Oromia Community Development Organization

Baga Ayyaana Masqalaa Bara 2019 Nagaan Geessan!
እንኳን ለ2019 ዓ.ም. የመስቀል በዓል በሰላም አደረሳችሁ!
Happy Meskel 2019 E.C. — Wishing You a Peaceful and Joyful Celebration!

DHAABBATA GUDDINA HAWAASAA OROMIYAA
የኦሮሚያ ማህበራዊ እድገት ድርጅት
OROMIA COMMUNITY DEVELOPMENT ORGANIZATION

BAGA AYYAANA MASQALAA NAGAAN GEESSAN!

Manajimantiin Waajjira Muummee fi Boordiin Daarekteeraa Dhaabbata Guddina Hawaasa Oromiyaa (DhGHO), hordoftoota amantaa Kiristaanaa, akkasumas uummata naannoo keenyaa fi lammiilee keenya maraan, Baga Ayyaana Masqalaa gammachuu, jaalalaa, nagaa fi abdii haaraan geessan!

Masqalaa jechuun ibidda qofa miti; ifa, abdii, jaalala, araara, nagaa fi walitti dhufeenya hawaasaa nu yaadachiisa. Yeroo ibiddi Masqalaa boba’u, ifni isaa qalbii keenya haa guutu; jaalalli maatii fi hawaasa keenyaa haa cimu; gammachuunis mana hunda haa dagaagu.

Kan fagaatee jiru gara maatii isaatti haa deebi’u; kan gaddaa jiru jajjabina haa argatu; kan abdii kutate abdii haaraa haa horatu. Ifni Masqalaa jireenya keenya keessatti karaa nagaa, jaalalaa fi abdii haa nuuf banu!

Akka aadaa fi duudhaa keenyaatti, kan dhabe gargaaruu, kan rakkate bira dhaabbachuu fi ayyaana waliin kabajuu dirqama lammummaa fi namummaa keenyaati. Kanaaf, Dhaabbanni Guddina Hawaasa Oromiyaa hawaasa naannoo keenyaa hunda waliin dhaabbachuu, waliif yaaduu fi waliin hojjechuun misooma naannoo keenyaa fi gargaarsa namoomaa cimsuuf waamicha dhiyeessa.

Ayyaanni Masqalaa kun maatii keessanitti gammachuu, qalbii keessanitti tasgabbii, jireenya keessanitti milkaa’ina, biyya keenyaaf immoo nagaa, tokkummaa, jaalala, misooma fi badhaadhina haa fidu!

BAGA AYYAANA MASQALAA NAGAAN GEESSAN!

Ayyaanni Masqalaa Isiniif

Nagaa, Jaalala, Gammachuu fi Abdii Haaraa Haa Ta’u!

Koree Manajimantii fi Boordii Daarekteeraa
DHAABBATA GUDDINA HAWAASA OROMIYAA (DhGHO)

Fulbaana 16, 2019 A.L.I
Finfinnee

Dhaabbata Guddina Hawaasa Oromiyaa
Oromia Community Development Organization

ASXAA HAARAA, MUL’ATA HAARAA - BARA HAARAA!

Kabajamtoota hawaasa keenya, michoota, deeggertoota, qaamolee mootummaa, dhaabbilee mit-mootummaa fi hordoftoota Dhaabbata keenyaa hundaaf,

Dhaabbanni Guddina Hawaasa Oromiyaa (DhGHO) Bara haaraan yeroo haaromsaa, abdii, mul’ata haaraa fi fuulduraatti ifaa itti simannuudha. Haaluma kanaan, Dhaabbanni Guddina Hawaasa Oromiyaa (DhGHO) bara haaraa 2019 Itoophiyaa kana sababeeffachuun asxaa (Logo) isaa haaraa ummataaf ifa gochuu isaa gammachuudhaan isin beeksisa.

Asxaan keenya haaraan eenyummaa Ummata keenya, mul’ata, duudhaa fi kallattii hojii DhGHO haala ammayyaa fi professional ta’een calaqqisiisa.

Asxaa haaraa jechuun eenyummaa haaraa miti!

Jijjiiramni asxaa kun eenyummaa fi maqaa Dhaabbata Guddina Hawaasa Oromiyaa jijjiiruuf miti; guddina dhaabbatichaa, bal’ina hojii isaa fi mul’ata isaa gara fuulduraa haala ifa, ammayyaa fi sadarkaa professional qabuun mul’isuuf kan taasifamedha.

Bara 2019 kana irraa eegalee, asxaan haaraan Dhaabbata Guddina Hawaasa Oromiyaa mallattoo hojii, hirmaannaa fi mul’ata keenya bakka hundatti kan nu waliin deemu fi hojii irra oolu asxaa kana irra deebiin ifatti labsuu barbaanna.

Furmaata Rakkoo Hawaasummaa Oromiyaaf
Dhaabbata Guddina Hawaasa Oromiyaa

Barri Haaraan kun bara abdii, nagaa, tokkummaa fi guddinaa haaraa nuuf ha ta’u!

Dhaabbata Guddina Hawaasa Oromiyaa (DhGHO)
የኦሮሚያ ማሀበራዊ እድገት ድርጅት (ኦማእድ)
Oromia Community Development Organization (OCDO)

አዲስ አርማ፣ አዲስ ራዕይ – አዲስ ዓመት!

ለተከበራችሁ የማህበረሰባችን አባላት፣ አጋሮቻችን፣ ደጋፊዎቻችን፣ የመንግስት አካላት፣ መንግስታዊ ያልሆኑ ድርጅቶች እና የድርጅታችን ተከታታዮች በሙሉ፣

እንኳን ለኢትዮጵያ አዲሱ ዓመት 2019 በሰላም አደረሳችሁ!

አዲስ ዓመት የእድሳት፣ የተስፋ፣ የአዲስ ራዕይ እና የብሩህ የወደፊት ተስፋን የምንቀበልበት ወቅት ነው። በዚህ አጋጣሚ፣ የኦሮሚያ ማህበራዊ እድገት ድርጅት (ኦማእድ) የኢትዮጵያን አዲስ ዓመት 2019ን በማስመልከት አዲሱን የድርጅቱን አርማ (Logo) ለህዝብ በደስታ ይፋ ማድረጉን ያስታውቃል።

አዲስ አርማ ማለት አዲስ ማንነት ማለት አይደለም!

የአርማው ለውጥ የድርጅቱን ስም፣ ማንነት ወይም ዓላማ ለመቀየር የተደረገ አይደለም። ይልቁንም የድርጅቱን እድገት፣ የስራ ዘርፎች መስፋፋት እና የወደፊት ራዕዩን በግልፅ፣ በዘመናዊ እና በሙያዊ መልኩ ለማንፀባረቅ የተደረገ ማሻሻያ ነው።

አዲሱ አርማችን የህዝባችንን ማንነት፣ የድርጅቱን ራዕይ፣ እሴቶች እና የስራ አቅጣጫ በዘመናዊ መልኩ የሚያንፀባርቅ ነው።

ከ2019 ዓ.ም. ጀምሮ፣ አዲሱ የድርጅታችን አርማ የስራችን፣ የተሳትፎአችን እና የራዕያችን ምልክት በመሆን በሁሉም የድርጅቱ የስራና የግንኙነት አገልግሎቶች ላይ በይፋ ጥቅም ላይ ይውላል።

“ለኦሮሚያ ማህበራዊ ችግሮች መፍትሄ”

አዲሱ ዓመት የተስፋ፣ የሰላም፣ የአንድነት፣ የእድሳት እና የአዲስ እድገት ዓመት ይሁንልን!

የኦሮሚያ ማህበራዊ እድገት ድርጅት

አዲስ አርማ • አዲስ ራዕይ • አዲስ አቅጣጫ

#ኦማእድ #አዲስዓመት2019 #አዲስአርማ #አንድነት #ተሳትፎ #ዘላቂእድገት #ማህበረሰብንማጠናከር #ኦሮሚያ

NEW LOGO, NEW VISION–NEW YEAR!

To our esteemed community members, partners, supporters, government institutions, non-governmental organizations, and all followers of our organization,

The Oromia Community Development Organization (OCDO) warmly welcomes the New Year as a time of renewal, hope, new vision, and a brighter future. In this spirit, the Oromia Community Development Organization (OCDO) is pleased to announce and officially unveil its new organizational logo to the public in celebration of the Ethiopian New Year 2019.

Our new logo reflects the identity of our people, the vision, values, and strategic direction of OCDO in a modern and professional manner.

A NEW LOGO DOES NOT MEAN A NEW IDENTITY!

The change of our logo is not intended to change the identity or name of the Oromia Community Development Organization. Rather, it is an important renewal undertaken to clearly and professionally reflect the growth of the organization, the expansion of its areas of work, and its vision for the future in a modern and professional way.

Starting from 2019 Ethiopian New Year, the new logo of the Oromia Community Development Organization will serve as a symbol of our work, participation, and vision, accompanying us and being officially used across all our organizational activities, communications, and platforms.

“Solutions to Social Challenges in Oromia”

Oromia Community Development Organization

May this New Year be a year of hope, peace, unity, and renewed growth for all of us!

Oromia Community Development Organization (OCDO)
Dhaabbata Guddina Hawaasa Oromiyaa (DhGHO)
የኦሮሚያ ማሀበራዊ እድገት ድርጅት (ኦማእድ)

BAGA GEESSAN! AYYAANA BARA HAARAA ITOOPHIYAA 2019

Boordiin Daarektarootaa fi Hoggansi Dhaabbata Guddina Hawaasa Oromiyaa, Ayyaana Bara Haaraa Itoophiyaa 2019 sababeeffachuun, miseensota Boordii Daarektarootaa, hojjettoota, maatiiwwan isaanii, michoota hojii, qaamolee dhimmamtootaa fi uummata Oromoo maraan baga geessan jechuun hawwii gaarii fi ergaa baga nagaan geessanii isiniif dabarsa.

Bara Haaraan 2019 kun bara nagaa, jaalalaa, tokkummaa, milkii, badhaadhinaa fi abdii haaraa isiniif haa ta’u. Jireenyi keessan gammachuu fi fayyaa, maatiin keessan jaalalaa fi nageenya, hojiiwwan keessan immoo milkaa’inaa fi bu’aa gaariin haa guutaman.

KUTANNOO KEENYA HAAROMSINA

Dhaabbata Guddina Hawaasa Oromiyaa keessatti, guddina hawaasaa waaraa, hirmaannaa uummataa, walqixxummaa carraa, cimsina dandeettii hawaasaa fi fooyya’iinsa jireenya uummataa irratti hojjechuu keenya itti fufsiisuuf kutannoo guutuu qabna.

Bara Haaraa 2019 keessatti, hojiiwwan keenya bu’a qabeessa ta’an caalaatti cimsuun, tajaajila hawaasaa fooyyessuun, akkasumas misooma hawaasaa waaraa fi hirmaachisaa ta’e deeggaruun, gahee dhaabbata keenyaa guddina fi badhaadhina uummataa keessatti qabu daran guddisuuf hojjenna.

Hirmaannaa fi hirmaachisummaa hawaasaa cimsuu, dandeettii fi of danda’uu uummataa guddisuu, itti gaafatamummaa fi iftoomina dhaabbataa jabeessuu, akkasumas tumsa qaamolee dhimmamtootaa waliin qabu daran cimsuun, hojiiwwan keenya keessatti xiyyeeffannoo olaanaa kenninuudha.

ERGAA AYYAANAA

Ayyaanni Bara Haaraa kun, waggaa darbe keessatti hojiiwwan raawwataman ittiin madaalan, milkaa’ina galmeessan ittiin kabajan, hanqina mul’ate irraa baratan, akkasumas karoora fi abdii haaraa ittiin horatan haa ta’u.

Bara Haaraa 2019 keessatti, hawaasni keenya nagaa fi tasgabbii keessa jiraatee, carraa misoomaa fi guddinaa argatee, jireenya isaa fooyyeffatee, hawwii fi mul’ata isaa gara dhugoominaatti akka geessu hawwina.

Dhaabbanni keenya, guddina hawaasaa fi badhaadhina uummataa keessatti gahee isaa bahachuuf, tumsa qaamolee dhimmamtootaa fi hirmaannaa uummataa irratti hundaa’uun, hojii isaa itti fufsiisuuf qophii fi kutannoo guutuu qaba.

Baga Ayyaana Bara Haaraa Itoophiyaa 2019 nagaan geessan!

Bara Haaraan 2019 bara milkii, badhaadhinaa, nagaa fi gammachuu isiniif haa ta’u!

DHAABBATA GUDDINA HAWAASA OROMIYAA
Hawaasaaf • Misoomaaf • Fuulduraaf

Boordii Daarektarootaa fi Hoggansa Dhaabbata Guddina Hawaasa Oromiyaa irraa

Dhaabbanni Guddina Hawaasa Oromiyaa, du’aan addunyaa kanarraa boqachuu Hayyuu Gadaa, Pirofeessar Asmiroom Laggasaa dhaga’uudhaan gadda guddaa itti dhaga’ameera.

Pirofeessar Asmiroom Laggasaa hayyuu olaanaa, qorataa cimaa, barsiisaa quubsaa fi eenyummaa, seenaa, sirna Gadaa fi aadaa Oromoo addunyaatti beeksisuun seenaa hin haqamne galmeessan turan. Qorannoowwan isaanii, barreeffamoonni isaanii fi hojii barnootaa isaanii dhaloota har’aa fi boruuf ifa ta’anii kan itti fufan dha.

Dhaabbanni keenya, gumaacha isaanii misooma hawaasaa, beekumsa, nagaa fi wal-qixxummaa sabootaaf taasisan kabajaa olaanaan yaadacha, hojiin isaan jalqabsiisan akka itti fufu abdii qaba. Duuti isaanii du’aa nama tokkoo qofa osoo hin taane, du’a hayyummaa fi gorsa biyyaalessaa ta’uu hubanna.

Yeroo gaddaa kana keessatti, maatii, firoottan, barattoota, hordoftoota fi ummata Oromoo guutuu biratti jajjabina, obsaa fi gargaarsa Waaqaa hawwina. Hafuurri isaanii nagaan haa boqotu; dhaamsi isaanii dhaloota dhalootatti haa darbu.

Kabajaan,
Dhaabbata Guddina Hawaasa Oromiyaa (DGHO)