Rapid Point Media

2026 අ.පො.ස. උසස් පෙළ විභාගයට සහ 5 ශ්‍රේණි ශිෂ්‍යත්ව විභාගයට මුහුණ දෙන සියලුම ශිෂ්‍ය ශිෂ්‍යාවන්ට අපගේ උණුසුම් සුබ පැතුම්! ❤️📚

ගංවතුර අවදානමක් තුළ සුරතල් සතුන් පිළිබඳවත් අවධානය යොමු කරන්න!

ඔබගේ සහ පවුලේ ආරක්ෂාවට සූදානම් වන අතරම, ඔබේ නිවසේ ඇති අහිංසක සුරතල් සතුන් සහ අනෙකුත් සතුන් පිළිබඳවත් අමතක නොකරන්න.

ගංවතුර තත්ත්වයක් ඇතිවීමට පෙර ඔවුන් දම්වැල්වලින් හෝ කූඩුවල හිරකර තැබීමෙන් වළකින්න.

හැකි නම් ආරක්ෂිත ස්ථානයකට රැගෙන යන්න. එය කළ නොහැකි නම්, ජීවිතය බේරාගැනීමට හැකි වන පරිදි නිදහසේ ගමන් කළ හැකි ලෙස තබන්න.

ඔබගේ එක් කුඩා තීරණයක් අහිංසක ජීවිතයක් බේරාගැනීමට හේතුවක් විය හැකිය.

ඔබත් සුරකින්න... ඔවුන්වත් සුරකින්න. 🤝🐾

කැලණි ගඟ ආශ්‍රිතව මහ ගංවතුර අවදානමක්. ජනතාවට විශේෂ අනතුරු ඇඟවීමක්
03.08.2026

ඉදිරි පැය 24ක කාලය තුළ කැලණි ගඟ ආශ්‍රිතව මහ ගංවතුර තත්ත්වයක් ඇතිවිය හැකි බවට වාරිමාර්ග දෙපාර්තමේන්තුව අනතුරු ඇඟවා තිබේ.

එම දෙපාර්තමේන්තුව නිකුත් කළ නිවේදනයට අනුව, කැලණි ගඟ ද්‍රෝණියේ ඉහළ හා මධ්‍යම ධාරා ප්‍රදේශවලට මේ වන විට දැඩි වර්ෂාපතනයක් ලැබෙමින් පවතින අතර, එම වර්ෂා තත්ත්වය තවදුරටත් පවතිනු ඇති බව සඳහන් කරයි.

ඒ අනුව, දෙහිඕවිට, රුවන්වැල්ල සහ යටියන්තොට ප්‍රාදේශීය ලේකම් කොට්ඨාසවලට අයත් කැලණි ගං නිම්නයේ පහත්බිම් ප්‍රදේශවල මහ ගංවතුර තත්ත්වයක් ඇතිවීමේ ඉහළ අවදානමක් පවතින බව වාර්තා වේ.

මෙම තත්ත්වය හේතුවෙන් කැලණි ගඟේ ජල මට්ටම ඉතා කෙටි කාලයක් තුළ සැලකිය යුතු ලෙස ඉහළ යා හැකි බැවින්, ගඟ ආශ්‍රිත පහත්බිම්වල පදිංචිකරුවන් සහ එම ප්‍රදේශ හරහා ගමන් කරන රියදුරන් දැඩි අවධානයෙන් කටයුතු කරන ලෙස වාරිමාර්ග දෙපාර්තමේන්තුව ඉල්ලා සිටී.

නිලධාරීන් විසින් නිකුත් කරන නිල දැනුම්දීම් පිළිපදිමින් අවශ්‍ය ආරක්ෂිත පියවර ගන්නා ලෙසද ජනතාවට දැනුම් දී ඇත.

For more information:
https://chat.whatsapp.com/Dqf8tK2idw6HRkYtiEqvkJ

මහවැලි ගංගා ආශ්‍රිතව ගංවතුර අනතුරු ඇඟවීම්
03.08.2026

වාරිමාර්ග දෙපාර්තමේන්තුව විසින් මහවැලි ගංගා පහත්බිම් ප්‍රදේශ සඳහා ගංවතුර අනතුරු ඇඟවීමක් නිකුත් කර තිබේ.

මෙම අනතුරු ඇඟවීම 2026 අගෝස්තු 4 වන දින පෙ.ව. 12.30 දක්වා වලංගු වේ.

පසුගිය පැය කිහිපය තුළ මහවැලි ගංගාවේ ඉහළ ජලග්‍රාහී ප්‍රදේශවලට ඇද හැලුණු අධික වර්ෂාව හේතුවෙන් ඉදිරි පැය 24 තුළ පහත්බිම් ප්‍රදේශවල ගංවතුර තත්ත්වයක් ඇතිවීමේ අවදානමක් පවතින බව වාර්තා වේ.

අදාළ ප්‍රදේශවල ජනතාව අවධානයෙන් සිටින ලෙසත්, අවශ්‍ය ආරක්ෂක පියවර ගන්නා ලෙසත්, බලධාරීන්ගේ උපදෙස් පිළිපදින ලෙසත් ඉල්ලීමක් කර ඇත.

For More Updates:
https://chat.whatsapp.com/Dqf8tK2idw6HRkYtiEqvkJ

Congratulations to Spain on becoming the FIFA World Cup 2026 Champions! 🏆🇪🇸

A remarkable journey with outstanding teamwork and a well deserved victory. Wishing the champions continued success on the world stage.

🏆

හමීඩ් අල් හුසේනී විද්‍යාලයේ ප්‍රාථමික ශිෂ්‍ය ප්‍රදර්ශනය සාර්ථකව පැවැත්විණි.

කොළඹ හමීඩ් අල් හුසේනී විද්‍යාලයේ ප්‍රාථමික අංශය සංවිධානය කළ “Little Innovators Expo 2026” ප්‍රාථමික ශිෂ්‍ය ප්‍රදර්ශනය 2026 ජූලි 07 වන දින විද්‍යාල පරිශ්‍රයේදී සාර්ථකව පැවැත්විණි.

විදුහල්පතිනි ශ්‍රීමති එන්. ශානියා මහත්මියගේ මඟපෙන්වීම යටතේ පැවති මෙම ප්‍රදර්ශනයේ ව්‍යාපෘති භාර නිලධාරිනිය ලෙස ප්‍රාථමික නියෝජ්‍ය විදුහල්පතිනි එම්. එච්. එෆ්. මුස්නියා මහත්මිය කටයුතු කළාය.

මෙම අවස්ථාවේ ප්‍රධාන ආරාධිත අමුත්තා ලෙස කොළඹ මධ්‍යම කලාප අධ්‍යාපන අධ්‍යක්ෂ ශ්‍රීමති ඩිස්නා දිසානායක මහත්මිය සහභාගී වූ අතර, විශේෂ ආරාධිත අමුත්තන් ලෙස මහත්මා එම්. බාෆික් (ISA), මහත්මා බී. එච්. එම්. රිසාන් (හමීඩ් අල් හුසේනී විද්‍යාලයේ හිටපු සහකාර විදුහල්පති), මහත්මා පාලිත ජයසේකර (ISA – ප්‍රාථමික සිංහල මාධ්‍ය) සහ ශ්‍රීමති පී. නල්ලම්මා (ISA – ප්‍රාථමික දමිළ මාධ්‍ය) මහත්ම මහත්මීන් එක්ව සිටියහ.

ප්‍රාථමික සිසුන් විසින් නිර්මාණය කරන ලද නව්‍ය හා අධ්‍යාපනික වටිනාකමකින් යුත් ප්‍රදර්ශන භාණ්ඩ රැසක් මෙහිදී ප්‍රදර්ශනය කෙරුණු අතර එමඟින් ඔවුන්ගේ නිර්මාණශීලීත්වය දැනුම සහ ප්‍රායෝගික කුසලතා ප්‍රදර්ශනය කිරීමට අවස්ථාව උදා විය.

ප්‍රාථමික අංශයේ ගුරු මණ්ඩලයේ කැපවීමෙන් මෙම ප්‍රදර්ශනය සංවිධානය කර තිබූ අතර දෙමාපියන්ගේ පූර්ණ සහයෝගයද එහි සාර්ථකත්වයට මහඟු දායකත්වයක් ලබා දුන්නේය.

සිසුන්ගේ දක්ෂතා, ආත්ම විශ්වාසය සහ ඉදිරිපත් කිරීමේ හැකියාවන් වර්ධනය කිරීමට මෙම ප්‍රදර්ශනය මහත් රුකුලක් වූ අතර දෙමාපියන්, ගුරුභවතුන්, ආරාධිත අමුත්තන් සහ පාසල් ප්‍රජාවගේ ඉහළ ඇගයීමට ලක් වූ “Little Innovators Expo 2026” හමීඩ් අල් හුසේනී විද්‍යාලයේ තවත් සුවිශේෂී අධ්‍යාපනික අවස්ථාවක් ලෙස සටහන් විය.

For More Updates;
https://whatsapp.com/channel/0029VamoEJyFSAt0ecFsqx2M

පැය 12කට ජල සැපයුම අත්හිටුවයි!
03.07.2026

නියමිත නඩත්තු කටයුතු හේතුවෙන් 2026 ජූලි 4 වන සෙනසුරාදා හෙට දින පෙ.ව. 9.00 සිට ප.ව. 9.00 දක්වා පැය 12ක ජල සැපයුම් අත්හිටුවන වන බව මහජනතාවට මෙයින් දැනුම් දෙනු ලැබේ.

ජල සැපයුම් අත්හිටුවන ප්‍රදේශ:කොළඹ 01–15, බත්තරමුල්ල, පැලවත්ත, හෝකන්දර, කොස්වත්ත, තලවතුගොඩ, ශ්‍රී ජයවර්ධනපුර කෝට්ටේ, රාජගිරිය, මිරිහාන, මැදවල, නුගේගොඩ, නාවල, කොළොන්නාව, IDH, කොටිකාවත්ත, අංගොඩ, වැල්ලම්පිටිය, ඔරුගොඩවත්ත, කඩුවෙල, මහරගම, බොරලැස්ගමුව, පිළියන්දල, දෙහිවල, මවුන්ට් ලැවීනියා, රත්මලාන, මොරටුව, රාවතාවත්ත, සහ සොයිසපුර.

ජල සැපයුම් අත්හිටුවන ප්‍රදේශවල පදිංචිකරුවන්ට, පෙර සූදානමක් ලෙස ප්‍රමාණවත් ජල ප්‍රමාණයක් ගබඩා කර තබා ගැනීමටත්, බාධා කාලය තුළ ජලය සුරක්ෂිතව හා සීමාසහිතව භාවිතා කිරීමටත් උපදෙස් දෙනු ලැබේ.

නියමිත නඩත්තු කටයුතු අවසන් වීමෙන් පසු ජල සැපයුම ක්‍රමයෙන් යථා තත්ත්වයට පත්වනු ඇතැයි අපේක්ෂා කෙරෙන බව ජාතික ජල සම්පාදන හා ජලාපවහන මණ්ඩලය (NWSDB) පවසයි.

For more information:
https://whatsapp.com/channel/0029VamoEJyFSAt0ecFsqx2M

🛑 එල්-නිනෝ තත්ත්වය නිල වශයෙන් ආරම්භ වී ඇති බව විදෙස් මාධ්‍ය වාර්තා කරයි.

අමෙරිකා එක්සත් ජනපදයේ ජාතික සාගර හා වායුගෝලීය පරිපාලන ආයතනය (NOAA) පවසන්නේ, මධ්‍යම සහ නැගෙනහිර සමකාසන්න පැසිෆික් සාගර ප්‍රදේශයේ මුහුදු මතුපිට උෂ්ණත්වය සාමාන්‍ය අගයට වඩා සෙල්සියස් අංශක 0.5කින් ඉහළ ගොස් ඇති බවත්, එය එල්-නිනෝ තත්ත්වයක් ලෙස සලකන සීමාව ඉක්මවා ඇති බවත්ය.

විද්‍යාඥයින් අනතුරු අඟවන්නේ මෙම වසරේ එල්-නිනෝ තත්ත්වය ඉතා ශක්තිමත් මට්ටමකට, එනම් “දරුණු එල්-නිනෝ” තත්ත්වයක් දක්වා වර්ධනය විය හැකි බවයි. එය ඉතිහාසයේ වාර්තා වූ ප්‍රබලතම එල්-නිනෝ සිදුවීම් අතරට එක්විය හැකි බවද ඔවුහු පෙන්වා දෙති.

මිනිස් ක්‍රියාකාරකම් නිසා ඇති වී ඇති ගෝලීය උෂ්ණත්ව වර්ධනය සමඟ මෙම තත්ත්වය එකට ක්‍රියාත්මක වීම හේතුවෙන්, ඉදිරි වසර (විශේෂයෙන් 2027 දක්වා කාලය) වාර්තාගත ලෙස උණුසුම් වසරක් විය හැකි බව විශේෂඥයෝ සඳහන් කරති.

මේ අතර, ලොව පුරා කාලගුණ රටාවන්හි විශාල වෙනස්කම් ඇතිවීමේ අවදානමක් පවතින අතර, නියඟ, අධික වර්ෂාව, ගංවතුර, උෂ්ණත්ව තරංග සහ කෘෂිකාර්මික ක්ෂේත්‍රයට බලපාන අහිතකර තත්ත්වයන් ඉහළ යා හැකි බවද අනාවරණය වේ.

NOAA වැඩිදුරටත් පවසන්නේ සමකාසන්න පැසිෆික් කලාපයේ සුළං රටාවන්හිද වෙනස්කම් නිරීක්ෂණය වන අතර, එය සාගර උෂ්ණත්වය ඉහළ යාමට වායුගෝලය ප්‍රතිචාර දක්වන පැහැදිලි ලකුණක් බවයි.

ජාත්‍යන්තර කාලගුණ විද්‍යා ආයතන අනතුරු අඟවන්නේ ඉදිරි මාස කිහිපය තුළ ලොව විවිධ ප්‍රදේශවල අයහපත් කාලගුණික සිදුවීම් වැඩිවිය හැකි බවයි.