Special Task Force - Sri Lanka

🇱🇰 හයිටි රාජ්‍යයේ විශේෂ කල්ලි මර්දන මෙහෙයුම් සඳහා පිටත්ව යන ශ්‍රී ලංකා පොලිස් විශේෂ කාර්ය බලකා සහ පොලිස් නිලධාරීන් 185 දෙනෙකුට පොලිස්පතිතුමන්ගෙන් අභිමානවත් සුභාශිංසන! ✨

හයිටි රාජ්‍යයේ ක්‍රියාත්මක විශේෂ කල්ලි මර්දන බලකා (Gang Suppression Force) මෙහෙයුම් සඳහා දායක වීමට නියමිත, අභීත පොලිස් විශේෂ කාර්ය බලකා සහ පොලිස් නිලධාරීන් 185 දෙනෙකු වෙත උපදෙස් ලබා දී ආශීර්වාද පිරිනැමීම 2026 ඔක්තෝබර් 06 වන දින සවස කටුකුරුන්ද පොලිස් විශේෂ කාර්ය බලකා පුහුණු පාසලේදී, පොලිස්පති ප්‍රියන්ත වීරසූරිය මහතාගේ ප්‍රධානත්වයෙන් අතිශය අභිමානවත් අයුරින් සිදු කෙරිණි.පොලිස්පතිතුමන්ගේ ප්‍රධානත්වයෙන් පැවති මෙම උත්සවයේදී, විශේෂ කාර්ය බලකායේ වීර පුතුන් විසින් එතුමන් වෙත අභිමානවත් සම්මාන පෙළපාලියක් පුද කරන ලද අතර, ජාත්‍යන්තර මට්ටමේ දැවැන්ත මෙහෙයුමකට දායක වන මෙම දූත පිරිස සමඟ එතුමා අනුස්මරණීය සමූහ ඡායාරූපයකටද පෙනී සිටියේය.

මෙම අභීත කණ්ඩායම සඳහා විශේෂ කාර්ය බලකායේ දක්ෂ නිලධාරීන් 174 දෙනෙකු සහ පොලිස් වෛද්‍ය කොට්ඨාසයේ වෛද්‍යවරුන් 02 දෙනෙකු ඇතුළු පොලිස් නිලධාරීන් 11 දෙනෙකු ඇතුළත් වේ. මොවුන් කණ්ඩායම් තුනක් යටතේ (කණ්ඩායම් 02ක් මෙම මස තුළදී සහ තවත් කණ්ඩායමක් නොවැම්බර් මාසයේදී) හයිටි රාජ්‍යය බලා පිටත්ව යාමට නියමිතය.
ජාතියේ නාමය ලෝකය ඉදිරියේ බැබළවීමට සහ ජාත්‍යන්තර ආරක්ෂක මෙහෙයුම් සඳහා එක්වන අපේම රටේ රණවිරුවන්ට මේ ගමන සාර්ථක වීමට හදපිරි සුභ පැතුම් එකතු කරමු! 🇱🇰

🇱🇰 IGP Extends Proud Wishes to 185 STF and Police Officers Deploying for Specialized Gang Suppression Force Duties in Haiti! ✨

On the evening of October 6, 2026, at the Katukurunda Police Special Task Force (STF) Training School, Inspector General of Police Priyantha Weerasooriya extended his instructions and blessings to a brave contingent of 185 STF and police officers preparing to deploy for specialized Gang Suppression Force operations in Haiti.
During the ceremony held under the patronage of the IGP, the valiant personnel of the STF presented a proud guard of honor, and the IGP posed for a commemorative group photograph with this elite contingent as they gear up for high-stakes international security operations.
This courageous contingent comprises 174 skilled STF personnel and 11 police officers, including 2 medical doctors from the Police Medical Division. They are scheduled to deploy to Haiti in three batches (two batches this month and the final batch in November).

Let us join together in sending our heartfelt best wishes for a successful mission to our very own national heroes as they carry the motherland’s pride to the global arena for critical security operations! 🫡🇱🇰

ආරුගම්බේ උල්ල වෙරළ තීරයේ අනාරක්ෂිත ලෙස දිය නෑමට ගොස් අනතුරට ලක් වූ අංගොඩ ප්‍රදේශයේ පදිංචි වයස අවුරුදු 19ත් 31ත් අතර පිරිමි පුද්ගලයින් 02ක් සහ කාන්තාවන් 03ක් ඇතුළු පුද්ගලයින් 05 දෙනෙකු, විශේෂ කාර්ය බලකායේ ආරුගම්බේ කඳවුරේ ස්ථාපිත ජීවිත ආරක්ෂක කොට්ඨාශයේ නිලධාරීන් විසින් වහාම ක්‍රියාත්මක වී සාර්ථකව මුදාගෙන මූලික ප්‍රථමාධාර ලබා දී වැඩිදුර ප්‍රතිකාර සඳහා අදාළ අංශ වෙත යොමු කර ඇත. ආරුගම්බේ වෙරළ තීරයේ මහජන ආරක්ෂාව තහවුරු කරමින් මෙම ජීවිතාරක්ෂක නිලධාරීන් විසින් පසුගිය කාලවකවානුව තුළ මිනිස් ජීවිත බොහෝමයක් බේරා ගනිමින් විශිෂ්ට සේවයක් ඉටු කර ඇත.

Swift action by the lifesaving personnel of the Sri Lanka Special Task Force (STF) Arugam Bay camp successfully rescued five individuals—including two males and three females aged between 19 and 31 from Angoda—who were in danger while bathing at the Arugam Bay Ulla beach. The victims were promptly provided with initial first aid and directed to the relevant authorities for further care. Ensuring public safety along the Arugam Bay coastal stretch, the STF Lifesaving Unit has successfully saved a large number of precious human lives over the past period, rendering an exemplary service.

85 වන ශ්‍රී ලංකා පොලිස් අන්තර්-කොට්ඨාස මලල ක්‍රීඩා ශූරතාවලියේ සමස්ත ශූරතාව විශේෂ කාර්ය බලකාය (STF) දිනා ගනී
ශ්‍රී ලංකා පොලිසියේ විශේෂ කාර්ය බලකාය (STF), 85 වන ශ්‍රී ලංකා පොලිස් අන්තර්-කොට්ඨාස මලල ක්‍රීඩා ශූරතාවලියේ සමස්ත ශූරතාව දිනා ගනිමින් කීර්තිමත් 'ජනාධිපති අභියෝගතා කුසලානය' හිමිකර ගැනීමට සමත් විය.
දිවයින පුරා විසිරී ඇති පොලිස් කොට්ඨාස 69ක් නියෝජනය කරමින් ක්‍රීඩක ක්‍රීඩිකාවන් 4,000කට ආසන්න සංඛ්‍යාවක් සහභාගී වූ මෙම ශූරතාවලිය, 2026 සැප්තැම්බර් 25 සිට 27 දක්වා බම්බලපිටිය පිහිටි ක්ෂේත්‍ර බලකා මූලස්ථාන පොලිස් ක්‍රීඩාංගණයේදී පැවැත්විණි.
දින තුනක් පුරා පැවති මෙම තරගාවලිය ඉහළ තරගකාරීත්වයකින් සහ විනයගරුක බවකින් යුතුව පැවැත්වුණු අතර, එහිදී ශ්‍රී ලංකා පොලිස් නිලධාරීන්ගේ මලල ක්‍රීඩා කුසලතා, අධිෂ්ඨානය සහ ක්‍රීඩා විශිෂ්ටත්වය මනාව විදහා දැක්විණි. තරගාවලිය පුරා විශේෂ කාර්ය බලකායේ ක්‍රීඩක ක්‍රීඩිකාවන් දැක්වූ විශිෂ්ට දක්ෂතා හේතුවෙන් සමස්ත ශූරතාව සහ කීර්තිමත් 'ජනාධිපති අභියෝගතා කුසලානය' දිනා ගැනීමට එම බලකායට හැකි විය.
මෙම තරගාවලියේ සමාප්ති උත්සවය සඳහා මහජන ආරක්ෂක සහ පාර්ලිමේන්තු කටයුතු අමාත්‍ය ගරු ආනන්ද විජේපාල මහතා, මහජන ආරක්ෂක නියෝජ්‍ය අමාත්‍ය ගරු සුනිල් වටගල මහතා, මහජන ආරක්ෂක අමාත්‍යාංශයේ ලේකම් රවී සෙනෙවිරත්න මහතා සහ පොලිස්පති ප්‍රියන්ත වීරසූරිය මහතා සහභාගී වූහ. ශ්‍රී ලංකා පොලිසියේ සහ විශේෂ කාර්ය බලකායේ ජ්‍යෙෂ්ඨ නිලධාරීන් ද මෙම අවස්ථාවට එක්ව සිටියහ.
මෙම ජයග්‍රහණය මගින් විශේෂ කාර්ය බලකායේ නිලධාරීන් සතු ඉහළ විනය මට්ටම, ශාරීරික යෝග්‍යතාව, කැපවීම සහ තරගකාරීත්වය යන ගුණාංග මනාව පිළිබිඹු කෙරේ.
අවසාන ශූරතා ප්‍රතිඵල
ස්ථානය කොට්ඨාසය
1 වන ස්ථානය (සමස්ත ශූරතාව) විශේෂ කාර්ය බලකාය (STF)
2 වන ස්ථානය (පළමු අනුශූරතාව) අපරාධ පරීක්ෂණ දෙපාර්තමේන්තුව (CID)
3 වන ස්ථානය (දෙවන අනුශූරතාව) කුරුණෑගල කොට්ඨාසය
4 වන ස්ථානය ශ්‍රී ලංකා පොලිස් විද්‍යාල කොට්ඨාසය (SLPC)

STF Crowned Overall Champions at the 85th Sri Lanka Police Inter-Divisional Athletic Championship
The Special Task Force (STF) of the Sri Lanka Police emerged as the Overall Champions of the 85th Sri Lanka Police Inter-Divisional Athletic Championship, securing the prestigious President’s Challenge Trophy.
The championship was held from 25 to 27 September 2026 at the Field Force Police Grounds, Bambalapitiya, bringing together nearly 4,000 male and female athletes representing 69 Police Divisions from across the island.
The three-day event was conducted in a highly competitive yet disciplined atmosphere, showcasing the athletic talent, determination and sporting excellence of personnel of the Sri Lanka Police. The outstanding performance of the STF athletes throughout the championship enabled the Force to secure the overall championship and claim the prestigious President’s Challenge Trophy.
The closing ceremony was graced by Hon. Ananda Wijepala, Minister of Public Security and Parliamentary Affairs; Hon. Sunil Watagala, Deputy Minister of Public Security; Mr. Ravi Seneviratne, Secretary to the Ministry of Public Security; and Mr. Priyantha Weerasooriya, Inspector General of Police. The ceremony was also attended by senior officers of the Sri Lanka Police and the Special Task Force.
The achievement reflects the high standards of discipline, physical fitness, dedication and competitive spirit maintained by the personnel of the Special Task Force.
Final Championship Standings
Position Division
1st (Overall Champions) - Special Task Force
2nd (First Runners-Up) - Criminal Investigation Department
3rd (Second Runner up) - Kurunegala Division
4th Place - Sri Lanka Police College Division (SLPC)

🚨 ගිනි අවි 3ක්, උණ්ඩ සහ හෙරොයින් සමඟ විදෙස්ගත අපරාධකරුවෙකුගේ සමීපතමයන් දෙදෙනෙක් STF දැලට! 🚨

විශේෂ කාර්ය බලකාය සංවිධානාත්මක අපරාධ මර්දන ඒකකය (11) හි නිලධාරීන්ට ලද බුද්ධි තොරතුරකට අනුව කොහුවල පොලිස් වසමේදී සාර්ථක වැටලීමක් දියත් කරන ලදී.

මෙම මෙහෙයුමේදී විදේශගතව සැඟව සිටින ප්‍රධාන පෙළේ සංවිධානාත්මක අපරාධකරුවෙකු සහ මත්ද්‍රව්‍ය ජාවාරම්කරුවෙකුගේ සමීපතමයෙකු මෙන්ම, මත්ද්‍රව්‍ය ප්‍රවාහනය සඳහා ආධාර අනුබල ලබා දුන් තවත් පුද්ගලයෙක් අත්අඩංගුවට ගැනීමට අප නිලධාරීන් සමත් විය.

අත්අඩංගුවට ගත් ආයුධ, මත්ද්‍රව්‍ය සහ භාණ්ඩ:
🔹 ෂොට් ගන් වර්ගයේ ගිනි අවි - 03 යි
🔹 ඊට අදාළ උණ්ඩ - 08 යි
🔹 හෙරොයින් - ග්‍රෑම් 78 යි
🔹 මත්ද්‍රව්‍ය ප්‍රවාහනයට යොදාගත් ත්‍රීරෝද රථයක් - 01 යි

අත්අඩංගුවට පත් සැකකරුවන් දෙදෙනා දෙහිවල ප්‍රදේශයේ පදිංචි වයස අවුරුදු 62 සහ 39 යන වයස්වල පසුවන්නන් වේ. වැඩිදුර විමර්ශන සහ නීතිමය කටයුතු සඳහා සැකකරුවන් සහ නඩු භාණ්ඩ පොලිස් මත්ද්‍රව්‍ය කාර්යාංශය වෙත භාර දී ඇත.

සංවිධානාත්මක අපරාධකරුවකු හා මහා පරිමාණ මත්ද්‍රව්‍ය ජාවාරම්කරුවකු වන ඩුබායි ප්‍රියංකර යන අය සමග සම්බන්ධතා පවත්වමින් මයික්‍රෝ වර්ගයේ පිස්තෝල අවියක්, අයිස් හා හෙරොයින් මත්ද්‍රව්‍ය තොගයක් සමඟ හිටපු නාවික හමුදා සෙබලෙකු 2026.09.16 වන දින විශේෂ මෙහෙයුම් II හි නිලධාරීන් විසින් අත්අඩංගුවට ගෙන ඇති අතර රුසියාවේ නිශ්පාදිත මයික්‍රෝ වර්ගයේ පිස්තෝල අවියක් හෙරොයින් ග්‍රෑම් 716 ක් අයිස් මත්ද්‍රව්‍ය ග්‍රෑම් 255 ක් හා යතුරුපැදියක් සැකකරු සන්තකයේ තිබී අත්අඩංගුවට ගෙන ඇති අතර අත්අඩංගුවටගත් සැකකරු වැල්ලම්පිටිය ප්‍රදේශයේ පදිංචි 43 හැවිරිදි අයෙකි. අත්අඩංගුවටපත් සැකකරු වැඩිදුර විමර්ශන සඳහා වැල්ලම්පිටිය පොලිස් ස්ථානය වෙත භාරදී ඇත