Syed Mehdi Hassan Razvi

انا للہ و انا الیہ راجعون

سُہ دل یُس داغ رٔٹِتھ چھُ تسٕندِ لولُک
یُس پانہٕ بێیہ سُند بنیوو
سُہ،یسُند آسُن کرتام میون خواب اوس
سُہ چھُنہٕ وۄہ میون
آ سُہ چھ بێیہ سُند بنیوومُت
بہٕ ہؠکن سُہ مشرٲوِتھ!
نہ ہرگز نہٕ..
اما کیازِ نہٕ...
تسُند نہ آسُن چھُ مے وٲنجہ ریز ریز کران
تمی سٕنز یاد چھے میٲنس روحس رسہٕ رسہٕ ٲندری گالان

پرتھ راتھ چھے زيٖٹھ
ژُہہ ژُہہ چھُ مصیبتو سٕتی بٔرتھ
رٲژ ہُند پرتھ پہر چھ تنہٲہی تہٕ کنرچ شیچھ دوان
شاہ کھارُن تہٕ والُن تس روس قیامت
میون چھۄکہ لد سيٖنہٕ چھ تسند نہ آسُنُک بار تُلان
سُہ کر بوزِ میون،تس کر گژھِ اور کُن ظۄن
احساس ما گژھِ تس زانہہ
ہاے یہ وَچھ میون دود للوان
بہٕ روزٕ یتھ زونہٕ رٲژ منز تٔسی یاد کران، بہٕ روزٕ تس تسندس ناوس سٕتی شاند دِتھ
سُہ ییا زانہہ، کتہ ییہ دُبارٕ!!
یُس نيٖرتھ گژھان چھُ سُہ کتہِ آو پھيٖرتھ

بوے تسنز چھے پوشن منز دریٹھی گژھان
پرتھ ساتھا،ژیہہ تہٕ پہر چھس بہٕ تسندس ناوس سٕتی گزاران
یہ لول تہٕ عشق چھُنہٕ فقط خوٲہش تہٕ طمع
یہ چھ عقیدت یۄس زمانَس سٕتی نالہٕ مۆت کٔرتھ چھ