K Rajan

ബദലാവ് സരൂരി ഹെ! ഡല്‍ഹി ചലോ !
മാറ്റം അനിവാര്യം എന്ന മുദ്രാവാക്യമുയര്‍ത്തി സെപ്തംബര്‍ 1 ന് ദില്ലി രാംലീല മൈതാനത്ത് ലക്ഷക്കണക്കിന് കമ്മ്യൂണിസ്റ്റ് സഖാക്കള്‍ അണിനിരക്കുന്ന സമര സംഗമം.

തോണിപാറയിൽ മണ്ണിടിച്ചിൽ ഭീഷണി: പ്രദേശവാസികളുടെ പൂർണ്ണ സംരക്ഷണം ഉറപ്പാക്കും.
​കൈനൂർ വില്ലേജിലെ തോണിപാറ നാലാം വാർഡിൽ കനത്ത മഴയെത്തുടർന്ന് മണ്ണിടിച്ചിൽ ഭീഷണി രൂക്ഷമായ സ്ഥലം ജില്ലാ ഭരണകൂടത്തോടൊപ്പം നേരിട്ടെത്തി സന്ദർശിക്കുകയും സ്ഥിതിഗതികൾ വിലയിരുത്തുകയും ചെയ്തു. വലിയ രീതിയിൽ മണ്ണ് ഇളകുകയും കുന്നിൻ മുകളിൽ നിന്ന് വലിയ മരങ്ങൾ കടപുഴകി വീഴുകയും ചെയ്തത് പ്രദേശത്ത് വലിയ ആശങ്ക സൃഷ്ടിച്ചിട്ടുണ്ട്. ജനങ്ങളുടെ ജീവനും സ്വത്തിനും പൂർണ്ണ സംരക്ഷണം ഉറപ്പാക്കാൻ അടിയന്തര നടപടികൾ സ്വീകരിച്ചിട്ടുണ്ട്.
​അപകടസാധ്യതയുള്ള വീടുകളിലെ കുടുംബങ്ങളെ ഒട്ടും വൈകാതെ തന്നെ ദുരിതാശ്വാസ ക്യാമ്പുകളിലേക്കോ സുരക്ഷിതമായ വാടക വീടുകളിലേക്കോ മാറ്റാൻ റവന്യൂ, പഞ്ചായത്ത് അധികൃതർക്ക് നിർദ്ദേശം നൽകി. ഇങ്ങനെ മാറിത്താമസിക്കുന്ന കുടുംബങ്ങൾക്ക് ആവശ്യമായ വാടക സഹായവും മറ്റ് അടിസ്ഥാന സൗകര്യങ്ങളും ഉറപ്പാക്കാൻ ലാൻഡ് റവന്യൂ കമ്മീഷണർ ദിനേശൻ എച്ച്. ഐ.എ.എസുമായി നേരിട്ട് സംസാരിച്ച് തീരുമാനമെടുത്തിട്ടുണ്ട്. കൂടാതെ പ്രദേശവാസികളുടെ സുരക്ഷ മുൻനിർത്തി ഇവിടുത്തെ അംഗൻവാടിയുടെ പ്രവർത്തനം താൽക്കാലികമായി മറ്റൊരു സുരക്ഷിത കെട്ടിടത്തിലേക്ക് മാറ്റാനും നിർദ്ദേശ നൽകിയിട്ടുണ്ട്.
​തുടർ സുരക്ഷാ നടപടികൾ നിരീക്ഷിക്കുന്നതിനായി ഫോറസ്റ്റ്, റവന്യൂ, ജിയോളജി വകുപ്പുകൾ സംയുക്തമായി സ്ഥലത്ത് സന്ദർശനം നടത്തും. പ്രദേശവാസികൾക്ക് പൂർണ്ണ സുരക്ഷ ഉറപ്പാക്കാൻ രാത്രികാലങ്ങളിൽ പോലീസിന്റെ പ്രത്യേക പട്രോളിംഗും ഏർപ്പെടുത്തിയിട്ടുണ്ട്. തൃശൂർ ജില്ലാ കളക്ടർ ശിഖ സുരേന്ദ്രൻ ഐ.എ.എസ്, ഒല്ലൂക്കര ബ്ലോക്ക് പഞ്ചായത്ത് പ്രസിഡന്റ് ശ്രീവിദ്യ രാജേഷ്, തഹസിൽദാർ, വില്ലേജ് ഓഫീസർ, സോയിൽ കൺസർവേഷൻ ഉദ്യോഗസ്ഥർ മറ്റ് ജനപ്രതിനിധികൾ എന്നിവരും സന്ദർശനത്തിൽ ഒപ്പമുണ്ടായിരുന്നു. മഴ കനത്തുനിൽക്കുന്ന സാഹചര്യത്തിൽ എല്ലാവരും ജാഗ്രത പാലിക്കണമെന്ന് അഭ്യർത്ഥിക്കുന്നു.

വെള്ളപ്പൊക്ക ദുരിതം അനുഭവിക്കുന്ന നെടുപുഴ, പനമുക്ക് ഡിവിഷനുകളിലെ പ്രദേശങ്ങളായ മദാമ്മ തോപ്പ്, മല്ലിത്തറ, മുല്ലക്കൽ തുരുത്ത് എന്നിവിടങ്ങളിൽ നേരിട്ടെത്തി സ്ഥിതിഗതികൾ വിലയിരുത്തി. വെള്ളം കയറിയ വീടുകളും പരിസരങ്ങളും സന്ദർശിച്ച് നാട്ടുകാരുടെ പ്രയാസങ്ങൾ ചോദിച്ചറിഞ്ഞു.
​തുടർന്ന്, ഈ പ്രദേശങ്ങളിൽ നിന്ന് മാറ്റിപ്പാർപ്പിച്ചവർക്കായി നെടുപുഴ പോളിടെക്നിക് കോളേജിൽ പ്രവർത്തിക്കുന്ന ദുരിതാശ്വാസ ക്യാമ്പും സന്ദർശിച്ചു. ക്യാമ്പിലുള്ളവർക്ക് ആവശ്യമായ സഹായങ്ങളും അടിസ്ഥാന സൗകര്യങ്ങളും ഉറപ്പുവരുത്താൻ ബന്ധപ്പെട്ട ഉദ്യോഗസ്ഥർക്ക് നിർദ്ദേശം നൽകിയിട്ടുണ്ട്.

തദ്ദേശസ്വയംഭരണ സ്ഥാപനങ്ങളുടെ പദ്ധതിവിഹിതം വെട്ടിക്കുറച്ച UDF സർക്കാരിനെതിരെ മാടക്കത്തറ പഞ്ചായത്തിലേക്ക് LDF സംഘടിപ്പിച്ച ബഹുജന മാർച്ച് ഉദ്ഘാടനം ചെയ്തു