PAKA-Participatory Development Knowledge Agency

🎉 ສູນປາກກາ ຂໍສະແດງຄວາມຍິນດີກັບ 25 ໄວໜຸ່ມ ທີ່ມາຈາກ 12 ແຂວງ ໃນ ສປປ ລາວ ທີ່ໄດ້ຜ່ານການຄັດເລືອກເຂົ້າຮ່ວມການຝຶກອົບຮົມພາຍໃຕ້ຫົວຂໍ້: ນັກພັດທະນາຊຸມຊົນແບບມີສ່ວນຮ່ວມ ຊຸດທີ 13 ຂອງ PAKA!

ຂອບໃຈໄວໜຸ່ມຈາກທົ່ວປະເທດລາວ ທີ່ໃຫ້ຄວາມສົນໃຈ ແລະ ສະໝັກເຂົ້າມາຮ່ວມເປັນສ່ວນໜຶ່ງຂອງການຝຶກອົບຮົມສ້າງທັກສະໃຫ້ແກ່ໄວໜຸ່ມ. ໃນອາທິດຜ່ານມາ ຄະນະກຳມະການ ແລະ ຄູຝຶກຂອງພວກເຮົາໄດ້ດຳເນີນ ການສຳພາດ ແລະ ຄັດເລືອກ ເອົາໄວໜຸ່ມທີ່ກົງກັບເງື່ອນໄຂ, ໄວໜຸ່ມທີ່ມີຄວາມສົນໃຈ, ຄວາມຕັ້ງໃຈ ແລະ ພ້ອມທີ່ຈະຮຽນຮູ້. ເຖິງວ່າຈະມີພຽງ 25 ນ້ອງ ທີ່ໄດ້ຮັບເລືອກໃນຮອບນີ້ ແຕ່ທຸກໆໃບສະໝັກ ແລະ ທຸກໆຄວາມສົນໃຈຂອງທຸກຄົນ ມີຄວາມໝາຍສຳລັບພວກເຮົາ.

✨ ກະລຸນາກວດເບິ່ງລາຍຊື່ຂອງທ່ານໃນໂພສເຕີ ແລະ ກະກຽມຄວາມພ້ອມເພື່ອມາຮຽນຮູ້-ພັດທະນາທັກສະໄປນຳກັນ. ແລ້ວພົບກັນໃນມື້ຝຶກອົບຮົມເດີ້! 💙
#ນັກພັດທະນາຊຸມຊົນແບບມີສ່ວນຮ່ວມຊຸດທີ13 #ຝຶກອົບຮົມຟຣີ

Meet the CLYLP Cohort 2026! 🇰🇭🇱🇦🇳🇿

📢 ອ່ານກ່ອນໆ, ສູນພັດທະນາການຮຽນຮູ້ແບບມີສ່ວນຮ່ວມ ມີໂຄງການດີໆ ມາແນະນຳທຸກຄົນ
________________
ເປີດຮັບສະໝັກໄວໜຸ່ມ (ອາສາສະໝັກ) ເຂົ້າຮ່ວມໂຄງການ Youth Leadership Training and Empowerment ຈຳນວນ 25 ຄົນ.
ໂຄງການຂອງພວກເຮົາ ໄດ້ສ້າງຄວາມເປັນຜູ້ນຳໃຫ້ກັບໄວໜຸ່ມໃນ ສປປ ລາວ ມາແລ້ວ 200 ກວ່າຄົນ (12 ຊຸດ) ນອກນັ້ນ, ຍັງໄດ້ສະໜັບສະໜູນທຶນໃຫ້ກຸ່ມໄວໜຸ່ມເພື່ອນຳໄປຈັດຕັ້ງປະຕິບັດໂຄງການຂະໜາດນ້ອຍຢູ່ໃນຊຸມຊົນຂອງພວກເຂົາ ເຖິງ 14 ໂຄງການອີກດ້ວຍ (14 ພື້ນທີ່ໃນ ສປປ ລາວ)

ໄວໜຸ່ມທີ່ໄດ້ເຂົ້າຮ່ວມໂຄງການ ແມ່ນຈະໄດ້ຜ່ານຂະບວນການຮຽນຮູ້ທັງພາກທິດສະດີ ແລະພາກປະຕິບັດຕົວຈິງຫຼາຍກວ່າ 15 ທັກສະ (ຫົວຂໍ້ຝຶກອົບຮົມ) ເປັນຕົ້ນແມ່ນ: ຄຸນະທຳຈິດອາສາ, ພາວະຄວາມເປັນຜູ້ນຳຊຸມຊົນ, ການເຮັດວຽກເປັນທີມ, ການເປັນຜູ້ອຳນວຍຄວາມສະດວກໃນຊຸມຊົນທີ່ດີ, ການສື່ສານຕໍ່ໜ້າສາທາລະນະ, ການຜະລິດສື່ເພື່ອການພັດທະນາຊຸມຊົນ, ການຂຽນບົດສະເໜີໂຄງການ ແລະອື່ນໆ
ຖ້າທ່ານເປັນຄົນໜຶ່ງທີ່ມັກວຽກງານອາສາສະໝັກ, ຢາກພັດທະນາສັງຄົມ ແລະ ຢາກເຫັນຊຸມຊົນຂອງທ່ານດີຂຶ້ນ... ໂຄງການນີ້ແມ່ນສ້າງມາເພື່ອທ່ານໂດຍສະເພາະ! ມາເປັນຊຸດທີ 13 ຂອງພວກເຮົາໄດ້ແລ້ວທຸກຄົນ...
________________
ປິດຮັບສະໝັກວັນທີ 21 ສິງຫາ 2026 ນີ້! ສະໝັກເລີຍ ກ່ອນຈະພາດໂອກາດດີໆ ແບບນີ້!
ຮຽນຮູ້ທັກສະໃໝ່, ລົງມືເຮັດແທ້, ແລະ ສ້າງການປ່ຽນແປງຮ່ວມກັນ 🌟
👇ກົດທີ່ລິ້ງ [https://forms.gle/6xBUZHKXaZRveE1F6] ນີ້ເພື່ອລົງທະບຽນ!
ທ່ານສາມາດແອັດເຂົ້າກຸ່ມຂໍ້ມູນຂ່າວສານຂອງພວກເຮົາໄດ້ ເພື່ອສົນທະນາແລກປ່ຽນກັບພວກເຮົາ: https://chat.whatsapp.com/CqvaN5Mrx4k8eQNqESChjR
____________________________
and #ໂອກາດສໍາລັບທຸກຄົນ #ນັກພັດທະນາຊຸມຊົນ #ຊຸດທີ13 #ຢ່າຊ້າ #ສະໝັກເລີຍ #ຮັບອາສາສະໝັກ

ປັດຈຸບັນ ສູນປາກກາ ກຳລັງຮ່ວມກັນພັດທະນາ ແຜນຍຸດທະສາດ 5 ປີ (2026–2030) ເພື່ອເປັນແນວທາງສຳຄັນໃນການຂັບເຄື່ອນວຽກງານ ແລະ ການພັດທະນາຂອງອົງກອນໃນໄລຍະ 5 ປີຂ້າງໜ້າ. ແຜນຍຸດທະສາດສະບັບນີ້ຈະເປັນເຂັມທິດສຳຄັນ ທີ່ຊ່ວຍໃຫ້ສູນປາກກາສາມາດບັນລຸວິໄສທັດ ແລະ ເປົ້າໝາຍທີ່ວາງໄວ້ ໂດຍຍຶດໝັ້ນວ່າ "ໄວໜຸ່ມແມ່ນຫົວໃຈຂອງການພັດທະນາ".

ພວກເຮົາຂໍຂອບໃຈຢ່າງສູງຕໍ່ ທີມທີ່ປຶກສາ SAP Social Sabbatical ທີ່ໄດ້ນຳຄວາມຮູ້, ປະສົບການ ແລະ ເວລາ ມາຮ່ວມສະໜັບສະໜູນສູນປາກກາໃນການພັດທະນາແຜນຍຸດທະສາດສະບັບນີ້.

ພ້ອມກັນນີ້ ຂໍຂອບໃຈຕໍ່ຄູ່ຮ່ວມພັດທະນາຂອງພວກເຮົາ ໄດ້ແກ່ ສະຖາບັນພັດທະນາອາຊີວະສຶກສາ-VEDI, ພາກວິຊາ ສັງຄົມສົງເຄາະ ແລະ ການພັດທະນາ, ຄະນະວິທະຍາສາດສັງຄົມ, ມະຫາວິທະຍາໄລແຫ່ງຊາດ-NUOL, UnionAID New Zealand ແລະ CD Alumni ທີ່ໄດ້ແບ່ງປັນຄຳແນະນຳ, ຂໍ້ຄິດເຫັນ ແລະ ຄຳປຶກສາອັນເປັນປະໂຫຍດ ເພື່ອໃຫ້ແຜນຍຸດທະສາດ 5 ປີ ຂອງສູນປາກກາມີຄວາມເຂັ້ມແຂງ, ຊັດເຈນ ແລະ ສາມາດນຳໄປປະຕິບັດໄດ້ຢ່າງເປັນຮູບປະທຳ. ຂອບໃຈທຸກພາກສ່ວນທີ່ຮ່ວມເປັນສ່ວນໜຶ່ງໃນການວາງຮາກຖານໃຫ້ກັບອະນາຄົດຂອງສູນປາກກາ ແລະ ການພັດທະນາໄວໜຸ່ມລາວ.

ມື້ນີ້ ທີມງານ PAKA ໄດ້ສຳເລັດກິດຈະກຳ Design Thinking Session ທີ່ຮ່ວມກັບທີມງານທີ່ປຶກສາ ຈາກ SAP Social Sabbatical. ກິດຈະກຳໃນຄັ້ງນີ້ເປັນໂອກາດດີ ໃຫ້ທີມງານ PAKA ໄດ້ຮ່ວມກັນທົບທວນວຽກງານປະຈຸບັນ, ວິເຄາະບັນຫາສຳຄັນ ແລະ ຄົ້ນຫາໂອກາດໃໝ່ໆ ເພື່ອກຳນົດທິດທາງຍຸດທະສາດຂອງອົງກອນ. ການລະດົມແນວຄວາມຄິດໃນມື້ນີ້ ແມ່ນມີຄວາມ Productive ຫຼາຍ ທີມງານພວກເຮົາໄດ້ຮ່ວມແບ່ງປັນມຸມມອງ, ideas ແລະ ຊ່ວຍກັນຈັດລຳດັບຄວາມສຳຄັນ ເພື່ອໃຫ້ວຽກງານພັດທະນາໄວໜຸ່ມ ແລະ ພັດທະນາຊຸມຊົນ ທີ່ສູນ PAKA ເຮັດຢູ່ ມີການພັດທະນາຂຶ້ນເລື້ອຍໆໄປ.

ຂໍຂອບໃຈທີມ SAP Social Sabbatical ສຳລັບການອຳນວຍສະດວກການຮຽນຮູ້ ແລະ ຄຳແນະນຳທີ່ເປັນປະໂຫຍດ. ພວກເຮົາຫວັງເປັນຢ່າງຍິ່ງທີ່ຈະນຳແນວຄວາມຄິດເຫຼົ່ານີ້ໄປສູ່ການປະຕິບັດໂຕຈິງ!

——————

Today, PAKA successfully completed a Design Thinking Session facilitated by our SAP Social Sabbatical team. The session provided a valuable opportunity for our team to reflect on PAKA’s current state, identify key challenges, and collaboratively explore new opportunities for our future strategic direction. Through a very productive brainstorming process, we generated innovative ideas, challenged our perspectives, and prioritized initiatives that can strengthen PAKA’s impact on youth and community development.

A sincere thank you to the SAP Social Sabbatical team for their excellent facilitation and thoughtful guidance. We look forward to turning these ideas into meaningful actions!

Today, we were pleased to welcome the SAP team to the PAKA office for a final briefing before the arrival of the international consultants next week.

The meeting was a great opportunity to review the project plan, clarify roles and expectations, and ensure we are well prepared to welcome and work alongside the consultants. We also discussed practical arrangements and shared insights to help make this collaboration as meaningful and impactful as possible for everyone involved.

We are excited to begin this journey and look forward to learning from the expertise of the SAP consultants while working together to strengthen our organisation and create lasting impact.

♻️ ຝາກະຕຸກນ້ຳນ້ອຍໆ ສາມາດສ້າງການປ່ຽນແປງໃຫຍ່ໄດ້! 💚

ຢ່າປ່ອຍໃຫ້ຝາກະຕຸກນ້ຳກາຍເປັນຂີ້ເຫຍື້ອ! ທຸກຝາທີ່ທ່ານບໍລິຈາກ ຈະຖືກນຳໄປຣີໄຊເຄິນ ແລະ ຜະລິດເປັນໂຕະຮຽນໃຫ້ນ້ອງໆ ຜ່ານໂຄງການ “Trash2Table”
ພຽງແຕ່ຝາກຝາກະຕຸກນ້ຳຂອງທ່ານ ກໍເປັນສ່ວນໜຶ່ງໃນການຫຼຸດຂີ້ເຫຍື້ອພລາສຕິກ, ຮັກສາສິ່ງແວດລ້ອມ ແລະ ສ້າງໂອກາດການຮຽນຮູ້ໃຫ້ເດັກນ້ອຍ. 🌱

📌ສຳລັບນະຄອນຫຼວງ: ສາມາດນຳຝາກະຕຸກນ້ຳມາສົ່ງໄດ້ໂດຍກົງທີ່ ສູນພັດທະນາ ການຮຽນຮູ້ແບບມີສ່ວນຮ່ວມ (ສຮຮ) PAKA-Participatory Development Knowledge Agency
📍ສະຖານທີ່: ບ້ານໂພນຕ້ອງຈອມມະນີ ໜ່ວຍ 39 (ຖະໜົນ ໜອງທາໃຕ້), ເມືອງຈັນທະບູລີ ນະຄອນຫຼວງວຽງຈັນ
📞 Tel: +856 20 96 051 813 👇

https://maps.app.goo.gl/GEAFEpDKAnS9gMj76?g_st=ic

🚚 ສຳລັບຕ່າງແຂວງ: ສາມາດຝາກສົ່ງໄດ້ ຟຣີ ຜ່ານບໍລິສັດ ຮຸ່ງອາລຸນ ຂົນສົ່ງ ທຸກສາຂາທົ່ວປະເທດ.

📍ຝາກເຖິງ: Green Luangprabang, ບ້ານພະບາດໃຕ້ (ເດີ່ນທາດຫຼວງ), ເມືອງຫຼວງພະບາງ
📞 020 23 246 519

💚 ມາຮ່ວມກັນປ່ຽນ “ຂີ້ເຫຍື້ອ” ໃຫ້ເປັນ “ໂອກາດ” ແລະ ປ່ຽນຝາກະຕຸກນ້ຳໃຫ້ເປັນຮອຍຍິ້ມຂອງນ້ອງໆ. 🌱♻️
------------------------------------------
🌱 Turn plastic waste into opportunities. Every bottle cap brings us one step closer to a cleaner environment and a brighter future for children. ♻️💚

📚 ທຸກໆການເປີດໜ້າປຶ້ມ ຄືການເປີດປະຕູສູ່ໂລກແຫ່ງການຮຽນຮູ້.

ໃນລະຫວ່າງວັນທີ 24–25 ມິຖຸນາ 2026 ທີ່ຜ່ານມາ, ກຸ່ມນ້ອງໆນັກຝຶກອົບຮົມ ຊຸດທີ 12 ຂອງຫຼັກສູດ "ນັກພັດທະນາຊຸມຊົນ ແບບມີສ່ວນຮ່ວມ" ໄດ້ລົງພື້ນທີ່ດຳເນີນກິດຈະກຳ "ໂຄງການສົ່ງເສີມການອ່ານ ແລະ ປັບປຸງມຸມອ່ານ (Reading Promotion and Reading Space Improvement)" ຢູ່ ໂຮງຮຽນປະຖົມສົມບູນສະໄກ, ເມືອງສັງທອງ, ນະຄອນຫຼວງວຽງຈັນ.

ໂຄງການນີ້ມີຈຸດປະສົງເພື່ອສົ່ງເສີມນິໄສຮັກການອ່ານໃຫ້ແກ່ນັກຮຽນລະດັບປະຖົມ ພ້ອມທັງປັບປຸງມຸມອ່ານທີ່ມີຢູ່ໃຫ້ໜ້າສົນໃຈ ແລະ ເປັນແຫຼ່ງການຮຽນຮູ້ທີ່ຊ່ວຍສ້າງແຮງບັນດານໃຈໃຫ້ນ້ອງໆ ຮັກການອ່ານ ແລະ ສາມາດຮຽນຮູ້ດ້ວຍຕົນເອງ.

ນອກຈາກການປັບປຸງມຸມອ່ານແລ້ວ, ທີມງານຍັງໄດ້ຈັດກິດຈະກຳແລກປ່ຽນຄວາມຮູ້ກັບ ຄູ-ອາຈານ, ພໍ່ແມ່ຜູ້ປົກຄອງ ແລະ ນັກຮຽນ ກ່ຽວກັບການນຳໃຊ້ຫ້ອງສະໝຸດ, ການຈັດການ ແລະ ການດູແລມຸມອ່ານ ພ້ອມທັງສົ່ງເສີມບົດບາດຂອງຄອບຄົວ ແລະ ໂຮງຮຽນ ໃນການປູກຝັງນິໄສການອ່ານໃຫ້ແກ່ເດັກນ້ອຍ.

ຜູ້ໄດ້ຮັບປະໂຫຍດຈາກໂຄງການ ປະກອບມີ:
📖 ນັກຮຽນຊັ້ນ ປ.1 ແລະ ປ.5 ຈຳນວນ 80 ຄົນ (ຍິງ 39 ຄົນ)
👩‍🏫 ຄູ-ອາຈານ 5 ຄົນ (ຍິງ 3 ຄົນ)
👨‍👩‍👧‍👦 ພໍ່ແມ່ຜູ້ປົກຄອງຈາກ 10 ຄອບຄົວ

ໂຄງການນີ້ເປັນໜຶ່ງໃນ 2 ໂຄງການຂະໜາດນ້ອຍ ທີ່ໄດ້ຮັບທຶນສະໜັບສະໜູນ ພາຍໃຕ້ຫຼັກສູດ "ນັກພັດທະນາຊຸມຊົນແບບມີສ່ວນຮ່ວມ" ຊຸດທີ 12 ຂອງ ສູນ PAKA ເພື່ອເປີດໂອກາດໃຫ້ໄວໜຸ່ມນັກຝຶກອົບຮົມ ໄດ້ນຳຄວາມຮູ້ ແລະ ທັກສະທີ່ຮຽນຮູ້ຈາກຫ້ອງອົບຮົມ ມາລົງມືປະຕິບັດຈິງຮ່ວມກັບຊຸມຊົນ ເພື່ອສ້າງການປ່ຽນແປງທີ່ເກີດຜົນຢ່າງແທ້ຈິງ.

ພວກເຮົາຫວັງເປັນຢ່າງຍິ່ງວ່າ ໂຄງການນີ້ຈະເປັນຈຸດເລີ່ມຕົ້ນທີ່ດີ ໃນການສ້າງວັດທະນະທຳການອ່ານໃຫ້ແກ່ເດັກນ້ອຍ ແລະ ຊຸກຍູ້ໃຫ້ຄູ-ອາຈານ, ຜູ້ປົກຄອງ ແລະ ຊຸມຊົນ ຮ່ວມກັນສ້າງສະພາບແວດລ້ອມທີ່ສົ່ງເສີມການຮຽນຮູ້. ພ້ອມກັນນັ້ນ ພວກເຮົາຍັງຫວັງວ່າ ນ້ອງໆຜູ້ພັດທະນາໂຄງການ ຈະສາມາດສືບຕໍ່ ແລະ ຂະຫຍາຍຜົນຂອງໂຄງການນີ້ໄປຍັງໂຮງຮຽນ ແລະ ຊຸມຊົນອື່ນໆ ເພື່ອຮ່ວມກັນພັດທະນາດ້ານການອ່ານ, ສ້າງໂອກາດທາງການສຶກສາ ແລະ ປູກຝັງການຮຽນຮູ້ຕະຫຼອດຊີວິດໃຫ້ແກ່ເດັກນ້ອຍລາວ.

#ໂຄງການສົ່ງເສີມການອ່ານ