TheTruth

පරංගි නැව්වල යටිපතුල් විද මුහුදු පතුලට යැවූ හෙළයේ "මැරීන්" බලකාය!
ලංකාවේ ඉතිහාසය කිව්ව ගමන් අපිට මතක් වෙන්නේ මහා පර්වත මතුපිට ඉදිවුණු සීගිරිය, අහස සිඹින මහා ස්තූප, නැත්නම් මහා පරාක්‍රමබාහු රජතුමාගේ වැව් තාක්ෂණයයි. හැරී බලන්න අපේ නිල් පාට සාගර තීරය දෙස... එහි සැඟවී ඇති, ලෝකයම මවිත කළ සිංහලයන්ගේ නාවික යුධ තාක්ෂණය ගැන ඔබ අසා තිබෙනවාද?

මෙය පරංගි (පෘතුගීසි) වාර්තාවලම ලියැවී ඇති, කාලයේ වැලි තලාවට යට වූ අභිමානවත් කතා පුවතකි!

පරංගි Galleon නැව් හමුවේ නැඟී සිටි සිංහල "පදව්" යාත්‍රා
ක්‍රි.ව. 16 වන සියවස වන විට පෘතුගීසීන් සතු වූයේ කාලතුවක්කු පිරවූ, ලෝකයේ බලවත්ම සහ විශාලත්ම යුධ නැව් (Galleons) ය. කෝට්ටේ සහ සීතාවක යුගයන්හිදී අපේ වෙරළ තීරය ආක්‍රමණය කරන්නට පැමිණි මේ දැවැන්ත නැව් සමූහයට මුහුණ දීමට සිංහලයන්ට ද එවැනිම විශාල නැව් තිබුණි.

සිංහලයන් සතු වූයේ ඉතා වේගවත්, නොගැඹුරු දියේ මෙන්ම රළ රෙදි අතරේ ක්ෂණිකව හැරවිය හැකි "පදව්" (Padavu) සහ "තොනි" (Thoni) නමින් හැඳින්වූ සාම්ප්‍රදායික සැහැල්ලු යාත්‍රාවන් ද තිබුණි.

ලොව මුල්ම "නාවික කිමිදුම් ප්‍රහාරකයන්" (Navy Seals) අපේද?
පෘතුගීසි නැව් සමඟ මුහුණට මුහුණ ලා කාලතුවක්කු සටනකට යාම සියදිවි නසාගැනීමක් බව සිංහල සෙන්පතියන් දැන සිටියහ. එබැවින් ඔවුන් භාවිතා කළේ බුද්ධිමත් සහ අතිශය මාරාන්තික උපක්‍රමයකි.

රාත්‍රී කාලයේ කළුවර මුහුදේ පෘතුගීසි නැව් නැංගුරම් ලා තිබෙන විට, සිංහල නාවික හමුදාවේ අති දක්ෂ කිමිදුම්කරුවන් පිරිසක් රහසිගතව මුහුදට බසිති. ඔවුන් කිසිදු ශබ්දයක් නොනඟා, පරංගි නැව්වල මුරකරුවන්ට හොරෙන්, දිය යටින්ම පිහිනා ගොස් පෘතුගීසි නැව් අසලටම ළඟා වෙති.

යටිපතුල් විද නැව් ගිල්වීමේ තාක්ෂණය
ඔවුන් සතුව තිබුණේ විශේෂයෙන්ම නිර්මාණය කරන ලද ලී සහ යකඩ විදින අත් සරඹ (Drills) සහ කියත් ය. දිය යට සෑහෙන වේලාවක් හුස්ම හිරකරගෙන සිටීමේ පුදුමාකාර හැකියාවක් තිබූ මේ හෙළ වීරයන්, පෘතුගීසි යුධ නැව්වල ලී පතුල (Hull) සිදුරු කරන්නට පටන් ගත්හ!

එක් සිදුරක් නොවේ... නැවක් ක්ෂණිකව දියත් කරගත නොහැකි වන පරිදි පතුලේ ස්ථාන කිහිපයක්ම ඔවුන් විද දමති.

පසුදා උදෑසන වන විට පරංගි සොල්දාදුවන් අවදි වන්නේ තමන්ගේ දැවැන්ත යුධ නැව් තුළට මුහුදු ජලය වේගයෙන් ගලා එන මරණයේ ශබ්දයත් සමඟය! සතුරන් කලබල වී ජලය ඉවත් කරන්නට වෙහෙසෙන විට, සිංහලයන් ගොඩබිම සිට සහ තමන්ගේ වේගවත් "පදව්" යාත්‍රා මඟින් පැමිණ වටලා ප්‍රහාර එල්ල කර සතුරා මුහුදු පතුලටම යැවූහ.

මේවා සැබෑ ඉතිහාසයද? සාක්ෂි මෙන්න!
මෙය හුදෙක් ගොඩනැඟූ කතාවක් නොවේ. පෘතුගීසි ජාතික සුප්‍රකට ඉතිහාසඥයෙකු වන ෆර්නැන්ඩෝ ද ක්වේරෝස් (Fernão de Queyroz) විසින් ලියන ලද "The Temporal and Spiritual Conquest of Ceylon" (ලංකාව දේශපාලනිකව සහ ආධ්‍යාත්මිකව යටත් කරගැනීම) නම් ප්‍රසිද්ධ ඓතිහාසික ග්‍රන්ථයේ සිංහලයන්ගේ මේ අපූර්ව නාවික උපක්‍රමය ගැන පුදුමයෙන් යුතුව වාර්තා කර ඇත.

පෘතුගීසි කපිතාන්වරුන් පවා සිංහල කිමිදුම්කරුවන්ගේ මේ රහසිගත "දිය යට ප්‍රහාර" හමුවේ අසරණ වූ බව එහි සඳහන් වේ.

"සිය මව්බිමේ නිදහස වෙනුවෙන් දියඹ මුහුද මැද, රළ රෙදි අතරේ සතුරන් මවිත කළ ඒ අභීත හෙළ නාවික පරපුරට අපගේ ප්‍රණාමය...!"

ඔබට මේ වැනි සැඟවුණු ඉතිහාස තොරතුරු තවත් දැනගන්න ඕනෙද? Comment එකකින් කියන්න. Share කරලා මිතුරන්වත් දැනුවත් කරන්න!

පසුකුවේ යුක්තිය ඉටු විය යුතු නැද්ද....?
පාස්කු නඩුවේ අවසන් නඩු වාරයෙන් පස්සේ පාර්ශව රැසක ලොකු කලබලයක් පේනවා.ඒ එක්කම ගෝඨාභය රාජපක්ෂට විදේශ ගමන් තහනමක් පැනවීම එක්ක ඒක ඩබල් වෙලා.එක පාරටම රට පුරා සලේට සෙත් පතලා බෝධි පූජා,උද්ඝෝෂණ,ෆේක් එකවුන්ට් වල පෝස්ට් එක දිගටම වැටෙන්න අරන්.ඒ සම්බන්ධව අත්ඩංගුවේ ඉන්න හිටපු බුද්ධි අංශ ප්‍රධානියාගේ අසනීප තත්ව,මානසික තත්ව පෙන්න පෙන්න හුඟක් අය හැමදාම මීඩියා ඉස්සරහට ඇවිත් කතා කරන්න පටන් අරන්.ලොකු කලබලයක් ඇත්තටම පේන්නේ.

යුද්දේ තිබුණ කාලේ 2006-2009 වගේ කාලේ සුරෙෂ් සලේ හිටියේ ප්‍රංශයේ.මතක විදියට 2012 සලේ යුද හමුදා බුද්ධි අධ්‍යක්ෂ වෙනවා.2019 ගෝඨාභය රාජපක්ෂ සලේව රාජ්‍ය බුද්ධි සේවයේ අධ්‍යක්ෂ කරනවා.ශ්‍රී ලංකා ඉතිහාසයේ පොලිස් නිලධාරියෙකු නොවන හමුදා නිලධාරියෙකු මෙම තනතුරට පත් වූ පළමු අවස්ථාව ඒක.ඒ වගේම සලේ කියන්නේ ගෝඨාභය රාජපක්ෂගේ ඉතාම ලගින් හිටපු චරිතය කියන එක රහසක් නෙවෙයි

සලේ කියන්නේ 1987 ඉඳන් වසර 35කට වැඩි කාලයක් ආරක්ෂක සේවයේ හිටපු නිලධාරියෙක්.ඒ වගේම මෙරට වගේම විදේශ රටවල පවා ඉහළම පුහුණුවක් ලබපු නිලධාරියෙක්.එහෙම විශාල පුහුණුවක් ලබපු නිලධාරියෙක් මෙහෙම ටික කාලයක් අත්ඩංගුවේ ඉද්දි මානසික පීඩනය ඉහළ ගිහින් ජීවි,තය නැ,,Thi කර ගන්න යනවා කියන එක නම් මට නම් පෞද්ගලිකව පිළිගන්න බෑ.සාමාන්‍ය මට්ටමේ නිලධාරියෙක්ට උණත් එහෙම දරා ගන්න පුහුණුවක් යුධ හමුදාවෙන් ලැබෙනවා.

අපිට හිතා ගන්නවත් බැරි තරම් දේවල් පාස්කු ප්‍රහාරය අස්සේ හැංගිලා තියෙනවා කියලා දැන් නම් පේනවා.අපි කවුරුවත් දන්නේ නැති අපිට හිතා ගන්නවත් බැරි Deep State එකක් මේ රට අතුලේ තිබිලා තියෙනවා කියන එක පැහැදිලි.

ඉක්මනටම හැමදේම එළි වේවි.සලේ නිවැරදි කරුද,වැරදි කරුද,කවුද මේ අහස පොළොව නුහුලන අපරාධයට සහ,රාන් ඇතුළු කල්ලිය මෙහෙයවූවේ.කවුද ඒකට උදව් කරේ.ඒ සියල්ක මේ කලබලයට හේතුවත් ඒ එක්කම එළියට ඒවි.

බිල්ලන් කලබල ඌ පමනින් ඔබ කලබල විය යුතු නැත.කිසිදු වරද කරුවෙකුට නීතියෙන් ගැලවීමක් නැත.
゚viralシ #පාස්කුව #

බුදු සසුන උරහිසේ තබාගෙන සාගින්නට මුහුණ දුන් බැමිණිතියා සායේ භික්ෂූන් වහන්සේලාගේ කතාව.

බැමිණිතියා සාගතය කියන්නේ වලගම්බා රජ සමයේ ලංකාවට ආව මහා විශාල සාගතයක්. වසර දොළහක් පුරා පැවති මේ සාගතයෙන් ලංකාවෙ ජනතාව මහා විශාල වශයෙන් බැට කෑව බව ඉතිහාසයේ සඳහන් වෙනවා.

සාමාන්‍ය මනුස්සයෙක් සාගතයකට මුහුණ දෙද්දී එයාගේ ලොකුම අරගලය වෙන්නේ තමන්ගේ පණ බේරගන්න එක සහ තමන්ගේ දරුවන්ගේ, පවුලේ අයගේ ජීවිත රකින එකයි. හැබැයි, ඒ දරුණු "බැමිණිතියා සාය" ඉස්සරහා, ලංකාවේ වැඩ හිටපු භික්ෂූන් වහන්සේලාට මීට වඩා සම්පූර්ණයෙන්ම වෙනස්, දැවැන්ත වගකීමක් පැවරිලා තිබුණා. ඒ තමයි තමන්ගේ ජීවිතේටත් වඩා "බුදුරජාණන් වහන්සේගේ ශ්‍රී සද්ධර්මය" ඊළඟ පරම්පරාවට අරගෙන යාම.

අද අපි බණ කතා කියවන්නේ ලස්සනට මුද්‍රණය කරපු ත්‍රිපිටක පොත් වහන්සේලා දිහා බලාගෙන වුණත්, එදා මේ ධර්මය තිබුණේ කොළවල ලියලා නෙවෙයි; ඒක තිබුණේ භික්ෂූන් වහන්සේලාගේ මතකයේ, එහෙමත් නැත්නම් හදවත්වල. ඉතින් අපි අද මේ ඉතිහාසයේ කටුකතම අවුරුදු දොළහ, කහ සිවුරක් පෙරවාගත්තු, බඩගින්නෙන් ඇටසැකිල්ලක් වුණු, ඒත් යකඩ වගේ හිතක් තිබුණු භික්ෂූන් වහන්සේලා ගත⁣කලේ කොහොමද කියලා දැනගමු.

---

බැමිණිතියා සාගතය ආව කාලේ භික්ෂුන් වහන්සේලා ධර්මය පවත්වාගෙන ආවේ "භාණක" (කටපාඩමින් ධර්මය රකින) පරම්පරා විදිහට. දීඝ භාණක, මජ්ඣිම භාණක විදිහට එක එක භික්ෂූන් වහන්සේලා ත්‍රිපිටකයේ විවිධ කොටස් කටපාඩම් කරගෙනයි හිටියේ.

සාගතය පටන් අරන් අවුරුද්දක්, දෙකක් යද්දී දායකයෝ පන්සල් එන එක නැවතුණා. මිනිස්සුන්ට කන්න නැතිකොට හාමුදුරුවරුන්ට දානයක් කොහෙන්ද? භික්ෂූන් වහන්සේලාට දරාගන්න බැරි තරම් කුසගින්නක් දැනෙන්න ගත්තා. කුසගින්න වැඩිවෙද්දී, ශරීරය දුර්වල වෙද්දී මතකය ටිකෙන් ටික ගිලිහී යන බව උන්වහන්සේලාට තේරුණා.

එදා එක භාණක භික්ෂූන් වහන්සේ නමක් අපවත් වෙනවා කියන්නේ, අද කාලේ හැටියට නම් ත්‍රිපිටකයේ කොටසක් සම්පූර්ණයෙන්ම විනාශ වෙනවා වගේ වැඩක්. තමන්ගේ ඇස් ඉස්සරහා තමන්ගේ ගුරු හාමුදුරුවෝ, තමන්ගේ සහෝදර හාමුදුරුවෝ බඩගින්නේ අපවත් වෙද්දී, ඒ එක්කම බුදුන්ගේ දේශනාවේ කොටසකුත් සදහටම ලෝකයෙන් මැකිලා යනවා නේද කියන ඒ මහා භය, ඒ කම්පනය උන්වහන්සේලාට මහා දරුණුවට දැනුනා.

කුසගින්න උච්චතම අවස්ථාවට එද්දී මුළු භික්ෂු සමාජයම දැවැන්ත තීරණයකට ආවා. මේ ඔක්කොම එක තැන හිටියොත් ඔක්කොම බඩගින්නේ මැරිලා, බුදු සසුනම ලංකාවෙන් නැතිවෙලා යයි. ඒ නිසා පිරිසක් ඉන්දියාවට (දඹදිවට) ගිහින් පණ රැකගෙන ධර්මයත් රැකගෙන, සාගතය ඉවර වුණාම ආයේ එන්න ඕනේ කියලා එදා භික්ෂුන් වහන්සේලා තීරණය කළා.

එදා දහස් ගාණක් භික්ෂූන් වහන්සේලා යාපනයේ දඹකොළ පටුනට වැඩම කළා. එතනදී උන්වහන්සේලා කණ්ඩායම් දෙකකට බෙදුණා. එක් පිරිසක් නැව් නැගලා ඉන්දියාවට යද්දී, අනිත් පිරිස ලංකාවේ ඉතුරු වුණා.

ලංකාවේ ඉතුරු වුණු හාමුදුරුවරු රජරට අත්හැරලා දකුණු මලය දේශයට, ඒ කියන්නේ කඳුකර කැලෑවලට වැඩම කළා. චූලසිව, ඉසිදත්ත වගේ මහ තෙරවරු පවා මේ කැලෑවලට වැදුනා. කන්න මුකුත්ම නැහැ. මුලින්ම ගස්වල ගෙඩි කෑවා, ඊටපස්සේ කොළ කෑවා, අන්තිමට ගස්වල පොතු සුරලා කෑවා.

බඩගින්න දරාගන්න බැරිම තැන, ආමාශය දියවෙලා යන තරම් වේදනාවක් එද්දී උන්වහන්සේලා කරපු දේ අහද්දී අදටත් අපේ ඇස්වලට කඳුළු එනවා. මනෝරථපූරණී අටුවාවේ සඳහන් වෙන විදිහට, මේ භික්ෂූන් වහන්සේලා වැලි ගොඩවල් ගහලා, ඒ වැලි ගොඩවල් උඩින් බඩ තියාගෙන, බඩ තදවෙලා ඉන්න විදිහට වැතිරිලා තමයි ත්‍රිපිටකය සජ්ඣායනා කරලා (කටපාඩම් කියාගෙන) තියෙන්නේ. ඒ බඩගින්න නිසා මතකය නැතිවෙයි කියන බයට. සමහර හාමුදුරුවරු සජ්ඣායනා කරමින් ඉද්දීම ඒ වැලි ගොඩ උඩම අපවත් වුණා.

මේ කාලේ වුණු තවත් එක සිදුවීමක් තමයි "මහා නිද්දේශය" කියන ධර්ම කොටස රැකගත්තු හැටි. සාගතය දරුණු වෙද්දී ත්‍රිපිටකයේ මේ මහා නිද්දේශය කියන කොටස කටපාඩමින් දැනගෙන හිටියේ එකම එක භික්ෂුවක් විතරයි. හැබැයි ප්‍රශ්නේ වුණේ ඒ භික්ෂුව සිල්වත් කෙනෙක් නෙවෙයි. දුසිල්වත් භික්ෂුවක්.

✨️අටුවාවල (විශේෂයෙන් සමෝහවිනෝදනී අටුවාවේ) සඳහන් වන විදිහට මේ භික්ෂුවගේ නම "මහා තිස්ස" (සමහර තැනක මහා ශිව). උන්වහන්සේ සාගතය නිසා ඇතිවූ දැඩි පීඩනය හේතුවෙන් උපැවිදි වී (සිවුරු හැර) සාමාන්‍ය වැසියෙක් ලෙස හෝ විනය නීති පසෙක තබා ජීවත් වූ කෙනෙක්. එසේ නැතිව, උන්වහන්සේ "පාපතර හෝ දුෂ්ට" පුද්ගලයකු වුණේ නැහැ.

සාමාන්‍යයෙන් සිල්වත් තෙරවරු දුසිල්වත් අය ළඟට ගිහින් බණ අහන්නේ නැහැ, වඳින්නේ නැහැ. ඒක විනය නීතිවලට පටහැනියි. හැබැයි මහාරක්ඛිත කියන තෙරුන් වහන්සේ කල්පනා කළා, "මම මගේ මානය තියාගෙන හිටියොත් මේ මහා නිද්දේශය සදහටම ලෝකෙන් නැතිවෙනවා" කියලා. ඒ නිසා තමන්ගේ සියලුම අකමැත්තන් පසෙක තියලා, අර දුසිල්වත් භික්ෂුව පස්සෙන් ගිහින්, ඉතාම යටහත් පහත්ව ඒ ධර්ම කොටස ඉගෙනගෙන ඒක අභාවයට යන්න නොදී රැකගත්තා. මේකෙන් පේන්නේ උන්වහන්සේලාට තමන්ගේ පෞද්ගලික ප්‍රතිරූපයට වඩා ධර්මය කොච්චර වටිනවාද කියන එකයි.

සාගතයේ උච්චතම අවස්ථාවේදී සාමාන්‍ය මිනිස්සු බඩගින්න ඉවසන්න බැරුව මිනීමස් කන තත්ත්වයට පත්වුණා. රසවාහිනිය වගේ පොත්වල තියෙනවා අභය කියන තෙරුන් වහන්සේ නමක්ව මිනීමස් කන මිනිස්සු රංචුවක් වටකරගෙන මරන්න හදපු හැටි.

මේ වගේ තිරිසන් සමාජයක් අස්සේ, කන්න කිසිම දෙයක් නැති වෙලාවකත් භික්ෂූන් වහන්සේලා තමන්ගේ සීලය (විනය) රැකගත්තා. කෙනෙක්ව මරලා හරි, සතෙක්ව මරලා හරි මස් ටිකක් කාලා ජීවත් වෙන්න උන්වහන්සේලාට පුළුවන්කම තිබුණා. හැබැයි උන්වහන්සේලා ඒ වෙනුවට ගස්වල කොළ කකා, කුසගින්නේ මියයෑම තෝරාගත්තා.

අවුරුදු දොළහකට පස්සේ බැමිණිතියා සාය ඉවර වුණා. දඹදිවට ගියපු හාමුදුරුවරු ආපහු ලංකාවට වැඩම කළා. කැලෑවල හැංගිලා හිටපු හාමුදුරුවරුත් එළියට ආවා. දඹදිව ඉඳන් ආපු අයත්, ලංකාවේ හිටපු අයත් එකතු වෙලා දින ගණනාවක් තිස්සේ තමන්ට මතක ධර්ම කොටස් සජ්ඣායනා කරලා බැලුවා. පුදුමයකට වගේ, ඒ දෙපිරිසේම මතකයේ තිබුණු ධර්ම කොටස් අකුරක් නෑර සමාන වුණා! ඒ තරමටම උන්වහන්සේලා ඒ කටුක දුක අස්සෙත් ධර්මය නිවැරදිව රැකගෙන තිබුණා.

හැබැයි මේ සාගතය භික්ෂූන් වහන්සේලාගේ ඇස් ඇරෙව්වා. "මෙහෙම තව සාගතයක් ආවොත්, ධර්මය කටපාඩමින් තියාගෙන හිටියොත් බුදු සසුන ඉවරයි" කියලා උන්වහන්සේලාට තේරුණා. අන්න ඒ බිය සහ ඒ දුරදක්නා නුවණ තමයි ලෝක බෞද්ධ ඉතිහාසයේ ලොකුම හැරවුම් ලක්ෂය නිර්මාණය කළේ. ඒකේ ප්‍රතිඵලයක් විදිහට තමයි ක්‍රිස්තු පූර්ව පළවෙනි සියවසේදී මාතලේ අලුවිහාරයට රැස්වුණු පන්සියයක් ධර්මධර තෙරුන් වහන්සේලා මේ සම්පූර්ණ ත්‍රිපිටකය තල්පත්වල ලියලා "ග්‍රන්ථාරූඪ" කළේ.

අද අපි පන්සලකට ගිහින් පිරිත් පොතක් අතට ගනිද්දී, හරි ධර්ම දේශනාවක් අහද්දී අපිට මතක් වෙන්නේ නැහැ මේ වචන අපේ කනට ඇහෙන්න අතීතයේ භික්ෂූන් වහන්සේලා කොච්චර ලොකු වන්දියක් ගෙව්වද කියලා.

බැමිණිතියා සාය කාලේ වැඩසිටිය ඒ භික්ෂුන් වහන්සේලා ලේ මස් දියවෙලා, ඇටසැකිලි බවට පත්වෙලා, වැලි ගොඩවල් උඩ බඩගින්නේ වැට වැටී මේ රැකගත්තේ උන්වහන්සේලාගේ ජීවිතය නෙවෙයි; අද අපි මේ භුක්ති විඳින අපේ සංස්කෘතිය, අපේ දර්ශනය සහ මුළු ලෝකයටම තියෙන එකම සැනසිල්ල වන බුදු දහමයි. ඒ නිසා, අද අපි දකින බෞද්ධ ශිෂ්ටාචාරයේ අත්තිවාරම බැඳිලා තියෙන්නේ ගල් සහ වැලිවලින් නෙවෙයි; ඒ යුගයේ කුසගින්නෙන් අපවත් වී වදාළ දහස් ගණන් රහතන් වහන්සේලාගේ උතුම් පරිත්‍යාගයෙන් සහ ඒ අසමසම වීර්යයෙන් බව අපි කවදාවත් අමතක නොකළ යුතුයි.
゚viralシ

ඔබ අනිවාර්යයෙන්ම කියවිය යුතුය ඇයත් ගැහැණියකි...
බලයට දණ නොනමන මෙවැනි අභීත ගැහැනුන් අප මල් තබා පිදිය යුතුය🫡සමාජයේ කුහකත්වයට එරෙහිව හඬක්!👇

- නීතිය, සාධාරණත්වය සහ යුක්තිය පසිඳලන උත්තරීතර දේවස්ථානයක් බඳු වූ අධිකරණ භූමියක්...

- එහි එක් පසෙක ධනය, දේශපාලන හිතවත්කම් සහ සිවුරේ ආගමික බලය නමැති මහා කළු පවුරකි.

- අනෙක් පස, කිසිදු හව්හරණක් නැති, මුළු මහත් සමාජයම ඉදිරියේ අසරණ වූ දොළොස් හැවිරිදි කුඩා දැරියකි.

- එම මහා කළු පවුර සහ අසරණ දැරිය අතර මැද, යෝධ බලඇණියකට එරෙහිව තනිව නැඟී සිටි ඇය ඔබ දුටුවාද?

- ඇය ජාතික ළමාරක්ෂක අධිකාරියේ නීතිය බලගැන්වීමේ අධ්‍යක්ෂිකා, නීතිඥ සජීවනී අබේකෝන් මහත්මියයි.

- අනුරාධපුර අටමස්ථානාධිපති පල්ලේගම හේමරතන හිමියන්ට එරෙහිව ගොනු වූ බාලවයස්කාර දැරියක අපයෝජනය කිරීමේ නඩුව කැඳවූ ඒ අවිචාරවත් දවසේ, අධිකරණ භූමිය දෙස බලා සිටි ඕනෑම අයෙකුගේ දෑස් කඳුළින් තෙත් වන්නට ඇත.

- විත්තිකාර පාර්ශ්වය වෙනුවෙන් පෙනී සිටි ජනාධිපති නීතිඥවරුන් ඇතුළු විසි අට දෙනෙකුගෙන් යුත් මහා නීතිඥ බලඇණියක් සහ අධිකරණ වටපිටාව සිසාරා රැස්ව සිටි මහා සංඝරත්නයේ දැඩි බලපෑම් හමුවේ, සජීවනී අබේකෝන් නම් ඒ ධෛර්යවන්ත ගැහැනිය නොසැලී සිටියාය.

- ඇය සටන් කළේ තනතුරක් වෙනුවෙන් නොවේ...

- බලවතුන්ගේ සෙල්ලම් බඩුවක් බවට පත් කර, පසුව කුණු කූඩයට ඇද දැමූ අසරණ දරුවෙකුගේ ආත්ම ගෞරවය වෙනුවෙනි.

- නමුත්, පිටු දහඅටක මනා ලෙස ගොනු කළ සාක්ෂි වාර්තාවක් ඉදිරිපත් කර තිබියදීත්, අවසානයේ මුදල් සහ ශරීර ඇප මත සැකකාර හිමිනම නිදහස් වන විට, අපේ රටේ නීතියේ ආධිපත්‍යය මෙන්ම පොදු මිනිසාගේ හෘද සාක්ෂියද එකවර බිඳ වැටුණි.
- මේ ඛේදවාචකයේ ගොදුර බවට පත්ව ඇත්තේ දරිද්‍රතාවයේ පතුලටම ඇද වැටුණු, අඟහිඟකම් මැද හුස්ම ගන්නා පවුලක දොළොස් හැවිරිදි මල් කැකුළකි.

- ආගමික නායකයෙකු කෙරෙහි තැබූ අහිංසක විශ්වාසය කෙලෙසමින්, දින තුනෙන් තුනට ගෙන්වා ගනිමින් ඇයව දීර්ඝ කාලීනව මෘග ලෙස ලිංගික අපයෝජනයට ලක් කර තිබුණි.

- අපරාධයෙන් පසු රුධිරය තැවරුණු ඇගේ යට ඇඳුම් පවා පොළොවේ වළදමා තිබූ බව අධිකරණ වෛද්‍ය පරීක්ෂණවලින් සනාථ වෙද්දී, ඒ නින්දිත අපරාධයේ තරම සිතාගත හැකිද?

- ආවාස ගෙයි අපරාධය සිදු වූ කාමරය, එහි තිබූ භාණ්ඩ සහ තමන්ගේ කඳුළු සහ ලේ පිසදැමූ පාපිස්ස පවා ඒ අහිංසක දැරිය විසින් නිශ්චිතවම හඳුනාගෙන තිබුණි.

- එහෙත්, යුක්තිය ඉල්ලා හඬා වැටෙන ඒ දරුවාට සහ ඇගේ මව්පියන්ට අද ඉතිරිව ඇත්තේ බලවතුන්ගේ තර්ජන සහ සමාජයේ රවා බැලීම් පමණි.

- මෙය හුදෙක් තනි අපයෝජන සිද්ධියක් නොවේ..

- මෙරට නීතිය ක්‍රියාත්මක කරන ආයතනවල නිරුවත සහ දෑස් අන්ධ වී ඇති ආකාරය පෙන්වන කැඩපතකි.

- ජාත්‍යන්තර ළමා අයිතිවාසිකම් පවා උපුටා දක්වමින් නීතිඥ සජීවනී පෙන්වා දුන්නේ, නිශ්චිත සාක්ෂි සහ දුරකථන ඇමතුම් අසූ හතරක විශ්ලේෂණ වාර්තා තිබියදීත්, පොලිසිය සැකකරු අත්අඩංගුවට ගැනීම හිතාමතාම ප්‍රමාද කළ බවයි.

- සැකකරුවෙකු අත්අඩංගුවට ගැනීමට "කෙවිටක් ගෙන පොලිසිය පසුපස යාමට" ළමාරක්ෂක අධිකාරියට සිදු වීම කෙතරම් ලැජ්ජාසහගතද?

- බලය සහ සිවුර ඉදිරියේ නීතිය රකින ආයතන දණ නමා වැඳ වැටෙන අප්පිරියා සහගත දර්ශනය මින් මනාව පැහැදිලි වේ.

- සමස්ත සමාජයක්ම නිහඬව, බියෙන් ගැහෙමින් බලා සිටි මොහොතක, තනිව පෙරමුණ ගත් මේ නිර්භීත රාජ්‍ය නිලධාරිනියට අධිකරණයෙන් පිටතදී හිමි වූයේ කුමක්ද?

- අගය කිරීම් වෙනුවට ඇයට ලැබුණේ නින්දිත මඩ ප්‍රහාරයන්ය.

- කීර්ති රත්නායක වැනි පුද්ගලයන් මුදල් හා බල ව්‍යාපෘති වෙනුවෙන් සජීවනී අබේකෝන් මහත්මියගේ වෘත්තීය සහ පෞද්ගලික ජීවිතයට එල්ල කළ සයිබර් ප්‍රහාරයන්, නීතියේ සෘජු බව හමුවේ වියරු වැටුණු නින්දිත බලවේගවල හැසිරීම් මිස අන් කිසිවක් නොවේ.

- බලය, ධනය සහ ආගමික සළුපිළිවලට මුවා වී අපරාධකරුවන් රකින මෙවැනි නින්දිත පද්ධතියක් තුළ, තනිව සටන් වදින අවංක නිලධාරීන්ව ආරක්ෂා කරන්නට රජය හෝ වගකිවයුතු ආයතන මැදිහත් නොවන්නේ මන්ද?

- අපි අද මේ දෙස බලා නිහඬව සිටිමු. නමුත් එකක් මතක තබා ගන්න⚠️

- සජීවනී වැනි එඩිතර, කොන්දක් ඇති නිලධාරිනියන් මේ පීඩනය සහ කලකිරීම දරාගත නොහැකිව පද්ධතියෙන් සමුගන්නා දවසක් නුදුරේදීම පැමිණෙනු ඇත.

- එදාට, මේ දූෂිත සමාජයේ තිරිසනුන්ගේ බිලිගැනීමට නියමිත ඊළඟ අසරණ ගොදුර, ඔබේම ලේවලින් උපන් ඔබේම දරුවා විය හැකි බව කිසිදා අමතක නොකරන්න!

Disclaimer: This article is written solely for the purpose of public interest, legal reporting, and raising social awareness regarding child protection. It contains strictly factual and analytical commentary on a high-profile legal proceeding. This content does not feature, promote, or validate any form of sexual misconduct, abuse, or child sexual exploitation. The sole intent is to highlight the courage of public officials fighting for justice within the legal framework.
゚ ゚viralシ
#පල්ලේගමහේමරතන #සජීවනීඅබේකෝන් #අටමස්ථානයට
උපුටා ගැනිමකි

මා දුටු පල්ගලේම වනචරයා
අටමස්ථානයේ සුනඛයා

කතාව පටන් ගන්නේ මීට අවුරුදු පහකට පෙර ශ්‍රී ලංකා ගුවන් විදුලි සංස්ථාවේ රජරට සේවයෙනි.

ගුවන් විදුලි සංස්ථාවේ රජරට සේවයෙන් රුවන්වැලි සෑය අසල පිරිත් සජ්ඣායනාවක් පැවැත්විණි.
එකල ගුවන්විදුලි සංස්ථාවේ අධ්‍යක්ෂ ජනරාල්වරයා විසින් මටද අප වීඩියෝ මාධ්‍ය කණ්ඩායමටද එම අවස්ථාව ආවරණය කර දෙන මෙන් නිල ඉල්ලීමක් සිදුකර තිබුණි.
ප්‍රවාහන සහ නවාතැන් පහසුකම් ද ශ්‍රී ලංකා ගුවන් ස්ථාවේ අධ්‍යක්ෂ ජනරාල් වරයා විසින් පුද්ගලිකවම අප වෙත ලබා දුන් බැවින්
රුවන්වැලි සෑය අබියස වැඩසටහන ආවරණය කිරීම සඳහා අප කොළඹින් පිටත්වීමු.

රුවන්වැලි සෑය අසල ඩ්‍රෝන කැමරා දර්ශන කීපයක් ලබා ගැනීමට තිබූ බැවින් ශ්‍රී ලංකා ගුවන් හමුදාවෙන් හා එවකට සිටි පොලිස්පතිවරයාගෙන් ලිඛිත අවසරයක්ද ලබා ගැනීමට කටයුතු කළෙමි.

පිරිත් සජ්ඣායනාවඅස්සේ අප ඩ්‍රෝන යානය ගුවන් ගත කළෙමු. රුවන්වැලි සෑය කෙලවලේ ස්වාමීන් වහන්සේ නමක් අඳුරේ කාන්තාවක් බදාගෙන සිටිනු ඩ්‍රෝන ක්‍රියාකරු දැක තිබුණි.
ඩ්‍රෝන යානයේ විදුලිය ආලෝකය ඒ හාමුදුරුවෝද දකින්නට ඇත. විනාඩි කිහිපයක් තුළ අප ඩ්‍රෝන ක්‍රියාකරු වෙත පාතේගම වනචරයා මෘගයෙක් සේ කඩා පැන අතින් පයින් පහර දෙන්නට විය.
වහාම ඩ්‍රෝන යානය බිමට පාත් කරන ලෙසත් එහි පටිගත කළ මෙමරි උපාංගය ඔහු වෙත ලබාදෙන ලෙසත් තර්ජනය කරන ලදී. තවත් රුවන්වැලිසෑයේ සිටි මැරයෝද පොලිස් නිලධාරින් කිහිප දෙනෙක්ද ඔහු කැඳවූ අතර මා වහ වහා පොලිස්පතිවරයා සහ ගුවන් හමුදාව විසින් ලබා දුන් අවසර පත පල්ගලේම වනචරයාට ලබාදුනෙමි. අනිවාර්යයෙන්ම අනඳ රැගුම පටිගත වී තිබීම හේතුවෙන් පල්ලේගම අවසර අවශ්‍ය නොවීය.
පොලිස්පතිවරයාගේ අවසරය දුටු පොලිස් නිලධාරීන් මඳක් පසුබා සිටි අතර කෙට්ටු උසැති සාමණේර නමක්ද මට පහර දීමටද පැන්නාය. සුදු පැහැති ඩෙනිමක් ඇඳගත් අවුරුදු විසිපහක් යයි සිතියය හැකි තරුණියක්ද හාමුදුරුවන්ගේ මැර පිරිස විසින් ඊට මඳක් ඔබ්බෙන් ඉවත් කරගන්නා අයුරුද අප දුටුවද පාතේගමගේ බලය හමුවේ අප අසරණ විය.
ගුවන්විදුලි සංස්ථාවේ අධ්‍යක්ෂ ජනරාල්වරයාත් අනෙකුත් නිලධාරිනුත් අප බේරාගැනීමට ගැනීමට ඉදිරිපත් වුවද කිසිසේත් එය කළ නොහැකි බව මේ චීවරධාරියා පැවසුවේ වෙවුලමිනි.
පසුව එකල අටමස්ථානාධිපති සිටි නායක ස්වාමීන් වහන්සේට මා දුරකථනයෙන් අමතා සිදුවූ විපත පැවසූයේ විහාරස්ථානයේ වෙනත් පණ්ඩිත ස්වාමීන් වහන්සේ නමක් වෙත උන්වහන්සේ දුන් නියෝගයකට අනුව මේ දුෂ්ඨ අමන පාපතර චීවරධාරියාගෙන් අප ඩ්‍රෝන යානය ලබා ගත්තද සියලුම පටිගත කිරීම් මකාද අමා තිබුණි.
මේ භික්ෂුව සාසනයට කළ මඟුලක් නැත.හොර ගෑනු පොර අඹුවන් මදි වාට මේ පාර මේකා කුඩා දැරියෙකුගෙනුත් සැප ගෙන ඇති බව ඔප්පු වී හමාරය.

අහිංසක බැතිමතුන් පූජා කරන අටපිරිකර වේයෝ කන තරමට තබා මුදලාලිලාට විකුණා මේ හොර ගණ ගෙඩියා ලබාගත් මුදල් අපමණය. කොළඹ පැත්තේ ගැහැණියක ලවා මුදල් පොලියට දෙන ආයතනයක් ද පවත්වාගෙන යන බව සමහරු වටින් ගොඩින් පැවසුවද අටමස්ථානාධිපතිව දැන් මිනිසුන් සූරා කන මේ ගෑනු හොරාට විරුද්ධව කතා කිරීමට අනුරාධපුරේ අහිංසක වැසියන්ට හැකියාවක් නැත.

තවත් අහිංසක දැරියන් ගැහැණුන් කී දෙනෙක් මේ සිවුර පොරවා ගත් හොර වනචරයා විනාශ කර ඇත්ද.සිවුර ගලවා වෘෂණ කෝෂ මිටියකින් තැලිය යුතු වල් පරයා තවත් කෙලෙස සැඟවී ඉන්නද.වහාම නීතිය ක්‍රියාත්මක කළ යුතුයි.
බුද්ධ ශාසනයට වින කටින මේ තිරිසනා හාමුදුරු නමක් නොව තිරිසනෙකු බව මා දැනගත්තේ මීට වසර පහකට කලිනි. අස්වාභාවික ලිංගික ආශාවකින් පෙළෙන මේ මොංගල් චරිතය මීට වසර ගණනාවකට පෙර මියගිය විජය මෛත්‍රී නැමැති හාමුදුරුවන්ගේද සහාය ඇතුව කඩවත පැත්තේ තරුණියක් පන්සලට ගෙන්වා ගෙන එළිවනතුරු වේවැල් පහර දුන් බවද මා දැනසිටියද අද වන විට විජය මෛත්‍රී ද එම තරුණියද මෙලොව හැර ගොස් ඇති බැවින් නිහඬව සිටියෙමි.මේ මිනිසාට සුදුසු දඬුවම් දී අර අහිංසක දැරියටත් වී ලෙන අහිංසක අනුරාධපුරේ මිනිස්සුන්ටත් සාධාරණය ඉටු ඉටු කර දෙන මෙන් සියලු බලධාරින් ඉල්ලා සිටිමි.
පාපතර අටමස්ථානාධිපති මහල්ලා අපායට යැවීම ස්වභාවධර්මය සිදු කරනු ඇත

මාධ්‍යවේදී සාගර සම්පත් ජයසිංහ

උපුටා ගැනීමකි,කතෘ අයිතිය මුල් හිමිකරුට
#අටමස්ථානයට

මේදිනවල කථානායක පල්ලේගම හේමරතන හිමියන්ට සිදුවූ අසාධාරණය වෙනුවෙන් ලියැවුණු කවි පෙළට ප්‍රතිචාර වශයෙන් තවත් පිළිතුරු කවි පෙළක් ගලා එමින් පවතී. අප වෙත ලැබුණු එම අපූර්ව පිළිතුරු කවි කිහිපයක් මෙන්න.................................................................

සසරේ කරුම මතුවන බව දන්නවද
එතරම් පවක් පෙර සසරෙත් කෙරුවාද
කැකුලක් තලා බලෙන්ම රොන් බිව්වාද
මෙවැනි මත් බඹරු සසුනට සුදුසුයිද

ලෝකය තැබූ විශ්වාසය පළුදු වුණා
පෙර කරුමෙකට හතුරෙක් ඇගේ අම්මා වුනා
මුදලට නොවිකිනෙන මිනිසෙක් සරණ වුණා
කට උත්තර නැතුව හිමියන් පදිරි වුණා

බොරුවක් කීවා නම් ඇය පව්කාර කටින්
ඇගේ රෙදි පිළිදි ලැබුණේ ඇයි පොළව යටින්
කතා කරන්නට හැකි නම් දුටුව දසුන්
පාපිස්සත් කියයි හම්බුන ඇඳට යටින්

පොලිසිය උසාවිය නිහඬව සිටියාට
තතු දත්තන් පැමිණ තිබුණා ඉදිරියට
ගැලවෙන්නට බැරිම තැන රෝගී වූවාට
ඇප ලද සැනෙන් සවි ලැබුනා ඉගිලෙන්ට

නිවන්නට ඇතත් දහසක කුසේ ගිනී
කැකුලක් දුටු මතින් කය ඇවිලෙන්ට වුනි
සසරේ පුරුදු ගති ඉබේම පහළ වුනි
කිරි සුවඳ වත් මුව මඬලක් බිල්ල වුනි

ඇයට වූ විපත ඇය පමණයි දන්නේ
ඇමතුම් අසූ අටකින් එය හෙළි වන්නේ
ලොකු සාදුගේ කීමයි සැම පිළිගන්නේ
නීතියේ පිහිට සොයමින් ඇය ලත වෙන්නේ

දැනගෙන සිටියා නම් සසරෙහි ඇති දෝස
ලඳුනට කුමට පෑවද ඔබ මද හාස
මින් පෙර නො විසඳුනු යට ගිය නඩු ඝෝෂ නැවතත් කරළියට එයි කරමින් අපහාස

කිසි වෙනසක් නැතුව ලෙන්ගතුකම පෙන්නූ
ඒ සැමගේම කිල්ලොට වල ඇතිය හුණු
වරදට තරාතිරමක් නැති බව පෙන්නූ
මහ සඝරුවන අපි නමදිමු බැති පෙමිනූ

රෝහල් බිමේ නිදි නැති බව කී වාට
නිදියනු කෙලෙස රහසක් එළිවූ දාට
රැකවල් සැදූ මුදලට යට වූ කාට
සාපය වැදෙයි මේ පව ඵල දුන් දාට

මුදලට කහින අය ලෙස ඔබ අමතන්නේ
නිවැරදි පැත්තේ සිට ගත් අයටයි සසුනේ
මුදලට පෙනී සිටි ලෝයර් මහතුන්නේ
එක ගැහැණියක් සමගයි ඔබ හැප්පෙන්නේ

පරදා හිතවතුන් සත්‍යය ජයගත් දාට
සාධාරණය යුක්තිය ඉටු වෙයි ඇයට
නීතියේ දෙවඟනට ඇස් නොපෙනුන පවට
සැමවිට තරාදිය බර වුනි එක් පසට

පැවිදිව පනස් අට වසරක් ගෙව්වාලු
දෛවය නොසිතාම සරදම් කෙරුවාලු
කළ කම්පල දෙන බවත් දැනගෙන සිටියාලු
තිගැස්සෙන්න හේතුව එහි ඇත යාලූ

-ඉමා

මට පොඩිකාලෙ ඉදන් කවියක් දැක්කාම ඒකට පිළිතුරු කවියක් ලිවීමේ පුරුද්දක් තිබුනා.
පහල ෆොටෝ එකේ හේමරතන හාමුදුරුවෝ තම සිතුවිලි සහ නිර්දෝශීභාවය කවි පද වලින් සමාජගත කරලා තියෙනවා දැක්කා.
ඉතින් මට හිතුනා, අර ගෑනු දරුවා වෙනුවෙන් ඒ කවි වලට පිළිතුරු කවි ටිකක් ලියන්න.
(වැරදි ඇතොත් සමා වෙන්න -Imali Madanayaka)
-----------------------------------
තවත් අප වෙත පැමිණි කවි...

ලෝක ඔබ කෙරෙහි තැබුවත් විස්වාසේ
විපතක් කළා ළදැරියකට හොර රහසේ
සිටියත් දරා බියවී ඇය ගොළුවූසේ
ඔබටම කෙළවුනා පෙර කරුමය විලසේ
-----------------------------------

බුදු සසුනේ මුල් පුටුවේ ඉඳගත්තේ.
පොඩි මල් කැකුළු තලලයි නිවනක් හෙව්වේ....
හෙන ගහනවා තොට මේ කල පවට භවේ..
හක්කේ බුදුරැස් විහිදා දඩ මස් ගිල්ලේ...
බුදු දහමයි ලොව ඇති පිවිතුරු දහම.
එය නැති කරනට පැමිනෙයි ගොබ්බ රැල.
ගිහියො නෙවෙයි පව් කෙරුවේ සෑම දින
හැර පලයං සිවුර ගනයෝ අපායට.
-----------------------------------
නුඹ වහන්සෙ පමණයි කල දෙය දන්නේ
දියණිය කෙලෙසු බව ඇය පමණයි දන්නේ
කල කම් සව්සතගෙ තුඩ තුඩ රැව්දෙන්නේ
අවසන් නඬුව යම රජු වේ වමසන් නේ
-----------------------------------

කිරි බෝතලය හැලුනේ ඇද පාමුලට
ඒ මත වැටුනේ දැරියගේ උණු කඳුළු කැට
සමනල් යුගය සැණෙකින් බිඳ දැවුව තොට
සත්තයි යන්ට වෙයි ගිනි දැල් අපායට

ලීවත් ගොතා පදවැල් බරකර සාර
කැකුලක් තලා කල විගඩම පව්කාර
කළකම් පල දිදී දසතින් මඩ පහර
පල්ලේගම වසා ගති නිවනට පාර
-----------------------------------

83 ක් කෝල් කළා ඌ නොදනී
කෙල්ලෙක් ඇඳේ හිටියාලූ මූ නොදනී
සල්ලිත් මලු ගණන් දුන්නා ඌ නොදනී
මළ සමයං කතා බල්ලගෙ කවුරු දනී?
-----------------------------------

දරමින් පඩු සිවුරැ සිනිදු
ඉදිමින් මහ අරම් මහගු
බුදිමින් බොජු ගත පිනවන
වැජෙබෙති උහු සැම මැඩ ගෙන

මිළට ගෙන කැකුළියක
දුප්පත්වු ඇගෙ මවෙන්
කෙළෙසුයෙ විටින් ටිට
දමා මහ බෝ සමිදු අබියස

මුවහ වි සිවුරෙ බලයට
කෙළෙසන යුක්ති දෙව්දුව
මුලා කරමින් මෝහ දන
අරා වැජබෙති අට අරම තුළ

පුරා කෙළ කප් සිය ගණන් පාරමි
බුදු ව පිහිටෙව් සසුන අප මුනි
දරා වනසන යකුන් මනු වැනි
කරව් පිළිකෙව් නොබිය පසුබට
-----------------------------------

හැත්තෑ වියැති වියැකුණු කුණු ශරීරෙට
සැප හෙව්වේ කාමය පිරි හදවතට
වයස දොලහෙ දැරියක් කෙලසූ පවට
යම රජු පලයි දිනකදි ඔබ හතරකට

කාමය කලාවක් කරගෙන උජාරුවෙන්
වැදි බණ දෙසනවා වහගෙන කහ සිවුරෙන්
අතීතයේ සිට කලු ලප ඔබේ නමින්
කාමය පිරිණු ඔබ ගැන ඔබ අසනු හදින්
-----------------------------------
#අටමස්ථානයට

උඩමළුවේ මහ කපු උන්නැහේ දේවාශිර්වාදය ඉල්ලුවේ මීමින්නන් සහ ගල් ඉබ්බන් මරාද?"

කපුවාගේ මහතාගේ ‘සැඟවුණු කුස්සිය’

- ඓතිහාසික අනුරාධපුර ජය ශ්‍රී මහ බෝධීන් වහන්සේගේ ප්‍රධාන කපු මහතා සන්තකයේ තිබී වනජීවී නිලධාරීන් විසින් සොයාගත් මෙරට ආරක්ෂිත වන සතුන්ගේ මස්, ජීවී ගල් ඉබ්බන් සහ දුර්ලභ ඉබි බිත්තර තොගය සම්බන්ධයෙන් වන විමර්ශන මේ වන විට දැඩි මුහුණුවරක් ගෙන තිබේ.

- "මේ සියල්ල ළඟ තබාගෙන සිටියේ පූජාවකට" යැයි සැකකාර කපු මහතා වෙනුවෙන් පෙනී සිටි ජනාධිපති නීතිඥවරයා අධිකරණයේදී කරුණු දැක්වූ අතර, වනජීවී නිලධාරීන් පෙන්වා දෙන්නේ සැකකරු මේ හරහා විමර්ශන මඟහැරීමට පරස්පර ප්‍රකාශ සිදුකරන බවයි.

- මැයි 26 දින අනුරාධපුර අතිරේක මහේස්ත්‍රාත් දසුනි හපුආරච්චි මහත්මිය හමුවේ මෙම නඩුව කැඳවූ අවස්ථාවේදී, සිද්ධියට අදාළ විද්‍යාත්මක සාක්ෂි රැසක් අධිකරණයට ඉදිරිපත් කරන ලෙස නියෝග කෙරිණි.

- සැකකරු සන්තකයේ තිබී අත්අඩංගුවට ගත් ගෝන මස්, කබල්ලෑ මස්, මී මින්නා මස්, ඉබි මස්, ඉබි බිත්තර 14ක්, ජීවී ගල් ඉබ්බන් 6 දෙනෙකු සහ ඇත්දළවලින් සැකසූ වළලු (පළඳනාව) සම්බන්ධයෙන් වෙන් වෙන් වශයෙන් විශේෂඥ වාර්තා ඉදිරිපත් කරන ලෙස ජාතික සත්වෝද්‍යාන අධ්‍යක්ෂවරයාට නියෝග කෙරිණි.

- සැකකාර කපු මහතාගේ ජංගම දුරකථනයට ලැබුණු සහ ඉන් ලබාගත් ඇමතුම් විශ්ලේෂණය කර වාර්තාවක් දෙන ලෙස අදාළ දුරකථන සමාගම්වලට නියෝග කෙරිණි.

- වැටලීම සිදුකරන අවස්ථාව වීඩියෝ ගත කළ වනජීවී නිලධාරීන්ගේ ස්මාර්ට් ජංගම දුරකථනය රජයේ රස පරීක්ෂකවරයා වෙත යොමු කර වාර්තාවක් කැඳවීමට ද පියවර ගෙන ඇත.

- සැකකාර කපු මහතා වෙනුවෙන් පෙනී සිටි ජනාධිපති නීතිඥ අනූජ ප්‍රේමරත්න මහතා අධිකරණය හමුවේ කියා සිටියේ, මෙම සත්ව මස් සහ ඉබ්බන් සැකකරු වෙත වෙනත් පිටස්තර පාර්ශවයක් විසින් ලබා දුන් ඒවා බවත්, ඒවා ළඟ තබාගෙන සිටියේ විශේෂ පූජාවක් සඳහා බවත්ය.

- කෙසේ වෙතත්, පැමිණිල්ල වෙනුවෙන් පෙනී සිටි රිටිගල වනජීවී කාර්යාලයේ අඩවි ආරක්ෂක ඩී. රාමසිංහ මහතා ඊට දැඩි ලෙස විරෝධය පළ කළේය.

- ඔහු පෙන්වා දුන්නේ මරාදැමීම තහනම්, දුර්ලභ සතුන් සන්තකයේ තබා ගැනීම සම්බන්ධයෙන් සැකකරු දිගින් දිගටම පරස්පර ප්‍රකාශ සිදුකරන බවයි.

- මීට පෙර නඩු වාරයකදී අඩවි ආරක්ෂකවරයා අධිකරණය හමුවේ විශේෂ අනාවරණයක් කරමින් කියා සිටියේ, බෞද්ධ ජනතාව ශ්‍රී මහ බෝධියට පූජා කරන මුදල්වලින් සැකකරු අතිවිශාල ධනවතෙකු වී ඇති බවයි.

- එම ධන බලය සහ දේශපාලන හෝ ඉහළ සබඳතා භාවිත කරමින් ඔහු විමර්ශන නිලධාරීන්ට බලපෑම් කිරීමට සහ සාක්ෂි විකෘති කිරීමට උත්සාහ දරන බවට ද වනජීවී අංශ චෝදනා කළේය.

- මෙලෙස ඇප මත මුදාහැර සිටින්නේ අනුරාධපුර විහාරපාලුගම, විහාර කල්ලංචිය ප්‍රදේශයේ පදිංචි ‘මංජු’ නොහොත් ‘බෝධියාගේ ජයවර්ධන’ නමැති 50 හැවිරිදි ජය ශ්‍රී මහ බෝධියේ ප්‍රධාන කපු මහතා ලෙස කටයුතු කරන පුද්ගලයාය.

- පැමිණිල්ල වෙනුවෙන් රිටිගල වනජීවී නිලධාරීන් පෙනී සිටි අතර, සැකකරු වෙනුවෙන් ජනාධිපති නීතිඥ අනූජ ප්‍රේමරත්න, නීතිඥ මදාරා විජේසිංහ සහ නීතිඥ ජයලත් අබේසිංහ යන මහත්ම මහත්මීහු පෙනී සිටියහ.

- සිද්ධිය සම්බන්ධයෙන් වන සම්පූර්ණ විමර්ශන වාර්තාවක් මීළඟ නඩු වාරයේදී ඉදිරිපත් කරන ලෙස වනජීවී අංශවලට නියෝග කළ අතිරේක මහේස්ත්‍රාත්වරිය, නඩුව නැවත ලබන අගෝස්තු මස 07 වනදා කැඳවීමට නියම කළාය.
#අටමස්ථානයට