Media Rangh

SNCS സ്പീക്കേഴ്സ് ഫോറം 175-ാം അദ്ധ്യായം; പുതിയ കമ്മിറ്റി സ്ഥാനമേറ്റു

ബഹ്റൈൻ ശ്രീനാരായണ കൾച്ചറൽ സൊസൈറ്റിയുടെ (SNCS) ആഭിമുഖ്യത്തിൽ പ്രവർത്തിക്കുന്ന SNCS സ്പീക്കേഴ്സ് ഫോറത്തിന്റെ 175-ാം അദ്ധ്യായവും 2026-27 വർഷത്തെ പുതിയ കമ്മിറ്റിയുടെ സ്ഥാനാരോഹണവും സൽമാനിയയിലെ SNCS സിൽവർ ജൂബിലി ഹാളിൽ നടന്നു.

SNCS ചെയർമാൻ സുനീഷ് സുശീലൻ അധ്യക്ഷനായ ചടങ്ങിൽ സ്പീക്കേഴ്സ് ഫോറം കോർഡിനേറ്റർ ബിജു ചന്ദ്രൻ സ്വാഗതം പറഞ്ഞു. കവിയും എഴുത്തുകാരനും മലയാള ഭാഷാ പ്രചാരകനുമായ മനോജ് കളരിക്കൽ നിലവിളക്ക് കൊളുത്തി ചടങ്ങ് ഉദ്ഘാടനം ചെയ്തു.

SNCS ജനറൽ സെക്രട്ടറി പ്രകാശ് കെ.പി., PGF സ്പീക്കേഴ്സ് ഫോറം പ്രസിഡന്റ് ഷൈജു മാത്യു, PGF സ്പീക്കേഴ്സ് ഫോറം മുഖ്യ മെന്ററും മാധ്യമപ്രവർത്തകനുമായ പ്രദീപ് പുറവങ്കര, KSCA (NSS) വൈസ് പ്രസിഡന്റ് അനിൽ കുമാർ യു.കെ., SNCS സ്പീക്കേഴ്സ് ഫോറം പ്രസിഡന്റ് വിശ്വനാഥൻ ഭാസ്കരൻ എന്നിവർ ആശംസകൾ അർപ്പിച്ചു.

പരിപാടിയുടെ ഭാഗമായി ശിവലിംഗ സ്വാമികൾ രചിച്ച ‘ശിവപ്രസാദ പഞ്ചകം’ നൃത്താധ്യാപിക ശുഭ അജിത്തിന്റെ ശിക്ഷണത്തിൽ ഏഴ് കുട്ടികൾ ചേർന്ന് രംഗാവിഷ്കരിച്ചു. തുടർന്ന് ഗാനാവതരണങ്ങളും നടന്നു. സ്പീക്കേഴ്സ് ഫോറത്തിന്റെ പ്രവർത്തനങ്ങൾക്ക് നേതൃത്വം നൽകിയ മുൻ ഭരണസമിതി അംഗങ്ങളെ ചടങ്ങിൽ ആദരിച്ചു.

2026-27 വർഷത്തെ പുതിയ ഭാരവാഹികൾ:

• പ്രസിഡന്റ് – വിശ്വനാഥൻ ഭാസ്കരൻ
• വൈസ് പ്രസിഡന്റ് (എഡ്യൂക്കേഷൻ) – ജിഷ്ണു സുരേഷ്
• മെമ്പർഷിപ്പ് സെക്രട്ടറി – അനിത ശിവരാജൻ
• സെക്രട്ടറി – സന്ധ്യ ബിലോജ്
• ജോയിന്റ് സെക്രട്ടറി – രാജി രാജേഷ്
• ട്രഷറർ – അജേഷ് പിള്ള
• പബ്ലിക് റിലേഷൻസ് – സജിത്ത് വെള്ളിക്കുളങ്ങര
• സെർജന്റ് അറ്റ് ആംസ് – അജിത്ത് കണ്ണൂർ
• ഡെപ്യൂട്ടി സെർജന്റ് അറ്റ് ആംസ് – ജിനൻ രാജ്
• കോർഡിനേറ്റർ – സുധ സുനിൽ
• ജനറൽ കൺവീനർ – ബിജു ചന്ദ്രൻ
• മെന്റർമാർ – പ്രശാന്ത് കെ.കെ., സാബു പാലാ, സന്തോഷ് ചെറുപറമ്പിൽ, അജിത്ത് കുമാർ സി.കെ.

മലയാള ഭാഷയെയും പ്രസംഗകലയെയും പ്രോത്സാഹിപ്പിക്കുന്നതിനായി മാസത്തിലെ രണ്ടാമത്തെയും നാലാമത്തെയും ശനിയാഴ്ചകളിൽ സംഘടിപ്പിച്ചുവരുന്ന SNCS സ്പീക്കേഴ്സ് ഫോറത്തിന്റെ 175-ാം സമ്മേളനം ശ്രദ്ധേയമായി.

SNCS ഭാരവാഹികൾ, സ്പീക്കേഴ്സ് ഫോറം അംഗങ്ങൾ, സാമൂഹിക-സാംസ്കാരിക രംഗത്തെ പ്രമുഖർ എന്നിവർ ചടങ്ങിൽ പങ്കെടുത്തു. പ്രോഗ്രാം കൺവീനർ അജിത്ത് കണ്ണൂർ നന്ദി പ്രകാശനം നടത്തി.

ഇന്ത്യൻ സ്‌കൂൾ ജീവനക്കാരുടെ ശമ്പള കുടിശ്ശിക: അടിയന്തര നടപടി ആവശ്യപ്പെട്ട് ഇൻഡക്സ് ബഹ്‌റൈൻ

ഇന്ത്യൻ സ്‌കൂളിലെ ജീവനക്കാരുടെ ശമ്പള കുടിശ്ശിക ഉടൻ വിതരണം ചെയ്യണമെന്നും അധ്യാപകരുടെ ഒഴിവുകൾ അടിയന്തരമായി നികത്തണമെന്നും ആവശ്യപ്പെട്ട് ഇൻഡക്സ് ബഹ്‌റൈൻ.

ജൂലൈ, ഓഗസ്റ്റ് മാസങ്ങളിലെ ശമ്പളം പൂർണമായും സമയബന്ധിതമായും ലഭ്യമാക്കണമെന്ന് സംഘടന പുറത്തിറക്കിയ വാർത്താക്കുറിപ്പിൽ ആവശ്യപ്പെട്ടു. ജൂലൈ മാസത്തെ ശമ്പളത്തിന്റെ 75 ശതമാനം ഓഗസ്റ്റ് ആദ്യവാരത്തിലാണ് നൽകിയതെന്നും ബാക്കി 25 ശതമാനം പിന്നീട് നൽകിയതായും ഓഗസ്റ്റ് മാസത്തെ പകുതി ശമ്പളം മാത്രമാണ് നിലവിൽ ലഭിച്ചതെന്നും സംഘടന വാർത്താക്കുറിപ്പിൽ പറയുന്നു.

ജീവനക്കാർക്ക് ലഭിക്കുന്ന ലീവ് സാലറിയുമായി ബന്ധപ്പെട്ട നിലവിലെ രീതിയിലും സംഘടന ആശങ്ക രേഖപ്പെടുത്തി. ലീവ് സാലറി സംബന്ധിച്ച നിലപാട് സ്കൂൾ അധികൃതർ ജീവനക്കാരെ വ്യക്തമായി അറിയിക്കണമെന്നും ഇൻഡക്സ് ബഹ്‌റൈൻ ആവശ്യപ്പെട്ടു.

സ്കൂളിലെ ചില ക്ലാസുകളിൽ, പ്രത്യേകിച്ച് മുതിർന്ന ക്ലാസുകളിൽ, പ്രധാന വിഷയങ്ങൾ പഠിപ്പിക്കുന്നതിന് ആവശ്യമായ അധ്യാപകരുടെ കുറവുണ്ടെന്നാണ് സംഘടനയുടെ മറ്റൊരു ആരോപണം. പുതിയ സി.ബി.എസ്.ഇ സിലബസിന്റെ പശ്ചാത്തലത്തിൽ അധ്യാപകരുടെ ഒഴിവുകൾ പരിഹരിക്കേണ്ടതുണ്ടെന്നും പുതിയ നിയമനങ്ങൾക്ക് തടസ്സമായി നിൽക്കുന്ന കാരണങ്ങൾ ഭരണസമിതി വ്യക്തമാക്കണമെന്നും സംഘടന ആവശ്യപ്പെട്ടു.

സ്കൂളിന്റെ സാമ്പത്തിക പ്രതിസന്ധിക്ക് രക്ഷിതാക്കൾ ഫീസ് കൃത്യമായി അടയ്ക്കാത്തത് മാത്രമാണ് കാരണമെന്ന നിലപാട് അംഗീകരിക്കാനാകില്ലെന്നും സംഘടന വാർത്താക്കുറിപ്പിൽ അഭിപ്രായപ്പെട്ടു. സ്കൂളിന്റെ സാമ്പത്തിക സ്ഥിതി, ചെലവുകൾ, ഭരണപരമായ തീരുമാനങ്ങൾ എന്നിവ സംബന്ധിച്ച് രക്ഷിതാക്കളുമായി കൂടുതൽ സുതാര്യമായ ചർച്ച ആവശ്യമാണെന്നും ഇൻഡക്സ് ബഹ്‌റൈൻ പറഞ്ഞു.

ഫീസ് കൺസഷൻ സംവിധാനം അർഹരായവർക്ക് മാത്രമായി ഉറപ്പാക്കണമെന്നും സംഘടന ആവശ്യപ്പെട്ടു. ഫീസ് ഇളവുകൾ തിരഞ്ഞെടുപ്പ് കാലത്ത് രാഷ്ട്രീയമായി ദുരുപയോഗം ചെയ്യപ്പെടുന്നുവെന്ന ആരോപണവും വാർത്താക്കുറിപ്പിൽ ഉന്നയിച്ചിട്ടുണ്ട്.

സ്കൂളിന്റെ നിലവിലെ സാമ്പത്തിക സ്ഥിതിയെക്കുറിച്ച് ഭരണസമിതി വ്യക്തമായ വിശദീകരണം നൽകണമെന്നും ജീവനക്കാർ, രക്ഷിതാക്കൾ, മാനേജ്‌മെന്റ് എന്നിവർ തമ്മിൽ കൂട്ടായ ചർച്ച നടത്തി പ്രശ്നങ്ങൾക്ക് പരിഹാരം കണ്ടെത്തണമെന്നും ഇൻഡക്സ് ബഹ്‌റൈൻ പ്രസിഡന്റ് റഫീഖ് അബ്ദുള്ള, സെക്രട്ടറി നവീൻ നമ്പ്യാർ, കോർഡിനേറ്റർ അനീഷ് വർഗീസ് എന്നിവർ വാർത്താ കുറിപ്പിലൂടെ ആവശ്യപ്പെട്ടു.

BKSF ഇടപെടൽ; സാമ്പത്തിക ബാധ്യതയും യാത്രാവിലക്കും നേരിട്ട കുടുംബത്തിന് നാട്ടിലേക്ക് മടങ്ങാൻ വഴിയൊരുങ്ങുന്നു.

മനാമ: സാമ്പത്തിക ബാധ്യതയും യാത്രാവിലക്കും മൂലം ബഹ്‌റൈനിൽ ദുരിതത്തിലായ കണ്ണൂർ സ്വദേശിയെയും ഭാര്യയെയും നാല് മക്കളെയും നാട്ടിലെത്തിക്കുന്നതിനുള്ള നടപടികൾ BKSF നേതൃത്വത്തിൽ പുരോഗമിക്കുന്നു.

കഴിഞ്ഞ നാല് വർഷമായി ജോലി ചെയ്തിരുന്ന സ്ഥാപനത്തിലെ സാമ്പത്തിക ബാധ്യതകളെത്തുടർന്ന് നാട്ടിലേക്ക് മടങ്ങാൻ കഴിയാതിരുന്ന കണ്ണൂർ സ്വദേശി ഒരു വർഷം മുമ്പാണ് ഭാര്യയെയും മൂന്ന് മക്കളെയും സന്ദർശക വിസയിൽ ബഹ്‌റൈനിലെത്തിച്ചത്. ഇതിനിടെ പശ്ചിമേഷ്യൻ യുദ്ധത്തിന്റെ പശ്ചാത്തലത്തിൽ വിമാനത്താവള പ്രവർത്തനങ്ങൾ തടസ്സപ്പെട്ടതിനെ തുടർന്ന് വിസയുടെ കാലാവധി അവസാനിക്കുകയും, ഭാര്യ വീണ്ടും ഗർഭിണിയാവുകയും ചെയ്തു. തുടർന്ന് കുടുംബം കടുത്ത സാമ്പത്തിക പ്രയാസത്തിലായി. നാലാമത്തെ കുഞ്ഞിന്റെ ജനനത്തോടെ ജീവിതപ്രതിസന്ധി കൂടുതൽ രൂക്ഷമായി.

സുഹൃത്തുക്കളുടെയും വിവിധ സാമൂഹ്യ സംഘടനകളുടെയും സഹായത്തോടെ കുടുംബം ജീവിതം മുന്നോട്ടുകൊണ്ടുപോകുന്നതിനിടെയാണ് നാട്ടിലേക്ക് മടങ്ങുന്നതിനുള്ള സഹായം തേടിയത്. മാതാവിനും നാല് മക്കൾക്കുമായി ടിക്കറ്റുകൾ ഉൾപ്പെടെയുള്ള സഹായങ്ങൾ ലഭിച്ചിരുന്നെങ്കിലും എമിഗ്രേഷൻ ക്ലിയറൻസ് നടപടികൾക്കിടെയാണ് ഭാര്യയ്ക്കും യാത്രാവിലക്കുണ്ടെന്ന് ശ്രദ്ധയിൽപ്പെട്ടത്.

സാമൂഹ്യ പ്രവർത്തകരായ അബൂബക്കർ പട്ല, ശിഹാബ് മരക്കാർ എന്നിവരുടെ നേതൃത്വത്തിൽ എംബസിയുടെ സഹായത്തോടെ നടത്തിയ അന്വേഷണത്തിലാണ് സ്വകാര്യ ആശുപത്രിയിലെ പ്രസവാനന്തര സാമ്പത്തിക ബാധ്യതയുമായി ബന്ധപ്പെട്ട നടപടികളുടെ ഭാഗമായി യാത്രാവിലക്ക് ഉണ്ടായതെന്ന് മനസ്സിലായതായി പ്രവർത്തകർ അറിയിച്ചു.

തുടർന്ന് 2026 സെപ്റ്റംബർ 7ന് മനാമ K City ബിസിനസ് സെന്ററിൽ സുബൈർ കണ്ണൂരിന്റെ അധ്യക്ഷതയിൽ ചേർന്ന സാമൂഹ്യ പ്രവർത്തകരുടെ യോഗത്തിൽ കുടുംബത്തെ നാട്ടിലെത്തിക്കുന്നതിനായി കൂട്ടായ ഇടപെടൽ നടത്താൻ തീരുമാനിച്ചു.

യോഗ തീരുമാനത്തിന്റെ ഭാഗമായി ബഷീർ അമ്പലായി, സുബൈർ കണ്ണൂർ, നജീബ് കടലായി, അനസ് റഹീം എന്നിവർ സ്വകാര്യ ആശുപത്രിയുടെ മേധാവി ആസീഫുമായി കൂടിക്കാഴ്ച നടത്തി കുടുംബത്തിന്റെ വിഷയം ശ്രദ്ധയിൽപ്പെടുത്തി. ആശുപത്രി നിയമ വിഭാഗവുമായി ആലോചിച്ച് ബാക്കി അടയ്ക്കാനുള്ള തുകയും കോടതി ഫീസ് ഉൾപ്പെടെയുള്ള ബാധ്യതകളും ഒഴിവാക്കാനും യാത്രാവിലക്ക് നീക്കുന്നതിനാവശ്യമായ രേഖകൾ തയ്യാറാക്കാനും സന്നദ്ധമാണെന്ന് അദ്ദേഹം അറിയിച്ചതായി BKSF പ്രവർത്തകർ വ്യക്തമാക്കി.

ആശുപത്രി മാനേജ്മെന്റിന്റെ ഈ സഹായം കുടുംബത്തിന് വലിയ ആശ്വാസമായതായി സാമൂഹ്യ പ്രവർത്തകർ പറഞ്ഞു. ആശുപത്രിയിൽ സമാനമായ നിരവധി കേസുകൾ നിയമ വിഭാഗത്തിലേക്ക് കൈമാറുന്നതിന് മുമ്പ് തുടർച്ചയായ ഫോളോ അപ്പ് നടപടികൾ നടത്താറുണ്ടെന്നും മാനേജ്മെന്റ് അറിയിച്ചതായി പ്രവർത്തകർ വ്യക്തമാക്കി.

കുടുംബത്തിനായി അഞ്ച് വിമാന ടിക്കറ്റുകൾ ഒരുക്കുന്നതിന് പ്രതിഭ, ICF, കണ്ണൂർ സിറ്റി കൂട്ടായ്മ, BKSF c/o ബഷീർ അമ്പലായി, സിറാജ് മാമ്പ എന്നിവർ സഹായം നൽകി. യാത്രാ തീയതി മാറിയതിനെ തുടർന്നുള്ള ടിക്കറ്റ് റീ-ഇഷ്യു ചെലവുകൾ വഹിക്കാനുള്ള സഹായവും ഹോപ്പ് ബഹ്‌റൈൻ വാഗ്ദാനം ചെയ്തിട്ടുണ്ട്. കുടുംബം നാട്ടിലെത്തുന്നതുവരെ ഭക്ഷ്യസാധനങ്ങൾ നൽകാനും അവർ തയ്യാറായി.

മരുന്നുകൾ നൽകിയ മെഡ് ഹെൽപ്പിനും, എംബസിയുമായി ബന്ധപ്പെട്ട ചെലവുകൾ വഹിച്ചവർക്കും, ഔട്ട് പാസ് നടപടികൾ വേഗത്തിലാക്കാൻ സഹായിക്കുന്ന ഇന്ത്യൻ എംബസി ഉദ്യോഗസ്ഥർക്കും BKSF നേതൃത്വത്തിലുള്ള സാമൂഹ്യ കൂട്ടായ്മ നന്ദി അറിയിച്ചു.

രണ്ട് കുട്ടികളുടെ ഔട്ട് പാസ് കാലാവധി പുതുക്കുന്നതുൾപ്പെടെയുള്ള സാങ്കേതിക നടപടികൾ പൂർത്തിയാക്കി സെപ്റ്റംബർ അവസാനത്തോടെ കുടുംബത്തെ നാട്ടിലെത്തിക്കാനാകുമെന്ന പ്രതീക്ഷയിലാണ് പ്രവർത്തകർ.

BKSF സാമൂഹ്യ സേവന പ്രവർത്തനങ്ങൾ:

കോവിഡ് കാലത്തും അതിനുശേഷവും ബഹ്‌റൈനിലെ പ്രവാസി സമൂഹത്തിൽ വിവിധ സാമൂഹ്യ സേവന പ്രവർത്തനങ്ങളിൽ BKSF ഇടപെട്ടുവരുന്നു. പ്രയാസങ്ങൾ അഭിമുഖികരിക്കേണ്ടി വരുന്ന പ്രവാസികൾക്ക് അടിയന്തര സഹായം, ചികിത്സാ സഹായം, യാത്രാ സഹായം തുടങ്ങിയ മേഖലകളിൽ കൂട്ടായ പ്രവർത്തനങ്ങൾ നടത്തിവരുന്നതായും സംഘടനാ ഭാരവാഹികൾ അറിയിച്ചു.

BKSF കൂട്ടായ്മക്ക് നേതൃത്വം നൽകുന്നവർ:

സുബൈർ കണ്ണൂർ, ബഷീർ അമ്പലായി, നജീബ് കടലായി, ഹാരിസ് പഴയങ്ങാടി, അനസ് റഹീം, കാസിം പാടത്തകായിൽ, ലത്തീഫ് ആയഞ്ചേരി, അഷ്ക്കർ പൂഴിത്തല, ഷബീർ മാഹി, റഫീക്ക് അബ്ദുള്ള, സിദ്ധീഖ് പി.വി. കണ്ണൂർ, ജമാൽ ഇരിങ്ങൽ, സൈഫ് അഴീക്കോട്, ശിഹാബ് മരക്കാർ, അബൂബക്കർ പട്ല, ഷഫീക്ക് ഭായ് സി.പി., ഷാജിക്കുട്ടൻ, ബദ്റുദ്ധീൻ പൂവ്വാർ, മജീദ് തണൽ, നുബിൻ അൻസാരി, സൈനൽ കൊയിലാണ്ടി, നൗഷാദ് പൂനൂർ, ഷാജി മൂതൽ, ഖൈസ് കണ്ണൂർ, അൻവർ ശൂരനാട്, ഷെമീർ കൊല്ലം, ഫൈസൽ മറീന, സിറാജ് മാമ്പ, കാസിം മലയിൽ

💐 റോജി ജോണിന് കൊല്ലം പ്രവാസി അസോസിയേഷൻ (KPA) യാത്രയയപ്പ് നൽകി

മനാമ: പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങുന്ന കൊല്ലം പ്രവാസി അസോസിയേഷൻ (കെ.പി.എ) സെൻട്രൽ കമ്മിറ്റി അംഗമായ ശ്രീ. റോജി ജോണിന് കെ.പി.എയുടെ നേതൃത്വത്തിൽ ഹൃദ്യമായ യാത്രയയപ്പ് നൽകി.

കെ.പി.എയുടെ പ്രവർത്തനങ്ങളിൽ നിരന്തരം സജീവമായി പങ്കാളിയാവുകയും സംഘടനയുടെ വളർച്ചയ്ക്കായി വിലപ്പെട്ട സംഭാവനകൾ നൽകുകയും ചെയ്ത റോജി ജോണിന്റെ സേവനങ്ങളെ ചടങ്ങിൽ അനുസ്മരിച്ചു. സംഘടനയുടെ വിവിധ പ്രവർത്തനങ്ങളിൽ അദ്ദേഹം കാഴ്ചവെച്ച ആത്മാർത്ഥമായ സഹകരണത്തെ കെ.പി.എ പ്രസിഡന്റ് നിസാർ കൊല്ലം പ്രത്യേകം അഭിനന്ദിച്ചു.

ചടങ്ങിൽ സന്നിഹിതരായ ഭാരവാഹികൾ:
• നിസാർ കൊല്ലം (കെ.പി.എ പ്രസിഡന്റ്)
• ജഗത് കൃഷ്ണകുമാർ (ജനറൽ സെക്രട്ടറി)
• രാജ് കൃഷ്ണൻ (വർക്കിംഗ് പ്രസിഡന്റ്)
• അനൂപ് തങ്കച്ചൻ (ഓർഗനൈസിംഗ് സെക്രട്ടറി)
• വി. എം. പ്രമോദ് (സെക്രെട്ടറി)
• സിദ്ധിക് ഷാൻ (അസിസ്റ്റന്റ് ട്രഷറർ)

റോജി ജോണിന്റെ നാട്ടിലെ ഭാവിജീവിതത്തിനു കെ.പി.എ സെൻട്രൽ കമ്മിറ്റി അംഗങ്ങളും സഹപ്രവർത്തകരും ഭാവുകങ്ങൾ നേർന്നു.

📣 ബഹ്റൈനിൽ ചരിത്രമൊരുക്കാൻ മെഗാ 'ചരടുപിന്നിക്കളി': നൂറിലധികം കലാകാരന്മാർ വേദിയിലെത്തുന്നു! 🎭✨

മനാമ: കേരളത്തിന്റെ അന്യംനിന്നുകൊണ്ടിരിക്കുന്ന പരമ്പരാഗത സംഘ നൃത്തകലയായ ചരടുപിന്നിക്കളിയുടെ അപൂർവ ദൃശ്യവിരുന്നിന് ബഹ്റൈനിൽ വേദിയൊരുങ്ങുന്നു. ബഹ്റൈൻ കേരളീയ സമാജം സംഘടിപ്പിക്കുന്ന ഓണാഘോഷ പരിപാടിയായ 'ശ്രാവണം' പരിപാടിയുടെ ഭാഗമായി വനിതാവേദിയുടെ ആഭിമുഖ്യത്തിലാണ് ഈ മെഗാ അവതരണം നടക്കുന്നത്.

📅 തീയതി: സെപ്റ്റംബർ 18, വെള്ളിയാഴ്ച

⏰ സമയം: വൈകുന്നേരം 07:30 PM

📍 വേദി: ബഹ്റൈൻ കേരളീയ സമാജം ഡയമണ്ട് ജൂബിലി ഹാൾ

🌺 നൂറിലധികം കലാകാരന്മാർ അണിനിരക്കുന്നു

സ്ത്രീകളും പുരുഷന്മാരും കുട്ടികളും അടക്കം നൂറിലധികം പ്രതിഭകളാണ് ഈ മെഗാ കലാവിരുന്നിൽ പങ്കെടുക്കുന്നത്. പ്രമുഖ നാടക പ്രവർത്തകൻ വിഷ്ണു നാടകഗ്രാമം സംവിധാനം ചെയ്യുന്ന ഈ അവതരണത്തിന്റെ ഏകോപനം നിമ്മി റോഷൻ, വിജിന സന്തോഷ് എന്നിവർ നിർവഹിക്കുന്നു.

സമാജം പ്രസിഡന്റ് പി.വി. രാധാകൃഷ്ണപിള്ള, ജനറൽ സെക്രട്ടറി വർഗീസ് കാരക്കൽ, ശ്രാവണം ജനറൽ കൺവീനർ ഹരികൃഷ്ണൻ ബി. നായർ, വനിതാവേദി പ്രസിഡന്റ് മോഹിനി തോമസ് എന്നിവർ പത്രക്കുറിപ്പിലൂടെ അറിയിച്ചതാണ് ഈ വിവരം.

📜 എന്താണ് ചരടുപിന്നിക്കളി? (ചരിത്രവും ഐതിഹ്യവും)

കേരളത്തിന്റെ തിരുവാതിരക്കളി, കൈകൊട്ടിക്കളി പാരമ്പര്യവുമായി ചേർന്നുനിൽക്കുന്ന ഒരു നാടൻ കലാരൂപമാണിത്. മേൽക്കൂരയിലോ ഉയർന്ന തൂണിലോ കെട്ടിയ മൾട്ടി-കളർ ചരടുകളുടെ അറ്റങ്ങൾ പിടിച്ച്, പാട്ടിന്റെ താളത്തിനൊത്ത് വട്ടത്തിൽ ചുവടുവെച്ചാണ് ഈ നൃത്തം ചെയ്യുന്നത്.

ഗണിതശാസ്ത്രവും താളവും: നർത്തകർ കൃത്യമായ താളത്തിൽ വട്ടത്തിൽ തിരിയുമ്പോൾ മുകളിലെ ചരടുകൾ തനിയെ ഒരു മനോഹരമായ ജ്യാമിതീയ പാറ്റേണിൽ (Geometric pattern) പിന്നിക്കെട്ടപ്പെടുന്നു. കളിയുടെ രണ്ടാം ഘട്ടത്തിൽ, ചുവടുകൾ പിഴക്കാതെ എതിർദിശയിൽ നൃത്തം ചെയ്ത് ഈ ചരടുകളുടെ കെട്ട് അഴിച്ചെടുക്കുകയും വേണം. ഒരൊറ്റ ആളിന്റെ ചുവടു പിഴച്ചാൽ കെട്ട് കുടുങ്ങിപ്പോകും എന്നതിനാൽ അതീവ ശ്രദ്ധയും ഒത്തൊരുമയും ആവശ്യമാണ്.

പാരമ്പര്യവും ഐതിഹ്യവും: ശ്രീകൃഷ്ണന്റെയും ഗോപികമാരുടെയും 'രാസലീല'യുമായി ഈ കലാരൂപത്തിന് ബന്ധമുണ്ടെന്ന് വിശ്വസിക്കപ്പെടുന്നു. പണ്ടുകാലത്ത് അമ്പലപ്പറമ്പുകളിലും തറവാട് മുറ്റങ്ങളിലും ഓണം, തിരുവാതിര ദിനങ്ങളിലാണ് ഇത് അവതരിപ്പിച്ചിരുന്നത്.

🎨 നാല് വൈവിധ്യമാർന്ന രീതികൾ

ഈ മെഗാ അവതരണത്തിൽ താഴെ പറയുന്ന നാല് പ്രത്യേക ശൈലികളിലാണ് ചരടുപിന്നിക്കളി അരങ്ങേറുന്നത്:

ഊഞ്ഞാൽ തുന്നിക്കളി
ഉറി തുന്നിക്കളി
ആളെ ചുറ്റിക്കളി
കച്ചപ്പുറം തുന്നൽ

കേരളീയ പൈതൃകത്തിന്റെയും സംസ്കാരത്തിന്റെയും നേർക്കാഴ്ചയായ ഈ അപൂർവ കലാവിരുന്ന് ആസ്വദിക്കാൻ എല്ലാ കലാസ്നേഹികളെയും സമാജത്തിലേക്ക് സ്വാഗതം ചെയ്യുന്നതായി സംഘാടകർ അറിയിച്ചു.

🏆✨ ഇന്ത്യൻ സ്‌കൂൾ വിദ്യാർത്ഥികൾക്ക് റെക്കോർഡ് നേട്ടങ്ങളുടെ തിളക്കം

വിവിധ മേഖലകളിലെ കഴിവുകളും നിശ്ചയദാർഢ്യവും പ്രകടമാക്കി ‘ഇന്ത്യ ബുക്ക് ഓഫ് റെക്കോർഡ്സ് 2026’-ൽ ഇടം നേടിയ നാല് വിദ്യാർത്ഥികളുടെ നേട്ടത്തോടെ ബഹ്‌റൈൻ ഇന്ത്യൻ സ്‌കൂളിന് അഭിമാനനേട്ടം.

🏸 17-ാം വയസ്സിൽ അന്താരാഷ്ട്ര ബാഡ്മിന്റൺ അമ്പയർ

പന്ത്രണ്ടാം ക്ലാസ് വിദ്യാർത്ഥിയായ ധനശ്യാം ശ്യാം ആണ് നേട്ടങ്ങളിൽ ഏറ്റവും ശ്രദ്ധേയനായത്. പതിനേഴാം വയസ്സിൽ BWF വേൾഡ് ചാമ്പ്യൻഷിപ്പ് മത്സരത്തിൽ അമ്പയറായി സേവനമനുഷ്ഠിച്ച ഏറ്റവും പ്രായം കുറഞ്ഞ വ്യക്തി എന്ന നേട്ടത്തിനാണ് ധനശ്യാം ‘ഇന്ത്യ ബുക്ക് ഓഫ് റെക്കോർഡ്സ്’ൽ ഇടം നേടിയത്.

🇧🇭 2026 ഫെബ്രുവരി 8 മുതൽ 14 വരെ ബഹ്‌റൈനിൽ നടന്ന BWF പാരാ ബാഡ്മിന്റൺ വേൾഡ് ചാമ്പ്യൻഷിപ്പ് 2026-ൽ അമ്പയറായി പ്രവർത്തിക്കാൻ ബഹ്‌റൈൻ ബാഡ്മിന്റൺ ആൻഡ് സ്‌ക്വാഷ് ഫെഡറേഷനാണ് ധനശ്യാമിനെ ക്ഷണിച്ചത്. ഇതോടെ അന്താരാഷ്ട്ര ബാഡ്മിന്റൺ മത്സരത്തിൽ ഒഫീഷ്യലായി സേവനമനുഷ്ഠിച്ച ഏറ്റവും പ്രായം കുറഞ്ഞ താരങ്ങളിലൊരാളായി അദ്ദേഹം മാറി.

🧠🌍 കൊച്ചുമിടുക്കരുടെ അസാധാരണ നേട്ടങ്ങൾ

ജൂനിയർ കാമ്പസിലെ മൂന്ന് വിദ്യാർത്ഥികളും തങ്ങളുടെ അസാധാരണമായ ഓർമ്മശക്തിയും അറിവും സർഗ്ഗാത്മകതയും കൊണ്ട് റെക്കോർഡ് നേട്ടങ്ങൾ സ്വന്തമാക്കി.

🌎 ഒന്നാം ക്ലാസ് വിദ്യാർത്ഥിനി ഇനാം മാലിക് ലോക ഭൂപടത്തിൽ ഐക്യരാഷ്ട്രസഭ അംഗീകരിച്ച 195 രാജ്യങ്ങളെ ദേശീയ പതാകകൾ നോക്കി തിരിച്ചറിയുകയും ചൂണ്ടിക്കാണിക്കുകയും ചെയ്തതിലൂടെ ‘IBR Achiever’ അംഗീകാരം നേടി.

🏳️‍🌈 UKG വിദ്യാർത്ഥി മുഹമ്മദ് എൻ ലാപ്‌ടോപ്പ് സ്‌ക്രീനിൽ പ്രദർശിപ്പിച്ച പതാകകൾ നോക്കി 60 രാജ്യങ്ങളുടെ പതാകകൾ 1 മിനിറ്റ് 31.62 സെക്കൻഡിനുള്ളിൽ തിരിച്ചറിയുകയും പേരുകൾ പറയുകയും ചെയ്തതിലൂടെ ‘IBR Achiever’ അംഗീകാരം നേടി.

✍️🎵 മൂന്നാം ക്ലാസ് വിദ്യാർത്ഥിനി ഫെല്ല മെബാക് എ മികച്ച സർഗ്ഗാത്മകതയും സ്വാഭാവിക കഴിവും പ്രകടിപ്പിച്ച് ‘Grand Master’ പദവി സ്വന്തമാക്കി. നൽകിയ വിവിധ വാക്കുകൾ ഉപയോഗിച്ച് മൂന്നോ നാലോ വരികളുള്ള 25 ചെറിയ ഇംഗ്ലീഷ് കവിതകൾ തൽക്ഷണം രചിച്ച് ആലപിച്ചാണ് ഫെല്ല ഈ നേട്ടം സ്വന്തമാക്കിയത്.

👏 വിദ്യാർത്ഥികളുടെ മികച്ച നേട്ടങ്ങളിൽ സ്‌കൂൾ ചെയർമാൻ അഡ്വ. ബിനു മണ്ണിൽ വർഗീസ്, സെക്രട്ടറി വി. രാജപാണ്ട്യൻ, എക്സിക്യൂട്ടീവ് കമ്മിറ്റി അംഗങ്ങൾ, പ്രിൻസിപ്പൽ ശാന്ത കുമാർ ദസരി, ജൂനിയർ വിംഗ് പ്രിൻസിപ്പൽ പമേല സേവ്യർ, അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ രാജേഷ് നായർ, ജൂനിയർ വിംഗ് വൈസ് പ്രിൻസിപ്പൽ പ്രിയ ലാജി എന്നിവർ അഭിനന്ദനം അറിയിച്ചു.

🌟 അറിവും കഴിവും ആത്മവിശ്വാസവും കൈമുതലാക്കി നാല് വിദ്യാർത്ഥികൾ നേടിയ ഈ റെക്കോർഡ് നേട്ടങ്ങൾ ബഹ്‌റൈൻ ഇന്ത്യൻ സ്‌കൂളിന്റെ അക്കാദമികവും സഹപാഠ്യവുമായ മികവിന് മറ്റൊരു അംഗീകാരമായി.

📸 MEDIA RANGH | Bahrain's Malayalam News Media

🎶🌼 ശ്രാവണം 2026: ഓണപ്പാട്ട് മത്സരത്തിൽ ‘നാദവിസ്മയത്തിനും’ ‘സ്വരലയയ്ക്കും’ ഒന്നാം സ്ഥാനം

ബഹ്‌റൈൻ കേരളീയ സമാജത്തിന്റെ ഓണാഘോഷമായ **‘ശ്രാവണം 2026’**ന്റെ ഭാഗമായി സെപ്റ്റംബർ 13ന് സംഘടിപ്പിച്ച ഓണപ്പാട്ട് മത്സരം ശ്രദ്ധേയമായി. 🎵

👥 ജൂനിയർ, സീനിയർ വിഭാഗങ്ങളിലായി എട്ട് ടീമുകൾ മത്സരത്തിൽ പങ്കെടുത്തു. ഓണപ്പാട്ടുകളുടെ മധുരവും കേരളീയ സംഗീതത്തിന്റെ പാരമ്പര്യവും നിറഞ്ഞ അവതരണങ്ങൾ ആസ്വാദകർക്ക് വേറിട്ട അനുഭവമായി.

🏆 ജൂനിയർ വിഭാഗം

🥇 ഒന്നാം സ്ഥാനം: നാദവിസ്മയം — BKS സാഹിത്യവേദി
🥈 രണ്ടാം സ്ഥാനം: ടീം മൽഹാർ — BKS വനിതാവേദി
🥉 മൂന്നാം സ്ഥാനം: IMAC — കൊച്ചിൻ കലാഭവൻ

🏆 സീനിയർ വിഭാഗം

🥇 ഒന്നാം സ്ഥാനം: സ്വരലയ — ബഹ്‌റൈൻ പ്രതിഭ
🥈 രണ്ടാം സ്ഥാനം: ടീം ഒക്ടേവ്സ്
🥉 മൂന്നാം സ്ഥാനം: ടീം ഓണനിലാവ്

🎤 കേരളീയ സംഗീതത്തിന്റെയും ഓണപ്പാട്ടുകളുടെ പാരമ്പര്യത്തിന്റെയും മാധുര്യം പകർന്നുനൽകിയ അവതരണങ്ങളാണ് വിവിധ ടീമുകൾ വേദിയിൽ അവതരിപ്പിച്ചത്. മികച്ച പങ്കാളിത്തവും ആവേശകരമായ മത്സരവും പരിപാടിയുടെ പ്രത്യേകതയായി.

🎁 വിജയികൾക്കുള്ള സമ്മാനങ്ങൾ ബഹ്‌റൈൻ കേരളീയ സമാജം പ്രസിഡന്റ് പി.വി. രാധാകൃഷ്ണ പിള്ള, ജനറൽ സെക്രട്ടറി വർഗീസ് കാരക്കൽ, ശ്രാവണം 2026 കൺവീനർ ഹരികൃഷ്ണൻ ബി. നായർ എന്നിവരും മറ്റ് കമ്മിറ്റി അംഗങ്ങളും ചേർന്ന് വിതരണം ചെയ്തു.

🤝 മത്സരത്തിന്റെ വിജയത്തിനായി കൺവീനർ സോബിൻ സി. ജോസ്, ജോയിന്റ് കൺവീനർമാരായ ജിജോ ആൻഡ്രൂസ്, സുഭാഷ് എം.പി., രജനി വർമ്മ, മ്യൂസിക് ക്ലബ് കൺവീനർ മാത്യു ജേക്കബ്, എന്റർടെയ്ൻമെന്റ് സെക്രട്ടറി റിയാസ് ഇബ്രാഹിം എന്നിവർ നേതൃത്വം നൽകി.

🎙️ അവതാരകരായ ഷിബു ജോൺ, ശ്രുതി രതീഷ് എന്നിവരും പരിപാടിക്ക് മികവേകി.

🌸 ഓണപ്പാട്ട് മത്സരം സബ് കമ്മിറ്റി അംഗങ്ങളുടെ കൂട്ടായ പ്രവർത്തനത്തിലൂടെ വിജയകരമായി പൂർത്തിയാക്കി. മത്സരത്തിൽ പങ്കെടുത്ത എല്ലാ ടീമുകളെയും സംഘാടകർ അഭിനന്ദിച്ചു.

📸 MEDIA RANGH | Bahrain's Malayalam News Media

👗🌼 ശ്രാവണം 2026: ഓണപ്പുടവ മത്സരത്തിൽ ടീം ഗ്രെയ്പ്സിന് ഒന്നാം സ്ഥാനം

ബഹ്‌റൈൻ കേരളീയ സമാജത്തിന്റെ ഓണാഘോഷമായ **‘ശ്രാവണം 2026’**ന്റെ ഭാഗമായി സെപ്റ്റംബർ 12ന് സംഘടിപ്പിച്ച ഓണപ്പുടവ മത്സരം നിറഞ്ഞ സദസ്സിൽ ആവേശകരമായി അരങ്ങേറി.

👗 കേരളത്തിന്റെ തനത് പാരമ്പര്യ വസ്ത്രധാരണത്തിന്റെ വൈവിധ്യവും സൗന്ദര്യവും ഒരേ വേദിയിൽ അവതരിപ്പിച്ച മത്സരം കാണികളുടെ പ്രത്യേക ശ്രദ്ധയും കൈയ്യടിയും നേടി.

🏆 14 ടീമുകൾ പങ്കെടുത്ത മത്സരത്തിൽ കേരളത്തിന്റെ വിവിധ പ്രദേശങ്ങളുടെയും പാരമ്പര്യങ്ങളുടെയും മനോഹരമായ വസ്ത്രവൈവിധ്യങ്ങളാണ് അവതരിപ്പിച്ചത്. ഓരോ ടീമും മികച്ച നിലവാരം പുലർത്തിയതോടെ മത്സരം വർണാഭവും ശ്രദ്ധേയവുമായി.

🥇 ഒന്നാം സ്ഥാനം — ടീം ഗ്രെയ്പ്സ്
🥈 രണ്ടാം സ്ഥാനം — ടീം നൂപുര
🥉 മൂന്നാം സ്ഥാനം — ബി.കെ.എസ് ലൈബ്രറി

🎁 ബഹ്‌റൈൻ കേരളീയ സമാജം പ്രസിഡന്റ് പി.വി. രാധാകൃഷ്ണ പിള്ള, ജനറൽ സെക്രട്ടറി വർഗീസ് കാരക്കൽ, ശ്രാവണം കൺവീനർ ഹരികൃഷ്ണൻ ബി. നായർ എന്നിവരും മറ്റ് ഭാരവാഹികളും ചേർന്ന് വിജയികൾക്ക് സമ്മാനങ്ങൾ വിതരണം ചെയ്തു.

🤝 ഓണപ്പുടവ മത്സരത്തിന്റെ കൺവീനറായി സുബിൻ പോവിൽ പ്രവർത്തിച്ചു. ജോയിന്റ് കൺവീനർമാരായ ശരത് ശശി, നീനാ ഷെറിൻ എന്നിവരുടെ നേതൃത്വത്തിലുള്ള സംഘാടക സമിതിയും കമ്മിറ്റി അംഗങ്ങളും പരിപാടിയുടെ വിജയത്തിന് നേതൃത്വം നൽകി.

💃 പരിപാടിയുടെ ഭാഗമായി നൃത്തസംവിധായകൻ ശ്രീനേഷ് മാഷും കുട്ടികളുടെ സംഘവും അവതരിപ്പിച്ച നൃത്താവിഷ്‌കാരം ശ്രദ്ധേയമായി. 🎶 മ്യൂസിക് ക്ലബ് അംഗങ്ങളായ ഉണ്ണികൃഷ്ണനും സോബിൻ ജോസും സംഗീതാവതരണത്തിലൂടെ ആഘോഷത്തിന് കൂടുതൽ മാറ്റുകൂട്ടി.

📸💻 പരിപാടിയുടെ സാങ്കേതികവും ദൃശ്യപരവുമായ മികവിന് ഐ.ടി. ടീം, ഫോട്ടോഗ്രഫി ക്ലബ്, വിഷ്വൽ മീഡിയ ടീം, ടീം ഒഫീഷ്യൽസ് എന്നിവർ നേതൃത്വം നൽകി. മികച്ച അവതരണത്തിലൂടെ ഗീതു വിപിനും പരിപാടിയെ സജീവമാക്കി.

🌸 ടീമുകളുടെയും കുടുംബാംഗങ്ങളുടെയും സമാജം അംഗങ്ങളുടെയും കൂട്ടായ പങ്കാളിത്തത്തോടെ ഓണപ്പുടവ മത്സരം ശ്രാവണം 2026 ആഘോഷങ്ങളിലെ ശ്രദ്ധേയമായ മറ്റൊരു പരിപാടിയായി മാറി.

🌼 ‘പാക്ട് ഒരുമയുടെ പൊന്നോണം’ വെള്ളിയാഴ്ച; ഡെപ്യൂട്ടി സ്പീക്കർ ഷാനിമോൾ ഉസ്മാൻ ഉദ്ഘാടനം ചെയ്യും

പാലക്കാട് ആർട്സ് ആൻഡ് കൾച്ചറൽ തിയേറ്റർ (PAACT) സ്റ്റാർ വിഷനുമായി സഹകരിച്ച് സംഘടിപ്പിക്കുന്ന ഈ വർഷത്തെ ഓണാഘോഷം ‘പാക്ട് ഒരുമയുടെ പൊന്നോണം’ സെപ്റ്റംബർ 18 വെള്ളിയാഴ്ച ഗുദൈബിയ ഇന്ത്യൻ ക്ലബ്ബിൽ നടക്കും.

🎉 ഓണാഘോഷ പരിപാടി കേരള നിയമസഭാ ഡെപ്യൂട്ടി സ്പീക്കർ ഷാനിമോൾ ഉസ്മാൻ ഉദ്ഘാടനം ചെയ്യും. 2026 ജൂൺ 2ന് നടന്ന തെരഞ്ഞെടുപ്പിൽ ഷാനിമോൾ ഉസ്മാൻ കേരള നിയമസഭയുടെ ഡെപ്യൂട്ടി സ്പീക്കറായി തെരഞ്ഞെടുക്കപ്പെട്ടിരുന്നു. 16-ാം നിയമസഭയിലെ ഈ പദവിയിലെത്തുന്ന നാലാമത്തെ വനിത കൂടിയാണ് അവർ.

🇮🇳 ബഹ്‌റൈനിലെ ഇന്ത്യൻ എംബസി ഡിഫൻസ് അറ്റാഷെ ക്യാപ്റ്റൻ സന്ദീപ് സിംഗ് ചടങ്ങിൽ വിശിഷ്ടാതിഥിയായി പങ്കെടുക്കും.

🏆 വ്യവസായ പ്രമുഖനും അമാദ് ഗ്രൂപ്പ് ഓഫ് കമ്പനീസ് ചെയർമാനും മാനേജിങ് ഡയറക്ടറുമായ പമ്പാവാസൻ നായർ മുഖ്യാതിഥിയായിരിക്കും. പാലക്കാട് സ്വദേശിയായ പമ്പാവാസൻ നായർ ബഹ്‌റൈനിലെ ശ്രദ്ധേയനായ വ്യവസായിയും സാമൂഹിക പ്രവർത്തകനുമാണ്. ബഹ്‌റൈൻ, സൗദി അറേബ്യ, ഇന്ത്യ എന്നിവിടങ്ങളിൽ പ്രവർത്തിക്കുന്ന അമാദ് ഗ്രൂപ്പ് ഓഫ് കമ്പനീസിന്റെ സ്ഥാപകനും മാനേജിങ് ഡയറക്ടറുമാണ് അദ്ദേഹം.

പാലക്കാട് ആർട്സ് ആൻഡ് കൾച്ചറൽ തിയേറ്ററിന്റെ സീനിയർ അംഗം കൂടി ആയ പമ്പാവാസൻ നായർക്ക് 2025ൽ ഡോ. മംഗളം സ്വാമിനാഥൻ പ്രവാസി ഭാരതീയ എക്സലൻസ് അവാർഡ് ലഭിച്ചപ്പോൾ PAACT അദ്ദേഹത്തെ ആദരിച്ചിരുന്നു.

🎭 രണ്ട് പതിറ്റാണ്ടിന്റെ സാംസ്കാരിക യാത്ര

ബഹ്‌റൈനിലെ പാലക്കാട് സമൂഹത്തിന്റെ കലാ-സാംസ്കാരിക കൂട്ടായ്മയായ PAACT ഈ വർഷം 20-ാം വാർഷികാഘോഷങ്ങളുടെ ഭാഗമായി വിവിധ പരിപാടികൾ സംഘടിപ്പിച്ചുവരികയാണ്. ഫെബ്രുവരിയിൽ ‘വിന്റർ സർപ്രൈസ്’ പരിപാടിയോടെയാണ് 20-ാം വാർഷികാഘോഷങ്ങൾക്ക് തുടക്കമായത്.

🎶 2024ൽ PAACT സംഘടിപ്പിച്ച ‘ഭാവലയം’ പരിപാടിയിൽ ചെമ്പൈ സംഗീതോത്സവം, ‘നിലോത്സവം’ എന്ന സംഗീത ഫ്യൂഷൻ, അംഗങ്ങളും പ്രാദേശിക കലാകാരന്മാരും അവതരിപ്പിച്ച ‘മായിക’ എന്ന നൃത്തനാടകം എന്നിവ അരങ്ങേറിയിരുന്നു.

🎓 കലാ-സാംസ്കാരിക പരിപാടികൾക്കൊപ്പം വിദ്യാഭ്യാസ മേഖലയിലും PAACT പ്രവർത്തനം നടത്തിവരുന്നു. ബഹ്‌റൈനിലെ വിവിധ സ്കൂളുകളിൽ നിന്നുള്ള പത്താം, പന്ത്രണ്ടാം ക്ലാസ് വിദ്യാർഥികളെ എല്ലാ വർഷവും വിദ്യാർഥി ആദരണ ചടങ്ങിൽ PAACT ആദരിക്കാറുണ്ട്

🍛 ഓണാഘോഷത്തിന് വിഭവസമൃദ്ധമായ സദ്യ

ഇത്തവണയും റൈറ്റ് ചോയ്സ് ആണ് പാക്ട് ഒരുമയുടെ പൊന്നോണത്തിനായി വിഭവസമൃദ്ധമായ ഓണസദ്യ ഒരുക്കുന്നത്. കഴിഞ്ഞ വർഷത്തെ PAACT ഓണാഘോഷത്തിലും പാലക്കാട്ടെ റൈറ്റ് ചോയ്സ് ഒരുക്കിയ പരമ്പരാഗത സദ്യയ്ക്ക് വലിയ പങ്കാളിത്തം ലഭിച്ചിരുന്നു; 2,000ലേറെ പേർ പങ്കെടുത്ത പരിപാടിയിൽ സംഗീത-കലാപരിപാടികളും അരങ്ങേറിയിരുന്നു.

🌸 പാക്ട് ഒരുമയുടെ പൊന്നോണം ബഹ്‌റൈനിലെ പാലക്കാട് സമൂഹത്തിന്റെ സാംസ്കാരിക പാരമ്പര്യവും പ്രവാസി കൂട്ടായ്മയും ഒരുമിപ്പിക്കുന്ന ഓണാഘോഷമായി മാറുമെന്നാണ് സംഘാടകരുടെ പ്രതീക്ഷ.

📞 കൂടുതൽ വിവരങ്ങൾക്ക്:
3987 1460 | 3914 3350

⚡ കേരളത്തിലെ വൈദ്യുതി പ്രതിസന്ധിക്ക് കഴിഞ്ഞ പത്ത് വർഷം സംസ്ഥാനം ഭരിച്ച ഇടതുപക്ഷ സർക്കാർ" . പി. സി. വിഷ്ണുനാഥ്

📍 മനാമ: കഴിഞ്ഞ നിയമസഭാ തെരഞ്ഞെടുപ്പ് കാലത്ത് ഗൾഫ് മേഖലയിൽ യുദ്ധസാഹചര്യം നിലനിന്നിരുന്നിട്ടും ബഹ്‌റൈനിലെ ഒഐസിസിയുടെ നേതൃത്വത്തിൽ നടത്തിയ തെരഞ്ഞെടുപ്പ് പ്രവർത്തനങ്ങൾ അഭിനന്ദനാർഹമാണെന്ന് പി. സി. വിഷ്ണുനാഥ് പറഞ്ഞു.

✈️ വിമാനയാത്രകൾക്ക് ബുദ്ധിമുട്ട് നേരിട്ട സാഹചര്യത്തിൽ പ്രവാസി കുടുംബങ്ങളെ പങ്കെടുപ്പിച്ച് നടത്തിയ കൺവൻഷനുകളും 🏠 ഭവനസന്ദർശനം ഉൾപ്പെടെയുള്ള പ്രവർത്തനങ്ങളും നാട്ടിലെ പ്രവാസി കുടുംബങ്ങൾക്കിടയിൽ യു.ഡി.എഫിന് ഏറെ ഗുണം ചെയ്തതായി അദ്ദേഹം പറഞ്ഞു.

⚡ കേരളത്തിലെ വൈദ്യുതി പ്രതിസന്ധിക്ക് കഴിഞ്ഞ പത്ത് വർഷം സംസ്ഥാനം ഭരിച്ച ഇടതുപക്ഷ സർക്കാരാണ് ഉത്തരവാദിയെന്നും പി. സി. വിഷ്ണുനാഥ് ആരോപിച്ചു.

📊 കേരളത്തിലെ വൈദ്യുതി ഉപഭോഗത്തിന്റെ ഏകദേശം 25 ശതമാനം മാത്രമാണ് സംസ്ഥാനം ആഭ്യന്തരമായി ഉത്പാദിപ്പിക്കുന്നത്. കഴിഞ്ഞ പത്ത് വർഷം വൈദ്യുതി ഉത്പാദനം വർധിപ്പിക്കുന്നതിന് എന്ത് പദ്ധതികളാണ് നടപ്പാക്കിയതെന്ന് വ്യക്തമാക്കണമെന്നും അദ്ദേഹം ആവശ്യപ്പെട്ടു.

🔌 സമീപ സംസ്ഥാനങ്ങൾ അവരുടെ വൈദ്യുതി ആവശ്യത്തിന്റെ 60 മുതൽ 75 ശതമാനം വരെ ആഭ്യന്തരമായി ഉത്പാദിപ്പിക്കുന്ന സാഹചര്യത്തിൽ, ഇപ്പോഴത്തെ വൈദ്യുതി പ്രതിസന്ധിയുടെ ഉത്തരവാദിത്വം മൂന്ന് മാസം മാത്രം അധികാരത്തിലിരിക്കുന്ന സർക്കാരിന് മേൽ ചുമത്തുന്നത് രാഷ്ട്രീയ ആരോപണം മാത്രമാണെന്നും അദ്ദേഹം പറഞ്ഞു.

🌧️ കാലാവസ്ഥാ വ്യതിയാനം ഉൾപ്പെടെയുള്ള സാഹചര്യങ്ങൾ മുൻകൂട്ടി കണ്ട് ദീർഘകാല പദ്ധതികൾ തയ്യാറാക്കേണ്ടത് മുൻ സർക്കാരിന്റെ ഉത്തരവാദിത്വമായിരുന്നുവെന്നും പി. സി. വിഷ്ണുനാഥ് ചൂണ്ടിക്കാട്ടി.

🏛️ പുതിയ സർക്കാരിൽ ജനങ്ങൾ വലിയ പ്രതീക്ഷയാണ് അർപ്പിച്ചിരിക്കുന്നതെന്നും ആ പ്രതീക്ഷകൾ നിലനിർത്തിയാണ് സർക്കാർ മുന്നോട്ട് പോകുന്നതെന്നും അദ്ദേഹം പറഞ്ഞു. സ്ത്രീകൾക്കായുള്ള പ്രിയദർശിനി സൗജന്യ യാത്രാ പദ്ധതി, വയോജനങ്ങൾക്കായുള്ള പദ്ധതികൾ തുടങ്ങിയവയ്ക്ക് സർക്കാർ അധികാരത്തിലെത്തിയ ഉടൻ തന്നെ തീരുമാനമെടുത്തതായും അദ്ദേഹം വ്യക്തമാക്കി.

🌾 സിവിൽ സപ്ലൈസ്, കൃഷി, ട്രാൻസ്‌പോർട്ട്, ടൂറിസം തുടങ്ങി വിവിധ വകുപ്പുകൾ കഴിഞ്ഞ ഓണക്കാലത്ത് മികച്ച പ്രവർത്തനം കാഴ്ചവച്ചതായും ടൂറിസം വകുപ്പിന് കീഴിൽ സംസ്ഥാനത്തെ വിവിധ ജില്ലകളിലായി 8,000ത്തിലധികം കലാകാരന്മാർക്ക് അവസരം ലഭിച്ചതായും അദ്ദേഹം അറിയിച്ചു.

🎤 ഒഐസിസി സംഘടിപ്പിച്ച സമ്മേളനം പി. സി. വിഷ്ണുനാഥ് ഉദ്ഘാടനം ചെയ്തു. ഒഐസിസി ദേശീയ പ്രസിഡന്റ് ഗഫൂർ ഉണ്ണികുളം അധ്യക്ഷത വഹിച്ചു.

🤝 ബഹ്‌റൈൻ കേരളീയ സമാജം പ്രസിഡന്റ് പി.വി. രാധാകൃഷ്ണപിള്ള, ജനറൽ സെക്രട്ടറി വർഗീസ് കാരക്കൽ, ഒഐസിസി ഗ്ലോബൽ കമ്മിറ്റി അംഗം ബിനു കുന്നന്താനം, ആക്ടിങ് പ്രസിഡന്റ് ബോബി പാറയിൽ, ട്രഷറർ ലത്തീഫ് ആയംചേരി തുടങ്ങി നിരവധി നേതാക്കൾ ചടങ്ങിൽ പങ്കെടുത്തു.

📸 MEDIA RANGH | Bahrain