Edge Elements

الحب او حتى التوافق العائلي مو كافي في هالزمن، لازم توافق مالي بعد. هذه أهم المواضيع اللي لازم تناقشينها مع خطيبج قبل الزواج

وفي شغله لازم تحطينها في بالج انه من اهم الامور الي لازم تكونين متأكده منها اهيا شخصيته his character لانه الغني ممكن فلوسه تتبخر او الي ما كان عنده يصير عنده، فالمهم اهو الشخص نفسه هل كريم؟ طموح؟ في حب للوصول للهدف؟ عنده دافع داخلي؟

ولا بس شكل واسم وفلوس بدون اي محتوى؟

وودي هم اعطيكم نصيحة لا تيبين عيال من اول الفتره تعرفوا على بعض. وهم انتي لازم تشتغلين على نفسج مو بس طلبات ابي وابي بدون تقدير 😏

هذا موضوع كبير وفيه تشعبات بس إذا عندج وحده على ويه زواج دزي لها البوست، واذا تختلفين معاي قوليلي ليش👇🏻

قصوا عليكم المسلسلات الأجنبية 🤦🏻‍♀️

من فترة في شغله تقرقع بقلبي بس كل ما ايي ابي اكتب اخاف اجرح احد بس هذي مو شخصيتي…

المهم فكرة انه الزواج 50/50 غلط كل واحد فيكم المفروض يعطي 100% من المسؤوليات الي عليه للأسف الي قاعده اشوفه انه الزوجة قاعدة تاخذ من مسؤوليات الرجل في حجت الضغوط المادية

الأساسيات مسوولية الرجل اما الكماليات صج مو مسؤوليته عادي إذا تبين تساعدين في هالمجال بس إذا دخلتي معاه في مسؤولياته راحت عليج راح تعلمينه انه يقدر يعتمد عليج وهذا اكبر خطأ

ادري ممكن تقولين لي بس احنا متفاهمين، لا تعلمينه او تعودينه انه مسؤوليات الرجل انتي معاه تقدرون تتقاسمونها

راتبج لج اذا تبين تشتغلين وراتب الرجل للعايلة دام قرر يتزوج ويكون مسؤول.

متى تقدرين تساعدين اذا كان رجل وليس ذكر، واذا الشغله الي تبينها كماليات مو من الاساسيات غير جذي لا تعفسون الحسبه

مايقدر غلاء المعيشة!! اذا كان بالحكومه ينتقل الا الخاص واذا كان بالخاص يشوف له وظيفة ثانية زيادة

ادري ممكن افتح على نفسي باب بس لازم اتكلم واوعي على الاقل الجيل الجديد.

معاي؟

لا تضيعين حياتج كلها شغل، اشتغلي على شان تبنين لج أصول تكون مصدر دخل لج ومايكون اعتمادج الكلي على الراتب 💰

كتبي لي الرقم الي ودج توصلين له وراح اقول لج المبلغ الي تحتاجين تستثمرينه شهريا على شان توصلين الحرية المالية 😌💰

من أكثر المواضيع الصعبة بس إذا انتي او رفيجة لج قاعده تمر في هالمرحله دزي لها الpost
والله يكون في عونج 🤲🏻