Construction Service

კიდევ ერთი საინტერესო პროექტი Construction Service-ის საწარმოო პორტფოლიოდან.

ჩვენს საწარმოში დამზადდა 24.02 მეტრის სიმაღლის ინდუსტრიული ღუმელის გამოწვის კონსტრუქცია.

ასეთი ტიპის კონსტრუქციის წარმოება მოითხოვს მაღალ სიზუსტეს, ხარისხის კონტროლსა და თითოეული დეტალის სწორად დამუშავებას. პროექტის ფარგლებში განხორციელდა ლითონის ელემენტების დეტალური დამუშავება შესაბამისი ტექნიკური მოთხოვნების გათვალისწინებით.

აღნიშნული პროექტი ჩვენი საწარმოო გამოცდილების კიდევ ერთი მაგალითია და ადასტურებს, რომ დიდი მასშტაბის ინდუსტრიული კონსტრუქციების დამზადება ჩვენი შესაძლებლობების ერთ-ერთი მნიშვნელოვანი მიმართულებაა.

კომპანია Construction Service აგრძელებს მაღალი ხარისხის ინდუსტრიული დანიშნულების მქონე პროდუქციის წარმოებას.

ამჯერად, ერთ-ერთი კერძო კომპანიის დაკვეთით წარმატებით დამზადდა 60 მ³ მოცულობის სამგანყოფილებიანი საწვავის მიწისქვეშა რეზერვუარი, რომელიც აღჭურვილია ანტიკოროზიული დაცვით როგორც შიგნიდან, ისე გარედან, რაც უზრუნველყოფს მის ხანგრძლივ ექსპლუატაციას, საიმედოობასა და უსაფრთხოებას.

Construction Service-ის საწარმოო შესაძლებლობები გვაძლევს საშუალებას დავამზადოთ ნებისმიერი მოცულობის, დიამეტრისა და კონფიგურაციის ავზები სხვადასხვა ინდუსტრიული, ენერგეტიკული, ინფრასტრუქტურული და კომერციული პროექტებისთვის, მომხმარებლის მოთხოვნებისა და ტექნიკური სპეციფიკაციების სრული გათვალისწინებით.

Construction Service – საიმედო პარტნიორი თანამედროვე საინჟინრო და სამშენებლო გადაწყვეტილებებისთვის.

მიმდინარე წლის 27 ივლისს ინფრასტრუქტურის მინისტრი - ბატონი რევაზ სოხაძე მთავრობის ადმინისტრაციის წარმომადგენლებთან ერთად ინფრასტრუქტურის მშენებელთა ასოციაციის წევრ კომპანიებს შეხვდა.

შეხვედრაზე განიხილეს დარგში მიმდინარე საკანონმდებლო და სისტემური რეფორმები, ახალი რეგულაციები და მათი პრაქტიკული დანერგვა. მინისტრმა აღნიშნა, რომ სამინისტროს პრიორიტეტია როგორც საკანონმდებლო ბაზის სრულყოფა, ისე ცვლილებების ეფექტიანი განხორციელება, ხოლო სახელმწიფო ინფრასტრუქტურულ პროექტებში ხარისხის უმაღლესი სტანდარტის დაცვა კომპრომისს არ ექვემდებარება.

აღნიშნულ შეხვედრაზე მიწვეული გახლდათ კომპანია Construction Service-ის დამფუძნებელი და დირექტორი - ბატონი გიორგი გაბუნია, რომლის პროფესიული საქმიანობა და განხორციელებული პროექტები მნიშვნელოვან როლს ასრულებს ქვეყნის სამოქალაქო და ინდუსტრიული ინფრასტრუქტურის განვითარებაში.

კიდევ ერთი წარმატებით განხორციელებული კომერციული პროექტი Construction Service-ის მიერ.

ერთ-ერთი წამყვანი დეველოპერული კომპანიის დაკვეთით, კომპანია Construction Service კიდევ ერთ მნიშვნელოვან პროექტზე მუშაობს.

მის ფარგლებში ჩვენი გუნდის მიერ დამზადდა და დამონტაჟდა ხიდისა და მრგვალი კიბის კონსტრუქციები, რომელთა დეტალები შესრულებულია მაღალი ხარისხის სტანდარტების, საინჟინრო სიზუსტისა და თანამედროვე წარმოების ტექნოლოგიების გამოყენებით.

ჩვენთვის ყოველი ახალი პროექტი არის შესაძლებლობა, კიდევ ერთხელ დავამტკიცოთ, რომ ხარისხი, გამოცდილება და პასუხისმგებლობა საუკეთესო შედეგს ქმნის.

თითოეული წარმატებით განხორციელებული სამუშაო ჩვენი გუნდის კვალიფიკაციის, პასუხისმგებლობისა და ერთიანი ძალისხმევის შედეგია. მადლობას ვუხდით ყველა თანამშრომელს, ვინც ამ პროცესში გამოავლინა მაღალი პროფესიონალიზმი და მაქსიმალური ჩართულობა.

Construction Service — ვქმნით კონსტრუქციებს, რომლებიც აერთიანებს ინჟინერიას, ხარისხსა და ნდობას.

🏗️ Construction Service-ის მიერ წარმატებით ხორციელდება კიდევ ერთი მასშტაბური ინდუსტრიული პროექტი: 25 200 კვ.მ ფართობის თანამედროვე სასაწყობე კომპლექსისთვის მიმდინარეობს ლითონკონსტრუქციული სამუშაოები.

პროექტის ფარგლებში დამზადდა და დამონტაჟდა 1 300 ტონა გადახურვისა და ფასადის ლითონკონსტრუქცია, რაც მოიცავდა 10 000-ზე მეტი სხვადასხვა ტიპის კონსტრუქციული ელემენტის მაღალტექნოლოგიურ და ზუსტ მონტაჟს.

პროექტის წარმატების ერთ-ერთი მთავარი წინაპირობა იყო რკინა-ბეტონის კონსტრუქციების განსაკუთრებული სიზუსტით შესრულებული სამუშაოები, რომელთა გეომეტრიული პარამეტრები პრაქტიკულად მილიმეტრიან სიზუსტეში იყო დაცული. სწორედ ამ უმაღლესი ხარისხის შესრულებამ შესაძლებელი გახადა 1 მმ-მდე დაშვებით დამზადებული ლითონკონსტრუქციების დამატებითი კორექტირების გარეშე, სწრაფი, ზუსტი და ეფექტური მონტაჟი.

მადლობას ვუხდით ჩვენს პარტნიორ ორგანიზაციებს პროფესიონალიზმის, ნაყოფიერი თანამშრომლობისა და გამოცხადებული ნდობისთვის. სწორედ ასეთი პარტნიორობა გვაძლევს შესაძლებლობას, წარმატებით განვახორციელოთ ქვეყნისთვის მნიშვნელოვანი, ტექნიკურად რთული და მასშტაბური პროექტები.

განსაკუთრებული მადლობა კი აღნიშნულ პროექტში ჩართულ Construction Service-ის თითოეულ თანამშრომელს, რომელთა პროფესიონალიზმმა, გამოცდილებამ, პასუხისმგებლობამ და თავდადებულმა შრომამ კიდევ ერთხელ დაამტკიცა, რომ მაღალი ხარისხის შედეგი სწორედ ძლიერი გუნდის დამსახურებაა.

Construction Service — საინჟინრო სიზუსტე, ხარისხი და საიმედო პარტნიორობა.