Cairo Confessions

225981
: Follow us on
Mood:😔
Female, 18 confesses:
"كان نفسي اخش طب حتى لو ضيعت عمري كله عليها مكانش عندي مشكلة ممكن الي بيتعلق بحاجه فعلا وبيعوزها مش بيوصلها وخلاص؟
لا هقدر اخش اهلي وخاص ولا جبت المجموع مع اني كنت قريبة جدا
ودخلت علاج طبيعي ولا قادره احب الكلية ولا اتقبلها كشغل كل يوم بشوف الكلية بحس قلبي بيتعصر من جوا كل مرة بشوف دكاترة مبفكرش غير ان قد ايه كان نفسي في ده
حاسه اني مبقتش قادره استحمل من يوم النتيجة مبطلتش عياط
وهل هبطل في الاخر عشان اتخطيت فعلا ولا بعد رحلة اقناع في نفسي عشان مرجعش ازعل على نفسي واحس ان لا انا عمري ما عوزتها بس لمجرد اني مقدرتش اوصلها؟
نفسي ابطل عياط عليها"

225978
: Follow us on
Mood:😔
Female, 23 confesses:
"انا ابويا اكتر شخص منتقد في الحياة اقسم بالله انا متاكده ان مغيش حد بينتقد حد بالطريقة دي اكتر منه هو بجد مش ممكن و انا الموضوع ده كنت بطنشه بس خلااااص وصلت لمرحلة مش قادرة بجد فعلا مش قادرة كل واحد و طاقتة! بيعلق علي حاجات تافهه و بينتقد علي حاجات عيل صغير مينتقدش حد عليها حاجات اصلا بقعد افكر ان ازاي حد كبير كدا بياخد باله منها الموضوع جاي عليا اوي اخر شهر ده لما اكتشفت انه بينتقد لمجرد الانتقاد بيدور حرفيا علي الحاجة عشان يتخانق و ينتقد عليها و لما قعدت افكر كدا هو طول عمرة كدا دي مش حاجة جديدة الي جاي علي نفسيتي اوي نو اني لما افتكرت كدا حياتي كلها انا عمري في حياتي والله ما افتكر انه قالي كلمة حلوه علي شخصيتي يعني ماشي بيديني فلوس و بيصرف بصراحة بس انا عمري ما سمعت منه كلمة انتي ذكية بالعكس كان لما يقابل صحابي يجاملهم لدرجة مرة قبل كدا وانا صغيرة واحدة صاحبتي نطقت جملة انجلش قدامة قعد يقولها ما شاء الله الانجلش بتاعك جميل ساعتها اضتيقت و فضلت بعدها انطق انجلش فدامة عشان بس اسمع نفس الكلمة و يجاملني بس بالعكس ولا عبرني ساعتها😂 لما اعمل حاجة كويسه يسكت لكن لما اغلط لازم بنتقد و يتكلم بجد مش عارفه اتعامل مع الموضوع ازاي انا فعلا عاملي ازمة نفسيه مبقتش قادرة استحمل خلاص"

225974
: Follow us on
Mood:😔
Female, 21 confesses:
"حاسة بالإهانة من أختي الكبيرة، لو بتتخانق مع أخواتي وتقول كلام زي الزفت، وتزعق، واتدخلت، تحرجني وتقعد تزعق أني مالي وتقول كلام وحش، وفي نفس الوقت لو حد اتعرض ليها منهم، تدايق لو ماتدخلتش! بجد حاسة بالإهانة لأني مش لاقية حل، بس تعبت من غطرستها، فرأيكم آخد رد فعل إيه؟ بس يكون حاسم وفي نفس الوقت مش قلة ذوق، بس يوقفها عند حدها، بفكر أقولها ميخصنيش، ده بينكم زي ما بتقولي دايما، وأخلع إيديا، وكمان تحب تحكيلي الغم من علاقاتها، بس الحلو لأ! وتتزهق لو"

225972
: Follow us on
Mood:😔
Male, 28 confesses:
"أنا عندي 28 سنة، وبقالي تقريبًا 5 سنين مكتئب وبشتغل من البيت، ومع الوقت بقيت منعزل عن الدنيا بشكل كبير. دلوقتي أنا عندي شوية فلوس موفرها، وعارف إن لازم أخرج وأبدأ حياتي من جديد، بس أنا مرعوب من الفكرة.

مرعوب أخرج، أفشل، مقدرش أتعامل مع الناس أو أشتغل أو أندمج، وإني أكتشف إني مبقتش عارف أتعامل مع العالم زي زمان.. خايف أكون نسيت إزاي أتكلم، إزاي أتعرف على ناس، إزاي أشتغل وسط الناس، إزاي أتعامل مع المواقف العادية اللي كل الناس بتعملها من غير ما تفكر فيها.. وأرجع البيت تاني وأنا شايف نفسي فاشل.

وحتى نظرات أهلي بتزود الإحساس ده، لأني بحس إنهم شايفين إني متأخر أو مش قادر أواجه الدنيا.

الغريب إني طول عمري بعرف أمثل إني كويس وعمري تقريبًا ما خليت حد يحس إني مكتئب أو إني مش بخير، مش لأني شايف إن الاكتئاب ضعف… بالعكس، أنا مقتنع إن الإنسان ممكن يكون قوي جدًا وفي نفس الوقت يمر بفترة زي دي. لكن لسبب ما، مش قادر أقولها بصوت عالي أنا مش كويس.

أنا عارف إن مفيش حل في إني أفضل مكاني، وعارف إني لازم أبدأ… بس مش عارف إزاي أخطو أول خطوة من غير ما الخوف من الفشل يوقفني."

225969
: Follow us on
Mood:😔
Female, 23 confesses:
"بنت عندي ٢٣ سنة
أنا في علاقة مع ولد بقالنا فترة وكنا مترتبين إننا نتخطب في فترة ما بس حصل وفاة والده في الفترة دي وكل حاجه باظت عدي ٦ شهور علي الوفاة وهو قال الظروف مش مناسبة علي بس لما يقدر يجمع مصاريف وكده وقرر يعرفني علي والدته وبالاتفاق نزلنا سوا وهي اتفقت معايا انها تكلم مامتي في الوقت المناسب
مامته وباباه منفصلين بقالهم ١٦ سنة وهو كان عايش مع بباه مامته متجوزة من ١٠ سنين وعايشة في بلد تانية مش معاه الموضوع كله عندي هو إنسان كويس جدًا حتي بالرغم ما عاش فيه في حياته هو حنين وعمره ما قسي عليا ولا أذاني بكلمة بس خطواته بطيئة من أول ما عرفته لازم يقعد وقت كبير اوووي عشان حتي يقول كلمة حلوة بيعمل ليا حاجات كويسة بس موضوع الاهتمام والمشاعر عندي مهم بحس ان في حاحه ناقصة ومع ذلك برضو اتكلمت معاه بس لما بتكلم معاه في النقطة دي بيفهم منه اني بعيب فيه واني بقوله انه وحش ومقصر معايا
وانا مش عارفة اعمل ايه والمفروض انه خلاص كل حاجه علي مشارف الخطوبة أوقات بحس اني مش مرتاحة وأوقات تانية بيجي في بالي إن هو شخص كويس من كل النواحي فصعب ألاقي حد كدا"

225968
: Follow us on
Mood:😕
Female, 21 confesses:
"جدعان انا هموت من الوحدة وحدة الشعور و الوحدة المجتمعية اللى واحد عايش فيها هل اصلا هعرف ادخل فى ريشلن شكل الواحد هيفضل وحيد بسبب ميوله اللى بسبب حاجة مخترهاش"

225967
: Follow us on
Mood:😕
Male, 31 confesses:
":

في بنت معايا في الشغل لفتت نظري جدًا الفترة الأخيرة، وحاسس إني منجذب ليها بشكل أكبر بكتير مما كنت متوقع.

الموضوع غريب شوية بالنسبالي، لأني أصلًا معرفهاش بقالنا وقت طويل، بس شخصيتها وطريقة تعاملها وطاقة حضورها شدوني جدًا. من النوع اللي مجرد وجوده في المكان بيخليه مختلف شوية، وعندها طاقة وحيوية مش عادية، وده أكتر حاجة شدتني ليها.

أنا عادة مش من الناس اللي بتعجب بحد بسرعة، وعشان كده الموضوع نفسه مستغربه. مش عارف هل أنا فعلًا بدأت أحب شخصيتها، ولا مجرد fascinated بيها وبطريقتها، خصوصًا إني لسه معرفهاش بشكل كفاية.

حاسس كمان إنها مرتاحةلي في التعامل، وفيه بينا كلام وinteraction من وقت للتاني، بس مش عارف إذا كان ده معناه حاجة فعلًا ولا أنا عشان معجب بيها بقيت باخد بالي من كل تفصيلة صغيرة.

وفي نفس الوقت موضوع الشغل مخوفني شوية. يعني حتى لو فيه حاجة من الطرفين، مش عايز أعمل خطوة وبعدها الموضوع يقلب awkward ونضطر نتعامل مع بعض كل يوم بشكل غريب.

الموضوع بقى واخد مساحة في دماغي أكتر مما يستاهل، وكل شوية أقول لنفسي سيبها تمشي naturally، وبعدها أرجع أفكر هي شايفاني إزاي أصلًا.

لو كنتوا مكاني، كنتوا تسيبوا الموضوع ياخد وقته وتشوفوا الدنيا هتروح لفين، ولا تحاولوا تعرفوا بشكل أوضح إذا كان فيه اهتمام من الطرف التاني؟"

225966
: Follow us on
Mood:😔
Male, 27 confesses:
"كلام كتير جوايا وتساؤلات مش عارف أرتبها، بس محتاج أتكلم عنها.

هل طبيعي إن طرف في العلاقة يكون محتاج اهتمام واحتواء وحنية وإحساس مستمر إنه مرغوب ومُقدَّر، وفي نفس الوقت يحس إن الطرف التاني مش بيبادله نفس القدر من الاهتمام أو القرب أو التعبير عن الرغبة؟

أنا بتكلم عن تجربتي الشخصية، ومش قصدي أعمم على أي حد أو أقول إن طرف معين هو المسؤول عن نجاح أو فشل العلاقة. بس أحيانًا كثرة الرفض أو الانتقادات أو عدم وجود مساحة للقرب بتخلي الشخص يحس بالإحباط، ومع تكرار المحاولات من غير نتيجة ممكن يبدأ ياخد خطوة للخلف، والطرف التاني يعمل نفس الشيء، وفي النهاية العلاقة تفضل موجودة على الورق لكن القرب الحقيقي بين الطرفين يكون اختفى.

اللي صدمني أكتر إني وصلت لمرحلة بدأت فيها أدور على احتياجاتي العاطفية والجسدية بعيد عن شريكتي، وده شيء عمري ما كنت أتخيل إني ممكن أوصل له.

مش ببرر لنفسي اللي حصل، بالعكس، أنا بحاول أفهم إزاي وصلنا للنقطة دي، وهل كان ممكن نتعامل مع الموضوع بشكل مختلف من البداية؟ وهل مجرد وجود احتياجات غير مُلبّاة لفترة طويلة ممكن يخلّي الشخص يتصرف بطريقة ما كانش يتخيل إنه ممكن يعملها؟

يمكن كلامي متلخبط، بس محتاج أعرف رأيكم من غير أحكام: إزاي ممكن الطرفين يتعاملوا مع اختلاف الاحتياجات والرفض المتكرر من غير ما العلاقة تتحول تدريجيًا لبُعد وقطيعة؟"

225964
: Follow us on
Mood:😔
Male, 21 confesses:
"جماعة دلوقتي انا حرفيا مخنوق اوي بسبب موقف حصل. انا امي سايقة و في سواق مكروباص قالها ادخلي يا بهيمة. طبعا انا قلبي انقبض بسبب ان امي اتشتمت بس فنفس الوقت جسمي بيتلصم مش عارف لية لحد ما الراجل مشي و انا مخنوق ببقي عايز انزل اتخانق بس الفكرة ان بحس اني ضعيف بسبب اني قصير و مش قوي و الحوار دا بعاني فيه من و انا صغير علي طول بخاف اتخانق او اخد حقي بمعني تاني حقي ضايع و يعتبر كان في فكرتين ف دماغي حاجة تقولي انزل انخانق دي امك. و التانية بتقولي بلاش تعمل مشاكل عشان امك معاك. اعمل اية انا نفسي بتتكسر ب ايدي و مش عارف اعمل حاجة"

225963
: Follow us on
Mood:😔
Male, 33 confesses:
"مساء الخير..
أنا متجوز بقالي كام شهر، وعلاقتي بمراتي كويسة جدًا والدنيا بينا تمام الحمد لله.

الموضوع إن أبو مراتي كان متجوز اتنين وخلف منهم، وأخوها الكبير من الزوجة الأولى
حرفيًا بسبب إن أبوهم معاه فلوس، مسفلت باقي إخواته وآكل حقوقهم، وده في حد ذاته موضوع ميخصنيش.

المشكلة إن الشخص ده قرر يدخلني في الصراعات العائلية اللي بينهم، وبقى بيخبط فيا وبيتكلم عني
كلام والله مالوش أي علاقة بالواقع، والأغرب إني أصلًا في حالي وماليّش أي علاقة بالخلافات اللي بينهم!

والجديد بقى إنه بيتصل بمراتي ويعمل فيها الأخ اللي خايف على أخته، ويقومها عليا! يقولها: «لو مش مرتا
حة، عادي اتطلقي، وأنا تاني يوم أجوزك، أخوكي في ضهرك، متخافيش من أي حاجة!»
والفكره اني مراتي صغيره هي فاهمه انه بيوقعها بس في نفس الوقت بقول ما اكيد هتتأثر!!!

وبعدها عرفت إنه بيشوّه صورتي عند عيلة مراتي بالكامل، وبيقول عليا أسوأ كلام ممكن يتقال! إني متجوزها طمعان فيها، وإن شركتي بتخسر، وده كله هجص طبعًا، ومالوش أي أساس من الصحة وانا اصلا الحمدلله وضعي المادي كويس

والغريب بقى إنه كل يومين تلاتة يكلمني يطمن عليا، ويقولي أحلى كلام، وإن أنا أحسن زوج لأخته، وكأن مفيش أي حاجة بتحصل من ورايا!

أنا بجد مش فاهم إيه اللي بيحصل ده، ولا إيه مصلحته إنه يعمل كده، والأهم إني مش عارف أتعامل معاه إزاي.

أنا بيوصلني كلامه
عني، لكن لحد دلوقتي معملتش أي رد فعل، عشان ببساطة اثبت اني قولت ولا عملت .

بس في نفس الوقت، الموضوع بدأ يضايقني جدًا، خصوصًا إنه بيأثر على علاقتي بمراتي بالبطئ وبيشوّه صورتي قدام أهلها وطبعا مراتي رافضه تماما فكره اننا نقاطعه!!! وتقولي في الاول وفي الاخر ده اخويا!"