Counselor May Reda

أوقات، من كتر ما منركّز على شو بدّن منّا الآخرين، مننسى نسأل حالنا سؤال بسيط:
شو انا بدي ؟

مش كل قرار لازم يكون لإرضاء غيرنا ،
ومش كل “لا” أنانية،
ومش لازم نعيش حياتنا حسب توقعات غيرنا.

معرفة الذات بتبلش لما نسمح لحالنا نسمع صوتنا كمان. 🤍

لما عقلك ما بيوقف تفكير…
بتصير أبسط الأمور تاخد مساحة كبيرة براسك:
ماذا لو؟ ليش صار هيك؟ شو رح يصير؟ يمكن كون غلطت؟

التفكير الزائد ممكن يخلّينا نعيش نفس الفكرة مرارًا، ونشعر بالتعب والقلق حتى من أشياء ما صارت بعد.

لهيك حضّرنا جلسة تفاعلية عن التفكير الزائد 🌿
رح نحكي فيها عن شو هو التفكير الزائد، ليش بيصير، كيف بيأثر علينا، والأهم… كيف نتعامل معه ونخفف من دوامة الأفكار بطريقة عملية.

جلسة فيها فهم، نقاش، وتمارين تساعدنا نرجع نركّز على اللحظة الحالية. 🤍

📅 الجمعة
⏰ 6:00 – 8:00 مساءً
📍 Clé Center – حضوري

أحيانًا، منحتاج مساحة نحكي فيها من دون خوف من الحكم، ونعبّر عن مشاعرنا من دون ما نضطر نبرّرها.

مساحة نكون فيها على طبيعتنا، وحدا يسمعنا ويحاول يفهمنا.

مش لازم يزيد تعبك حتى تطلب الدعم. مشاعرك بتستحق تنسمع 💙

كلّنا منلبس أقنعة… 🎭
منظهر القوة، الهدوء أو الثقة، و منخبّي مشاعر وأفكار ما منعرف كيف نعبّر عنها.

في جلسة «ما وراء القناع»، رح يصمّم كل شخص قناعه الخاص، ويكتشف من خلال الرسم والألوان:

كيف يراني الآخرون؟
وماذا أشعر فعلاً في داخلي؟

مساحة آمنة للتعبير واكتشاف الذات، من دون أحكام 🤍

🗓 السبت 12 أيلول
⏰ من الساعة 6:00 حتى 8:00 مساءً
📍 Clé Center – Gemmayze
💵 سعر الجلسة: 20$
📞 للحجز والاستفسار: 76013343

ثلاث شخصيات… وثلاث طرق مختلفة في التفكير والتعامل مع العلاقات:

🔹 الشخصية الاعتمادية: تخاف خسارة الآخرين وقد تجد صعوبة في اتخاذ قراراتها وحدها.
🔹 الشخصية التجنبية: ترغب في القرب، لكن الخوف من الرفض أو الانتقاد يدفعها للابتعاد.
🔹 الشخصية الوسواسية القهرية: تميل إلى الكمال والنظام ، وقد يصعب عليها تقبّل الأخطاء أو التغيير.

قد نجد بعض هذه الصفات في أنفسنا أحياناً، لكن وجود صفة أو أكثر لا يعني بالضرورة وجود اضطراب في الشخصية.

أي شخصية بتحبّوا نحكي عنها بالتفصيل أكتر ؟ 💙

اختار الدورة الأنسب إلك وطوّر مهاراتك العملية:

• الدعم النفسي في الأزمات
• إعداد وتطبيق الخطة التربوية الفردية IEP
• تعديل السلوك

الدورات مناسبة للمعلمين، الأهل، الاختصاصيين وكل شخص مهتم بتطوير مهاراته.

📜 شهادة مشاركة
📍 المقاعد محدودة
📲 للحجز والاستفسار عبر الخاص أو على الرقم 76013343