Click With Mostafa

733 ألف متابع… وأخدنا قرار نبدأ من الصفر! 😳🔥

تحدي قوي، واشتغلنا عليه بطريقة مختلفة تمامًا!

كلمني دكتور عشان ندير السوشيال ميديا الخاصة بيه، وكان من ضمن الصفحات اللي هستلمها صفحة فيسبوك عليها تقريبًا 733 ألف متابع!

رقم كبير جدًا، صح؟

بس المفاجأة إن أغلب المتابعين مش حقيقيين، والتفاعل مش متناسب خالص مع حجم الصفحة!

والدكتور كان اشتغل قبل كده مع 4 شركات ماركتينج مختلفة!

طيب نعمل إيه؟ 🤔

نحذف الصفحة؟
نسيبها ونحاول نصلحها؟
ولا نبدأ من الصفر؟

هنا كان لازم ناخد قرار مبني على تحليل، مش مجرد توقعات!

أول خطوة عملتها إني بدأت أراجع أداء الصفحة وأشوف إحنا واقفين فين فعلًا:

📊 المشاهدات بتوصل لكام؟

📊 التفاعل الحقيقي عامل إزاي؟

📊 الجمهور الموجود على الصفحة مين، وهل هو مناسب لتخصص الدكتور؟

📊 وإيه اللي اتعمل قبل كده، وإيه اللي ممكن نتعلم منه؟

وبعد ما بدأت أفهم الصورة بشكل أوضح، كان عندي تحدي أكبر من مجرد إدارة صفحة…

إزاي أكسب ثقة الدكتور، وأثبتله إن المرة دي فيه تفكير مختلف، وخطة واضحة، وشغل مبني على أرقام؟

وهنا أخدت قرار مهم!

إننا نبدأ بصفحة جديدة تمامًا، بأفكار جديدة، واستراتيجية محتوى مختلفة، وظهور طبيعي للدكتور بشكل مميز يليق بخبرته وتخصصه.

ليه؟

لأننا كنا محتاجين نبني جمهور حقيقي من البداية، ونقدر نتابع أداء المحتوى ونفهم إيه اللي بيشتغل وإيه اللي محتاج يتطور.

لكن هل معنى كده إننا رمينا الـ 733 ألف متابع في الزبالة؟!

لأ طبعًا! 👇

الصفحة الكبيرة كان ليها دور تاني خالص في الاستراتيجية.

بدل ما نعتمد عليها كأنها صفحة هتجيب تفاعل وحجوزات لمجرد إن عليها رقم كبير، بدأنا نشتغل عليها بمحتوى مختلف،

يعني بدل ما نخسر أصل رقمي موجود، حاولنا نستفيد منه بطريقة تناسب حالته الفعلية.

وفي نفس الوقت، الصفحة الجديدة بقت مساحة نقدر نبني عليها هوية الدكتور، ونختبر أفكار المحتوى، ونقيس النتائج بشكل أوضح.

اكتبلي رأيك في الكومنتات 👇

الرسالة دي بسطتني جدًا ❤️

الرسالة دي وصلتلي وأنا أصلًا واخد راحة وإجازة من الشغل…

وحمستني جدًا ورجعتلي طاقة كنت محتاجها. ❤️

أنا شخص بحب شغلي، وبتعب فيه جدًا…
من الأفكار، للتفاصيل، لطريقة ظهور كل كادر بشتغل معاه سواء طبي أو إعلامي بالشكل اللي يليق بيه ويبسطه

وأوقات كتير شغلي بيكون في صمت…
شغل كتير بيتعمل، ومجهود كبير محدش بيشوفه.

وحتى الصفحة دي، قليل جدًا لما بلاقي وقت عشان اسرقه وأظهر عليها.

اتعب في مجال انت بتحبه ودوس علي نفسك متستناش نتيجه

لأن طول ما أنت بتتعب وبتعمل اللي عليك،

ربنا مطّلع على تعبك.

وهتوصل…

مصطفي مطاوع

نزلنا القاع عشان نشوف بنفسنا شكاوي أهالي قاع الهامور ونحلها 🐟🌊😂

واللي شفناه هناك كان صعب يتوصف… من أول ما وصلنا لقينا نفسنا وسط عالم كامل من سكان الهامور 👀
دي شوية من الصور والريلز اللي عملناها من قلب القاع، وكل لقطة بتحكي جزء من اللي حصل معانا.

أخر أعمالنا من قاع الهامور 🔥
والباقي؟ هنعرضه عليكم واحدة واحدة… لو سكان القاع وافقوا 😂🐟

#الهامور #تصوير #ريلز

الدقهلية… مركز كبير للطب والرعاية الصحية 🩺

ومع قوة المنافسة في المنصورة، أجا، ومراكز الدقهلية… بقى وجودك كدكتور على السوشيال ميديا مش مجرد رفاهية.

قعدت مع دكاترة كتير…

منهم دكاترة شاطرين جدًا، لكن محدش عارفهم بالشكل اللي يستحقوه.

وفي المقابل…
دكاترة مستواهم عادي، لكن اسمهم سابقهم، وحضورهم مخليهم من نجوم السوق.

الفرق مش دايمًا في الشطارة الطبية…

الفرق أحيانًا في مين عرف يظهر شغله صح.

متدفنش نفسك بنفسك… أظهر شغلك. 🎯

التسويق الصح مش معناه إنك تعمل إعلان وخلاص.

أنا بساعد العيادات والمراكز والأطباء في بناء حضور رقمي حقيقي من خلال:

📌 خطة تسويقية قوية مبنية على وضع صفحتك وتخصصك والمنافسة حواليك.

📢 إعلانات ممولة باحترافية للوصول للجمهور المناسب في منطقتك والمهتم فعلًا بخدمتك.

🎬 سكريبتات ريلز قوية معمولة مخصوص لتخصصك، مع مونتاج وإيديت يخلي المحتوى يظهر بشكل احترافي.

📸 بوستات ومحتوى من داخل عيادتك يحول المكان والخبرة اليومية لمحتوى يبني ثقة عند المريض.

🔥 الترندات؟ مش بنجري وراها وخلاص… بنشوف إزاي نقدر نحولها لمحتوى يخدمك ويحقق لك مكاسب حقيقية.

والأهم…

إحنا فاهمين طبيعة سوق الرعاية الصحية، وإيه المسموح، وإزاي نوصل للمريض المستهدف بطريقة احترافية تحافظ على صورة الدكتور وثقة الجمهور.

أنا مصطفى مطاوع
مسوق إلكتروني وميديا باير
خبرة ممتدة من 2019 في السوق المصري والسعودي.

لو أنت دكتور في الدقهلية – المنصورة – أجا وحاسس إن شغلك يستحق ظهور أقوى…

خلينا نخلي الناس تعرف قيمة شغلك.
https://wa.me/201100327772

📞 01100327772

أظهر شغلك… متدفنش نفسك بنفسك.

#المنصورة #أجا #الدقهلية

كلهم بيدوك كورس... مين يديك شغل؟

في الفترة الأخيرة بقى أي حد يفتح كاميرا، يعمل شوية محتوى، وبعدها يعلن عن كورس.

ومشكلتي مش مع السن، ممكن شخص عنده 19 سنة يكون أشطر من ناس أكبر منه بسنين، والسن عمره ما كان مقياس للخبرة.

مشكلتي مع اللي بيبيع المعرفة كأنها سلعة، وهو أصلًا مجربش يحقق نتائج حقيقية، ولا اشتغل مع عملاء، ولا واجه مشاكل السوق على أرض الواقع.

هتلاقي كورسات كانت بـ2000 جنيه وبقت بـ400 جنيه، وعروض وخصومات كل يوم، وكأنك بتشتري تيشيرت مش بتستثمر في مهارة ممكن تغيّر مستقبلك.

وفي الآخر تكتشف إن أغلب المحتوى معلومات سطحية، أو إعادة ترتيب لكلام موجود ببلاش، من غير تجربة حقيقية ولا قيمة تضيفها بعد ما تخلص الكورس.

أنا مش ضد الكورسات... أنا ضد إن الخبرة تبقى مجرد منتج بيتباع لأي حد، من غير نتائج تثبت إن صاحبها عاش اللي بيشرحه.

اللي عاش التجربة هيختصرهالك... واللي مجربش هيبيعهالك.

#بيزنس #مبيعات #نجاح

لو البوست بتاعك محدش وقف عنده أول 3 ثواني... اعتبره مات! 😅

تعالى أقولك على سر أغلب الناس متعرفوش...

إيه هو الـ Hook؟

ببساطة جدًا... الهوك هو أول جملة أو أول لقطة بتشوفها في البوست أو الفيديو. هي اللي بتخلي الشخص وهو بيقلب على فيسبوك يقف ويقول: "استنى كده... ده بيقول إيه؟"

يعني بدل ما تبدأ تقول:
"النهارده هنتكلم عن التسويق."

ابدأ بـ:
"90% من الناس بتخسر عملاء بسبب غلطة واحدة بس."

شايف الفرق؟

أول واحدة مخليتش حد يقف.
التانية خلتك تكمل عشان تعرف إيه الغلطة.

الهوك مش هدفه يبيع...
ولا هدفه يشرح...
هدفه الوحيد إنه يخلي الناس تكمل.

كل ما الناس كملت قراءة أو اتفرجت لآخر الفيديو، المنصة بتفهم إن المحتوى ده حلو، فتبدأ توصله لناس أكتر.

يعني ممكن تغير أول سطر بس...
وتلاقي المشاهدات بقت أضعاف من غير ما تغير أي حاجة تانية.

افتكرها دايمًا:
الهوك هو الباب... لو الباب محدش دخله، عمره ما هيشوف اللي جواه.

وده بالظبط الفرق بين بوست جاب 500 مشاهدة... وبوست تاني بنفس المحتوى جاب 100 ألف.

بعض من أعمالنا مع أحد أكبر أساتذة جراحات السمنة والمناظير في مصر

من اختيار فكرة المحتوى، والاسكريبت، وتصميم الهوية البصرية، وإخراج الريلز بشكل احترافي، ثم إدارة الإعلانات وتحليل النتائج للوصول لأكبر عدد من العملاء المحتملين.

دي مجرد لقطات من شغلنا مع الأستاذ الدكتور محمد عبد الفتاح
استشاري وأستاذ الجراحة وجراحات السمنة والمناظير.

✔️ ريلز احترافية.
✔️ تصميمات
✔️ إدارة محتوى كاملة.
✔️ حملات إعلانية مدروسة.
✔️ وصول قوي وبناء ثقة وتحويل المتابعين إلى حجوزات ورسائل.

وده مجرد جزء بسيط من النتائج... والقادم أكبر بإذن الله.

إذا كنت دكتور أو صاحب بيزنس وعايز السوشيال ميديا تبقى مصدر حقيقي لجذب العملاء، يسعدني أساعدك.

📞 للتواصل:
01100327772

مصطفى مطاوع | Medical Marketing | Paid Ads | Branding

✨ كل كلمة ثقة بتفرق

سعيد جدًا برأي دكتور حازم، وبشكره على ثقته الغالية. ❤️

📱 دلوقتي متاح:
✅ إدارة صفحات السوشيال ميديا باحترافية.
✅ تصميمات احترافية.
✅ إدارة الحملات الإعلانية.
✅ متابعة الصفحة وتحليل النتائج بشكل مستمر.

💬 سيب كومنت أو ابعت رسالة، وهنتواصل معاك ونناقش أفضل خطة تناسب شغلك.

📞 01100327772
📲 واتساب:
https://wa.me/201100327772

مصطفى مطاوع | Digital Marketing 🚀

جهزنا المحتوى في أسبوعين فقط... لأننا مؤمنين إن جودة الشغل أهم بكتير من كمية الشغل. 💯

وده كان التطبيق على بيدج دكتور أطفال

شهر ونص فقط من التنفيذ، والنتيجة كانت بالأرقام:

📈 أكثر من 1.1 مليون مشاهدة
🎥 عشرات الآلاف من المشاهدات عالية الجودة
🚀 بميزانية إعلانية معقولة (6000)، لكن السر الحقيقي كان في استراتيجية المحتوى.

اشتغلنا على محتوى يجذب الانتباه من أول ثانية، يخلي الأمهات تكمل الفيديو، يزود الثقة في الدكتور، ويقوي حضور الصفحة

إحنا مش بنعتمد على الإعلانات بس...
الإعلان بيوصل المحتوى، لكن المحتوى هو اللي بيحقق النتيجة.

الأرقام عمرها ما بتكدب... ودي مجرد بداية. 🔥

Click With Mostafa 🚀

#ماركتنج #ريلز #براندنج #عيادات #دكاترة