Shadow

أنا كنت في مدرسة خاصة لغات، وكان نظام المدرسة إن الطلبة من أولى حضانة لحد الثانوية العامة بيكونوا نفس الطلبة في فصل واحد بتغييرات طفيفة جداً كل سنة.

مش قادر أنسى زميل ليا هسميه مجازاً (حسن الديب) والاسم من خيالي تماماً لأني معرفش هو فين دلوقتي.

الديب دة كان من أولى ابتدائي واحد من أطيب خلق الله، مطيع وكريم ومؤدب وشاطر، لكنه كان ضعيف بدنياً، وإحنا مدرسة بنين، يعني القوة البدنية كانت مهمة عشان يبقى ليك احترامك في المدرسة.

طول سنين الدراسة من أولى ابتدائي لحد أولى ثانوي، وهو كل شوية يتلم عليه شوية عيال ويضربه لا لشيء إلا لأنه مش قادر عليهم، ونروح إحنا بقى ندافع عنه وغالباً كنا بنتضرب معاه في الآخر.

بس أهو كنا على الأقل بنشوف نفسنا جدعان، ونطبق مقولة (الموت مع الجماعة رحمة) وناكل العلقة كلنا ومحدش فاهم ليه الضرب دة كله، لا اللي بيتضرب فاهم ولا اللي بيضرب عارف.

لحد في يوم وإحنا في أولى ثانوي (يعني سنة ١٩٩٤ غالباً)، لقينا حسن جايلنا (إحنا الشلة اللي بتدافع عنه) وقالنا اللي هيحصل النهاردة لو سمحتم مهما انضربت محدش يتدخل.

وإحنا قعدنا نجادله بس هو كان واخد قراره خلاص، فقلنا خلاص هو حر.

وبين الحصص مدرس متأخر دقيقتين، ولو تفتكروا لما كان الفصل بيبقى بدون مدرس كان بيقلب هيصة، ولقيت حسن دة وقف على الديسك عند العيال اللي بتضربه، ولابس جزمة لطفي (الجيل القديم هيعرف إنها المسمى القديم للأحذية السيفتي) وطاح بوش رجله في وشوش العيال اللي متعودة تضربه، وبيضرب بكل غل وقوة غير معتادة، وماسك في ايده عصاية طويلة بيضرب بيها اللي بيقف عشان يطوله.

كم الطاقة والغضب والقوة اللي طالعة منه مش طبيعية، ضرب فيه انتقام لسنين طويلة جداً من المهانة اللي كان عايش فيها.

وفعلاً فيه كذا طالب اتعور، وبدأوا يجروا كمان يبعدوا عنه.

على دخلة المدرس بتاع الحصة، اللي أول ما شاف المنظر تنح ،قال:
"حسن، إيه اللي بتعمله دة؟"

حسن يصرخ بأعلى صوته: "يا مستر إحنا بقينا في زمن، إن لم تتذاءب.... أكلتك الذئاااااااااب".

وكمل ضرب لحد ما المستر راح ومسكه بنفسه يحوشه.

وكملنا من ساعتها لحد ما خلصنا تالتة ثانوي، وحسن دة واحد من أشرس بلطجية المدرسة، وطيبته اختفت، لكن تفوقه الدراسي استمر، ومن قلة طيبته في التعامل بدأنا إحنا الشلة اللي كانت بتدافع عنه وتحترمه.... نبعد".

لدرجة إني معرفتش هو دخل كلية إيه ولا هو فين دلوقتي.

الطيبة لما تتقابل بمهانة ممكن جداً تستدعي نسخة شرسة من شخصية الطيب، ويا عالم الشراسة دي مداها لحد فين.
أحمد سمير

فرصة استثمار كبيرة لشركات المقاولات
ارض مبانى للبيع تانى نمرة على النيل بالمعادى
الواجهة مباشر على النيل
مساحة ٥٠٠ متر
للتفاصيل وموقع الارض
تواصل خاص

فرصة استثمار كبيرة للشركات
قطعة ارض مبانى للبيع
بها شهادة صلاحية بناء محتاجة تتجدد فقط
مساحة ٣٤١٠ متر
بكفر الدور على طريق اسكندرية الزراعى مباشر
للتفاصيل و موقع الارض
تواصل خاص

على كده لعيبة المغرب بعد الهزيمة هيرجعوا على الرباط ولا باريس وطنهم الأم