Helwan ICPC Community

Here We Go! 🚨
ICPC_Helwan_Community_Specialists ++;

بكل فخر نحب نبارك لـ بشمهندس: يوسف عمران ، علي وصوله لـ rank الـ Specialist علي موقع Codeforces 🩵

بعد محاولات كتيرة وهِمة عالية، يوسف قدر يوصل لـ ريت Specialists بعد أداء عالي في اخر كونتست ليه واســتـــمـــراريـــة في التدريب.

مبروك يا بشمهندس ومنتظرين منك أكتر واكتر. ❤️

Our community is rising by your dedication, commitment, and hard work 📌.

وأخيـــــرًا… باب تسجيل فرق ECPC - جامعة حلوان اتفتح رسميًا! 🔥🔥

لو بتحب الـ problem solving وعايز تدخل تجربة قوية وممتعة، فدي فرصتك 💪

لو حابب تعرف ايه هي ال ECPC والتفاصيل الخاصة بيها تقدر تشوف التفاصيل من هنا:
https://quickest-orca-94d.notion.site/ECPC-2026-FAQ-33bf43e3089580ce8887e5a3999a9af5

📌 سجل فريقك من هنا:
https://forms.gle/FZ1FVZdZpRkN2oQa8
⏳ آخر معاد للتسجيل:
25 أبريل - الساعة 11:59 مساءً

🚨 تنبيه مهم🚨
اتأكد من صحة البيانات المستخدمة في التسجيل لأنها مسؤوليتك الشخصية من بياناتك علي موقع ال ICPC Global وفيه فيديو في اللينك الخاص بتفاصيل ال ECPC فوق تقدر تتأكد منه، وكمان اتأكد من البيانات الخاصة بالفريق من (اسم الفريق، بيانات الافراد التلاتة، الاوراق المطلوبة من كل فرد) تجنباً لأي مشاكل.

ومتترددش تسأل علي الجروب الخاص بالمسابقة في اي تفاصيل حابب تعرفها او تتأكد منها.

📌وده لينك الجروب الخاص بينا للمسابقة:
https://chat.whatsapp.com/DdeRoz5h3oh7p55sqW8ESR?mode=gi_t

وبس كده..
ديه كل حاجة تخص التسجيل للمسابقة ناقص حاجة واحدة بس انك تكون جزء منها، وبجد اوعي تتردد انك تشارك لأنها حقيقي تجربة ممتعة ومميزة جدا جدا ❤️

وبالتوفيق ليكم جميعاً ومستنينكم🔥

مع بداية موسم الـ ECPC، كله بيدور علي تيم يدخل معاه المسابقة 😃
لو لسه ملقيتش فريق، دي فرصتك عشان تلاقي انسب فريق ليك ويكون قريب من مستواك عشان تدخلوا سوا المسابقة السنادي. 🫣
الـ Team Formation Contest هي فرصتك ✨
وهي كونتست بنوفق فيها الشباب الي مش لاقيين فرق مع بعض بناءًا علي مستواهم في الكونتست.
- لو انت واحد لوحدك، هنلاقيلك اتنين كمان نفس مستواك تدخل معاهم.
- لو انتو ٢ وناقصكم تالت، هنلاقيلكم واحد يدخل معاكم ويكون قريب من مستواكم (لازم الاتنين يدخلوا الكونتست).

📌 المعاد امتي؟
يوم الجمعة ٤/١٠ في كلية التجارة وإدارة الاعمال التابعة لجامعة حلوان في الزمالك (BIS) - قاعة ١٥.

اليوم هيبدأ من الساعة ١ بعد صلاة الجمعة والكونتيست هتبدأ الساعة ٢ وتنتهي ٦.

📌 سجل في الكونتست دلوقتي من هنا:
https://forms.gle/EECiM4AZtNqYr1eH6

ECPC 2026... It's Time to Begin! 🔥

المسابقة الأقوى في البرمجة بالتحديد البرمجة التنافسية راجعة من جديد السنادي من تاني!

دلوقتي نقدر نعلن رسميًا إن باب التسجيل السنادي فتح للـ ECPC ودي أول مرحلة تصفيات عالمية ال علي مستوي مصر المسابقة الـ ICPC.

في البوست ده هنتعرف على اغلب ما يخص المسابقة وهنجاوب على أغلب الاسألة اللي ممكن تتسأل وهيكون مثبت في البيدج هنا لحد المسابقة كمرجع ليكم، ولو حد عنده سؤال يبعتلنا على البيدج.📌

🔻 ايه هي مسابقة الـ ICPC ؟
مسابقة الـ ICPC العالمية هي اكبر مسابقة برمجية تنافسية علي مستوي العالم لطلاب الجامعات وعشان تقدر توصل ليها لازم تمر بشوية مراحل.

🔻 إيه هي مراحل المسابقة؟
1️⃣ اولًا: مرحلة الـ ECPC qualifications ودي البداية بتكون على مستوى الجامعة في التنافس كلنا بنشارك فيها ونتنافس عشان يتأهل مننا نسبة مُعينة للـ ECPC.
2️⃣ ثانياً: مرحلة الـ ECPC ودي بتكون على مستوى جامعات مصر كلها بيشارك فيها النسبة المُتأهلة من كل جامعة في المرحلة الأولى وبيتنافسوا عشان يتأهلوا للـ ACPC.
3️⃣ ثالثاً: مرحلة الـ ACPC ودي بتكون على مستوى العرب وأفريقيا بيشارك فيها الفرق المتأهلة من كل دولة على مستوى العرب وأفريقيا عشان يتنافسوا على التأهل للمرحلة الأخيرة وهي الـ ICPC World finals.
4️⃣ المرحلة الاخيرة: الـ ICPC world finals ودي بتكون على مستوى العالم وبيشارك فيها الفرق اللي عدت بالـمراحل التلاتة السابقة.
📊 كل مرحلة من المراحل السابقة بيتوفر لكل فريق عدد معين من المسائل عادة لا يتعدى الـ 13 مسألة وبتكون مسائل متنوعة في الصعوبة من السهل جدا لحد الصعب وبيكون كل فريق معاه جهاز كومبيوتر واحد فقط ومدة المسابقة 5 ساعات.
🟡 قبل كل مسابقة بيكون في مسابقة مصغرة اسمها practice contest الهدف منها تتعودوا على نظام المسابقة وازاي ممكن ترفعوا حلولكم او تطبعوا حاجة محتاجينها وازاي مثلا ممكن تسألوا في المسابقة والتعامل عموما مع الجهاز.
🎈 كل مسألة بيكون ليها لون معين لو حليت المسألة بيحطوا عند الجهاز بتاعكم بلونة بلون المسألة المحلولة وبتاخدهم وانت ماشي.

🔻 ميعاد المسابقة امتى؟
بإذن الله الـ ECPC Qualifications هتكون في فترة ما بين نص شهر 7 ونص شهر 8 وبتستمر اسبوع تقريبا.

🔻 هل بنحضر المسابقة كل الايام دي؟
لأ، هو يوم واحد فقط، عدد الايام دي لباقي جامعات مصر، فـ كل جامعة/جامعات بيكون مخصص لهم يوم واحد.

🔻 جامعة حلوان أنهي يوم؟
لسه متحددش، ولما يتحدد هنبلغكم.

🔻 مكان المسابقة فين؟
المسابقة بتتعمل في الأكاديمية البحرية للعلوم والتكنولوجيا في إسكندرية.

🔻 إيه شروط التسجيل في المسابقة؟
لازم تكون طالب مُقيد فى أي كليـــة تابعة لجامعة حلوان (العاصمة حالياً).

🔻 المسابقة فردية ولا فرق؟
فرق، وكل فريق بيتكون من 3 متسابقين ولازم يكونوا 3 ولازم يكونوا من نفس الجامعة وفي حالتنا لازم يكونوا من جامعة حلوان (جامعة العاصمة حالياً).

🔻 هانروح ازاي؟
ان شاء الله هنوفر اتوبيسات ذهاب وعودة من القاهرة لحد الاكاديمية في اسكندرية يوم المسابقة وهنعلن تفاصيل الاتوبيسات قبلها.

🔻 ينفع اروح قبلها ومروحش مع الاتوبيس؟
والله يكون افضل يعني 😂، لا بجد لو قدرت فعلا اعمل كده وروح قبلها بيوم بحيث تستريح من السفر وتهدي اعصابك في اسكندرية كده عشان تاكل المسائل تاني يوم.

🔻 مصاريف المسابقة كام؟
المبلغ الكلي للفريق 1500 جنية مصري.

🔻 لو أنا شخص جديد في الـ problem solving اقدم ولا أستنى؟
لو استنيت السنة دي هتسأل نفس السؤال ده السنة الجاية، اللي لسه مبدأش لسه فيها وقت تبدأ واللي واقع منه حاجه لسه عنده وقت يستدرك ما فاته، ثم أنه المسائل بتكون متدرجة في الصعوبة فـ بمجهودك والتدريب اللي بنوفره وتوفيق ربنا قبل أي شئ هتقدر تحل.

🔻🔻 نعمل إيه عشان نسجل؟
مبدأيا لازم تكون من جامعة حلوان (العاصمة حالياً) لو هتسجل تبعنا، غير كدا ارجع لـ community الجامعة بتاعتك.

١. محتاج تطلع اثبات قيد موجه لمسابقة ECPC بيطلع من شؤون الكلية.

٢. محتاج تعمل اكونت علي موقع https://icpc.global/

📌 فيديو شرح ازاي تسجل: https://youtu.be/Z5MJSIeB9co?si=TrjoxlS77wyaqP9J

٣. محتاج تجمع تيم، لو معرفتش؟ تقدر تدخل كونتست التيم فورميشن وديه تفاصيلها هتنزل قريب جدا جدا فـ خليك متابع

⚠ اخر ميعاد للتسجيل ويتضمن رفع اثباتات القيد يوم 25 أبريل الساعة 11:59 مساءا.

📢 وكل تفاصيل التسجيل والورق المطلوب والتيم فورميشن واي حاجة ليها علاقة بالمسابقة هتكون علي جروب بتاعنا فـ اتأكد انك في الجروب.

🔻 لينك جروب الواتس آب الي هينزل عليه اي جديد بخصوص المسابقة:
https://chat.whatsapp.com/DdeRoz5h3oh7p55sqW8ESR?mode=gi_t

⚠ تعليمات هامة قبل التسجيل:-
🚩 لازم التيم يكون 3 يعني وأنت بتجمع التيم تأكد انهم كلهم طالعين معاك عشان لو حد من فريقك غاب هتبقى مشاركتك غير رسمية يعني لو حليت كل المسائل مش هتتأهل.
🚩 اثبات القيد مينفعش يكون قديم ومينفعش يكون جديد ومتعدل عليه في الجهة مثلا ده برضو هيخلي مشاركتك غير رسمية.
🚩 بعد التسجيل مفيش حد بيتنقل من فريق لاخر او حد بينسحب، طالما سجلت مع فريق ف سنة لازم تشارك معاه السنة دي.

📍نصيحة:
المسابقة لها منافع كثيرة والتأهل ليس المنفعة الوحيدة، متحرمش نفسك من أجواء المسابقة لأنها لذيذة جدا وبننتظرها من السنة للسنة، متحرمش نفسك من معرفة الناس اللذيذة اللي هتقابلهم ناس مجتهدة وكثيرة السعي فحاول تتعرف على ناس هناك يشدوك لفوق معاهم، متحرمش نفسك من القرار اللي هتاخده مع نفسك وانت هناك انك ترجع السنة الجاية نسخة أفضل، متحرمش نفسك من أجمل Accepted هتاخدها، متحرمش نفسك من جرعة الادرينالين اللي هتاخدها خصوصا اخر ساعة، متحرمش نفسك من لحظة قدوم البلونة. 🎈

Here We Go! 🚨
ICPC_Helwan_Community_Experts ++; 💙
ICPC_Helwan_Community_Specialists ++; 🩵

بكل فخر نبارك لتيمنا الي بنفتخر بيه علي وصولهم Ranks جديدة، ونبدأ بـ:

● البشمهندس مهند، أحد الـ Heads، ومن أعمدة الكوميونيتي الي قدر يوصل لـ rank الـ Expert علي موقع Codeforces بعد أداء خرافي في كونتست وصل فيها TOP 1000 بعد رحلة مجهود سنين، وأكثر من 1500+ problem و 130+ contest 💙

● ونبارك للبشمهندس جلال، Mentor معانا، الي قدر يوصل لـ rank الـ Specialist على Codeforces بعد أداء قوي في آخر كونتست 🩵

كل واحد فيهم بذل مجهود كبير وكرّس وقت جامد عشان يطور نفسه، ومع الاستمرارية والمحاولات قدروا يحققوا ريت أعلى على Codeforces بأداء مشرف 🤩❤️

مبسوطين جدًا بيكم يا شباب، ومن نجاح لنجاح إن شاء الله ❤️
Our community is rising by your dedication, commitment and hard work📌.

ختام الـ 1_Wave! 🎉

الحمد لله، نعلن انتهاء الـ Wave_1 ونتمنى إنكم استفدتم منها بأكبر قدر ممكن! 🙌
وعشان يهمنا رأيكم، ساعدونا نحسن التجربة وقيموا الـ Wave_1 من هنا:
https://forms.gle/VxTNd6FifqMas92z9

📌 ايه الخطوة الجاية؟
دلوقتي هنبدأ التصفيات اللي هتحدد تأهلكم للمستوى التالي من التدريب.

التصفيات هتكون على هيئة كونتست (اوفلاين)
🗓️ الميعاد: يوم الخميس القادم 5 Feb الساعة 11 صباحًا.
📍المكان: كلية التجارة وإدارة الأعمال جامعة حلوان بالزمالك.

ودي فرصتك تعرف إذا كنت جاهز تنتقل لـ Level اعلي ولا محتاج تراجع الـ Level الحالي.

التقديم للتصفيات:
📌 https://forms.gle/TwvmPY4JqFp73QYeA

اي content خاص بـ اي Level تقدر تلاقيه علي الموقع بتاعنا:
📌https://quickest-orca-94d.notion.site/ICPC-Helwan-Community-171f7e308bb14ad990f78b7b3901b2d8

📢 تفاصيل التصفيات والتأهل هتنزل على جروب الواتساب وسيرفر الديسكورد. تابعونا هنا:
واتساب:
📌Level 1: https://chat.whatsapp.com/LQDduhQyVDpG6sCzJsmdhl
📌Level 2: https://chat.whatsapp.com/GvSCamyZLHr8g2Ljnf6zHG
📌ديسكورد: https://discord.com/invite/QEEurNPS

💪 جاهزين للتحدي؟ نشوفكم في التصفيات! 🔥

Here We Go! 🚨
ICPC_Helwan_Community_Specialists ++;

بكل فخر نحب نبارك لـ بشمهندس: احمد رجب ، علي وصوله لـ rank الـ Specialist علي موقع Codeforces 🩵

بعد محاولات كتيرة وهِمة عالية، احمد قدر يوصل لـ ريت Specialists بعد أداء عالي في اخر كونتست ليه واســتـــمـــراريـــة في التدريب.

مبروك يا بشمهندس ومنتظرين منك أكتر واكتر. ❤️

Our community is rising by your dedication, commitment, and hard work 📌.

جامعة حلوان حاضرة وبقوة في المسابقة العربية والأفريقية للبرمجة في نسختها الـ ٢٨، المقامة بمحافظة الأقصر.

ACPC - Africa and Arab Collegiate Programming Championship 🌎🔥.

بعد مجهود جبار واداء مشرف فـ الـ ECPC، النهارده فيه ٤ فرق من جامعة حلوان هينافسوا اكتر من ١٥٠ فريق من أكتر من ٧٥ جامعة علي مستوي افريقيا و الوطن العربي.🌎

Team name: "Yalaaahwy Ctrl Z bsor3a"
Team members:
- زياد طارق
- احمد خالد
- احمد عوده

Team name: "Still we are not the same"
Team members:
- احمد محمد
- عبدالرحمن منصور
- يوسف محمد

Team name: "Helwan-BN05"
Team members:
- هاني ماجد
- فادي صليب
- ميرال مراد

Team name: "Cache Me If U Can"
Team members:
- احمد عرفات
- احمد حمادة
- محمد رجب

كل الشكر لمجهودهم اللي حقيقي يستحقوا عليه الثناء، بالتوفيق يا شبابنا ومتنظرين منكم أداء مشرف النهاردة في الـ ACPC بإذن الله 🤍💪🏻.

شرفتوا جامعة حلوان وبندعمكم لأخر لحظة دايمًا وبإذن الله تتأهلوا على مستوى العالم ♥.

ACPC Luxor'25 ... ⌛⌛