماسك الجلسة،
اللي بيدفع الثمن مش المركز.**
**الطفل هو اللي بيدفع الثمن.**
18/09/2026
تحية خاصة لأحدث المتابعين لي! يسرني انضمامك! Nana Elsayed Salman, Salma Yasser Abdul Hakim, Ebrahem Rashwan, Amal El Habashy
18/09/2026
سلسلة جديدة من سلسلة تحليل السلوك التطبيقي في الحياة اليومية
أنا بعاقبه عشان يتعلم "
السؤال الأهم:
اتعلم إيه؟
إن السلوك غير مقبول؟
ولا اتعلم يخبيه؟
ولا اتعلم يخاف من الشخص؟
في تحليل السلوك، الهدف مش مجرد إيقاف السلوك.
16/09/2026
سلسة جديدة من سلسلة تحليل السلوك التطبيقي في الحياة اليومية
"كل ما أزعق… بيسكت."
ممكن تكون شايف إنك نجحت.
لكن اسأل نفسك:
هل أنت علمته إن الصراخ هو أسرع طريقة لإنهاء الموقف؟
أحيانًا النتيجة اللي بنحصل عليها لحظيًا…
بتكون هي اللي بتقوي المشكلة على المدى
لمزيد من الحلقات
تابعنا على قنواتنا المجانية
https://whatsapp.com/channel/0029VaxmnYK4IBhGKDAGx62i
يوتوب
https://youtube.com/?si=EOOAv134K7JThDxO
15/09/2026
تايه في مذاكرة ABAT ومش عارف تبدأ منين؟ 🤯
متفتحش كل المصادر مرة واحدة… واعمل الآتي:
🔹 1. اعرف الـ Task List الأول
خليه الخريطة اللي تمشي عليها، مش المذاكرة العشوائية.
🔹 2. قسم المنهج لموضوعات صغيرة
كل يوم Topic أو جزء محدد بدل ما تقول: "هخلص ABA النهارده!" 😅
🔹 3. افهم المصطلح قبل ما تحفظ تعريفه
خصوصًا:
Reinforcement – Punishment – Prompting – Shaping – FBA – Data Collection
🔹 4. اربط كل مفهوم بموقف عملي
اسأل نفسك:
"لو حصل ده مع طفل… أنا هعمل إيه؟ وليه؟"
🔹 5. اتدرب على الأسئلة بعد كل Topic
مش تستنى تخلص المنهج كله وبعدين تبدأ أسئلة.
🔹 6. اعمل Error Log
كل سؤال غلطت فيه اكتبه، والأهم: ليه إجابتك كانت غلط؟
🔹 7. متقيسش استعدادك بعدد الساعات
قيسه بقدرتك على فهم السيناريو واختيار التصرف الصحيح.
🎯 الهدف مش إنك تحفظ ABAT… الهدف إنك تفكر بطريقة ABA.
ولو أنت تايه، ابدأ بـ خريطة مذاكرة + تقسيم المنهج + أسئلة تطبيقية بدل ما تزود عدد المصادر.
افتكر ان قناتنا بتنزل كل يوم اسئلة عربي وانجليزي للتدريب على الاسئلة
https://whatsapp.com/channel/0029VaxmnYK4IBhGKDAGx62i
14/09/2026
شكرًا لكونك أحد أبرز المتفاعلين ودخولك إلى قائمة التفاعلات الأسبوعية الخاصة بي! 🎉 Hala Ahmed, Habiba Morsi, أسماء السباعي, Mark Leon
14/09/2026
IBA Candidates… معلومة مهمة!
بعد اجتياز اختبار IBA والحصول على الاعتماد، تحتاج إلى Mentor/Supervisor خلال أول دورة تجديد فقط.
🔹 أول دورة تجديد = سنتان
🔹 الإشراف المطلوب = 12 شهرًا خلال السنتين
🔹 الـ12 شهرًا مش لازم يكونوا متتاليين
🔹 ممكن يكون لديك أكثر من Mentor
🔹 الحد الأقصى للتسجيل = ساعتان شهريًا
🔹 ممكن Online أو In-person
🔹 الساعتان ممكن تكون Meeting واحد أو أكثر
🎯 يعني ببساطة: 12 شهر إشراف خلال أول سنتين، بحد أقصى ساعتين شهر
لو أول مرة تتابعنا اشترك ي قنواتنا المجانية تماما واتس اب
https://whatsapp.com/channel/0029VaxmnYK4IBhGKDAGx62i/612
يوتوب
https://youtube.com/?si=4cVtN5bFUJ-9jqIM
13/09/2026
سلسلة جديدة من سلسلة تحليل السلوك التطبيقي في الحياة اليومية
*معاه بيسمع الكلام!
نفس الطفل.
نفس الشخص.
لكن مع شخص يستجيب، ومع شخص آخر يرفض.
ليه؟
لأن البيئة مختلفة.
طريقة الطلب مختلفة.
والنتائج اللي بتحصل بعد السلوك مختلفة.
12/09/2026
هو لازم كل واحد اشتغل مع أطفال التوحد… يبقى متخصص توحد! 👀
ومش كل حد اشتغل مع طفل عنده صعوبة تعلم… يبقى متخصص صعوبات تعلم.
طيب إزاي تعرف أنت المفروض تتخصص في إيه؟
ومتقوليش: "أنا مش عارف ميولي!"
لأن الميول مش دايمًا بتظهر وإنت قاعد تفكر فيها…
أحيانًا لازم تجرب عشان تكتشفها.
طيب أبدأ إزاي بطريقة عملية؟ 👇
1️⃣ جرّب قبل ما تتخصص.
احضر محاضرات وورش قصيرة في أكتر من مجال:
توحد – ABA – صعوبات تعلم – إعاقة عقلية – تخاطب – موهوبين.
2️⃣ راقب نفسك أثناء التجربة.
اسأل نفسك بعد كل تجربة:
هل كنت مستمتع؟
هل الوقت عدى بسرعة؟
هل كنت عايز أقرأ وأعرف أكتر من نفسي؟
ولا كنت مستني التجربة تخلص؟ 😅
3️⃣ جرّب التطبيق، مش الدراسة بس.
ممكن تحب دراسة التوحد… لكن متحبش طبيعة العمل اليومية معه.
وممكن تكتشف إنك تستمتع جدًا بتحليل البيانات ووضع خطط التدخل.
4️⃣ اشتغل أو تطوع لفترة قصيرة في أكثر من مجال لو الفرصة متاحة.
التجربة الحقيقية أصدق من أي اختبار ميول.
5️⃣ اعمل جدول بسيط لنفسك.
قيّم كل مجال من 5 في:
❤️ الاستمتاع
🧠 الفضول والرغبة في التعلم
💪 قدرتك على تحمل طبيعة العمل
📚 استعدادك للتعمق فيه
🎯 إحساسك إنك ممكن تتميز فيه
وبعدها شوف…
أي مجال أخذ أعلى مجموع؟
هنا تبدأ تستثمر بجد.
لأن اختيار التخصص مش معناه إنك تختار اسم كبير تحطه جنب اسمك.
التخصص الحقيقي هو إنك تختار مجالًا… ثم تبني فيه معرفة وممارسة وخبرة عميقة.
فماتسألش بس:
"إيه المجال المطلوب؟"
اسأل كمان:
"إيه المجال اللي لما أتعلم عنه… أحب أتعلم عنه أكتر؟"
لأن أحيانًا ميولك مش حاجة هتكتشفها فجأة…
هي حاجة هتبنيها من خلال التجربة
11/09/2026
الطفل بيحبني ..اذن الاقتران نجح." ❌
مش بالضرورة.
في تحليل السلوك التطبيقي، نجاح الـ Pairing مش بيتقاس بابتسامة الطفل، أو إنه بقى متقبل وجودك، أو حتى إنه بياخد منك حاجة.
المعيار الحقيقي هو:
هل وجودك وتفاعلك مع الطفل بدأ يكتسب قيمة تعزيزية بالنسبة له؟
وده يظهر من خلال تغيّر سلوكي يمكن ملاحظته وقياسه، مثل:
• الطفل يبدأ يقترب منك من تلقاء نفسه.
• يبادر بالتفاعل معك دون prompting.
• يختارك أو يعود إليك رغم وجود بدائل أخرى.
• يسلمك أشياء أو يطلب مشاركتك في نشاط.
• يستمر في التفاعل معك حتى بدون وجود المعزز الفوري.
• تقل سلوكيات الهروب أو التجنب المرتبطة بوجودك.
هنا نبدأ نتكلم عن Pairing له معنى سلوكي حقيقي.
لأن الهدف مش إن الطفل "يتقبلني."
الهدف إن وجودي أنا والتفاعل معي يصبحان جزءًا من البيئة التي تحمل reinforcing value للطفل.
والأهم؟
Pairing مش خطوة بنعملها مرة ونخلص.
هو عملية مستمرة، ديناميكية، ويفضل تقييمها بناءً على observable and measurable behavior change، مش على الانطباعات الشخصية.
فالمرة الجاية قبل ما تقول:
"الطفل حبني… يبقى أنا عملت Pairing كويس."
اسأل نفسك:
"إيه السلوك القابل للملاحظة والقياس اللي بيقول إن الـ Pairing نجح؟
لمزيد من الموصوعات تابعنا على صفحاتنا وقنواتنا
https://chat.whatsapp.com/Gmi4FtOezlW7bbBJlGJH5P
Click here to claim your Sponsored Listing.
Category
Contact the university
Website
Address
Cairo
Alerts
Be the first to know and let us send you an email when PrimingAba posts news and promotions. Your email address will not be used for any other purpose, and you can unsubscribe at any time.