Hanan Sweets

اليوم طلبيتنا مختلفة ومميزة ❤️
عضوة من عضواتنا عازمة حماتها عندها، وحابة تدلّلها وتعمللها فتّة كبة 🥰
وبصراحة أول مرة بسمع فيها عن فتة الكبة، عشان هيك طلبت حبات كبة صغيرة مخصوص للفتة 😍

هيك بتدلّعوا حماتكم؟ 😂❤️
أنا مبسوطة جدًا إنه دخل على منيو Hanan Sweets صنف جديد ومختلف:
✨ فتّة الكبة ✨

والأجمل إنه كل طلب جديد بيفتح لنا باب نجرب ونضيف شيء جديد للمنيو ❤️

مين جرّب فتّة الكبة من قبل؟ وكيف بتحبوها؟ 😋

بسكويت الأزرار الملون
ألوان مرحة… قرمشة لذيذة… وقطعة صغيرة ترسم ابتسامة

صينية القزحة… حلاوة فلسطينية أصيلة بطعم الذكريات ❤️
طبقات غنية بالقزحة ونكهة مميزة تجمع بين البساطة والفخامة
قطعة واحدة منها كفيلة ترجعك لأيام زمان وتخلي سفرتك أطيب وأجمل

صينية الهريسة بجوز الهند والكرز المسكر… حلاوة شرقية بلمسة فاخرة 🌸🍒
قوامها طري من الداخل، ووجهها غني بجوز الهند، وزيّنتها حبات الكرز المسكر لتضيف لونًا وفرحة لكل قطعة ❤️
طعم أصيل… وشكل يفتح النفس، وصحة وهنا على قلوبكم

اليوم صباحنا كان مهرجان من الريحة الطيبة والمذاق اللي يفتح النفس 😍🥐

خلية النحل، والفطيرة التركية بالدجاج، وتشكيلة من المعجنات والهوت دوغ والبيتزا ومكس الأجبان… وكل قطعة معمولة بحب واهتمام ❤️

صحة وعافية وألف هنا يا تغريد 🌷
ويا رب أكون فعلًا بيّضت وجهك وأسعدتك بطلبك، وتكون كل لقمة فيها على ذوقك ورضاك 🤍

من مطبخ Hanan Sweets… نخبز المحبة قبل المعجنات. 🌸

يسعد صباحكم خواتي الفاضلات 🌷

عندي زبونة عراقية، ما شاء الله عليها، من أطيب الناس، وثقتها بشغلي شيء يسعدني ويحمّلني مسؤولية كبيرة ❤️

طلبت مني تجهيز كيكة الشوكولاتة بالفيريرو روشيه وكيكة الرافايلو، مع الكريمة والتزيين.

وهنا بدأت المغامرة 😂
أنا بصراحة ما أخذت دورات بالكريمة، ولا أحب الشغل فيها كثير، لكن قلت: أجرب وأتحدى نفسي.

والنتيجة؟
المطبخ صار مظاهرة بين الكريمة البيضاء وكريمة الشوكولاتة 😂
شوكلاتة بكل مكان… على إيدي، وجهي، والمطبخ كله! 🙈😂

لكن بالنهاية، وبعد كل هذا التعب، طلعت معي هذه النتيجة ❤️

التجربة كانت حلوة، وتعلمت منها كثير… لكن بيني وبينكم، لن أكررها أبداً! 😂😂

والآن دوركم أنتم… أعطوني رأيكم بصراحة بالشكل النهائي؟ 🌷

والأجمل من كل هذا أن هذه التورتة كانت لطالبة في مركز القرآن في عرجان، أتمت حفظ كتاب الله ❤️📖

فكان شرفًا لي أن يكون لي ولو جزء بسيط من فرحتها بهذا الإنجاز العظيم.

مبارك لها حفظ كتاب الله، وجعل القرآن نورًا في قلبها وحياتها، ورفعةً لها في الدنيا والآخرة

✨ للنجاح طعم لا يشبه أي طعم…

ولأن فرحة النجاح تستحق أن تُهدى بطريقة مميزة، جهزنا لكم توزيعاتنا الخاصة من كوكيز النجاح، وتارت الصوصات، والجوزية، والمقروطة، بتفاصيل أنيقة وطعم يليق بهذه الفرحة الجميلة 🤍

من أول خطوة تعب… إلى لحظة فخر تستحق الاحتفال
مبارك لكل ناجح، وجعل الله نجاحه بداية لأيام أجمل وأحلام تتحقق 🌸

Hanan Sweets
نصنع الحلوى… ونغلف معها أجمل الذكريات 🎓🤍

من طلبيات اليوم
عيش السرايا… حلاوة شرقية تجمع بين نعومة القشطة وقرمشة الخبز المحلى ولمسة الفستق التي تكمل فخامتها 🤍💚
حلوى بسيطة في مكوناتها… فاخرة في طعمها

اليوم وصلتني طلبية من زبونة شافت صورة لمعجنات على النت، وبعتتلي الصورة وقالتلي:
“حنان، بدي إياها زيها بالزبط… بتطلعيها بإيدك؟” 😍

وطبعًا… حنان بتحب التحدي! 😄💪🏻
اشتغلت عليها بكل حب، وكانت هاي النتيجة ❤️

شو رأيكم؟ وهل قدرت أوصل للشكل اللي طلبته الزبونة@الجميع

البرك التركية بمكس الأجبان 🧀✨
قرمشة ذهبية من الخارج، وحشوة أجبان غنية وذائبة من الداخل… لقمة تجمع بين الفخامة والطعم الأصيل، وتفتح النفس من أول قطعة