Nebo

nini og vitnisburðar. Síðani fara børnini á sunnudagsskúla, tað er kl. 12:30, meðan tey vaksnu eru verandi í stórasali og har er ein tala og breyðbróting.



Øll eru vælkomin, eisini at verða til beyðbrótingina, har vit minnast Jesu deyða. Øll, sum eru trúgvandi eru vælkomin at taka lut í breyðbrótingini. Bønamøtið, týskvøld kl. 19:00

Eisini til bønamøtið hava vit hugsa um at tað eisini skal verða viðkomandi fyri alla familjuna. Vanliga samlast tey vaksnu í "Norðastovu" har fyrst verður lisið og lært um okkurt og síðani biðji, meðan børnini fara uppá loftið har tey eisini hava eitt stutt børnarmøtið.

Øll eru vælkomin. EyOy ungdómsmøti

Heitið, "EyOy", gjørdist almenna heitið fyri ungdómsmøtini í brøðrasamkomunum í Eysturoynni eftir EyOy leguna á Zarepta í 2005. Tískil eru tað fimm ár síðani, at EyOy byrjaði at savnast undir hesum heiti. Samkomurnar, sum er karmar um hesi ungdómsmøtir, eru: Mizpa á Eiði, Hebron í Leirvík, Siloa í Fuglafirði, Elim í Søldafirði, Berøa í Saltangará og Nebo á Toftum. Næstan hvørjaferð hevur EyOy eisini fleiri vitjandi úr millum annað Havn og Klaksvík. Vanliga eru ungdómsmøtir hvørt fríggjakvøld klokkan 21.00, og ferðast EyOy runt, so møti er í hvørjari samkomu uml. 6. hvørja ferð.


Á EyOy ungdómsmøtunum samlast vit um Orð Guds samstundis sum vit njóta samfelagið við onnur ung trúgvandi. Møtini eru sum oftast deild upp í tveir partar, har vit á fyrru løtuni hoyra eina talu og syngja. Á seinnu løtuni er ofta meiri sangur og nakrir vitnisburðir. Men at leggja skránna er sjálvandi upp til fyrireikarnar og er skráin ikki líka hvørja ferð. Eitt sermerki fyri EyOy ungdómsmøtuni er góður drekkamuður og hugnalig samverja, har ung trúgvandi kunnu tosa saman og uppmuntra hvønn annan til eitt andaligt lív saman við Gudi.