Markos Tewodros - Mac

🌿 በቂ ነው
ሙሴ በእጁ ከነበረችው አንዲት በትር ውጪ ሌላ ነገር አልነበረውም።
እግዚአብሔር ግን በዚያች በትር ታላቅን ነገር አደረገ።
ያቺ መበለት የነበራት ጥቂት ዘይት እና ዱቄት እንኳን ለሌላ ለራሷና ለልጇም ዋስትና ያለው አለነበረም። እግዚአብሔር ግን የመከራው ዘመን እስኪያበቃ ድረስ እንዲበዛ አደረገው።
በዳዊት እጅ አምስት ጠጠሮች ብቻ ነበሩ።
ጎልያድን ለመጣል ግን አንዱ ብቻ በቂ ነበረ።
ያ ትንሽ ልጅ አምስት እንጀራና ሁለት ዓሣ ብቻ ነበረው።
ከጌታ ጋር ሲሆን ግን ለብዙዎች ለመትረፍ የሚችል ነበረ።
ሁሉም እጃቸው ላይ የነበረው ነገር በቂ አልነበረም።
እኛስ?
ብዙ ጊዜ በረከታችን ሩቅ እንዳለ ይሰማናል። ለአዲስ ነገር እንፀልያለን፣ Mighty ነገር እንዲሆን እንለምናለን።
ዛሬ ግን አንድ ነገር ላስታውስህ
ታለንትህን፣ ችሎታህን፣ እድልህን፣ ትምህርትህን፣ ጓደኝነቶችህን ብቻ ምንም ይሁን ምን ያለህን ነገር አትናቀው። ዛሬ ትንሽ ቢመስልህ እንኳን ከእግዚያብሔር ጋር በቂ ነው።
ትንሿን ነገር ለእግዚአብሔር ስጠውና፤ ምን ያህል ትልቅ እንደሚሆን ተመልከት

🌿 aboundance (ሙላት)
Aboundance (ሙላት) ማለት ብዙ ገንዘብ፣ ብዙ ስኬት፣ ብዙ እድሎች ወይም ከሁሉም ነገር ብዙ ማግኘት ይመስለናል። ነገር ግን እውነተኛው aboundance የተሰጠንን ነገር ምን ያህል እንደሆነ በአግባቡ መረዳት ይመስለኛል።
ሰላማዊ ልብ፣
ጤናማ ሰውነት
የሚወዱን ሰዎች፣
አዲስ ቀን (ሌላ እድል)፣
ከሁሉም በላይ ደግሞ የእግዚአብሔር ጸጋ 🙏🏽
“ጽዋዬ ሞልቶ ይፈሳል።”
መዝ 23፥5
ምናልባት ዛሬ ተጨማሪ ነገር ከመጠየቃችን በፊት፣ ትንሽ ቆም ብለን በእጃችን ስላለው ስለ በጎ ስጦታው ሁሉ እግዚአብሔርን እናመስግነው። ሙላት የሚጀምረው በምስጋና ነው። ❤️
የጎደለህን ለመቁጠር ከመጀመርህ በፊት፣ የተሰጡህን በረከቶች ቁጠር።

🌱 ነገ ብዙ ተስፋ አለ።
የጸለይክበት ጉዳይ መልስ አግኝቶ ላይሆን ይችላል።
ገና breakthrough እየጠበክም ሊሆን ይችላል።
ተስፋ ያደረካቸው ጉዳዮች ወደ አስቸጋሪ ሁኔታዎች ተለውጠውብህ ሊሆን ይችላል። ከዚህ ሁሉም የተነሳ ስለነገ የምትፈራውና በጥርጣሬ የምታየው ብዙ ነገር ሊኖርህ ይችላል።
ግድ የለም
ቢሆንም፣ የዛሬ ሁኔታ የነገን ተስፋ እንዲነጥቅህ አትፍቀድለት።
ከፊትህ አሁንም ያልተመለሱ ጸሎቶች፣ ገና ያልተገኙ እድሎች፣ ያልተዋወቅካቸው ብዙ ሰዎች፣ ገና ያልገባህባቸው እልፍ በሮች አሉ። ምናልባት ዛሬ "ለምን?" የምትላቸው ነገሮች ነገ "አሀ ለካ ለዚህ ነው 😊" የምትልባቸው ይሆኑ ይሆናል።
🌱 This is not the end በርታ፣ ፅና
ነገ ገና ብዙ ተስፋ አለ።
👉 ኤር 29:11

በሕይወት ውስጥ ለመማር ከባድ ከሆኑት ነገሮች አንዱ ለሁሉም ነገር ምላሽ መስጠት እንደሌለብን መረዳት ይመስለኛል።
ሁሉም አለመግባባት ማብራሪያ አያስፈልገውም።
አንዳንድ ስድብ ምላሽ አይገባውም።
እያንዳንዱን ጦርነትም መዋጋት የለብህም።
አንዳንድ ጊዜ ዝምታ ጥበብ ነው። መተውን ማወቅ ጥንካሬ ነው።
ስለዚህ 👉
የተጋበዝክበትን ክርክር ሁሉ መቀበል አይጠበቅብህም።
ሰላምህን ጠብቅ።
ጦርነትህን ምረጥ።
አንዳንድ ነገሮችን ኃይልና ትኩረትህን ሳትሰጣቸው እንዲያልፉ ፍቀድላቸው። ምክንያቱም ብስለት ሁልጊዜ ምን ማለት እንዳለብህ ማወቅ ብቻ አይደለም—መቼ ዝም ማለት እንደሚገባህም ማወቅ እንጂ። 🌿
ብሩካን ናችሁ 😊

🚪ሮች ሲዘጉ
ብዙ ጊዜ እግዚአብሔር በሮችን እንዲከፍትልን አጥብቀን እንጠይቃለን። ነገር ግን በሩ ለምን እንደተዘጋ መጠየቅን እንረሳለን።
የተዘጋ በር ሁሉ እምቢታ አይደለም።
ያለቀ ነገር ሁሉ ውድቀት አይደለም።
መለየት ሁሉም ማጣት አይደለም።
👉
አንዳንድ በር የሚዘጋው Season ሲያልቅ ነው።
አንዳንድ በር የሚዘጋው ከበሩ በኋላ ያለው ነገር ጠቃሚ ስላልሆነ ነው።
አንዳንድ በር የሚዘጋው ደግሞ በፈቃዳችን ልንመርጠው ወደማንችለው የፈቃዱ አቅጣጫ ሊመራን ነው።
ስለዚህ 👉
አንዳንድ በር ሲዘጋ፣ ለዘላለም ከዚያ በር ፊት ቆመህ አትኑር። ትንሽ ጊዜ ውሰድ፣ ሀሳብ ቀይር፣ ተንቀሳቀስ
ምናልባት የተዘጋው በርህ የአዲስ ምዕራፍ መጀመሪያ ይሆናል። 🌱

ክፋት ማስታወቂያ እንዲነገርለት አያስፈልገውም። It’s everywhere
ብዙ ሰው ደክሞታል።
ክፉ ዜናን መስማት ሰልችቶታል።
መከዳት አታክቶታል።
ተስፋ ማጣት ደክሞታል።
ማንም የማያየውን ብርቱ ትግል መታገል ሰልችቶታል።
ደህና ሳይሆን፣ “ደህና ነኝ” እያለ ራሱን መሸንገል ታክቶታል።
ተጨማሪ ብሶት የሚያቀጣጥልለት አያስፈልገውም፤
ተስፋን ለማጣት በቂ ምክንያት አለው።
So, be different.
Don’t promote the darkness.
See the good that still exists in this world.
ለደከሙት ብርታትን ስበክ። “ነገ መልካም ይሆናል” በላቸው። ለወዳጅህ ቀን ይመጣልሃል በለው።
በጨለማው ውስጥ የተስፋ ብርሃንን ተናገር
Be the light.
Be the hope. ❤️🌱✨

እስቲ አንድ ጊዜ ጮክ ብለን "አይደረግም!" እንላለን 😊
በየቀኑ ወደ ስኬት ለመድረስ እንደክማለን፤ በየእለቱም ወደ ግባችን ያደርሰናል ብለን በምናስበው መንገድ ላይ ብዙ እንሆናለን። በዚህ ሁሉ ውስጥ ግን ቆም እያሉ እራስን መፈተሽ፣ "መንገዱ ምን አይነት ሰው እያረገኝ ነው?" ብሎም እራስን መጠየቅ ጥበብ ነው።
ስኬት ጥሩ ነው።
እድገት ጥሩ ነው።
አላማን ከግብ ለማድረስ መትጋትም ጥሩ ነው።
ነገር ግን መንገዱ ማንነታችንን ሁሉ እስኪያስጥለን ድረስ እንድንለወጥ መፍቀድ የለብንም።
ሰዎች ስለተጠቀሙብን በሚል ቅንነት አይጣልም!
ከብዙ መታለል የተነሳም እምነትና ርህራሄ አይጣልም!
ማሸነፍ ስንጀምር ትህትና አይጣልም!
የሐጢአተኛውን ስኬት አይተን ምንችግር አለው? አይባልም! አሰራሩ ነው ተብሎ integrity compromise አይደረግም።
ምክንያቱም 👉
ስኬት መድረስ ብቻ አይደለም። ይልቅ ከስኬት ጋር ልትኮራበት የምትችለውን ስብዕና ይዞ መገኘትም ነው እንጂ።
እድገትን ፈልግ፤ ለእድገትህ ሩጥ፤ ጥረትህን አታቁም።
በዚህ ሁሉ ውስጥ ግን ልብህን ጠብቅ። ❤️

Be intentionally good today
ሰው ሁሉ የየራሱ ሸክም አለው። እውነት ለመናገር ብዙ ሰው comfortable ካስመሰለው ሳቅና ፈገግታው ጀርባ ብዙ ገድ ነው ተሸክሞ የሚዞረው። The strugle is real & You don't know what someone had to overcome just to show up today.
ለዚህ ነው ነው ያንተ ትንሿ "እንዴት ነህ?" የምትል ጥያቄ ዋጋዋ ውድ የሆነው። ምናልባት ያንተ ትንሽ ደግነት፣ ትንሽ ትኩረት፣ ትንሽ ማበረታቻ፣ ትንሽ መስማት፣ ትንሽ መረዳት፣ ትንሽ ርህራሄ፣ ትንሽ ትዕግስት፣ አንዲት መልካም ቃል የአንድን ሰው ቀን ብሩህ ለማድረግ በቂ ሊሆን ይችላል።
ዛሬ አለሙን በሙሉ መቀየር አያስፈልግህም አጠገብህ ያለን አንድ ሰው አለም ከቀየርክ በቂ ነው።
Be intentionally good

Learn to accept people as they are. But place them where they belong. You are the CEO of your life. Hire, fire and promote accordingly.