Reporter.kg

9-августка карата өлкөдөгү аба ырайынын божомолу

Бүгүн, 9-августта, Нарын облусунун көпчүлүк аймактарында, Чүй, Талас, Ысык-Көл облустарынын айрым жерлеринде, ошондой эле Ош, Жалал-Абад жана Баткен облустарынын тоо этектеринде жана тоолуу райондорунда кыска мөөнөттүү жаан жаап, күн күркүрөйт. Ош, Жалал-Абад жана Баткен облустарынын өрөөндөрүндө жаан-чачын күтүлбөйт.

🔸 Чүй облусу — түнкүсүн 16…21°C, күндүз 32…37°C
🔸 Талас — 13…18°C, күндүз 29…34°C
🔸 Ош — 19…24°C, күндүз 32…37°C
🔸 Жалал-Абад — 19…24°C, күндүз 32…37°C
🔸 Баткен — 18…23°C, күндүз 31…36°C
🔸 Ысык-Көл — 12…17°C, күндүз 24…29°C
🔸 Нарын — 7…12°C, күндүз 27…32°C
🔸 Бишкек — 18…20°C, күндүз 34…36°C

2026-жылдын январь–июнь айларында Кыргызстанда айыл чарба өндүрүшүнүн көлөмү 4,3% өстү. Евразия экономикалык комиссиясынын маалыматына ылайык, бул ЕАЭБ өлкөлөрүнүн арасындагы үчүнчү көрсөткүч. Беларусияда өсүш 4,7%, Казакстанда 4,4% болду. Жалпысынан ЕАЭБ боюнча өсүш болгону 0,3% түздү.

Кыргызстан өткөн жылга салыштырмалуу темпин да кыйла тездетти. 2025-жылдын алгачкы алты айында өсүш 1,9% болсо, быйыл 4,3%га жетти. Ошол эле учурда Россияда айыл чарба өндүрүшү 0,8%, Арменияда 10,9% азайган.

Негизги өсүш мал чарбачылыгынын эсебинен камсыздалды. Союуга багытталган мал жана канаттууларды өндүрүү 4,5% көбөйүп, 211,6 миң тоннага, сүт өндүрүү 2,5% өсүп, 877,8 миң тоннага жетти. Жумуртка өндүрүү болсо 28,6% көбөйүп, 506,4 млн даананы түздү. Бул ЕАЭБ өлкөлөрүнүн арасындагы эң жогорку өсүш темпи.

Жол коопсуздугун мекемелердин биргелешкен иши аркылуу күчөтүү пландалууда

Кыргызстанда жол кырсыктарын азайтуу жана жол кыймылынын коопсуздугун жогорулатуу үчүн мамлекеттик органдардын өз ара аракеттенүүсүн күчөтүү пландалууда. Бул маселе 7-августта Саламаттык сактоо министрлиги жана Дүйнөлүк саламаттык сактоо уюму уюштурган тегерек столдо талкууланды.

Катышуучулар Нью-Йоркто 20–21-июлда өткөн БУУнун Башкы Ассамблеясынын жол коопсуздугу боюнча жогорку деңгээлдеги жыйынынын жыйынтыктарын да карашты. Эл аралык милдеттенмелерди Кыргызстанда конкреттүү чараларга айландыруу пландалууда.

Айрым аймактарда жаан жаайт: 8-августка карата аба ырайы

Бүгүн Ысык-Көл жана Нарын облустарынын көпчүлүк аймактарында, Чүй жана Талас облустарынын айрым жерлеринде, ошондой эле Ош, Жалал-Абад жана Баткен облустарынын тоо этектеринде жана тоолуу райондорунда кыска мөөнөттүү жаан жаап, күн күркүрөйт. Түштүк облустардын өрөөндөрүндө жаан-чачын күтүлбөйт.

🔸 Чүй облусу — түнкүсүн 17…22°C, күндүз 32…37°C
🔸 Талас облусу — түнкүсүн 12…17°C, күндүз 27…32°C
🔸 Ош, Жалал-Абад жана Баткен облустары — түнкүсүн 18…23°C, күндүз 31…36°C
🔸 Ысык-Көл облусу — түнкүсүн 12…17°C, күндүз 23…28°C
🔸 Нарын облусу — түнкүсүн 7…12°C, күндүз 24…29°C
🔸 Бишкек — түнкүсүн 19…21°C, күндүз 33…35°C

«Нуркидс» платформасында балдар үчүн кыргыз тилиндеги оюндар, мультфильмдер, ырлар жана жомоктор жайгаштырылган. Анын мазмуну үзгүлтүксүз жаңыртылып, жаңы материалдар менен толукталып турат.

Долбоорду Мамлекеттик тил жана тил саясаты боюнча улуттук комиссия колдоого алды. Кыргызстан элинин ассамблеясы, Улуттук банк жана балдар контентин түзүүчүлөр да платформа менен кызматташууга ниетин билдиришти. Кененирээк маалымат:

Кыргызстанда жаш балдар үчүн кыргыз тилдүү «Нуркидс» платформасы иштелип чыкты Кыргызстанда жаш балдар үчүн «Нуркидс» аталышындагы кыргыз тилдүү платформа иштелип чыкты. Бул тууралуу Мамлекеттик тил боюнча улуттук комиссия

Кийинки Евразия экономикалык форуму 2027-жылы Кыргызстандын ЕАЭБ органдарындагы төрагалыгынын алкагында республикада өтөт. Садыр Жапаров форумга өнөктөш мамлекеттерди жана эл аралык уюмдарды тартууну сунуштады.

Президент өнөр жай жана агроөнөр жай комплексиндеги биргелешкен долбоорлорду жандандырууга, ошондой эле ЕАЭБ өлкөлөрүнүн колдоо жана каржылоо механизмдерине бирдей жетүүсүн камсыз кылууга чакырды. Кененирээк маалымат: https://reporter.kg/sadyr-zhaparov-cholpon-atada-eaeb-olkolorunun-okmot-bashchylary-menen-zholugushtu-kengiri-maalymat/