M K Raghavan

ബന്ദിപ്പൂർ രാത്രി യാത്രാ നിരോധനത്തിന് ശാശ്വത പരിഹാരം തേടി കർണാടക മുഖ്യമന്ത്രി ശ്രീ. ഡി.കെ ശിവകുമാറുമായി ചർച്ച നടത്തി.

മധ്യപ്രദേശിലെ പെഞ്ച്-കൻഹ നാഷണൽ പാർക്ക് മേഖലയിലെ മാതൃകയിൽ വനത്തിലൂടെ എലെവേറ്റഡ് വൈൽഡ് ലൈഫ് കോറിഡോറോ ഇക്കോ സെൻസിറ്റിവ് എലെവേറ്റഡ് ഹൈവേയോ നിർമ്മിച്ച് പ്രതിസന്ധിക്ക് ശാശ്വത പരിഹാരമുണ്ടാക്കണമെന്ന നിർദേശമാണ് മുഖ്യമന്ത്രിക്ക് മുന്നിൽ വെച്ചത്.

വന്യജീവികളുടെ ജീവനും ജനങ്ങളുടെ യാത്രാ സ്വാതന്ത്ര്യവും ഒരുപോലെ സംരക്ഷിക്കപ്പെടണമെന്നും അദ്ദേഹത്തിന്റെ ശ്രദ്ധയിൾപ്പെടുത്തി.

കേരളത്തിന്റെ ആവശ്യത്തോട് ഏറെ അനുഭാവപൂർവം പ്രതികരിച്ച കർണാടകയുടെ പുതിയ മുഖ്യമന്ത്രി, വിഷയത്തിൽ ഇടപെടുമെന്നും സംസ്ഥാന സർക്കാറുമായി ചർച്ച ചെയ്യുമെന്നും ഉറപ്പ് നൽകി.

ഐ.ടി, വ്യവസായം, ടൂറിസം, ചരക്ക് നീക്കം, ചികിത്സ തുടങ്ങി ഇരു സംസ്ഥാനങ്ങളിലെയും ജനങളുടെ യാത്രയെ സാരമായി ബാധിക്കുന്ന വിഷയത്തിൽ ശുഭകരമായ പരിഹാരം ഉണ്ടാകും.

നാഷണൽ ഹൈവേ 66 ൽ മലാപ്പറമ്പ് മുതൽ തൊണ്ടയാട് വരെയുള്ള സർവീസ് റോഡ് വൺവേ ആക്കാനുള്ള നീക്കം പ്രദേശവാസികളിൽ വലിയ ആശങ്കയാണ് ഉണ്ടാക്കിയിരിക്കുന്നത്.

നൂറുകണക്കിന് കുടുംബങ്ങളുടെ ദൈനംദിന യാത്രയെയും, സ്കൂൾ വാഹനങ്ങൾ, ആംബുലൻസ് തുടങ്ങിയ അടിയന്തര സേവനങ്ങളെയും ഇത് ഗുരുതരമായി ബാധിക്കും. വാഹനങ്ങൾ ഇടുങ്ങിയ ഉൾറോഡുകളിലേക്ക് തിരിച്ചുവിടുന്നത് വലിയ ഗതാഗതക്കുരുക്കിനും യാത്രാക്ലേശത്തിനും കാരണമാകുമെന്ന നാട്ടുകാരുടെ പരാതി ന്യായമാണ്.

ഈ സാഹചര്യത്തിൽ പ്രദേശവാസികളുടെ ആശങ്കകൾക്ക് പരിഹാരം കാണാൻ നാഷണൽ ഹൈവേ അതോറിറ്റി ഉദ്യോഗസ്ഥരുമായി ഇന്ന് അടിയന്തര കൂടിക്കാഴ്ച നടത്തിയത്.

പ്രദേശവാസികളുടെ യാത്രാ സൗകര്യം മുൻനിർത്തി സർവീസ് റോഡിലൂടെ താൽക്കാലികമായി ഇരുവശങ്ങളിലേക്കുമുള്ള ഗതാഗതം നിലനിർത്തണമെന്ന് പോലീസ് അധികൃതരോട് ആവശ്യപ്പെട്ടിട്ടുണ്ട്. കൂടാതെ, ഈ പ്രശ്നത്തിന് ശാശ്വതമായ ഒരു പരിഹാരമെന്ന നിലയിൽ പാച്ചാക്കിൽ അണ്ടർപാസും പനത്തുതാഴത്ത് ഫ്ലൈഓവറും നിർമ്മിക്കുന്നതിനുള്ള നടപടികൾ എത്രയും വേഗം ത്വരിതപ്പെടുത്തണമെന്ന് എൻ.എച്ച്.എ.ഐ പ്രോജക്ട് ഡയറക്ടർക്ക് നിർദ്ദേശം നൽകിയിട്ടുണ്ട്.

യോഗത്തിന് ശേഷം നാഷണൽ ഹൈവേ അതോറിറ്റി പ്രൊജക്ട് ഡയറക്ടർ പ്രശാന്ത് ദുബെ, കെ.എം.സി പ്രൊജക്ട് മാനേജർ ദേവരാജ റെഡ്ഡി എന്നിവർക്കൊപ്പം മലാപ്പറമ്പ് മുതൽ പാച്ചാക്കിൽ വരെയുള്ള പ്രദേശം നേരിട്ട് സന്ദർശിച്ച് സ്ഥിതിഗതികൾ വിലയിരുത്തുകയും ചെയ്തു.

വിഷയത്തിന്റെ ഗൗരവം ഉൾക്കൊണ്ട് പ്രദേശവാസികൾക്ക് ബുദ്ധിമുട്ടുണ്ടാക്കാത്ത രീതിയിലുള്ള അനുകൂല നടപടികൾ കൈക്കൊള്ളാമെന്ന് ഉദ്യോഗസ്ഥർ ഉറപ്പു നൽകിയിട്ടുണ്ട്. ഈ ട്രാഫിക് പരിഷ്കാരം മൂലമുണ്ടായ ബുദ്ധിമുട്ടുകൾക്ക് പൂർണ്ണമായ പരിഹാരം കാണുന്നതിനായി ജില്ലാ കളക്ടർ ഉൾപ്പെടെയുള്ള ബന്ധപ്പെട്ട ഉദ്യോഗസ്ഥരെ പങ്കെടുപ്പിച്ചു കൊണ്ട് ജൂൺ 19-ന് വിപുലമായ ഒരു യോഗം ചേരുന്നതിനും തീരുമാനിച്ചിട്ടുണ്ട്.

ആവേശം വാനോളം...

യു.ഡി.എഫ് സർക്കാരിന്റെ ജനപ്രിയ പദ്ധതി ‘പ്രിയദർശിനി’ വനിതാ സൗജന്യ യാത്രയുടെ കോഴിക്കോട് ജില്ലാ തല ഫ്ലാഗ് ഓഫ് നിർവഹിച്ചു

പ്രിയങ്കരനായ ഷാഫി പറമ്പിൽ എം.പി, എം.എൽ.എമാരായ കെ ജയന്ത്, പ്രവീൺ കുമാർ, വിദ്യാ ബാലകൃഷ്‌ണൻ, വി.കെ ഫൈസൽ ബാബു, ജില്ലാ പഞ്ചായത്ത് പ്രസിഡന്റ് മില്ലി മോഹൻ, കൗൺസിലർ സിപി സലീം എന്നിവർക്കൊപ്പം സഹോദരിമാരുടെ ഉത്സവാന്തരീക്ഷത്തിലുള്ള ആഘോഷത്തിൽ പങ്കാളിയായി

വാക്ക് പാലിച്ച് യു.ഡി.എഫ് സർക്കാർ മുന്നേറുകയാണ്...

ജനാഭിലാഷങ്ങൾ ഒന്നൊന്നായി നിറവേറുകയാണ് കേരളത്തിൽ

സംസ്ഥാന സർക്കാരിന്റെ ഇന്ദിര ഗ്യാരന്റി പദ്ധതിയുടെ ഭാഗമായുള്ള കെ.എസ്.ആർ.ടി.സി സർവീസുകളിലെ സ്ത്രീകൾക്കുള്ള ‘പ്രിയദർശിനി’ സൗജന്യ യാത്ര പദ്ധതി നാളെ മുതൽ നടപ്പാക്കപ്പെടും

പദ്ധതിയുടെ കോഴിക്കോട് ജില്ലാതല ഉദ്ഘാടനം 15-06-2026 തിങ്കളാഴ്ച രാവിലെ 9 മണിക്ക് കോഴിക്കോട് മാവൂർ റോഡ്‌ കെഎസ്ആർടിസി ബസ് സ്റ്റാന്റിൽ വെച്ച് നിർവ്വഹിക്കും.

പ്രിയപ്പെട്ടവർക്കെല്ലാം സ്വാഗതം

ലോക മലയാളികൾക്ക് ഒരായുഷ്കാലം മുഴുവൻ ചിരിക്കാനും ചിന്തിക്കാനും ബാക്കി വെച്ച് ഒരു മനുഷ്യായുസ്സ് പൂർത്തിയാക്കി പ്രിയ നടൻ സലീം കുമാർ വിടവാങ്ങി.

ദേശീയ ചലച്ചിത്ര പുരസ്കാരം നേടി ഹാസ്യ നടൻ എന്ന വിലാസത്തിനപ്പുറം അഭിനയ ലോകത്ത് ഉന്നതമായ വ്യക്തി മുദ്ര പതിപ്പിച്ച പ്രതിഭയാണ് സലീം കുമാർ.

രാഷ്ട്രീയ സാമൂഹ്യ രംഗങ്ങളിൽ ഒഴുക്കിനെതിരെ നീന്തി തന്റെ അഭിപ്രായങ്ങളും കാഴ്ച്ചപ്പാടുകളും വെട്ടി തുറന്ന് പറഞ് സാംസ്കാരിക ലോകത്തിന് മാതൃകയായ നായകനുമായിരുന്നു അദ്ദേഹം.

മതേതര ജനാധിപത്യ ചേരി എന്നെന്നും ശക്തിപ്പെട്ടിരിക്കണമെന്ന് ഉറക്കെ ശബ്ദിച്ച്, ഇന്ത്യൻ നാഷണൽ കോൺഗ്രസിന്റെ രാഷ്ട്രീയ ആശയങ്ങൾക്കൊപ്പം ഏത് ഘട്ടത്തിലും അടിയുറച്ചു നിന്ന പോരാളി കൂടിയായിരുന്നു സലീം കുമാർ.

മറക്കാനാകാത്ത കഥാപാത്രങ്ങളെയും ചിരിതോരാത്ത നിമിഷങ്ങളെയും മലയാളികൾക്കായി സമർപ്പിച്ച് വിട ചൊല്ലുന്ന പ്രിയ നടന് ഹൃദയത്തിൽ നിന്നും ആദരാഞ്ജലികൾ... 🌹

സിക്കിമിലെ ഗാങ്ടോക്കിൽ നടന്നുവരുന്ന റെയിൽവേ സ്റ്റാൻഡിംഗ് കമ്മിറ്റി സന്ദർശനത്തിനിടെ, ലോക പരിസ്ഥിതി ദിനാചരണത്തിന്റെ ഭാഗമായി വൃക്ഷത്തൈകൾ നട്ടു.

കന്നഡ മണ്ണിന്റെ പുതിയ നായകൻ ശ്രീ. ഡി.കെ ശിവകുമാറിന് ഹൃദയാഭിവാദ്യങ്ങൾ

മൂന്നര പതിറ്റാണ്ടിന്റെ വ്യക്തി ബന്ധമുണ്ട് ഡി.കെയുമായി. എക്കാലത്തും കോൺഗ്രസ് പാർട്ടിയുടെ കരുത്താണ് ഡി.കെ

കന്നഡ ജനത ആഗ്രഹിക്കുന്ന ഭരണം കാഴ്ചവെക്കാൻ അദ്ദേഹത്തിന് സാധിക്കുമെന്ന് ഉറപ്പാണ്.

അഭിവാദ്യങ്ങൾ...