OpenAlmaty

TravelXP халықаралық телеарнасы Instagram парақшасында Қазақстанға арналған жаңа шығарылымның тизерін жариялады. Бағдарламада саяхаттың басты бағыты ретінде Алматы таныстырылады. Жаңа шығарылымды 2026 жылдың маусым айының соңында әлемнің 110-нан астам еліндегі көрермендер тамашалай алады.

Бағдарламаны әзірлеу барысында TravelXP түсірілім тобы Алматыға келіп, мегаполистің ең танымал туристік нысандарын таспаға түсірді. Шығарылымға Көктөбе, Көк базар, Арбат, 28 гвардияшы-панфиловшылар саябағы, Республика сарайы және шаһардың өзге де көрікті жерлері енген.

Алдағы бағдарлама халықаралық аудиторияны Қазақстанның ең ірі қаласының табиғатымен, мәдениетімен, ұлттық тағамдарымен және заманауи тыныс-тіршілігімен таныстырады.

Әлемдегі жетекші саяхат арналарының бірінде Алматы туралы бағдарламаның көрсетілуі миллиондаған көрерменге қала жайлы кеңірек мағлұмат алуға, оның көрікті орындары мен демалыс мүмкіндіктерін танып-білуге жол ашады.

***

Международный телеканал Travel XP опубликовал в Instagram тизер нового выпуска о Казахстане, где Алматы стал главным направлением путешествия. Уже в конце июня 2026 года программу увидят зрители более чем в 110 странах мира.

Для подготовки выпуска съемочная группа Tra

Алматыда заманауи этникалық музыкаға арналған халықаралық The Spirit of Tengri фестивалі өтті. Ұйымдастырушылардың мәліметінше, бір күн ішінде фестивальге шамамен 50 мың адам келген.

Көрермендер үшін концерттік алаң, Ethno Market қолөнершілер жәрмеңкесі, демалыс аймақтары, фудкорттар мен түрлі арт-кеңістіктер жұмыс істеді. Биыл бас сахнада алғаш рет Open Call ашық байқауының жеңімпаздары JU BAND, DUANA және NY-ZA топтарының өнер көрсетті.

Кештің ең әсерлі сәттерінің бірі аты аңызға айналған Enigma жобасының вокалисі Эндрю Дональдстың арнайы бағдарламасы. Өнер иесі «Манас» Президенттік камералық оркестрімен, қазақстандық әнші Нора Нұғманмен және Жәния Әубәкірованың авторлық мектебінің балалар хорымен бірге сахнаға шығып, көрерменге ерекше музыкалық тарту жасады.

2013 жылдан бері тұрақты түрде өткізіліп келе жатқан The Spirit of Tengri фестивалі бүгінде дәстүрлі музыканы заманауи бағыттармен ұштастыратын, сондай-ақ әлемнің түкпір-түкпірінен келген дарынды орындаушыларды тоғыстыратын Орталық Азиядағы ең ірі мәдени жобалардың біріне айналды.

***

В Алматы прошел международный фестиваль современной этнической музыки The Spirit of Tengri. По данным организаторов, за день его посетили около 50 тысяч человек.

Для гостей работа�

Алматы қаласының Түрксіб ауданында кәсіпкерлерге атмосфералық ауаны қорғау саласындағы қолданыстағы талаптар түсіндірілді. Кездесуге қоғамдық тамақтану орындарының, өндірістік базалардың өкілдері, Алматы қаласының Экология және қоршаған орта басқармасы мен «Eco Almaty» ЖШС мамандары қатысты.

Іс-шара барысында қатысушыларға кәсіпкерлік қызметте сақталуға тиіс экологиялық талаптар түсіндіріліп, шығарындылар көлемін азайту шаралары талқыланды. Атап айтқанда, экологиялық таза отын түрлерін пайдалану, табиғатты қорғау нормаларын сақтау және бизнесті қолданыстағы талаптарға кезең-кезеңімен бейімдеу мәселесіне назар аударылды.

Кездесуде Алматыдағы ауа ластануының негізгі көзі автокөлік екені атап өтілді. Қазіргі таңда барлық шығарындының шамамен 60 пайызы көлік құралдарының үлесіне тиесілі.

Сонымен қатар қалада экологиялық ахуалды жақсарту бағытындағы жұмыстар бірнеше бағытта жүзеге асырылуда. Атап айтқанда, тұрғын үй секторын газдандыру жалғасып, энергетикалық нысандар жаңғыртылуда және қоғамдық көлік паркі кезең-кезеңімен жаңартылып жатыр.

***

В Турксибском районе Алматы предпринимателям разъяснили действующие требования по охране атмосферного воздуха. Встреча прошл�

🌳Биыл қала бойынша 550 мыңнан астам жасыл желек отырғызу жоспарланған. Оның ішінде 500 мыңнан астамы – бұта.

📌Бұталар магистральді көшелердің бойына, саябақтар мен скверлерге, қоғамдық кеңістіктерге отырғызылып жатыр. Олар қаланың көркін арттырып қана қоймай, шаң-тозаңды ұстап, қосымша жасыл қорғаныс белдеуін қалыптастыруға ықпал етеді.

***

🌳В текущем году в городе планируется высадить более 550 тыс. зеленых насаждений. Из них свыше 500 тыс. составят кустарники.

📌Кустарники высаживаются вдоль магистральных улиц, в парках, скверах и общественных пространствах. Они не только украшают город, но и помогают задерживать пыль, формируя дополнительный зеленый каркасс городской среды.

Алматыда төмен эмиссия аймағының (L*Z) пилоттық жобасы аясында жол белгілері мен ақпараттық тақталары орнатылды. Бұл туралы «Алматы паркинг» ШЖҚ КМК мамандары айтты.

Ақпараттық құрылымдар Бөгенбай батыр – Желтоқсан – Абай – Достық көшелерінің аумағындағы пилоттық аймаққа кіреберістерде орналастырылды. Жалпы саны 134 жол белгісі мен ақпараттық тақта орнатылды. Олардың қатарында төмен эмиссиялы аймаққа кіру және шығу белгілері, сондай-ақ жүргізушілерге арналған ақпараттық тақталар бар.

«Алматы паркинг» мекемесі өкілдерінің мәліметінше, бұл жұмыстар 28 сәуірде басталған L*Z жобасының техникалық пилоттық кезеңі аясында жүзеге асырылуда. Қазіргі кезеңде көлік қозғалысына шектеу қою, айыппұл салу немесе аймаққа кіру үшін ақы алу қарастырылмаған.

Жобаның негізгі мақсаты – цифрлық жүйелерді сынақтан өткізу, көлік ағынын есепке алу және көліктің ауа сапасына әсері туралы деректерді жинау.

Техникалық пилоттық кезең 2026 жылы 31 желтоқсанға дейін жалғасады. Осы уақыт аралығында аймақтағы көлік қозғалысы қалыпты режимде жүзеге асырылады.

***

В Алматы началась установка дорожных знаков и информационных табличек в рамках пилотного проекта зоны с низким уровнем выбросов (L*Z). Об этом сообщ�

Дүниежүзілік қоршаған ортаны қорғау күні қарсаңында және Eco Almaty қолдауымен Алматыда ECO Network жобасы аясында екінші білім беру экохабы ашылды. Ол Satbayev University базасында жұмыс істейді. Жаңа алаң экологиялық ағартуды дамытуға, еріктілер қозғалысын қолдауға және қалдықтарды бөлек жинау мәдениетін насихаттауға арналған.

Ұйымдастырушылардың айтуынша, экохаб жастар мен қала тұрғындары экология туралы жаңа білім алып, білім беру бағдарламалары мен экологиялық акцияларға қатыса алатын орталыққа айналады.

Мұнда тәжірибелік бастамаларға ерекше көңіл бөлінеді. Келушілер қайта өңделген пластиктен жасалған бұйымдармен танысып, қалдықтарды қайта өңдеудің заманауи технология мен тұрақты даму қағидаттары туралы көбірек мәлімет ала алады.

Жаңа экохаб ниет білдірушілер үшін ашық және экологиялық жобаларды жүзеге асыруға, сондай-ақ қала тұрғындарын қоршаған ортаны қорғау ісіне тартуға арналған тағы бір маңызды алаң болмақ.

***

В преддверии Всемирного дня окружающей среды и при поддержке Eco Almaty в Алматы открылся второй образовательный экохаб, который будет работать на базе Satbayev University в рамках проекта ECO Network. Новая площадка создана для экологического просвещения, развития волонтерского движе�

Жыл басынан бері Алматыда 105 ағаш құлап, 7 ірі бұтақ сынған. Кейде сырт көзге сау көрінгенімен, діңі шіріп, тамыр жүйесі әлсіреген болуы мүмкін.

Ағаштар неліктен санитарлық мақсатта кесіледі, апатты жағдайдағы ағаштар қалай анықталады және мамандар олардың қауіптілік деңгейін қалай бағалайды? Бұл туралы бейнематериалда баяндаймыз.

***

С начала года в Алматы упало 105 деревьев и сломалось 7 крупных ветвей. При этом некоторые деревья внешне выглядят здоровыми, хотя внутри уже поражены болезнями или имеют ослабленную корневую систему.

Почему в городе проводят санитарную обрезку и удаление аварийных деревьев, а также как специалисты определяют степень их опасности - рассказываем в видео.

Алматыда «Заң және тәртіп» акциясы аясында түнгі мекемелерге бақылау күшейтілуде. Рейдтерге полиция қызметкерлерімен бірге жастар ұйымдарының, комьюнити орталықтардың және қоғамдық кеңестің өкілдері қатысып жатыр.

Түнгі тексеру барысында клубтар, барлар, дәмханалар мен компьютерлік залдар қамтылды. Негізгі назар кәмелетке толмағандардың түнгі уақытта ойын-сауық орындарында жүруіне, есірткі тарату деректеріне және өзге де құқықбұзушылықтарға аударылды.

Рейд қорытындысы бойынша 28 мекеме мен аула аумақтарында 57 әкімшілік құқықбұзушылық анықталды. Оның ішінде жасөспірімдерді түнгі клубтарға кіргізу және нысан иелері тарапынан жіберілген заңбұзушылықтар бар. Құқықбұзушылармен профилактикалық жұмыс жүргізіліп, хаттама толтырылып, айыппұл салынды.

Ұйымдастырушылардың айтуынша, мұндай тексеріс тұрақты түрде жүргізіледі.

***

В Алматы усиливают контроль за ночными заведениями в рамках акции «Закон и порядок». В рейдах вместе с полицией участвуют представители молодежных организаций, комьюнити-центров и общественного совета.

Во время ночных проверок охвачены клубы, бары, кафе и компьютерные залы. Основное внимание уделялось нахождению несовершеннолетних в заведениях ноч