Delta Pharma Vet

ارتفاع الحرارة والرطوبة بيهيئوا ظروف مناسبة لتكاثر وانتشار عدد من الحشرات والناقلات داخل المزارع
الذباب ممكن ينقل الميكروبات ميكانيكيًا من الروث والإفرازات والمخلفات إلى العلف والمياه والأسطح، وده يزيد فرص انتشار العدوى داخل القطيع.
أما البعوض والقراد، فبعض الأنواع منها ممكن تعمل كناقلات حيوية لمسببات مرضية، وتنقلها من حيوان لآخر أثناء التغذية.
عشان كده مهم التركيز على:
✔️ التخلص المستمر من الروث والمخلفات
✔️ منع تجمع المياه ومصادر الرطوبة
✔️ الحفاظ على جفاف الفرشة وتقليل أماكن تكاثر الحشرات
✔️ تطبيق برنامج منتظم لمكافحة الحشرات ومتابعة كثافتها
📌 تقليل أعداد الحشرات داخل المزرعة جزء أساسي من تقليل فرص انتقال العدوى

أكبر غلطة في علاج الفاشيولا... إنك تفتكر إن اختفاء الأعراض معناه انتهاء الإصابة
في الحقيقة، الفاشيولا بتقضي جزء من دورة حياتها وهي بتهاجر داخل أنسجة الكبد، والجزء ده هو اللي بيسبب تلف مستمر، حتى قبل ما تستقر
علشان كده، العلاج الناجح مش هدفه التخلص من الطفيل الموجود دلوقتي بس… لكن السيطرة على الإصابة في مراحلها المختلفة
وده اللي بيقدمه فاشيودل 34% ، بفاعلية ضد:
✔ الفاشيولا البالغة وغير البالغة
✔ وكمان الديدان الماصة للدم
📌 لأن السيطرة المبكرة على الطفيليات تعني حماية أفضل للكبد، واستفادة أعلى من التغذية، وأداء إنتاجي أكثر استقرارًا
- يُستخدم تحت إشراف الطبيب البيطري
- للاستفسارات وطلب المستحضر من الوكيل الحصري والوحيد " شركة بولارج للأدوية البيطرية Poularge" من خلال الإتصال على الأرقام في أول تعليق
#فاشيودل

مش كل إسهال في المزرعة سببه علف أو مياه…
في أوقات كتير بيكون بداية خسارة كبيرة اسمها “الكوكسيديا”
المشكلة إن الطفيل ده مش بيبان بسرعة، لكنه بيشتغل على جدار الأمعاء بهدوء…يعمل تآكل في الخلايا المسؤولة عن الامتصاص، فـ العلف اللي بتدفع فيه فلوس ما بيتحولش لوزن أو إنتاج
وهنا المربي يبدأ يلاحظ:
القطيع بيأكل… لكن مش بيكبر
استهلاك العلف عالي… بس مفيش نتيجة
وفي مراحل متقدمة يظهر إسهال مدمم
الخطورة الحقيقية إن الإصابة بتكبر جدًا مع الرطوبة وسوء الفرشة، لأن البيئة نفسها بتساعد الطفيل يكمل دورة حياته وينتشر في القطيع كله
علشان كده التعامل الصح مش بيكون بعد المشكلة… لكن قبلها:
لازم تفضل الفرشة جافة
تراقب أي تغيير في شكل الفضلات
وتتحرك بدري قبل ما الإصابة تتحول لخسارة جماعية

⭕مش كل سعال في العجول معناه عدوى أو برد
في حالات كتير بيكون السبب الحقيقي هو التعرّض المستمر لغبار العلف أو ارتفاع نسبة الأمونيا داخل الحظيرة
خصوصًا مع ضعف التهوية وزيادة الرطوبة
لأن استنشاقهم بشكل مستمربيسبب تهيج والتهاب في الأغشية المبطنة للجهاز التنفسي
وده يقلل كفاءة الرئة ويضعف قدرة الحيوان على مقاومة العدوى
ومع الوقت تبدأ تظهر أعراض زي:
● كحة متكررة
● إفرازات تنفسية
● ضعف شهية
● وتراجع في معدل النمو
علشان كده في بعض الحالات تحسين التهوية وتقليل تركيز الأمونيا داخل الحظيرة بيكون سبب في نجاتهم وتحسين إنتاجيتهم

الطفيليات من أكبر أسباب تراجع صحة وإنتاج الحيوانات، وعلشان كده لازم تعتمد على منتج واسع المدى بفعالية قوية للقضاء عليهم
وده دور دلمكتين سوبر
بتركيبة الإيفرمكتين والكلورسولون فـ يساعد على:
✔ مكافحة الديدان المعوية والرئوية
✔ تقديم فعالية قوية ضد الديدان الكبدية
✔ السيطرة على الجرب والقمل والقراد
✔ دعم صحة وإنتاج الحيوان بكفاءة
💉 الجرعة:
1 مل / 50 كجم وزن حي تحت الجلد
يُستخدم تحت إشراف الطبيب البيطري
📌 لطلب المستحضر ابعتلنا بياناتك على رسائل الصفحة وهنوضحلك المندوب التابع لمحافظتك

مش كل التهاب رئوي سببه ميكروب قوي
أوقات ضعف المناعة الناتج عن الإجهاد الحراري أو النقل
هو اللي بيفتح الباب للعدوى التنفسية
لأن الإجهاد بيضعف كفاءة الجهاز المناعي فالميكروبات الطبيعية الموجودة في البيئة تتحول لمسبب مرضي يهاجم الرئة بسرعة
وده يفسر ليه بعض الإصابات التنفسية
بتظهر مباشرة بعد النقل أو التكدس أو موجات الحر
علشان كده تقليل الإجهاد داخل القطيع
جزء أساسي من الوقاية من الأمراض التنفسية

💡 أول غلطة في التعامل مع حمى الـ3 أيام إنك تعتبرها "مجرد حرارة"
لأن اللي بيرفع حجم الخسائر مش الفيروس نفسه...
لكن الألم الشديد الناتج عن التهاب العضلات والمفاصل
لما الحيوان يتألم:
- حركته تقل
- استهلاكه للمادة الجافة والمياة تقل
- يبدأ إنتاج اللبن ينخفض بسرعة
⚠️ ومع طول فترة الرقود تزيد فرص حدوث إصابات عضلية، وقرح الرقود، وحتى الالتهاب الرئوي في بعض الحالات
عشان كده، التعامل الصحيح مع الحالة لازم يتم من خلال:
✅ السيطرة على الألم والالتهاب في أسرع وقت
✅ الحفاظ على الترطيب وتصحيح اضطراب الأملاح
✅ تشجيع الحيوان على الوقوف والحركة مبكرًا للحد من المضاعفات
✅ متابعة الحالات الراقدة باستمرار لمنع الإصابات الثانوية
📌 في حمى الـ3 أيام... سرعة السيطرة على الألم غالبًا هي اللي بتحدد سرعة رجوع الحيوان للأكل والإنتاج، مش مجرد نزول الحرارة واستشارة الطبيب البيطري من أول ظهور الأعراض هي أول خطوة في العلاج الصحيح

اتباعك لأنظمة الأمن الحيوي
وتطهيرك للمزرعة أول بأول
واستخدامك لاميدودل بيوقف طفيليات الدم عن إصابة قطيعك

لأن اميدودل 18.2% مضاد قوي لطفيليات الدم بمدة حماية 30 يوم
بتركيبة قوية وتركيز أعلى مقارناً بأي مضاد طفيليات في السوق

- الاستخدام تحت إشراف الطبيب البيطري

📌 لطلب المستحضر من الوكيل الحصري شركة نيوفيت سنتر " د.حاتم عطية " يرجى التواصل مع الأرقام التالية : 01094060092 -01001687729

#اميدودل

مش كل حالة عرج سببها إصابة في الرجل !!
أوقات المشكلة الحقيقية بتكون حموضة كرش
خصوصًا مع زيادة الحبوب وقلة الألياف في الصيف
لأن اضطراب الكرش بيأثر على الدورة الدموية داخل الحافر
وده يسبب التهابات وألم وصعوبة حركة ❌
علشان كده أي عرج متكرر داخل القطيع
لازم يخليك تراجع التغذية قبل ما تركز على المفاصل نفسها 👀