Open mind

الموضوع ده قالب الدنيا في ابو كبير الشرقية!!

الشاب ده اسمه "عمرو عمارة" مكملش ٢٠ سنة في حاسبات ومعلومات، من سنتين كدة واحد صاحبه كلمه وقاله هات بطاقتك عايزك تخدمني في حاجة، الحاجة دي ان اخت صاحبه شغالة بتبيع خطوط ومحققتش التارجت وعايزة تسجل خط بإسمه، فعمرو استجدع وراح، وبعد ٧ شهور المفروض الخط اتقفل وخلاص.

عمرو اتفاجئ ان عليه قضية بتأبيدة غيابي، ٢٥ سنة، بسبب ان بطاقته اتسجل بيها كذا خط، منهم خط اتباع واتعملت بيه جريمة تهريب ممنوعات، عربية كانت محملة بصل ومدفوس فيها ممنوعات واتمسكت عند نفق الشهيد احمد حمدي والسواقين اعترفوا ان صاحب الشحنة كان بيكلمه من الخط ده وطبعا اللي لبسها هو عمرو اللي الخط متسجل بإسمه.

عمرو حاليا سلم نفسه وهوا معاه كل الادلة اللي بتثبت انه حتى يومها كان في الاسكندرية وقبلها كان عنده امتحان، ربنا يظهر الحق ان شاء الله ويخرج منها.

بس فكرة ان بطاقتك ممكن حد يكون مسجل بيها رقم يتعمل بيه مصيبة ولا كارثة توديك في خبر كان بسبب موظف عايز يخلص تارجت عشان يثبض ولا حاجة دي فكرة مرعبة ولازم الواحد يبدأ يشوف هل فيه خطوط متسجلة ببطاقته ولا لأ.

شكرا ✌️
Mohamed Amir

من وجهة نظري، الرئيس السيسي من أكتر القادة اللي بيعرفوا يتعاملوا مع ترامب بالأسلوب اللي بيأثر فيه.

النهارده بدأ كلامه معاه بوصفه “رجل السلام في الشرق الأوسط”، وأكد تقديره لجهوده في تحقيق الأمن والاستقرار بالمنطقة.

وبعدين رمى له جملة ذكية جدًا، معناها:
“أول ما يتم الإعلان الرسمي عن الاتفاق، الدولة المصرية ومؤسسة الرئاسة هتصدر بيان إشادة وشكر لجهودك.”

يعني باختصار: هنخلي العالم كله يشوف إنك صاحب إنجاز كبير وصانع سلام.

لكن اللقطة الأجمد كانت لما قال للحضور إنه أثناء العشاء لقى الملوك والرؤساء ملتفين حول ترامب، بيتكلموا معاه في قضايا العالم، وإنه مشغول لدرجة إنه مش لاقي فرصة يتعشى!

رسالة واضحة: “أنت أهم رجل على الطاولة.”

وبعدها مباشرة ترامب رد وقال:
“الرئيس السيسي صديق عزيز جدًا، ومصر صديقة لنا، ومش هنسيب مشكلة سد النهضة بالشكل ده لأنها سببت ضررًا كبيرًا لمصر.”

وكمان دعا المستثمرين لتوجيه استثماراتهم إلى مصر.

أكيد كان فيه نقاشات وتفاهمات سبقت الجلسة والتصريحات دي، لكن اللافت فعلًا هو أسلوب إدارة الحوار والتواصل السياسي.

السيسي بيعرف يوصل رسالته ويحقق مكاسب سياسية باستخدام كلمات محسوبة بعناية، في وقت كتير من قادة العالم بيواجهوا صعوبة في التعامل مع شخصية زي ترامب.

وده رغم الخلافات الواضحة في ملفات مهمة، زي التهجير أو المرور المجاني في قناة السويس.

بصراحة… السياسة أحيانًا بتكون فن اختيار الكلمات في التوقيت المناسب. 😅🇪🇬

‏وَلَقَدْ مَنَنَّا عَلَيْكَ مَرَّةً أُخْرَىٰ
يارب وإحنا كمان ، يارب نعيش شعور الآيه دي

أبو تريكة: مين قال ايطاليا غايبه عن كأس العالم ؟ الـ 4-4-2 يا كابتن حسام ، شوط تكتيكي عالمي من الكابتن حسام حسن ، شوفوا تحركات زيكو وشوفوا تحركات فتوح وصلاح في الملعب ، في شغل كبير معمول والتزام تكتيكي في الملعب بشكل كبير 🔥

الجزائر وهما بيشجعونا 😂🇩🇿🇪🇬❤️

لا دا يا مصر بتعمليها ازاي بجد!!!!

اهوووووووو جااااالكم طرزان بنفسه يا بلجيكاااااا

جووووووووووووووووووووووووووووووووووووووووووووووووووووووووووووووول اوووووووول عاااااااااااااااااالمي امااااااااااااااااام

عاجبني التريند الأخير ده، عن طنط الي قررت تطلع موبايلها في المكروباص وتصور واحد قاعد قدامها بدون إذنه وتتهمه إنه بيصور أماكن عسكرية وشكله جاسوس وبتاع.
المهم الشاب ده أخته طلعت محامية، ومنزلة بوستات ع صفحتها بقايمة التُهم الي هتُوجّه لطنط، استنادا للقانون رقم كذا ورقم كذا ورقم كذا لسنة كذا، وإنما قدّمت محضر لمباحث الإنترنت، وتسعى في الإجراءات القانونية، وطنط هتنورنا قريبًا.

جدعة والله..

وبردو شاب آخر كان قاعد في المترو وواحدة صوّرته بدون إذنه واتبلت عليه وطلع مسرح، وراح بلغ عنها.. واتمسكت وصورتها نورت صفحة وزارة الداخلية، وتم اتخاذ الإجراءات القانونية معاها.

أنا سعيد بهذا التوجه الحقيقة للضحايا؛
مش هي بقت كلها بتمسك موبايلات وعايزة تبقى تريند وتعمل ريتش حلو؟
وماله!
نذاكر شويه قانون بقى يا أخوانا، وخاصة ما يتعلق بجرائم الإنترنت وتقنية المعلومات واختراق الخصوصيات والتشهير والسب وغيره.
ويُستحب لو نعمل توكيل في الشهر العقاري لأي محامي نثق فيه احتياطًا.. آه مش لازم يحصل مصيبة -لا قدر الله- عشان نعمل توكيل.

وبس يا سيدي، أي حد دماغه مهويّة.. تعمله أحلى محضر في مباحث الإنترنت.
يؤسفني أقول إن ده بقى ضروري في الوقت والسياق ده..
ويؤسفني أقول إن ظاهرة تصوير الناس لأدنى ملابسة وتطليعهم مسرح ع السوشال ميدا = هتنتشر بشكل أكبر بكتير الفترة الجاية، إلا أن تتداركه النيابة والداخلية والإعلام بالتشديد على خطورة هذا الأمر وضوابطه القانونية.
وفي كل الأحوال، محدش بقى محمي من الحمقى أو المغرِضين في هذا الزمان!
وهذه المواقع أهدرت قيمة الكلمة وحُرمة الإنسان وسُمعته في النفوس! وخلقت مسوخًا تلهث وراء التريند بأي ثمن!
فاعمل حسابك من دلوقتي يا صديقي.. وثقفك نفسك بحقوقك الممكنة.
وهذا الوقت فرصة ممتازة جدًا للمحامين والقانونيين إنهم يقدّموا دورات توعوية وتثقيفية لغير المختصين؛ لتحقيق هذا الاحتياج الجديد في المجتمع الذي يتهاوى، وأنا أول المشتركين.

وربنا يسترها علينا.