OUDOM CBO

🧠💡 ចេះតិចបានតិច ចេះច្រើនបានច្រើន និយាយអ្វីដែ លអ្នកមាន កុំនិយាយអ្វីដែលគ្មាន កុំ អួត ព្រោះ មួយពេល កុំរស់នៅដោយគិតថាពេញ ។
ទទេ គឺ ទទេ
យើង មានថ្ងៃនឹង មិនប្រាកដថា ថ្ងៃស្អែក ជួបអ្វី

បុរសល្អ មើលលើអ្វី?
នារីល្អ មើលលើអ្វី?

ការវាយតម្លៃថាមនុស្សម្នាក់ល្អ មិនមែនជាការរកមើលភាពល្អឥតខ្ចោះនោះទេ ប៉ុន្តែជាការសង្កេតមើលគុណតម្លៃ ភាពចាស់ទុំ និងរបៀបដែលពួកគេប្រព្រឹត្តចំពោះខ្លួនឯងនិងអ្នកដទៃ។

៙ បុរសល្អ... គេមើលលើអ្វី?
១. ការទទួលខុសត្រូវខ្ពស់
បុរសដែលមានតម្លៃ គឺហ៊ានធ្វើ ហ៊ានទទួលខុសត្រូវចំពោះទង្វើ សម្តី និងកាតព្វកិច្ចរបស់ខ្លួន ពេលមានបញ្ហា គាត់មិនទម្លាក់កំហុសលើអ្នកដទៃ ឬរត់គេចនោះទេ តែគាត់នឹងចេញមុខដោះស្រាយបញ្ហានោះដោយសេចក្តីក្លាហាន នេះជាសញ្ញានៃភាពជាអ្នកដឹកនាំគ្រួសារដ៏ពិតប្រាកដ។
២. ភាពចាស់ទុំខាងផ្លូវចិត្ត និងការគ្រប់គ្រងអារម្មណ៍
ភាពខ្លាំងរបស់បុរសមិនមែនស្ថិតលើការប្រើហិង្សា ឬកំហឹងនោះទេ តែស្ថិតលើសមត្ថភាពគ្រប់គ្រងអារម្មណ៍ពេលមានសម្ពាធ។ បុរសល្អចេះរក្សាភាពស្ងប់ស្ងាត់ ចេះពិភាក្សាដោយហេតុផល និងមិនបណ្តោយឱ្យកំហឹងបំផ្លាញទំនាក់ទំនង ឬការសម្រេចចិត្តឡើយ។
៣. មានគោលដៅជីវិត និងចក្ខុវិស័យច្បាស់លាស់
គាត់មិនមែនរស់នៅមួយថ្ងៃសម្រាប់មួយថ្ងៃដោយគ្មានគោលដៅនោះទេ ទោះបច្ចុប្បន្នគាត់មិនទាន់មានទ្រព្យសម្បត្តិស្តុកស្តម្ភ តែគាត់មានការខិតខំប្រឹងប្រែង មានផែនការសម្រាប់អនាគត និងជាមនុស្សដែលពោរពេញដោយក្តីសង្ឃឹម និងការអភិវឌ្ឍន៍ខ្លួន។
៤. សច្ចភាព និងការគោរពពាក្យសន្យា
តម្លៃរបស់បុរសស្ថិតនៅលើសម្តីរបស់គាត់ បុរសល្អនិយាយហើយធ្វើ មិនសន្យាខ្យល់ដើម្បីតែរួចខ្លួននោះទេ ភាពស្មោះត្រង់និងការគោរពពាក្យសន្យា ធ្វើឱ្យមនុស្សជុំវិញខ្លួន ពិសេសដៃគូជីវិត មានអារម្មណ៍សុវត្ថិភាព និងអាចទុកចិត្តបាន១០០%។
៥. ការផ្តល់ការគោរព និងតម្លៃដល់អ្នកដទៃ
ចង់ដឹងថាបុរសម្នាក់ល្អកម្រិតណា ត្រូវមើលពីរបៀបដែលគាត់ប្រព្រឹត្តចំពោះមនុស្សដែលមានឋានៈទាបជាងគាត់ និងរបៀបដែលគាត់គោរពតម្លៃស្ត្រី, បុរសល្អមិនវាយឫកឆ្មើងឆ្មៃ ហើយតែងតែផ្តល់កិត្តិយសដល់មនុស្សគ្រប់រូប។
៦. សមត្ថភាពក្នុងការការពារ និងផ្តល់ភាពកក់ក្តៅ
ការការពារនៅទីនេះមិនមែនត្រឹមតែកម្លាំងបាយ តែជាការការពារផ្លូវចិត្ត គាត់ធ្វើឱ្យមនុស្សដែលនៅក្បែរមានអារម្មណ៍ថាមានសុវត្ថិភាព គាត់មិនអនុញ្ញាតឱ្យនរណាម្នាក់មកមើលងាយគ្រួសារ ឬមនុស្សជាទីស្រឡាញ់របស់គាត់ឡើយ។
៧. ភាពរាបទាប និងការព្រមទទួលយកកំហុសដើម្បីកែប្រែ
បុរសដែលមានអំណាចពិតប្រាកដ គឺជាបុរសដែលមិនអួតអាង គាត់មានភាពរាបទាប ហ៊ានទទួលស្គាល់ថាខ្លួនឯងខុស និងបើកចិត្តទូលាយស្តាប់ការរិះគន់ស្ថាបនា ដើម្បីអភិវឌ្ឍន៍ខ្លួនឱ្យកាន់តែប្រសើរឡើង មិនមែនប្រកាន់គំនិតអត្តនោម័តិនោះទេ។
៨. ចំណេះដឹងផ្នែកហិរញ្ញវត្ថុ និងភាពរឹងមាំ
ទោះមានចំណូលតិចឬច្រើន គាត់ចេះចាត់ចែងលុយកាក់បានល្អ គាត់មិនមែនជាមនុស្សចាយវាយខ្ជះខ្ជាយដើម្បីតែបង្អួតគេ តែបន្សល់ទុកបំណុលវ័ណ្ឌកនោះទេ គាត់ចេះសន្សំសំចៃ និងវិនិយោគដើម្បីភាពរឹងមាំនៃសេដ្ឋកិច្ចគ្រួសារ។
៩. ការយល់ចិត្ត និងការស្តាប់ដោយយកចិត្តទុកដាក់
បុរសល្អចេះលួងលោម និងស្តាប់បញ្ហារបស់ដៃគូដោយការយល់ចិត្ត ជួនកាលស្ត្រីគ្រាន់តែត្រូវការអ្នកស្តាប់និងយល់ពីអារម្មណ៍របស់នាងប៉ុណ្ណោះ បុរសដែលចេះស្តាប់ ជាបុរសដែលអាចដោះស្រាយវិបត្តិផ្លូវចិត្តក្នុងគ្រួសារបានយ៉ាងល្អ។
១០. ភាពរឹងមាំពេលជួបឧបសគ្គ
ពេលវេលាលំបាក ឬពេលធ្លាក់ដល់ចំណុចសូន្យ គឺជាពេលដែលបង្ហាញពីសន្តានពិតរបស់មនុស្សប្រុស បុរសល្អមិនងាយចុះចាញ់ព្រហ្មលិខិត គាត់ចេះក្រោកឈរឡើងវិញ រៀនពីបរាជ័យ ហើយបន្តប្រយុទ្ធដើម្បីជីវិតនិងគ្រួសារ។

៙ នារីល្អ... គេមើលលើអ្វី?
១. ការស្គាល់តម្លៃខ្លួនឯង និងសេចក្តីថ្លៃថ្នូរ
នារីដែលមានតម្លៃ គឺនាងដឹងច្បាស់ថានាងជានរណា និងមានតម្លៃកម្រិតណា នាងមិនបណ្តោយឱ្យនរណាម្នាក់មកជាន់ឈ្លីកិត្តិយសរបស់នាងឡើយ នាងរស់នៅដោយមានគោលការណ៍ មានវិន័យផ្ទាល់ខ្លួន និងមិនពឹងផ្អែកការវាយតម្លៃខ្លួនឯងលើមាត់អ្នកដទៃ។
២. ភាពវៃឆ្លាតខាងអារម្មណ៍ និងភាពទន់ភ្លន់ដែលមានអំណាច
"ទន់ភ្លន់ តែមិនទន់ជ្រាយ" នារីល្អចេះប្រើភាពទន់ភ្លន់ដើម្បីដោះស្រាយបញ្ហាធំៗឱ្យក្លាយជាតូច នាងមិនប្រើការស្រែកឡូឡា ឬការឆេវឆាវដើម្បីទាមទារយកឈ្នះនោះទេ តែនាងប្រើហេតុផល ភាពស្ងប់ស្ងាត់ និងភាពឆ្លាតវៃក្នុងការគ្រប់គ្រងស្ថានការណ៍។
៣. ភាពឯករាជ្យ និងសមត្ថភាពពឹងផ្អែកលើខ្លួនឯង
នារីរឹងមាំមានសមត្ថភាពរកលុយចិញ្ចឹមខ្លួនឯង ចេះធ្វើកិច្ចការនានាដោយខ្លួនឯង ដោយមិនរង់ចាំតែពឹងផ្អែកលើបុរសទាំងស្រុងនោះទេ ភាពឯករាជ្យនេះ ធ្វើឱ្យនាងជ្រើសរើសដៃគូដោយសារ "សេចក្តីស្រឡាញ់" មិនមែនដោយសារ "ការត្រូវការអ្នកចិញ្ចឹម" ឡើយ។
៤. ការធ្វើជាកម្លាំងចិត្ត និងខ្នងបង្អែកដ៏រឹងមាំ
នៅពីក្រោយភាពជោគជ័យរបស់បុរស តែងមានស្ត្រីដ៏អស្ចារ្យម្នាក់ នារីល្អចេះលើកទឹកចិត្ត ផ្តល់ដំបូន្មានល្អៗ និងរួមសុខរួមទុក្ខជាមួយដៃគូ ពេលបុរសបរាជ័យ នាងមិនជាន់ពន្លិច តែនាងគឺជាទីជម្រកផ្លូវចិត្តដ៏កក់ក្តៅបំផុតដែលធ្វើឱ្យគេមានកម្លាំងក្រោកឈរម្តងទៀត។
៥. ជំនាញក្នុងការទំនាក់ទំនង
នាងចេះនិយាយស្តីឱ្យគេគោរព នៅពេលមានបញ្ហាអាក់អន់ចិត្ត នាងមិនប្រើវិធី "ស្ងាត់សន្សំគំនុំ" ឬនិយាយបញ្ឆិតបញ្ឆៀងនោះទេ តែនាងចេះលើកយកបញ្ហាមកនិយាយដោយត្រង់ៗ មានហេតុផល និងក្នុងគោលបំណងស្វែងរកដំណោះស្រាយរួម។
៦. សេចក្តីសប្បុរស និងសម្រស់ចេញពីខាងក្នុង
រូបសម្រស់ខាងក្រៅអាចប្រែប្រួលតាមពេលវេលា តែសម្រស់ខាងក្នុង (ភាពជាអ្នកមានចិត្តបុណ្យ ចេះចែករំលែក ចេះសន្ដោសប្រណី និងមិនច្រណែនឈ្នានីស) គឺនៅស្ថិតស្ថេរ។ នារីដែលមានសន្តានចិត្តល្អ តែងតែសាយភាយនូវថាមពលវិជ្ជមានដល់អ្នកនៅក្បែរ។
៧. ការស្រឡាញ់ចំណេះដឹង និងការអភិវឌ្ឍន៍គំនិត
នារីល្អមិនឈប់រៀនសូត្រត្រឹមសាលានោះទេ នាងតែងតែអានសៀវភៅ ស្វែងរកចំណេះដឹងថ្មីៗ ដើម្បីអភិវឌ្ឍន៍ការគិតរបស់ខ្លួន។ ភាពឆ្លាតវៃនិងចំណេះដឹងរបស់នាង ធ្វើឱ្យនាងក្លាយជាដៃគូសន្ទនាដ៏ពូកែ និងជាម្តាយដ៏ល្អដែលអាចអប់រំកូនៗបានយ៉ាងប្រសើរ។
៨. ភាពវៃឆ្លាតក្នុងការគ្រប់គ្រងផ្ទះសម្បែង និងហិរញ្ញវត្ថុ
"ស្ត្រីជាមេផ្ទះ" ក្នុងន័យសម័យទំនើប គឺសំដៅលើសមត្ថភាពក្នុងការចាត់ចែងជីវិត រៀបចំសណ្តាប់ធ្នាប់គ្រួសារ និងការគ្រប់គ្រងហិរញ្ញវត្ថុឱ្យមានតុល្យភាព នាងដឹងពីរបៀបចាយវាយឱ្យចំគោលដៅ និងចេះសន្សំសម្រាប់ពេលមានអាសន្ន ដែលធ្វើឱ្យសេដ្ឋកិច្ចគ្រួសារមានស្ថិរភាព។
៩. ភាពជាខ្លួនឯង
នាងមិនព្យាយាមរស់នៅបន្លំភ្នែកគេ ឬធ្វើត្រាប់តាមនរណាម្នាក់ដើម្បីឱ្យគេមើលមកថាល្អអស្ចារ្យនោះទេ នាងស្មោះត្រង់នឹងអារម្មណ៍ខ្លួនឯង ហ៊ានបង្ហាញទាំងចំណុចខ្លាំងនិងចំណុចខ្សោយ ហើយរស់នៅដោយភាពសាមញ្ញតែមានអត្ថន័យ។
១០. ការចេះកំណត់ព្រំដែនផ្ទាល់ខ្លួន
នារីដែលមានតម្លៃ ចេះនិយាយបដិសេធ ចំពោះរឿងដែលនាងមិនពេញចិត្ត ឬរឿងដែលប៉ះពាល់ដល់តម្លៃរបស់នាង នាងមានព្រំដែនច្បាស់លាស់ក្នុងការរាប់អានមិត្តភក្តិ ដៃគូ និងការងារ ដើម្បីការពារសេចក្តីសុខផ្លូវចិត្តរបស់នាង មិនឱ្យនរណាម្នាក់មកកេងប្រវ័ញ្ចបានឡើយ។

"មនុស្សដែលមានតម្លៃពិតប្រាកដ (ទោះជាប្រុស ឬស្រី) គឺជាមនុស្សដែលមិនឈប់អភិវឌ្ឍន៍ខ្លួនឯង និងជាមនុស្សដែលវត្តមានរបស់ពួកគេ ធ្វើឱ្យអ្នកជុំវិញខ្លួនមានសេចក្តីសុខ និងរីកចម្រើនទៅមុខ"

_____សុវត្ថន៍-Sovathn

🎉 សូមស្វាគមន៍បងប្អូនអតិថិជនដែលមានបំណងចង់បាន ដីឡូត៍ តម្លៃ សមរម្យ
💢 មានទីតាំងស្ថិតនៅភូមិតាម៉ូលក្រុងច្បារមន ខេត្តកំពង់ស្ពឺ។
💢 ទំហំដី 5m×20m។
💢 ប្លង់រឹងស្របច្បាប់100% ផ្តល់ជូនអតិថិជន។
💢 ទីតាំងដីឡូត៍និងផ្ទះល្វែង បូរី ជឿន សារិត
📣 ជាប់ផ្លូវជាតិ44 ជាផ្លូវរដ្ធ។
📣 ជាប់រោងចក្រកាត់ដេរជាច្រើន។
📣 មនុស្សរស់នៅច្រើន ស្ថតិ នៅទីតាំងប្រជុំជនងាយស្រួលលក់ដូរនិងរស់នៅ។
📣 នៅជិតទីរួមខេត្តកំពង់ស្ពី។
📣 មានសាលារៀន / មន្ទីពេទ្យ / សាលាឃុំ /ប៉ុស្តិ៍នគរបាល👮/ ។

នៅក្នុងគម្រោងដីឡូត៍
💢 ផ្លូវបេតុង ✅10m និង ✅20m។
💢 មាន ✅ទឹក ✅ភ្លើង ✅លូ ✅ដាក់បង្គល់ភ្លើង។
💢 មាន ផ្សារ🏪 នៅក្នុងគម្រោងដីឡូត៍ ។
💢 អតិថិជនអាចបង់មុខ30% មានការបញ្ចុះតម្លៃជូនអតិថិជន$$$$$
💢 បង់រំលស់ជាប្រចាំខែ$$$$ រយ: ពេល 24 ខែ ដោយ គ្មាន ការប្រាក់ ។
🔎🧧 សូមទំនាក់ទំនងទូស័ព្ទ
📲 010887956
🧧OUDOM CBO
🧧Real Estate
🧧 ភួង ឧត្តម
🧧Sale Advisor.
ប្រឹក្សាយោបល់អចលនទ្រព្យដោយរីករាយ ។

With ការិយាល័យប្រជាពលរដ្ឋស្រុកថ្ពង – I just got recognized as one of their top fans! 🎉