Tenger

Бодсон зүйл нь саадгүй байх болтугай! 2026.09.21

Төрсөн өдрөөр минь цугларсан 5 сая төгрөгийг “Зүрх мартахгүй” төсөлд хандив болгон өглөө. ❤️
Болдсайхан эмч бол үнэхээр олон бяцхан зүрхэнд амьдрал, итгэл найдвар бэлэглэж яваа мундаг эмч гэдгийг хүн бүхэн мэднээ.
Миний төрсөн өдрийн баяр нэг өдрөөр дуусах биш, хэн нэгэн бяцхан үрийн амьдралд гэрэл нэмээсэй гэж хүссэн юм. Тиймээс энэ хандив маань хагалгаанд орох шаардлагатай, тусламж хүлээж байгаа бяцхан үрсэд зориулагдана гэж бодохоор үнэхээр сайхан байна.
Манайхаан, боломжтой хүн бүр бяцхан үрсийн төлөө сэтгэлээ нийлүүлж, “Зүрх мартахгүй” төсөлд хандив өргөж байгаарай. 🤍
Нэг хүний тус бага мэт боловч, олны нийлсэн сэтгэл маш олон хүүхдийн амьдралыг аварч чадна.
Бяцхан зүрх бүхэн цохилж байг. ❤️ 2026.09.17

Өнөөдөр тэнгэр аавын минь төрсөн өдөр болж байна. Аав минь бидэндээ байсан бол 63 нас хүрэх байжээ. Сайхан аавынхаа үр нь болж төрсөн би мөн ч азтай хүн юмдаа... Аавдаа төрсөн өдрийн мэнд хүргэж байна.

Хүний хүүхдийг битгий гоочилж, муулж байгаарай!
Өнөөдөр бусдын хүүхдийг шүүж, элдвээр хэлж байгаа ч маргааш өөрийн чинь хүүхэд ямар замаар явахыг хэн ч мэдэхгүй.
Амьдрал эргэдэг. Хүний үрийг муу хэлсэн үг нэг л өдөр өөрийн чинь сэтгэлийг өвтгөж мэднэ.
Тиймээс хүний хүүхдийг өрөвдөж хар, алдааг нь шоолж биш, ойлгож ярь!
Амнаасаа гарч байгаа үгнээсээ айж байгаарай! Үг гэдэг эзнээ олдог юм шүү. Тэнгэр бөө

Амьдралд хэзээ ч бүү ам гараарай!
“Би хэзээ ч тэгэхгүй.” “Надад ийм зүйл хэзээ ч тохиолдохгүй.” “Би хэзээ ч ийм байдалд орохгүй.” гэж битгий хэл!
Амьдрал хэнийг ч, хэзээ ч шалгаж чаддаг. Өнөөдөр бусдыг шүүж байгаа зүйл чинь маргааш өөрийн чинь амьдрал дээр ирж мэднэ.
Тиймээс бардамнахын оронд даруу бай! Шүүхийн оронд ойлго!
Ам гарахын оронд амьдралыг хүндэл.
Хорвоо эргэдэг юм шүү!
Хэзээ ч гэдэг үгийг болгоомжтой хэлээрэй! Тэнгэр бөө

Гудамжаар явж байхад танихгүй мэт атлаа танил дотно хүмүүс таараад
“Дэмждэг шүү” гээд элгэмсэг гар барин инээмсэглэж, хамт зургаа даруулах үнэхээр сайхан мэдрэмж юм аа. ❤️
Хүний өгсөн чин сэтгэлийн дэмжлэг, дулаахан инээмсэглэл гэдэг ямар их урам өгдөг юм бэ.
Та бүхэндээ маш их баярлалаа. 🙏
Ийм мөч бүрийг би сэтгэлдээ хадгалж явна аа. 😊

Сонин юм аа… энэ зургийг хараад яг аавыгаа харж байгаа юм шиг санагдлаа. Манай аав яг ийм төрхтэй хүн байсан. Би аавтайгаа их адилхан юм байна даа. Хүн явсан ч төрх нь, зан нь, харц нь үр хүүхэддээ үлддэг юм байна… ❤️

Хэдэн арван жилийн өмнө төрсөн бол ийм л нэгэн явж байх байж дээ.

10 жилийн өмнө би анх Солонгост ирж байлаа…
Тэр үед зүрхэндээ маш олон мөрөөдөл тээж, “Нэг л өдөр чадна” гэж өөртөө итгэж явсан.
Өнөөдөр эргээд харахад тэр үеийн мөрөөдлүүд бүгд биелсэн байна. ❤️
Амьдралд хэцүү үе, шантрах мөч олон байсан ч би хэзээ ч бууж өгөөгүй.
Тиймээс өнөөдөр хамгийн их талархаж байгаа хүн минь өөртөө талархаж байна.
Юунаас ч шантардаггүй, унасан ч дахин босдог, айсан ч урагшаа алхдаг өөрийнхөө зоригт баярлалаа.
10 жилийн өмнөх надад хэлэх ганцхан үг байна:
“Чи зөв замаар явжээ. Чи чаджээ.”
Одоо дахиад шинэ мөрөөдлүүдийнхээ араас явна.
Таны, чиний зам ч зөв байгаасай!
/Хамгийн анх Солонгост ирж залбирдаг байсан Нам Сан хайрханд гарч талархаж байгаагаа илэрхийллээ./
2026.09.10