MFM

NEWS - አዲሱ የሳይበር ደህንነት አዋጅ ምን ምን ጉዳዮችን ይዟል

የኢትዮጵያ ህዝብ ተወካዮች ምክር ቤት የቁልፍ መሰረተ ልማቶችን ደህንነት የሚያስጠብቅ አዲስ የሳይበር ደህንነት አዋጅ አጸደቀ

የሀገሪቱን የዲጂታል ትራንስፎርሜሽን ጉዞ ለማስቀጠል እና ከጊዜ ወደ ጊዜ እየጨመረ የመጣውን የሳይበር ጥቃት ስጋት ለመከላከል ያለመው የቁልፍ መሰረተ ልማቶች የሳይበር ደህንነት አዋጅ (አዋጅ ቁጥር 1426/2018) በህዝብ ተወካዮች ምክር ቤት ጸድቋል። ይህ አዋጅ ሀገራዊ የዲጂታል ሉአላዊነትን ለማረጋገጥ እና የዜጎችን እንዲሁም የተቋማትን መረጃ ከሳይበር ጥቃት ለመጠበቅ የሚያስችል ጠንካራ ህጋዊ ማዕቀፍ መያዙን የፌደራል የሳይበር ደህንነት ኦዲት እና ኢቫሉዌሽን ዳይሬክቶሬት ዳይሬክተር የሆኑት ጥላሁን እጅጉ በላይ (ዶ/ር) ከኢቢሲ ጋር ባደረጉት ቆይታ አብራርተዋል።

ዳይሬክተሩ እንደገለጹት ፣ አዲሱ አዋጅ ልዩ ትኩረት የሚሹ 12 ዋና ዋና የመሰረተ ልማት ዘርፎችን የለየ ሲሆን፤ የፋይናንስ፣ የቴሌኮም እና ኢንፎርሜሽን ቴክኖሎጂ፣ የትራንስፖርት፣ የኃይልና ውሃ፣ የጤና እንዲሁም የደህንነት ዘርፎች በዋናነት ተካተውበታል። በእነዚህ ዘርፎች ስር የሚገኙ ተቋማት የሳይበር ደህንነታቸውን የሚያጠናክሩ 18 ዋና ዋና ግዴታዎች የተጣሉባቸው ሲሆን፣ የደህንነት ኦዲት ማድረግ፣ ብቁ ባለሙያዎችን መደደብ እና የውስጥ ቁጥጥር ስርዓት መዘርጋት ከግዴታዎቹ መካከል ይጠቀሳሉ።

አክለውም በአዋጁ መሰረት ማንኛውም የሳይበር ጥቃት ወይም አጠራጣሪ እንቅስቃሴ ያጋጠመው ተቋም ጥቃቱ በታወቀ በ48 ሰዓታት ውስጥ ለብሔራዊ የሳይበር አደጋ ምላሽ መስጫ ማዕከል የማሳወቅ ግዴታ አለበት ብለዋል። በፌደራል የሳይበር ደህንነት ኦዲት እና ኢቫሉዌሽን ዳይሬክቶሬት ዳይሬክተር ጥላሁን እጅጉ በላይ (ዶ/ር) ይህንን ግዴታ ባልተወጡና የሳይበር ደህንነት መመሪያዎችን ባልተተገበሩ ተቋማት ላይ እስከ 2 ሚሊዮን ብር የሚደርስ አስተዳደራዊ የገንዘብ መቀጮ እንደሚጣል የተደነገገ ሲሆን፤ ተቋማት ራሳቸውን እንዲያዘጋጁ የ1 ዓመት የማሸጋገሪያ ጊዜ መሰጠቱን ይፋ አድርገዋል።

MFM - ለማህበረሰብ ፍትህ

የቀጠናውን ደህንነት ለማስከበር እና የዓለምን ልዕለ ሃያልነት ለመውሰድ የሚደረገው ፍልሚያ ወደ ተካረረ አዲስ ምዕራፍ ተሸጋግሯል

ዋጋ 1000 ብር
20 USD

ሀገራዊ ምክክሩ ላይ 4ቱ ያላስማሙ ዋና ዋና ነጥቦች ታውቀዋል።እነዚህም:-

​📌የመንግስት አደረጃጀት፦ መንግስት የፕሬዚዳንቱና ጠቅላይ ሚኒስትሩ ስልጣን የተደመረበት ፓርላሜንታዊ ይሁን ወይስ ፕሬዚዳንቱ በህዝብ ቀጥታ የሚመረጥበት ፕሬዚዳንታዊ?

📌​የፌዴሬሽን ም/ቤት አመራረጥ፦ አባላቱ በክልል ምክር ቤቶች ተመርጠው ይላኩ ወይስ በህዝብ ቀጥታ ምርጫ ይወከሉ?

📌​የብሔረሰቦች ውክልና መጠን፦ ውክልናው እንደ አሁኑ በህዝብ ቁጥር ብዛት ይሁን ወይስ ሁሉም ብሔረሰቦች እኩል ውክልና ይኑራቸው?

📌​የ"ውህድ ማንነት" ጥያቄ፦ ሁለትና ከዚያ በላይ ብሔር ያላቸው ዜጎች "ውህድ/ብሔር የለኝም" ብለው የመመዝገብ መብት ይኑራቸው አይኑራቸው?

በቀጣይ ምን ይደረጋሉ?
እነዚህ አራቱ አከራካሪ ሀሳቦች በጋራ ውሳኔ ሳይቋጩ ወደ ቀጣዩ የምክክር ዙር የተሸጋገሩ ሲሆን፣ በቀጣይም ጉዳዩ በአስማሚ ኮሚቴ ታይቶ ስምምነት ላይ ለመድረስ ይሞከራል። እዚያም ስምምነት ካልተደረሰበት ግን ጉዳዩ በድምፅ ብልጫ ውሳኔ እንዲያገኝ ይደረጋል መባሉን ጠቅሶ ቲክቫህ አጋርቷል።

በደቡብ ወሎ ምዕራብ ወረዳዎች ተከስቶ የነበረው የተኩስ ልውውጥ መረጋጋቱ ተገለጸ

ከነሐሴ 12 ጀምሮ በደቡብ ወሎ ዞን ምዕራብ ወረዳዎች ማለትም በመቅደላ፣ በተንታ እና በደላንታ አካባቢዎች ተከስቶ የነበረው የተኩስ ልውውጥ ከረፋዱ 4፡00 ሰዓት በኋላ እየተረጋጋ መምጣቱን የአካባቢው ነዋሪዎች ገልጸዋል። እንደ ምንጮች ገለጻ ከሆነ በአሁኑ ወቅት በአካባቢዎቹ ሁኔታዎች ወደ መደበኛ እንቅስቃሴያቸው እየተመለሱ ይገኛሉ።

በሌላ በኩል ከተኩሱ መረጋጋት ጎን ለጎን በመቅደላ ከተማ እና በተንታ ወረዳ ቆላማ አካባቢዎች የድሮን አሰሳ እየተካሄደ እንደሚገኝ ከተለያዩ ምንጮች የተገኘው መረጃ ያመላክታል።

🚨 የአሜሪካው ፕሬዝዳንት ዶናልድ ትራምፕ በኢራን የጥቃት ስጋት ምክንያት በምስጢር የሚጓዙበትን አውሮፕላን መቀየራቸውን አረጋገጡ

የአሜሪካው ፕሬዝዳንት ዶናልድ ትራምፕ ባለፈው ሀምሌ በቱርክ ከተካሄደው የኔቶ ጉባኤ ሲመለሱ ኢራን በሚጓዙበት አውሮፕላን ላይ የሚሳኤል ጥቃት ልትፈጽም ትችላለች በሚል የደህንነት ስጋት አውሮፕላን በምስጢር መቀየራቸውን ይፋ አድርገዋል።

እስራኤል በደቡባዊ ሊባኖስ ሆን ብላ የሰደድ እሳት እያስነሳች ነው ተባለ

በደቡባዊ ሊባኖስ የእስራኤል ጦር ተቀጣጣይ ቁሶችን በመጣል ደኖችን፣ የወይራ ዛፎችን እና የገበሬዎችን ሰብል ሆን ብሎ በእሳት እያወደሙ መሆኑን የነፍስ አድን ሰራተኞች፣ ነዋሪዎች እና የአካባቢ ጥበቃ ቡድኖች አስታወቁ።

በቅርቡ በቂያም አካባቢ የተነሳውን እሳት ለማጥፋት የሞከሩ የሲቪል መከላከያ ሰራተኞች በድሮን ጥቃት በመሰነዘሩ ወደ ኋላ ለማፈግፈግ መገደዳቸውን የናባቲዬ ክልል የሲቪል መከላከያ ኃላፊ ሁሴን ፋኪህ ተናግረዋል። እንደ ኃላፊው ገለጻ ከአካባቢው መሬት ከ30 እስከ 40 በመቶ የሚሆነው በእሳት ተጎድቷል።

ከተኩስ አቁሙ ወዲህ ባሉት ሁለት ወራት ውስጥ እስራኤል ይህንኑ ተግባር አጠናክራ የቀጠለች ሲሆን፣ የአካባቢ ጥበቃ ተሟጋቾች ድርጊቱ የሊባኖስን የተፈጥሮ አካባቢ ዒላማ ያደረገ የረዥም ጊዜ ዘመቻ አካል ነው ብለዋል። እስራኤል ለቀረበባት ክስ እስካሁን የሰጠችው ምላሽ የለም።

የአሜሪካ እና ኢራን የሁለት ወር የተኩስ አቁም ስምምነት ሊራዘም ነው

በፓኪስታን አሸማጋይነት የተደረሰው የ60 ቀናት የመግባቢያ ስምምነት ሊጠናቀቅ አንድ ሳምንት ያህል የሚቀረው ሲሆን፣ ሁለቱ ሀገራት ስምምነቱን ለማራዘም መስማማታቸውን የፓኪስታን የመንግስት ምንጮች ገልጸዋል።

ሁለቱም ወገኖች ስምምነቱ እንዲራዘም ፈቃደኝነት ያሳዩ ቢሆንም፣ የእፎይታ ጊዜው ለምን ያህል ጊዜ እንደሚራዘም በደብዳቤዎች እና በመልእክት ልውውጥ ውይይት እየተደረገበት ይገኛል። የደህንነት ዋስትናዎችን በመስጠት እና በሆርሙዝ ወሽመጥ ላይ በሚኖረው የመርከቦች እንቅስቃሴ ነፃነት ጉዳይ ላይ ባሉ ልዩነቶች ምክንያት ሂደቱ መጓተቱ ተጠቅሷል።

በሐምሌ ወር አጋማሽ ዋሽንግተን በኢራን ግዛት ላይ ጥቃት ማድረሷን ተከተሎ ኢራን በዮርዳኖስ፣ ባህሬን እና ኩዌት በሚገኙ የአሜሪካ ወታደራዊ ቤዞች ላይ የሮኬት ምላሽ መስጠቷ ይታወሳል።

አሁን የተደረሰው መግባባት በክልሉ ያለውን ከፍተኛ የጦርነት ስጋት ያረግባል ተብሎ ተስፋ ተጥሎበታል።

ቱርክ፣ ሳዑዲ ዓረቢያ እና ፓኪስታን አንዱ ጥቃት ቢደርስበት ሌላኛው ላይ እንደደረሰ የሚቆጠር ስምምነት ተፈራረሙ

በስምምነቱ ላይ በግልፅ እንደተቀመጠው፤ ከሶስቱ ሀገራት በአንደኛዋ ላይ የሚሰነዘር ማንኛውም ትጥቃዊ ጥቃት፣ በሶስቱም ሀገራት ላይ እንደተሰነዘረ የጋራ ጥቃት ተቆጥሮ ምላሽ እንደሚሰጥበት ተመላክቷል።

አሜሪካ የተተኳሽ እጥረት ገጥሟታል!

በተራዘመዉ ጦርነት ምክንያት አሜሪካ ከፍተኛ የሚሳኤል መጥለፊያ ክምችት እጥረት እንደገጠማት የሮያል ዩናይትድ ሰርቪስስ ኢንስቲትዩት (RUSI) ከፍተኛ ተመራማሪ ማይክል ስቲቨንስ ገለጹ።

ተመራማሪው ለአልጀዚራ እንደተናገሩት፣ የአሜሪካ ወታደራዊ ኃይል በክልሉ የሚያደርገው እንቅስቃሴ ለአደጋ የመጋለጥ ዕድሉ ከፍተኛ ከመሆኑም በላይ ሁኔታው በምስራቅ እስያ ለሚገኙ ሌሎች ወታደራዊ ዕዝዎች ላይ ጭምር አሳሳቢ ጫና ፈጥሯል።

ፕሬዝዳንት ዶናልድ ትራምፕ የሚዲያ ተቋማት ስለ አሜሪካ የሚሳኤል ክምችት የሚያሰራጩት ዘገባ ሀሰት ነው ቢሉም፣ ስቲቨንስ ግን "እውነታው ከመሬት ያለው ነው" ሲሉ ምላሽ ሰጥተዋል።

ይህ የጦር መሳሪያ ክምችት አያያዝ ድክመት በመጪው የአጋማሽ ዘመን ምርጫ (Midterm Elections) በዴሞክራቶች ዘንድ በፖለቲካ ተቀናቃኝነት ለሚሰነዘርባቸው ትችትና ጥቃት አሜሪካን አጋልጧል ተብሏል።