CPIM Kadavanthra Local Committee

UDF സർക്കാരിന്റെ പവർകട്ടിനും, വൈദ്യുതി നിയന്ത്രണത്തി നുമെതിരെ CPIM സംസ്ഥാന കമ്മിറ്റി ആഹ്വാനം ചെയ്ത മെഴുകുതിരി കത്തിച്ച് പ്രതിഷേധത്തിന്റെ ഭാഗമായി 🔥🔥കടവന്ത്ര ലോക്കൽ കമ്മറ്റിയിലെ സഖാക്കൾ മെഴുകുതിരി കത്തിച്ച് പ്രതിഷേധിക്കുന്നു.💪

കേരള സംസ്ഥാന വ്യാപാരി വ്യവസായി സമിതി കടവന്ത്ര യൂണിറ്റ് സമ്മേളനം

സിപിഐ എം കടവന്ത്ര ലോക്കൽ കമ്മിറ്റി സംഘടിപ്പിച്ച സ:VS അനുസ്മരണം പാർട്ടി ജില്ല കമ്മിറ്റി അംഗം സ:KV മനോജ് ഉദ്ഘാടനം ചെയ്തു.സഖാക്കൾ എസ് കൃഷ്ണമൂർത്തി,കെപി പ്രതീഷ് കുമാർ,പ്രൊഫ:സലിം കുമാർ,ടിഎസ് മാധവൻ എന്നിവർ സംസാരിച്ചു.

സഖാവിൻ്റെ ഇതു വരെ ഞാൻ കണ്ടിട്ടില്ലാത്ത ഒരു ചിത്രം❤️

ജനഹൃദയങ്ങളിൽ ഇന്നും ജ്വലിക്കുന്ന പോരാളി...

സാധാരണക്കാരുടെ ജീവിതവും സ്വപ്നങ്ങളും നെഞ്ചിലേറ്റിയ നേതാവാണ് സഖാവ് വി.എസ്.അധികാരത്തിന്റെ സുഖസൗകര്യങ്ങളേക്കാൾ ജനങ്ങളുടെ കണ്ണീരിനും പ്രശ്നങ്ങൾക്കും മുൻഗണന നൽകിയ ഭരണാധികാരി. രാഷ്ട്രീയത്തെ ജനസേവനത്തിന്റെ മഹത്തായ ഉത്തരവാദിത്തമായി കണ്ട വ്യക്തിത്വം.

യൗവനകാലം മുതൽ തന്നെ തൊഴിലാളികൾക്കും കർഷകർക്കും പാവപ്പെട്ട ജനവിഭാഗങ്ങൾക്കും വേണ്ടി സമരമുഖങ്ങളിൽ അദ്ദേഹം സജീവ സാന്നിധ്യമായി. ജയിലും കേസുകളും അടിച്ചമർത്തലുകളും അദ്ദേഹത്തെ പിന്നോട്ടടിച്ചില്ല. സമരപാതയിൽ നടന്നതിന്റെയും ജനപക്ഷ രാഷ്ട്രീയം ഉയർത്തിപ്പിടിച്ചതിന്റെയും പേരിൽ പൊലീസ് ലോക്കപ്പ് മുറികളിൽ ക്രൂരമായ പീഡനങ്ങൾ സഖാവ് നേരിട്ടു. ആ മർദനങ്ങൾ ശരീരത്തെ തളർത്തിയെങ്കിലും, അദ്ദേഹത്തിന്റെ മനസ്സിനെയോ ആശയങ്ങളെയോ തകർക്കാൻ കഴിഞ്ഞില്ല. ഓരോ മുറിവും ജനങ്ങൾക്കുവേണ്ടിയുള്ള പോരാട്ടത്തിന്റെ പതക്കമായാണ് അദ്ദേഹം ഏറ്റുവാങ്ങിയത്.

പുന്നപ്ര–വയലാർ സമരത്തിന്റെ ഓർമ്മകൾ നെഞ്ചിലേറ്റിയ തലമുറയുടെ പ്രതിനിധിയായി, തൊഴിലാളി പ്രസ്ഥാനങ്ങളുടെയും കർഷക സമരങ്ങളുടെയും ജനകീയ മുന്നേറ്റങ്ങളുടെയും മുന്നണിപ്പോരാളിയായി സഖാവ് ജീവിതം മുഴുവൻ നിലകൊണ്ടു. അധികാരത്തിന്റെ ഇടനാഴികളിലായിരുന്നപ്പോഴും തെരുവിലെ സമരക്കാരന്റെ മനസ്സ് അദ്ദേഹം കൈവിട്ടില്ല. അനീതിക്കെതിരെ ഉറച്ച ശബ്ദമുയർത്താനും അവകാശങ്ങൾക്കായി വിട്ടുവീഴ്ചയില്ലാതെ പോരാടാനും അദ്ദേഹം എന്നും മുന്നിലുണ്ടായിരുന്നു.

സഖാവ് വി. എസിന്റെ വാക്കുകളും പ്രവർത്തനങ്ങളും പോരാട്ടങ്ങളും ഇന്നും പുതിയ തലമുറയ്ക്ക് വഴികാട്ടിയാണ്. അധികാരം ഒരു പദവിയല്ല, ജനങ്ങളുടെ വിശ്വാസമാണെന്ന് അദ്ദേഹം തന്റെ ജീവിതംകൊണ്ട് തെളിയിച്ചു. സമരവീര്യവും ആർജവവും വിട്ടുവീഴ്ചയില്ലാത്ത ജനപക്ഷ നിലപാടുകളും അദ്ദേഹത്തെ കേരളത്തിന്റെ രാഷ്ട്രീയചരിത്രത്തിലെ അനശ്വര വ്യക്തിത്വമാക്കി മാറ്റി.

ഓർമ്മദിനത്തിൽ സഖാവിനെ അനുസ്മരിക്കുന്നത് ഒരു വ്യക്തിയെ മാത്രമല്ല; ജനാധിപത്യo മൂല്യങ്ങളെയും സാമൂഹ്യനീതിയെയും തൊഴിലാളി–കർഷക പോരാട്ടങ്ങളുടെ പാരമ്പര്യത്തെയും ജനപക്ഷ രാഷ്ട്രീയത്തെയും കൂടിയാണ്.