Rural Development Agency RDA.

🗑️🧹 ການຈັດການຂີ້ເຫຍື້ອໃນຫ້ອງການ ບໍ່ຄວນແມ່ນໜ້າທີ່ຂອງແມ່ບ້ານຝ່າຍດຽວ! 🏢👥

ຫຼາຍຄັ້ງທີ່ເຮົາອາດຈະເຄີຍຊິນກັບຄວາມຄິດທີ່ວ່າ "ຖິ້ມໆໄປໂລດ, ດ໋ຽວແມ່ບ້ານເພີ່ນກໍມາມ້ຽນເອງ". ແຕ່ຄວາມຈິງແລ້ວ, ການສ້າງສະພາບແວດລ້ອມທີ່ດີໃນບ່ອນເຮັດວຽກ ຕ້ອງເລີ່ມຕົ້ນທີ່ "ໂຕເຮົາເອງ" ເພາະຂີ້ເຫຍື້ອເປັນສີ່ງທີ່ຄົນເຮົາສ້າງຂື້ນທຸກມື້ ດັ່ງນັ້ນພວກເຮົາຈຶ່ງເລັງເຫັນ ແລະ ໃຫ້ຄວາມສຳຄັນກັບການແຍກຂີ້ເຫຍື້ອໃຫ້ເປັນລະບົບໃນຫ້ອງການ. ມາຊ່ວຍກັນຫຼຸດຜ່ອນພາລະໃຫ້ແມ່ບ້ານ ແລະ ປ່ຽນຫ້ອງການເຮົາໃຫ້ເປັນ Green Office ດ້ວຍຫຼັກການ 5Rs ງ່າຍໆ ທີ່ພະນັກງານທຸກຄົນສາມາດເຮັດໄດ້ທຸກມື້:

🛑 ❌1. Refuse (ປະຕິເສດຕັ້ງແຕ່ຕົ້ນທາງ):
ເວລາສັ່ງເຄື່ອງດື່ມ ຫຼື ອາຫານມາທີ່ຫ້ອງການ, ພວກເຮົາຈະພະຍາຍາມປະຕິເສດການຮັບຖົງຢາງ ແລະ ຫຼອດດູດພາດສະຕິກຫາກບໍ່ຈຳເປັນ ເພາະທຸກຄົນມີຈອກນ້ຳສ່ວນຕົວຢູ່ແລ້ວ. ການປະຕິເສດຕັ້ງແຕ່ຕົ້ນທາງ (Pre-consumer action) ຖືເປັນມາດຕະການສຳຄັນທີ່ຊ່ວຍຕັດວົງຈອນການສ້າງຂີ້ເຫຍື້ອພາດສະຕິກແບບໃຊ້ຄັ້ງດຽວຖິ້ມໄດ້ຢ່າງມີປະສິດທິພາບ ໂດຍທີ່ເຮົາບໍ່ຈຳເປັນຕ້ອງຫາວິທີກຳຈັດມັນຕາມຫຼັງ

📉 2. Reduce (ຫຼຸດຜ່ອນການສ້າງຂີ້ເຫຍື້ອ):
ການຈັດການເອກະສານພາຍໃນຫ້ອງການໄດ້ປ່ຽນມາສູ່ລະບົບດິຈິຕອນຢ່າງເຕັມຮູບແບບ ໂດຍການສົ່ງຕໍ່ໄຟລ໌ຜ່ານຊ່ອງທາງອອນໄລນ໌ແທນການພິມເປັນເຈ້ຍ (ຍົກເວັ້ນກໍລະນີຈຳເປັນແທ້ໆ) ເພື່ອຊ່ວຍຫຼຸດຜ່ອນຂີ້ເຫຍື້ອເຈ້ຍ ແລະ ປະຢັດຄ່າໃຊ້ຈ່າຍ. ພ້ອມດຽວກັນນີ້, ພະນັກງານທຸກຄົນຍັງໄດ້ຮ່ວມມືກັນປັບປ່ຽນພຶດຕິກຳເພື່ອຫຼຸດຜ່ອນການໃຊ້ພາດສະຕິກແບບໃຊ້ຄັ້ງດຽວຖິ້ມ ຜ່ານການຫຼີກລ້ຽງຖົງຢາງ, ນຳໃຊ້ກ່ອງອາຫານສ່ວນຕົວເພື່ອໃສ່ອາຫານມາກິນທີ່ຫ້ອງການ, ລວມທັງການພົກຖົງຜ້າ ແລະ ໃຊ້ຈອກສ່ວນຕົວໃນຊີວິດປະຈຳວັນ ເພື່ອຕັດຕອນ ແລະ ຫຼຸດຜ່ອນປະລິມານຂີ້ເຫຍື້ອຕັ້ງແຕ່ຕົ້ນທາງຢ່າງແທ້ຈິງ.

♻️ 3. Reuse (ນຳກັບມາໃຊ້ຊ້ຳ):
ຫ້ອງການຂອງພວກເຮົາໄດ້ສົ່ງເສີມການນຳວັດສະດຸ ແລະ ເຄື່ອງໃຊ້ຕ່າງໆ ກັບມາໃຊ້ຊ້ຳໃຫ້ເກີດປະໂຫຍດສູງສຸດ ເຊັ່ນ: ການນຳກ່ອງເຈ້ຍ, ຊອງເອກະສານ, ຫຼື ເຈ້ຍທີ່ໃຊ້ແລ້ວແຕ່ຍັງເຫຼືອພື້ນທີ່ວ່າງອີກດ້ານໜຶ່ງ ມາໃຊ້ຈົດບັນທຶກ ຫຼື ພິມຊ້ຳ. ນອກຈາກນີ້, ພະນັກງານຍັງໄດ້ນຳພາຊະນະ ແລະ ກ່ອງອາຫານສ່ວນຕົວມາໃຊ້ຊ້ຳໃນທຸກໆມື້, ແຕ່ໃນກໍລະນີທີ່ມີຄວາມຈຳເປັນຕ້ອງໄດ້ຮັບຖົງຢາງ ທາງຫ້ອງການກໍຈະນຳຖົງດັ່ງກ່າວມາລ້າງເຮັດຄວາມສະອາດ ແລະ ເກັບຮັກສາໄວ້ໃຊ້ຊ້ຳຢ່າງຕໍ່ເນື່ອງຈົນກວ່າຈະໝົດສະພາບ ເພື່ອຍືດອາຍຸການໃຊ້ງານຂອງຊັບພະຍາກອນ ແລະ ຮ່ວມມືກັນຫຼຸດຜ່ອນປະລິມານຂີ້ເຫຍື້ອໃຫ້ໄດ້ຫຼາຍທີ່ສຸດ.

🔄 4. Recycle (ການນຳໄປຣີໄຊເຄິນ / ຜ່ານຂະບວນການຜະລິດໃໝ່):
ທາງຫ້ອງການໄດ້ຈັດຕຽມຖັງຂີ້ເຫຍື້ອແຍກປະເພດຢ່າງຊັດເຈນ ເຊັ່ນ: ສຳລັບເຈ້ຍລັງ, ເຈ້ຍເອກະສານ, ຕຸກນ້ຳດື່ມ, ຝາຕຸກນ້ຳ ແລະ ກະປ໋ອງຕ່າງໆ. ການຊ່ວຍກັນແຍກຂີ້ເຫຍື້ອເຫຼົ່ານີ້ໄວ້ຢ່າງເປັນລະບຽບ ບໍ່ພຽງແຕ່ຊ່ວຍອຳນວຍຄວາມສະດວກໃນການເກັບລວບລວມເພື່ອເອົາໄປຂາຍຕໍ່ສ້າງເປັນລາຍຮັບເຂົ້າ "ກອງກາງຂອງຫ້ອງການ" ແລະ ສົ່ງຕໍ່ເຂົ້າສູ່ໂຮງງານຣີໄຊເຄິນເພື່ອແປ່ຮູບເປັນວັດຖຸດິບ ຫຼືຜະລິດຕະພັນໃໝ່ເທົ່ານັ້ນ, ແຕ່ຍັງເປັນການຊ່ວຍຫຼຸດຜ່ອນປະລິມານຂີ້ເຫຍື້ອທີ່ຈະຕ້ອງນຳໄປເຜົາ ຫຼື ຝັງດິນຢ່າງມີປະສິດທິພາບອີກດ້ວຍ.

🍂 5. Rot (ການໝັກເສດອາຫານ):
ເພື່ອຫຼຸດຜ່ອນຂີ້ເຫຍື້ອປະເພດເສດອາຫານພາຍໃນຫ້ອງການ, ພວກເຮົາໄດ້ມີການລ້ຽງຂີ້ກະເດືອນ. ໂດຍຫຼັງຈາກຮັບປະທານອາຫານທ່ຽງ ຫຼື ອາຫານວ່າງແລ້ວ, ທຸກຄົນຈະຊ່ວຍກັນແຍກເສດອາຫານໄວ້ຢ່າງເປັນລະບຽບ ເພື່ອນຳໄປເປັນອາຫານໃຫ້ແກ່ຂີ້ກະເດືອນ. ວິທີການນີ້ ບໍ່ພຽງແຕ່ຊ່ວຍກຳຈັດເສດອາຫານໄດ້ຢ່າງໝົດຈົດໂດຍບໍ່ສົ່ງກິ່ນເໝັນລົບກວນເທົ່ານັ້ນ, ແຕ່ຍັງສາມາດປ່ຽນເສດອາຫານໃຫ້ກາຍເປັນປຸ໋ຍອິນຊີທີ່ມີຄຸນນະພາບສູງ ສຳລັບນຳໄປໃຊ້ບຳລຸງຕົ້ນໄມ້ໄດ້ອີກດ້ວຍ.

✨ ສິ່ງເຫຼົ່ານີ້ອາດຈະເບິ່ງຄືເປັນເລື່ອງນ້ອຍໆ, ແຕ່ເມື່ອທຸກຄົນຊ່ວຍກັນຄົນລະເລັກຄົນລະນ້ອຍ ມັນກໍສາມາດປ່ຽນແປງຫ້ອງການຂອງພວກເຮົາໃຫ້ກາຍເປັນສະຖານທີ່ທີ່ໜ້າເຮັດວຽກ ແລະ ເປັນມິດຕໍ່ສິ່ງແວດລ້ອມໄດ້ຢ່າງແທ້ຈິງ.

ນີ້ເປັນພຽງບາງສ່ວນທີ່ພວກເຮົາຍົກຂື້ນມາໃຫ້ທ່ານໄດ້ເຫັນ ຖ້າຫ້ອງການໃດກຳລັງຊອກຫາວິທີຈັດການຂີ້ເຫຍື້ອຢູ່, ລອງນຳເອົາວິທີເຫຼົ່ານີ້ໄປປັບໃຊ້ໄດ້ເດີ້. ມາຊ່ວຍກັນຫຼຸດຜ່ອນການສ້າງຂີ້ເຫຍື້ອ ແລະ ສ້າງ "Green Office" ໄປພ້ອມໆກັນ! 🌍
----------------------------------------------------------------------------------------------------------------------------------------------------

#ສູນພັດທະນາຊົນນະບົດ #ການຈັດການຂີ້ເຫຍື້ອ

ເພາະແມ່ຍິງຄື "ໜຶ່ງໃນຫົວໃຈ" ຂອງການພັດທະນາ – ສຸກສັນວັນສ້າງຕັ້ງສະຫະພັນແມ່ຍິງລາວ ຄົບຮອບ 71 ປີ!

ເນື່ອງໃນວັນສ້າງຕັ້ງສະຫະພັນແມ່ຍິງລາວ 20 ກໍລະກົດນີ້, ພວກເຮົາທີມງານ RDA ຂໍສົ່ງຄວາມຮັກ ແລະ ຄວາມເຄົາລົບໄປຫາແມ່ຍິງລາວທຸກຄົນ ບໍ່ວ່າຈະຢູ່ບ່ອນໃດກໍຕາມ. ສຳລັບພວກເຮົາ, ແມ່ຍິງບໍ່ແມ່ນພຽງແຕ່ແມ່ບ້ານ ຫຼື ຄົນໃນຄອບຄົວ ແຕ່ພວກເຂົາຄື "ຮາກຖານ" ທີ່ແຂງແກ່ນທີ່ສຸດໃນການພັດທະນາໃຫ້ດີຂຶ້ນ.

ຊົມເຊີຍວັນສ້າງຕັ້ງສະຫະພັນແມ່ຍິງລາວ ຢ່າງສຸດໃຈ ✨
--------------------------------------------------------------------------
#ສູນພັດທະນາຊົນນະບົດ #ວັນສ້າງຕັ້ງສະຫະພັນແມ່ຍິງລາວ #ພັດທະນາຊຸມຊົນ

🍃 “ສຽງນີ້ມີເລື່ອງເລົ່າ...” ເປີດໂລກການຮຽນຮູ້ຜ່ານເລນຂອງນັກສຳຫຼວດນ້ອຍ ທີ່ປ່າສະຫງວນແຫ່ງຊາດພູພະນັງ 📸🌳

“ເພາະການຮຽນຮູ້ບໍ່ໄດ້ມີແຕ່ໃນຫ້ອງຮຽນ ແລະ ໃນປື້ມຕຳລາເທົ່ານັ້ນ...”

ສູນພັດທະນາຊົນນະບົດ (RDA) ໄດ້ຈັດກິດຈະກຳສຶກສາສິ່ງແວດລ້ອມພາຍໃຕ້ແຜນງານສຶກສາສິ່ງແວດລ້ອມ ແລະ ການປັບຕົວຕໍ່ກັບການປ່ຽນແປງດິນຟ້າອາກາດ (EECA) ໂດຍການພານ້ອງໆນັກຮຽນຊັ້ນ ປ.4-5 ຈາກໂຮງຮຽນປະຖົມບ້ານນາຫອຍ ໄປຜະຈົນໄພໃນ "ຫ້ອງຮຽນທັມມະຊາດ" ທີ່ໃຫຍ່ທີ່ສຸດ ນັ້ນກໍຄື ປ່າສະຫງວນແຫ່ງຊາດພູພະນັງ ⛰️✨

🕵️‍♂️ ຫຼາຍກວ່າການຍ່າງປ່າ ຄືການເປີດປະສົບການໃໝ່: ກິດຈະກຳນີ້ ບໍ່ພຽງແຕ່ເປັນການພາເດັກນ້ອຍຍ່າງປ່າ, ແຕ່ຍັງເປັນການ "ຝຶກສັງເກດ" ລະບົບນິເວດ ແລະ ຊີວະນາໆພັນຜ່ານສາຍຕາຂອງນ້ອງໆເອງ. ດ້ວຍພາລະກິດພິເສດຄືການ: ໃຊ້ "ກ້ອງໂທລະສັບ" 📱 ເກັບພາບຖ່າຍທັມມະຊາດ ແລະ ເລົ່າເລື່ອງລາວຜ່ານມຸມມອງທີ່ເຕັມໄປດ້ວຍຄວາມບໍລິສຸດ ແລະ ຄວາມໝາຍ.
💡 ຈາກການລົງພື້ນທີ່ ສູ່ການປ່ຽນແປງ: ຕະຫຼອດການເດີນທາງ, ນ້ອງໆໄດ້ຮຽນຮູ້ຈາກຜູ້ນຳທາງຂອງບ້ານ ແລະ ກອງຄຸ້ມຄອງປ່າໄມ້ ຢ່າງໃກ້ຊິດ. ສິ່ງທີ່ພິເສດທີ່ສຸດແມ່ນການໄດ້ເຫັນ "ຄວາມຕັ້ງໃຈ" ຂອງນ້ອງໆ ທີ່ຊ່ວຍກັນຄັດເລືອກຮູບພາບທີ່ດີທີ່ສຸດ ເພື່ອນຳມາຂຽນບອກເລົ່າເລື່ອງລາວປ່າໄມ້ໃນແບບສະບັບຂອງຕົນເອງ.
📌 ເປົ້າໝາຍສຳຄັນຂອງກິດຈະກຳ:
1️⃣ ການສ້າງພື້ນຖານຄວາມຮູ້: ໃຫ້ນັກຮຽນໄດ້ເຂົ້າໃຈກ່ຽວກັບລະບົບນິເວດ ແລະ ຄວາມຫຼາກຫຼາຍທາງຊີວະພາບໃນເຂດປ່າສະຫງວນແຫ່ງຊາດພູພະນັງ.
2️⃣ ການປູກຝັງຈິດສຳນຶກ: ເພື່ອໃຫ້ນັກຮຽນ ແລະ ຊາວບ້ານອ້ອມຂ້າງ ຮັບຮູ້ເຖິງຄວາມສຳຄັນຂອງ "ປ່າໄມ້ທີ່ເປັນທັງແຫຼ່ງອາຫານ ແລະ ແຫຼ່ງນ້ຳ".
3️⃣ ການສື່ສານສ້າງສັງຄົມ: ປ່ຽນຮູບພາບຈາກກ້ອງໂທລະສັບ ໃຫ້ກາຍເປັນກະບອກສຽງທີ່ສົ່ງຕໍ່ຄວາມຮັກໃນທັມມະຊາດອອກສູ່ສັງຄົມອອນລາຍ.

💚ພວກເຮົາເຊື່ອວ່າ ເດັກນ້ອຍເຫຼົ່ານີ້ຈະເຕີບໃຫຍ່ຂຶ້ນເປັນ "ຜູ້ປົກປັກຮັກສາປ່າໄມ້" ທີ່ເຂັ້ມແຂງໃນອະນາຄົດ. ການປູກຝັງຄວາມຮັກໃນທຳມະຊາດຕັ້ງແຕ່ຍັງນ້ອຍ ຄືການລົງທຶນທີ່ຄຸ້ມຄ່າທີ່ສຸດສຳລັບໂລກຂອງເຮົາ! 🌍 🌳📸✨
👇 ຮ່ວມເປັນສ່ວນໜຶ່ງໃນການຟັງ “ສຽງຈາກທັມມະຊາດ” ຜ່ານຮູບພາບຂອງນ້ອງໆນັກຮຽນ ແລະ ສາມາດເຂົ້າໄປເບິ່ງຮູບພາບງາມໆ ແລະ ຄວາມຕັ້ງໃຈຂອງນັກສຳຫຼວດນ້ອຍໄດ້ທີ່: 🔗 https://www.facebook.com/share/p/1DFTXCgqJt/

ມາຮ່ວມເປັນສ່ວນໜຶ່ງໃນການຟັງ "ສຽງຈາກທຳມະຊາດ" ໄປພ້ອມໆກັນເລີຍ! 🍃

------------------------------------------------------------------------
#ສຽງຈາກທັມມະຊາດ #ຮຽນຮູ້ສິ່ງແວດລ້ອມ #ນັກສຳຫຼວດນ້ອຍ #ປ່າສະຫງວນພູພະນັງ #ການມີສ່ວນຮ່ວມຂອງຊຸມຊົນ #ຮັກສາປ່າໄມ້

ປະກາດຮັບສະໝັກ Graphic Design
ໄລຍະເວລາວຽກ: 3 ເດືອນ (ມິຖຸນາ ຫາ ສິງຫາ 2026)
ລາຍລະອຽດໜ້າວຽກ: https://rdalaos.org/procurement-trainee/
__________________________
ປິດຮັບສະໝັກວັນທີ 11 ມິຖຸນາ (6) 2026
ສອບຖາມຂໍ້ມູນເພີ່ມຕື່ມ: 020 599 595 19 (ແຂ້)

👧👦ຊີວິດສົດໃສເພາະມີຕົ້ນໄມ້ເປັນໝູ່🌳

ເນື່ອງໃນ ວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ ພວກເຮົາໄດ້ນຳພາບບັນຍາກາດ ງານເຜີຍແຜ່ຊຸມຊົນເພື່ອປູກຈິດສຳນຶກໃນການອະນຸຮັກຊີວະນາໆພັນ ຜ່ານກິດຈະກຳ:

“ສາຍໃຍຊີວິດ” ເພື່ອໃຫ້ນ້ອງໆໄດ້ຮູ້ຈັກກັບການເພິ່ງພາອາໄສເຊິ່ງກັນ ແລະ ກັນລະຫວ່າງຄົນ ແລະ ຊີວະນາໆພັນບໍ່ວ່າຈະເປັນຕົ້ນໄມ້, ສັດປ່າ ແລະ ບັນດາສິ່ງທີ່ມີຊີວິດຕ່າງໆ ທີ່ເປັນດັ່ງ ໝູ່ເພື່ອນທີ່ອາໄສຢູ່ຮ່ວມກັນ, ເພິ່ງພາກັນ, ເຊື່ອມໂຍງກັນ ປຽບເໝືອນກັບ ສາຍໃຍ ແຫ່ງ ຊີວິດ.

#ສູນພັດທະນາຊົນນະບົດ

ສຸຂານາໄມດີ ປູທາງສູ່ການຮຽນຮູ້ທີ່ສົດໃສ! ✨]
ທຸກຄົນຮູ້ບໍ່ວ່າ? ຫ້ອງຮຽນທີ່ສະອາດ ແລະ ສຸຂານາໄມທີ່ດີ ມີຜົນໂດຍກົງຕໍ່ການຮຽນຮູ້ ແລະ ພັດທະນາການຂອງລູກຫຼານເຮົາ. 🏫

ສູນພັດທະນາຊົນນະບົດ ພວກເຮົາເຊື່ອສະເໝີວ່າ "ການລົງທຶນໃນສຸຂານາໄມ ຄືການລົງທຶນທີ່ຄຸ້ມຄ່າທີ່ສຸດ". ບໍ່ດົນມານີ້, ທີມງານພວກເຮົາໄດ້ລົງເຄື່ອນໄຫວຈັດກິດຈະກຳສ້າງຄວາມຕື່ນຕົວດ້ານສຸຂານາໄມໃນໂຮງຮຽນເປົ້າໝາຍ ໂດຍເນັ້ນໃສ່ 3 ຫົວຂໍ້ຫຼັກທີ່ສຳຄັນ:
💧 1. ດື່ມນ້ຳສະອາດ ແລະ ພຽງພໍ: ປ່ຽນພຶດຕິກຳສູ່ການດື່ມນ້ຳທີ່ປອດໄພ ດ້ວຍວິທີການຕົ້ມ ຫຼື ຕອງນ້ຳໃຫ້ຖືກຫຼັກອະນາໄມ.
🚽 2. ນຳໃຊ້ວິດຖ່າຍທີ່ຖຶກຕ້ອງ ປ້ອງກັນເຊື້ອໂລກ: ຮຽນຮູ້ຜ່ານ "ເກມປັກທຸງ" ສຸດມ່ວນ ເຮັດໃຫ້ນ້ອງໆເຂົ້າໃຈວິທີຕັດວົງຈອນພະຍາດ ແລະ ການຮັກສາຄວາມສະອາດຫ້ອງນ້ຳຮ່ວມກັນ.
🧼 3. ລ້າງມືໃສ່ສະບູ ໃສ່ໃຈສຸຂະພາບ: ຮ້ອງເພງ "ລ້າງມືກ່ອນກິນ" ພ້ອມຝຶກທັກສະການລ້າງມືໃຫ້ຖືກຕ້ອງໃນ 5 ຊ່ວງເວລາສຳຄັນ (ກ່ອນ-ຫຼັງກິນ, ຫຼັງເຂົ້າຫ້ອງນ້ຳ, ຫຼັງອະນາໄມ ແລະ ຫຼັງຈັບບາຍສິ່ງເປິເປື້ອນ).

ກິດຈະກຳນີ້ຈະຊ່ວຍໃຫ້ຄູ ແລະ ນັກຮຽນ ມີຄວາມຮັບຮູ້, ເຂົ້າໃຈ ແລະ ຫັນມາຮ່ວມມືກັບຊຸມຊົນໃນການປັບປຸງສຸຂານາໄມໃນໂຮງຮຽນໃຫ້ດີຂຶ້ນເລື້ອຍໆ✅
ພວກເຮົາເຊື່ອວ່າ... ສິ່ງເລັກໆນ້ອຍໆທີ່ເຮົາເຮັດໃນທຸກມື້ ຈະສົ່ງຜົນກະທົບທີ່ຍິ່ງໃຫຍ່ຕໍ່ສຸຂະພາບ ແລະ ຮອຍຍິ້ມທີ່ສົດໃສຂອງລູກຫຼານພວກເຮົາ! ❤️

💡 ໂຮງຮຽນຂອງພວກທ່ານ ມີກິດຈະກຳສົ່ງເສີມສຸຂານາໄມແບບໃດແດ່? ມາແບ່ງປັນຮູບພາບ ຫຼື ປະສົບການກັນໄດ້ໃນຄອມເມັ້ນເດີ້! 👇
_____________________________________________________

#ສຸຂານາໄມໃນໂຮງຮຽນ
#ສຸຂະພາບດີ

#ສູນພັດທະນາຊົນນະບົດ

📢 Call for External Audit Firm for the “Environmental Education and Climate Change Adaptation” Project under the Together for People and Planet (ToPP) Programme 🌱🌏
___________________
Rural Development Agency (RDA) is inviting qualified and experienced audit firms to submit proposals for the Annual Audit (FY26) of the project. This project is implemented in partnership with WWF Laos and financially supported by Sida through WWF Sweden.
___________________
📍 Programme Location: Siphandone and Sangthong Districts
📅 Submission Deadline: 25 May 2026
📧 Email: [email protected]
____________________
For detailed Terms of Reference (TOR) : https://rdalaos.org/call-for-external-audit-firm/

ປະກາດຮັບສະໝັກ ພະນັກງານການເງິນ
ລາຍລະອຽດໜ້າວຽກ: https://rdalaos.org/procurement-trainee/
ຕຳແໜ່ງ: ພະນັກງານການເງິນ
ບ່ອນປະຈຳການ: ຫ້ອງການສູນພັດທະນາຊົນນະບົດ, ນະຄອນຫຼວງວຽງຈັນ.
__________________________
ປິດຮັບສະໝັກວັນທີ 19 ພຶດສະພາ (5) 2026
ສອບຖາມຂໍ້ມູນເພີ່ມຕື່ມ: 020 599 595 19 (ແຂ້)

ຊົມເຊີຍ ວັນກຳມະກອນສາກົນ ວັນທີ 1 ພຶດສະພາ ຄົບຮອບ 140 ປີ 🎉
(01/05/1886 - 01/05/2026)
ຂໍສົ່ງພອນໄຊອັນປະເສີດມາຍັງຜູ້ອອກແຮງງານທຸກທ່ານ: ຈົ່ງມີສຸຂະພາບພົນລະນາໄມທີ່ແຂງແຮງ, ມີພະລັງກາຍທີ່ເຂັ້ມແຂງ ແລະ ປະສົບຜົນສຳເລັດໃນໜ້າທີ່ວຽກງານອັນມີກຽດຂອງທ່ານ

#ສູນພັດທະນາຊົນນະບົດ