Abdallah Ragheb

قال رسول الله ﷺ: «كَفَى بِالْمَرْءِ كَذِبًا أَنْ يُحَدِّثَ بِكُلِّ مَا سَمِعَ»

الحديث ده لو طبقناه هيغير حاجات كتير في حياتنا خصوصًا بعد ما بقى الموبايل في إيد كل واحد وأي خبر بيلف البلد كلها في دقيقة

زمان كان الواحد بينقل الكلام بلسانه دلوقتي بينقله بضغطة زرار
رسالة على الواتساب
منشور على الفيس
فيديو مقصوص
صورة قديمة مكتوب عليها كلام جديد
ونلاقي آلاف الناس عملوا مشاركة من غير ما واحد فيهم يسأل: **هو ده صحيح ولا لأ؟**
يا جماعة لازم نعرف ان كل "شير" شهادة منك إن الكلام ده يستحق يتصدق
ولو طلع كذب يبقى أنت ساهمت في نشره حتى لو كنت حسن النية

ممكن إشاعة تظلم إنسان بريء
أو تخوف الناس بدون سبب
أو توقع بين أهل وأقارب
أو تسيء لمؤسسة أو بلد
وكل ده بدأ بضغطة زر

عشان كده، قبل ما تنشر أي حاجة اسأل نفسك أربع أسئلة:

هل الخبر صحيح؟
مين مصدره؟
هل في نشره منفعة ولا مجرد إثارة وكلام؟
لو كنت أنا اللى عنه الخبر ده هل أرضى الناس تنشره عني من غير ما تتأكد؟

ولو لقيت نفسك مش متأكد يبقى بلاش تنشر
أنت مش هتخسر حاجة لما تسكت لكن ممكن تكسب إنك سلمت من إثم الكلمة

افتكر دايمًا ان الناس هتنسى مين كتب الخبر لكن ربنا سبحانه وتعالى يعلم مين كتبه ومين نشره ومين ساعد على انتشاره

خلّي صفحتك بابًا للخير
انشر كلمة طيبة أو معلومة صحيحة أو آية أو حديثًا أو نصيحة تنفع الناس
أما الأخبار اللي مصدرها "بيقولوا" و"سمعنا" و"وصلني" فسيبها تقف عندك

**الكلمة أمانة والمنشور أمانة وزرار "مشاركة" أمانة**

نسأل الله أن يجعل ألسنتنا صادقة وأقلامنا أمينة وأن يرزقنا التثبت قبل الكلام والتفكير قبل النشر وأن يجنبنا الكذب والإشاعات إنه ولي ذلك والقادر عليه
@أبرز المعجبين

نتقدم بخالص العزاء والمواساة للأستاذ الفاضل سيد إمام رئيس الوحدة المحلية بالبليدة في وفاة زوجته
بسم ﷲ الرحمن الرحيم
(الذين إذا أصابتهم مُصيبةٌ قالوا إنَّا لله وإنَّا إليهِ راجعون)
صدقَ ﷲ العظيم.
البقاء والدوام لله
لا نقول إلا ما يرضي ربنا
لله ما اخذ
ولله ما أعطى
وكل شيء عنده بمقدار
وانا لله وانا اليه راجعون
البقاء لله وحده
ولا نملك لها الا الدعاء
اللهم اغفر لها وارحمها
اللهم جاف الأرض عن جنبيها و أفسح لها فى قبرها مد بصرها .
اللهم شفع فيها نبيك الكريم
اللهم شفع فيها صيامها وقيامها
اللهم ارحمها فوق الأرض و تحت الأرض و يوم العرض عليك.
اللهم أنزل نوراً من نورك عليها .
اللهم اسقها من حوض نبيك محمد صلى الله عليه وسلم شربه هنيئه مريئه لا تظمأ بعدها أبدا .
اللهم أظلها تحت عرشك يوم لا ظل الا ظلك و لا باقى الا وجهك
اللهم بيض وجهها يوم تبيض وجوه و تسود وجوه
اللهم ارزقها لذة النظر إلى وجهك يوم القيامة .
اللهم أسكنها الفردوس الأعلى مع الأنبياء والصديقين والشهداء
اللهم نور لها قبرها وآنس وحشتها واغفر لنا ولها

نسألكم قراءة الفاتحة والدعاء لها بإخلاص🤲

خالص العزاء والمواساة

كل عام وكل اهالينا وأحبابنا بكل خير وصحة وسعادة
كل عام ومصرنا الغالية بكل أمن وأمان وسلام
كل عام وشعب مصر الغالى بكل خير
اللهم احفظ مصر وشعبها واجعلها آمنة مطمئنة