Exchange Programs For Iraqi

وەزارەتی خوێندنی باڵا گرانتێکی (٢٠٠) هەزار دۆلاریی ئەمریکی بۆ زانکۆکانی کوردستان ڕادەگەیەنێت

وەزارەتی خوێندنی باڵا و توێژینەوەی زانستیی حکومەتی هەرێمی کوردستان، گشتاندنێکی فەرمی بۆ سەرجەم زانکۆ و دامەزراوەکانى خوێندنى باڵا حکومی و تایبەت کردوە سەبارەت بە هەلێکی دارایى بە بڕى (٢٠٠) هەزار دۆلارى ئەمریکى.

بەپێی نووسراوەکە کە ئیمزاى بەڕێوەبەری گشتی فەرمانگەی نێردراوان و پەیوەندییە ڕۆشنبیرییەکانی بەسەرەوەیە، وەزارەتی دەرەوەی ئەمریکا گرانتێک (هەلی دارایی) بە بڕی ٢٠٠,٠٠٠ (دوو سەد هەزار) دۆلاری ئەمریکی بۆ پڕۆژەی (U.S. Mission Iraq Education USA Roadshow) تەرخانکردوە.

ئامانجی ئەم پڕۆژەیە بەهێزکردنی هاوبەشییە لە نێوان زانکۆ ئەمریکییەکان و زانکۆکانی عێراق و هەرێمی کوردستان، لە چەند بوارێکی گرنگدا، بەتایبەت، (پەرەپێدانی خوێندنی ژیریی دەستکرد (AI)، پڕۆگرامە تەکنەلۆژییەکان، پەرەپێدانی بەرنامەی بڕوانامەی هاوبەش (Joint Degree)، پەرەپێدانی بەرنامەی ئاڵوگۆڕی خوێندکار و قوتابی و مامۆستایان.

وەزارەتی خوێندنی باڵا داوا لە دامەزراوە پەیوەندیدارەکان دەکات کار بۆ پێشکەشکردنی داواکاری بۆ سوودمەندبوون لەم گرانتە بکەن.
دواکاتیش بۆ پێشکەشکردنی داواکاری بریتییە لە ١١/ ٩/ ٢٠٢٦.

بۆ وردەکارى زیاتر کلیک لەسەر ئەم بەستەرەى خوارەوە بکە:
https://drive.google.com/file/d/1pAcTJihE-dKIqgJgmblWJSO24XzM3RVO/view?usp=sharing

وەزارەتى خوێندنى باڵا؛ وڵاتى بەریتانیا زەمالەى خوێندنى ماستەر (Chevening Scholarships 2027–2028) ڕادەگەێنێتت

وەزارەتى خوێندنى باڵا و توێژینەوەى زانستى مامۆستایان و فەرمانبەران و هاوڵاتیانی هەرێمی کوردستان ئاگادار دەکاتەوە کە زەمالەی Chevening بۆ ساڵی خوێندنی (2027–2028) کراوەتەوە. ئەم بەرنامەیە لەلایەن حکومەتی شانشینی یەکگرتوى بەریتانیا، لەڕێگەی وەزارەتی کاروباری دەرەوە، هاوبەشێتی و پەرەپێدانی نێودەوڵەتی (FCDO)، پشتیوانی دارایی دەکرێت.

زەمالەی Chevening یەکێکە لە ناودارترین بەرنامە نێودەوڵەتییەکانی زەمالەی خوێندن کە بە شێوەی تەواو خەرجی خوێندن دابیندەکات بۆ خوێندنی ماستەر بۆ ماوەی یەک ساڵ لە زانکۆ پێشەنگەکانی شانشینی یەکگرتو. جگە لە خوێندن ئەم بەرنامەیە دەرفەتێکی بەنرخ بۆ گەشەپێدانی تواناکانی سەرکردایەتی، فراوانکردنی تۆڕی پەیوەندییە پیشەییەکان و بون بە ئەندامی تۆڕی جیهانی دەرچوانی Chevening دابین دەکات.

بۆ زیاتر زانیاری و پێشکەش کردن، تکایە سەردانی ئەم لینکەی خوارەوە بکەن:

https://www.chevening.org/scholarship/iraq/

مەرجەکانی وەزارەت بۆ خوێندنی ماستەر بریتیە لە:

- پێشکەشکار دەبێت هاوڵاتی هەرێمی کوردستان بێت.
- پێشکەشکار ئەگەر فەرمانبەر یان مامۆستا بێت لە دامودەزگاکانی هەرێمی کوردستان، ئەوا دەبێت بە لایەنی کەم دوو ساڵ خزمەتی هەبێت لە پاش بە دەستهێنانی دواین بروانامە.
- پێشکەشکار دەبێت کۆنمرەی بەکالۆریۆسی لە (٦٥) کەمتر نەبێت.
- ئاستی توانستی زمانی داواکراو لە بەرنامەیەک بۆ بەرنامەیەک جیاوازە، بۆیە پێش لە پێشکەشکردن، تکایە تەواوی وردەکاریەکانی ئەم بەرنامەیە بخوێننەوە کە داواکاری بۆ پێشکەشدەکەن.
- داواکار دەبێت لە هەمان بواری خۆی داواکاری بۆ بەرنامەی ماستەر پێشکەش بکات. (واتا بەکالۆریۆس و ماستەرەکەی لە هەمان بوار بێت).
- کاندیدی سەرکەوتوو ئەگەر دامەزراو بێت، ئەوا لەلایەن وەزارەتی پەیوەندیدار تەنها مۆڵەتی خوێندنی پێدەدرێت واتا بە موچەی بنەڕەتی و دەرماڵە جێگیرەکان.
- کاندیدی سەرکەوتوو لەلایەن بەرنامەکە پشتگیری دارایی دەکرێت، بۆ وردەکاری زیاتر تکایە سەردانی ماڵپەڕی زەمالەکە بکەن.
- پێشکەشکردن راستەوخۆ و تەنها لە ڕێگەی ماڵپەڕی سەرەکی زەمالەکە (Chevening) دەبێت.
- دوا کات بۆ پێشکەشکردن بریتیە لە (٦/ ١٠/ ٢٠٢٦).

Iraq (Chevening Scholarship) | Chevening Chevening Scholarships for Iraqis looking to study in the UK

وەزارەتى خوێندنى باڵاو توێژینەوەى زانستى کۆرسی ڕاهێنان لە وڵاتى هیندستان ڕادەگەێنێت

وەزارەتى خوێندنى باڵا و توێژینەوەى زانستى فەرمانبەران و مامۆستایان ئاگادار دەکاتەوە کە حکومەتی هیندستان لە ڕێگەی (Indian Technical and Economic Cooperation (ITEC)) ژمارەیەک کۆرسی راهێنانی جۆراو جۆر لەسەر ئەرکی خۆی راگەیاندوە.

خولەکان چەندین بوارى جۆراو جۆر دەگرێتەوە، وەک تەکنەلۆژیای زانیاری، زیرەکی دەستکرد، بەڕێوەبردنی گشتی، کارگێڕی و ئافراندنی کار، وزەی نوێبووەوە، پەروەردە، دارایی، بەڕێوەبردنی قەیران و کارەسات، کشتوکاڵ، تەندروستی، پاراستنی ژینگە و چەندین بوار و پسپۆڕیی تر.

بەرنامەی *ITEC* هەموو خەرجییەکانی وەک گەشتی نێودەوڵەتی (هاتووچۆ)، شوێنی نیشتەجێبون، پارەی مانگانەی ژیان، کەرەستە و ماددەکانی فێرکاری و هەموو خەرجییە سەرەکییەکانی خولەکە دابین دەکات.

هەر کەسێک مەرجەکانی بەرنامەکەی تێدا بەرجەستە دەبێت و ئارەزوی بەشداری لە کۆرسەکانی راهێنان دەکات، تکایە داواکاری لە ڕێگەی ئەم لینکەی خوارەوە پێشکەش بە سەرچاوەی کۆرسەکان بکەن:

https://itecgoi.in/upcoming_courses

کۆرسی راهێنان:
بۆ کۆرسەکانی راهێنان وەزارەتەکەمان هیچ مەرجێکی نیە، بەڵام لە کاتێک داوای نوسراوی پشتگیری دەکرێت، دەبێت سەرەتا نوسراو لە فەرمانگەکەی خۆت بهێنێت، ئەوکات وەزارەت دەتوانێت پشتگیری کاندیدبونى بکات.

تێبینی:
- بۆ زانیاری زیاتر تکایە لینکی کۆرسەکان بە وردی بخوێننەوە.
- بۆ هەر پرسبارێک یان زانیاری زیاتر سەرەتا سەردانی ماڵپەڕی زەمالەکە بکەن.

ITEC :Indian Technical and Economic Cooperation

📢 𝗗𝗔𝗔𝗗 𝗛𝗲𝗹𝗺𝘂𝘁-𝗦𝗰𝗵𝗺𝗶𝗱𝘁-𝗣𝗿𝗼𝗴𝗿𝗮𝗺𝗺𝗲 𝟮𝟬𝟮𝟳
𝗙𝘂𝗹𝗹𝘆 𝗳𝘂𝗻𝗱𝗲𝗱 𝗠𝗮𝘀𝘁𝗲𝗿'𝘀 𝘀𝗰𝗵𝗼𝗹𝗮𝗿𝘀𝗵𝗶𝗽𝘀 𝗶𝗻 𝗚𝗲𝗿𝗺𝗮𝗻𝘆

For the fields: Public Policy, Good Governance, Public Administration, Development Studies, Related disciplines

Benefits:
• Monthly scholarship of €992
• Health insurance coverage
• Travel allowance
• Study and research grant
• Rent subsidy (if applicable)
• Family allowance (if applicable)
• German language course (up to 4 months)

Study programmes are taught in English/German

📅 𝗔𝗽𝗽𝗹𝗶𝗰𝗮𝘁𝗶𝗼𝗻 𝗽𝗲𝗿𝗶𝗼𝗱:
𝟭 𝗝𝘂𝗻𝗲 – 𝟯𝟭 𝗝𝘂𝗹𝘆 𝟮𝟬𝟮𝟲

More information:

Helmut-Schmidt-Programme (Master’s Scholarships for Public Policy and Good Governance - PPGG) - DAAD - Deutscher Akademischer Austauschdienst Support to aquire a Master’s degree in Master programmes of particular relevance for the social, political and economic development in the students’ country of origin

4 reasons to apply to the Foreign Student Program and become a Fulbrighter.

Are you ready to enrich your education and advance in your field through a master’s degree in the United States?

Apply now for this once-in-a-lifetime opportunity. ➡️

Application Management

وەزارەتى خوێندنى باڵاو توێژینەوەى زانستى: زەمالەى خوێندنى (ماستەر و دكتۆرا) لە وڵاتى چین ڕادەگەێنێت

وەزارەتى خوێندنى باڵا و توێژینەوەى زانستى مامۆستایان و فەرمانبەران و هاوڵاتیانی هەرێمی کوردستان ئاگادار دەکاتەوە کە وڵاتی کۆماری چینی میللی لە هەردوو پرۆگرامى (MOFCOM- CSC) زەمالەی خوێندن پێشکەش بە هەرێمی کوردستان کردوە بەمەبەستی خوێندنی ماستەر و دكتۆرا بەم شێوەی خوارەوە:

هەرکەسێک ئەم مەرجانەی خوارەوەی تێدا بەرجەستە دەبێت و ئارەزوی خوێندنی لە زانکۆکانی وڵاتی کۆماری چینی میللی هەیە بە لەبەر چاوگرتنی ئەم تێبینیانەی خوارەوە دەکات، تکایە داواکاری لە رێگەی ئەم دوو لینکەی خوارەوە پێشکەش بە سەرچاوەی زەمالەکە بکەن:

https://mega.nz/folder/2MVQkbLL
https://mega.nz/folder/2N0wlDpR

تێبینی: وەزارەت تەنها کار لە سەر بەرنامەی ماستەر و دكتۆرا دەکات.

مەرج و لایەنی کۆماری چینی میللی بۆ هەردوو بەرنامەی ماستەر و دکتۆرا:

١) داواکار دەبێت دانیشتووی هەرێمی کوردستانی عێراق و هەڵگری ڕەگەزنامەی عێراقی بێت.
٢) داواکار دەبێت تەمەنی لە (٤٥) ساڵ کەمتر بێت و ڕەوشی تەندروستی باش بێت.
٣) فەرمانبەر لە دامودەزگاکانی حکومەتی هەرێمی کوردستان كه‌ بە لایەنی کەم دوو ساڵ خزمەتی هەیه‌، هانده‌درێت بۆ پێشكه‌ش كردن بۆ ئه‌م زه‌ماله‌یه‌.

دۆکیۆمێنتی پێویست بۆ پێشکەشکردن:
✔ بڕوانامەی دەرچون کە پشراست کرابێتەوە لە لایەن وەزارەتەکەمان و وەزارەتی داد و
فەرمانگەی پەیوەندییەکانی دەرەوەو نوسینگەی پشتراستکردنی بروانامەکانی سەر بە وەزارەتی دەرەوەی عێراق لە هەرێمی کوردستان.
✔ بڕوانامەی بە نمرە بە هەمان شێوەی خاڵی یەکەم.
✔ بڕوانامەی تایبەت بە نەبونی پێشینەی تاوان و ئەستۆپاکی کە لە لایەن وەزارەتی دادو
فەرمانگەی پەیوەندییەکانی دەرەوە پشت راستکرابێتەوە.
✔ بڕوانامەی تەندروستی کە لە لایەن وەزارەتی تەندروستی و وەزارەتی داد و فەرمانگەی پەیوەندییەکانی دەرەوەو نوسینگەی پشتراستکردنی بروانامەی سەر بە وەزارەتی دەرەوەی عێراق لە هەرێمی کوردستان.
✔ تێستی زمانی ئینگلیزی وەک تۆیفل و ئایڵتس.
✔ دوو نوسراوی (Recommendation) لەلایەن مامۆستایانی زانکۆکەی یان لە شوێنی کار.
✔ پاسپۆرت کە ماوەی بەسەرچونی لە شەش مانگ کەمتر نەبێت.
✔ سی ڤی و پێرسنەڵ ستەیتمێنتی داواکار.
✔ هەر دۆکیۆمێنتێکی تر کە لە پرۆسەی پێشکەش کردن داوا کرابێت.

تکایە بۆ هەر پرسیارێک پەیوەندی بەم ژمارە تەلەفۆنە (٠٠٩٦٤٧٥١١٣٧٨٤٢٢) و
ئیمێلە ([email protected]) بکەن.

مەرج و داواکارییەکانی وەزارەتی خوێندنی بالا و توێژینەوەی زانستی:

١. ماستەر:

● پێشکەشکار دەبێت هاوڵاتی هەرێمی کوردستان بێت.
● پێشکەشکار ئەگەر فەرمانبەر یان مامۆستا بێت لە دامودەزگاکانی هەرێمی کوردستان، ئەوا دەبێت بە لایەنی کەم دوو ساڵ خزمەتی هەبێت لە پاش بە دەستهێنانی دوایین بروانامە.
● پێشکەشکار دەبێت کۆنمرەی بەکالۆریۆسی لە (٦٥) کەمتر نەبێت.
● ئاستی توانستی زمانی داواکراو لە بەرنامەیەک بۆ بەرنامەیەک جیاوازە، بۆ بەر لە پێشکەشکردن، تکایە تەواوی وردەکاریەکانی ئەم بەرنامەیە بخوێننەوە کە داواکاری بۆ پێشکەش دەکەن.
● داواکار دەبێت لە هەمان بواری خۆی داواکاری بۆ بەرنامەی ماستەر پێشکەش بکات. (واتا بەکالۆریۆس و ماستەرەکەی لە هەمان بوار بێت).
● کاندیدی سەرکەوتوو ئەگەر دامەزراو بێت، ئەوا لە لایەن وەزارەتی پەیوەندیدار تەنها مۆڵەتی خوێندنی پێدەدرێت واتە بە موچەی بنەڕەتی و دەرماڵەی جێگیرەکان.
● کاندیدی سەرکەوتوو لە لایەن وڵاتی چین پشتگیری دارایی دەکرێت و بۆ وردەکاری زیاتر تکایە سەردانی مالپەری زەمالەکە بکەن.
● پێشکەشکردن راستەوخۆ، تەنها لە ڕێگەی ماڵپەڕی سەرەکی زەمالەکە (چین) دەبێت.

دکتۆرا:
● پێشکەشکار دەبێت هاوڵاتی هەرێمی کوردستان بێت.
● پێشکەشکار ئەگەر فەرمانبەر یان مامۆستا بێت لە دامودەزگاکانی هەرێمی کوردستان، ئەوا دەبێت بە لایەنی کەم دوو ساڵ خزمەتی هەبێت لە پاش بە دەستهێنانی دوایین بروانامە. بەڵام بۆ دەرچوانی بەرنامەی تواناسازی دەبێت بە لایەنی کەم (٥) ساڵ خزمەتی هەبێت.
● دەبێت کۆنمرەی ماستەری لە (٧٠) کەمتر نەبێت.
● ئاستی توانستی زمانی داواکراو لە بەرنامەیەک بۆ بەرنامەیەک جیاوازە، بۆ بەر لە پێشکەشکردن، تکایە تەواوی وردەکاریەکانی ئەم بەرنامەیە بخوێننەوە کە داواکاری بۆ پێشکەش دەکەن.
● داواکار دەبێت لە هەمان بواری خۆی داواکاری بۆ بەرنامەی دکتۆرا پێشکەش بکات. (واتا ماستەر و دکتۆراکەی لە هەمان بوار بێت).
● کاندیدی سەرکەوتوو ئەگەر دامەزراو بێت، ئەوا لە لایەن وەزارەتی پەیوەندی دار تەنها مۆڵەتی خوێندنی پێدەدرێت واتا بە موچەی بنەڕەتی و دەرماڵەی جێگیرەکان.
● کاندیدی سەرکەوتوو لە لایەن وڵاتی کۆماری چینی میللی پشتگیری دارایی دەکرێت بۆ وردەکاری زیاتر تکایە سەردانی ماڵپەڕی زەمالەکە بکەن.
● پێشکەشکردن راستەوخۆ، تەنها لە ڕێگەی ماڵپەڕی سەرەکی زەمالەکە دەبێت.

تێبینی: بۆ ئەو بەڕێزانەی کە داواکاری پێشکەش دەکەن، دوای پێشکەشکردنی داواکاریەکەیان لە ڕێگەی ئۆنلاین، دەبێت تا رۆژی (٣/٥/٢٠٢٥)، ئەم زانیاریانەی خوارەوە بۆ ئەم ئیمێلە ڕەوانە بکەن ([email protected]):
لەسەرەوە وشەی ( CSC) یان (MOFCOM) بنوسرێت ئینجا ئەم زانیاریانەی خوارەوە بە زمانی ئینگلیزی رەوانە بکرێت.
● ناوی تەواو وەک ئەوەی کە لە پاسپۆرت نوسراوە
● شوێنی کار
● بەرنامەی پێشکەش کراو، واتا ماستەر و دكتۆرا لە ...
● كۆپی هه‌موو ئه‌و دۆكۆمێنتانه‌ی به‌كارهێنراوه‌ بۆ پێشكه‌شكردن له‌ یه‌ك PDF
● دوای پێشکەشکردنی لە رێگەی ئۆنلاین، دەبێت شاشەکە سکرین شۆت بکات و وێنەکەی بنێرێت.
● وێنەیەک لە تێستی زمانی ئینگلیزی تۆیفل یا ئایلتس
● ئیمێل
● تەلەفۆن

تێبینی:
✔ هەرکەسێک ئەم مەرج و رێنماییانەی سەرەوەی تیایدا بەرجەستە نەبێت، دواجار مۆڵەتی خوێندنی پێنادرێت.
✔ تکایە بۆ هەر پرسێارێک یان زانیاری زیاتر سەرەتا سەردانی ماڵپەڕی زەمالەکە بکەن، دواتر دەتوانن پەیوەندی بە کونسوڵخانەی گشتی وڵاتی چین لە هەولێر لە ڕێگەی ئەم ژمارە تەلەفۆن و ئێمێڵەی خوارەوە بکەن:

تەلەفۆن: (٠٧٥١١٣٧٨٤٢٢)
ئیمێل: [email protected]

هل أنت مدرس مرحلة ثانوية ومهتم باكتساب الخبرات والتطور المهني في الولايات المتحدة؟ إن برنامج الفولبرايت للتميز والتفوق الأكاديمي (TEA) مازال مفتوحاً لسنة 2027 لمدرّسي المدارس الثانوية ممن يجيدون اللغة الإنكليزية ولديهم خبرة تدريسية لاتقل عن ثلاث سنوات. يرجى زيارة الرابط أدناه للتعرف على التخصصات المتوفرة وشروط وآلية التقديم، علماً بأنه قد تبقى شهر واحد على انتهاء مدة التقديم. للتقديم عبر الرابط: https://iq.usembassy.gov/professional-exchanges/.

Iraqi educators, are you interested in gaining professional development experience in the United States? Applications are still open for 2027 Fulbright Teaching Excellence and Achievement (FTEA) Program! The program is open to full-time secondary school teachers who speak English and have at least three years of teaching experience. One month is left to apply to the Fulbright TEA. To know more about the program, available fields of study, eligibility requirements and how to apply, please visit the link:
https://iq.usembassy.gov/professional-exchanges/.

Professional Exchanges - U.S. Embassy & Consulate in Iraq Secure .gov websites use HTTPS A lock ( ) or https:// means you’ve safely connected to the .gov website. Share sensitive information only on official, secure websites.

ئەنجومەنی پەیوەندییە کەلتوورییەکانی هیندستان بانگهێشتی خوێندکارانی نێودەوڵەتی دەکات بۆ پێشکەشکردنی داواکاری بۆ خوێندن (سکۆلارشیپ) لە زانکۆ و پەیمانگاکانی هیندستان بۆ ساڵی خوێندنی 2026–2027.

Ministry of External Affairs, Government of India
India in Iraq (Embassy of India, Baghdad)
Indian Council For Cultural Relations

"(100) کورسى خوێندنى ماستەر و دکتۆرا لە زانکۆکانى ناوەراست و باشورى عێراق بۆ پێشکەشکارانى هەرێمى کوردستان دابیندەکرێت"

لە چواچێوەى هەماهەنگی نێوان وەزارەتى خوێندنى باڵاو توێژینەوەى زانستى عێراقی فیدراڵ و هەرێمى کوردستان، وەزارەتى خوێندنى باڵاو توێژینەوەى زانستى عێراقی فیدراڵ بۆ دووەم ساڵ (100) کورسى خوێندنى باڵا/ ماستەر و دکتۆرا لە ژمارەیەک لە زانکۆکانى ناوەراست و باشوورى عێراق (بە شێوازى خۆرایی) بۆ پێشکەشکارانى هەرێمى کوردستان بۆ ساڵى خوێندنى (2026-2027) دابیندەکات.

وەزارەتى خوێندنى باڵا و توێژینەوەى زانستى هەرێمى کوردستان ئاگادارى گشت پێشکەشکارانى دانەمەرزاو و فەرمانبەرى دامەزراو بە شێوەى هەمیشەیی لەسەر میلاکى دامودەزگاکانى حکومەتى هەرێمى کوردستان دەکاتەوە کە پڕۆسەى پێشکەشکردن لە ڕێکەوتی (3/ 5/ 2026) دەستپێدەکات تاکو رێکەوتى (11/ 6/ 2026) بەردەوام دەبێت، بۆ زانیارى دەربارەى مەرجەکانى پێشکەشکردن بۆ خوێندنی ماستەر و دکتۆرا لە زانکۆکانی عێراق سەردانى ئەم لینکە بکەن;
https://mohesr.gov.iq/ar/assets/img/uploaded_files/17022026.pdf

پڕۆسەى پێشکەشکردن (بەشێوەى پێشکەشکردنى دۆسیەى راستەوخۆ) لە زانکۆکانى هاوپێچدا دەبێت و بەپێى نووسراوى وەزارەتى خوێندنى باڵا و توێژینەوەى زانستى عێراقی فیدراڵ، لە کاتى دەرچون لە تاقیکردنەوەکە پێشکەشکاران بە تەنها لە نێوان خۆیان پێشبرکێ دەکەن لەسەر کورسیە تەرخانکراوەکانیان.

سەبارەت بە پێدانى نوسراوى لاری نەبون راستەوخۆ لە لایەن دامەزراوەکان بەفەرمانبەرانى دامەزراو بۆ پێشکەشکردن لە (خوێندنى باڵا/ ماستەر و دکتۆرا) لە زانکۆکانى هاتوى خشتەکە بەچەند مەرجێک لاری نەبوون دەدرێت، لەوانە ‌پێویستە خوازیار گشت مەرجەکانى پێدانی مۆڵەتى خوێندن و پێشکەشکردنى تێدا هەبێت، هەروەها خوازیار بەڵێننامە لە بەڕێوەبەرایەتى یاسایی دامەزراوەکەى پڕ دەکاتەوە کە داواى گواستنەوەو میواندارى بۆ زانکۆکانى هەرێم ناکات.

بۆ خوازیارانى خوێندن لە دەرەوەى وڵات …

پێشکەشکردن بۆ پرۆگرامی سکۆلەرشیپى لێژنەى باڵاى پەرەپێدانى خوێندنی عێراق دەستیپێکرد

لێژنەی باڵای پەرەپێدانی خوێندن لە عێراق (HCED)، سەر بە سەرۆکى ئەنجومەنی وەزیرانی عێراقی فیدرال پێشکەشکردن بۆ ڕاوندی چوارەمی بەرنامەکانی خوێندن (دکتۆرا- بەرنامەی گشتی، ماستەر- بەرنامەی گشتی، راهێنانی تایبەت بۆ بەرنامە پزیشکیەکان، دکتۆرا) لە دەرەوەی وڵات رادەگەیەنێت.

ماوەی پێشکەشکردن لە ڕێکەوتى (١٥/ ٢/ ٢٠٢٦) دەستى پێکردوە تاکو ڕێکەوتى (٣١/ ٣/ ٢٠٢٦) بەردەوام دەبێت.

هەر کەسێک ئارەزوی پێشکەشکردنی هەیەو مەرجەکانی ئەم بەرنامەیەی تیادا بەرجەستە دەبێت، پێویستە فۆرمی تایبەت بەم بەرنامەیە پربکاتەوە.

بۆ زانیاری زیاتر و پێشکەشکردن تکایە سەردانی ئەم لینکەی خوارەوە بکەن:

اللجنة العليا لتطوير التعليم في العراق اعلان عن فتح باب التقديم للوجبة الرابعة على برامج الابتعاث المختلفة 2026