Da3douka

شو أكثر شي بياخد من وقتك وتفكيرك كل يوم الصبح؟ 🥪🤔

​أكيد تجهيز "اللانش بوكس" ليكون أكل صحي ومغذي لطفلك! 🍎🥦

​بس من دعدوكة منحب نذكرك.. مثل ما جسمه بيحتاج غذاء يومي، عقله كمان بيحتاج غذاء! 🧠✨

​فضروري كل يوم يلعب بدعدوكة لأنو:

​بتغذي خياله وإبداعه ليصنع أفكار جديدة 🎨

​بتقوي عضلات إيديه الصغار ليكتب بسهولة وبدون تعب ✍️

​بتطور لغته ومفرداته وهو عم يوصف الأشكال اللي عم يدعكها ويشكلها 🗣️
وأكثر من هيك بكتيير....




شاركينا: شو أكثر مهارة بتحسي طفلك بيكتسبها من المعجون؟ 🗣️

عنجد شاركتِ بالبرنامج؟
كيييف؟ 😅

متل هالأيام، كان تصوير فقرتي من حلقات شارك تانك

– الموسم الأول.

قرار مش هين أبداً، رغم إني ما كنت جاهزة كمشروع للاستثمار.
بس كانت خطوة جريئة، إجت بعد كتير استشارات وتشجيع ودعم، مع إني بالبداية كنت رافضة وخايفة… لأن فيها مسؤولية وتحدّي كبير.

ورغم كل شي، كان في شي عم يوجّهني ويدفشني إني كون بالبرنامج، ومن أكتر من جهة.

فحضّرت حالي، واشتغلت على كل التفاصيل المطلوبة، مش بس لأني عم قدّم حالي ومشروعي، إنما لأني كنت عم قدّم صورة عن شغلي وعن بلدي، بمستوى يليق فيي وبالبلد اللي بفتخر إني بمثّله.

برنامج عالمي، وتجربة رح يشوفها ناس كتير… وقبل حتى ما فكّر بموضوع الاستثمار، كان عندي تحدّي أكبر:
كيف بوقف قدّام لجنة تحكيم محترمة، وبحكي عن مشروعي بثقة، وأنا بعرف إنو كل كلمة محسوبة؟

كان في خوف، أكيد.
وكان في تردّد.
بس كان في إيمان أكبر إنو أوقات الفرص ما بتجي لما نكون جاهزين 100%… بتجي لتدفعنا نكبر ونكون جاهزين.

واليوم، لما بتذكّر هيدا اليوم، بقول:
يمكن ما كنت جاهزة للاستثمار…
بس كنت جاهزة آخد الخطوة❤️
والحمد لله

وهيدي بحد ذاتها كانت بداية لمرحلة جديدة.
وما توفيقي الا بالله ....

وبالموسم التاني، كتار رح ياخدوا هالخطوة الجريئة، ويوقفوا بهالمكان حاملين مشاريعهم، تعبهم، أحلامهم وقصصهم.

استمتعوا بالتجربة، تعلّموا منها، وكونوا فخورين بكل خطوة وصلتكن لهون.
متحمّسة شوف قصصكن ومشاريعكن، وإن شاء الله تكون تجربة بتفتحلكن أبواب جديدة، مهما كانت النتيجة.

وأكيد كل التوفيق لكل المشاركين بالموسم التاني 👏❤️

تحيّة من #دعدوكة لأبطال جيشنا، يلّي بيضلّوا رمز القوّة، الأمان وحبّ الوطن.

كل عام وجيشنا ولبنان بخير. ❤️

#لبنان #دعدوكة

في يوم الأب، نُهدي محبتنا وامتناننا لكل أبٍ ما زال يزرع الأمان والأمل في حياة عائلته رغم تحديات الحياة، ونرفع الدعاء بالرحمة لكل أبٍ رحل وترك في القلوب أثراً لا يُنسى. حضورهم نعمة، وذكراهم باقية، ومحبتهم لا تغيب. رحم الله من فقدنا، وحفظ الله من ما زال بيننا. 🕊️🤍✨

عام جديد يهلّ علينا، اللهم اجعله عاماً بلا حزن، وبلا فقد، واجعله بداية لكل خير ونهاية لكل شر.

كل عام وانتم بخير