Ruwi's Kitchen

♥️ අද දවාලෙට මෙහෙමයි 👇

🍅 කීරිසම්බා සුදුබතට
🍅 කැකිරි කලුපොල් මාළුව
🍅 තෙලෙන් මලවා කිරෙන් හින්දවාගත් බෝංචි
🍅 කරවල බැදුම
🍅 පරිප්පු හින්දුම
🍅 කැරට් එකතුකල ගොටුකොළ සලාදය
🍅 තැම්බූ බිත්තර

🌿 මුරුංගා කොළ කොළකැඳ 🌿

♥️ සුබ උදෑසනක් වේවා ...

ඉතින් , අදත් පාන්දරින්ම හීං වැහිපොදයක් වැටුනත් , ඉන්පස්සෙ හරිම ලස්සනට ඉර අව්ව කහපාටට දිස්නෙදිදී බැබළුණු දීප්තිමත් උදෑසනක් ...
මේ දවස්වල වැහැල මුරුංගා ගහ කොළ පාටින් දළු දාල , හැම ඉත්තකම මුරුංගා මල් පිපිලා . ඉතින් අද පාන්දරින්ම මුරුංගා කොළකැඳ හැදුව ගෙදර ආදරණීයන්ට ...

අදින් පටන්ගන්න අ. පො. ස . උසස්පෙළ විභාගයට සහභාගි වන මගේ පුතා ඇතුලු සියලුම දූ පුතුන් හට ත්‍රිවිධ රත්නයේ ආශිර්වාදයෙන් උසස් ජයක් ලබාගැනීමට හැකියාව , වාසනාව ලැබේවා 🙏

ඉතින් කැද හැදුව විදිහ පහලින් ලියන්නම් ✍️

🌿 මුරුංගා කොළ කොළකැඳ 🌿

🔸 මුලින්ම කැකුළු හාල් අවශ්‍ය ප්‍රමාණයට ගෙන හොදින් සෝදා තැම්බී බෙරි වන ප්‍රමාණයට වතුර හා රස අනුව ලුණු දමා තැම්බෙන්නට හරින්න .
මම නම් හැමදාමත්ම කැඳ වර්ග හදද්දී හල් තැම්බෙන්නට දමන්නේ නැහැ. ඒ වෙනුවට කලින් කබලෙ බැද ග්‍රයින්ඩ් කරගත් හාල් කුඩු මේස හැදි කිහිපයක් වතුර ස්වල්පයක් දමා තැම්බෙන්නට හරිනවා . අපේ ගෙදර ඈයො කැඳ කෝප්පයේ බත් හැපෙනවාට කැමති නැහැ. හැමදාමත්ම බත් ටික කෝප්පයේ අඩියේ ඉතිරි කරනවා . ඉතින් ඒ වෙනුවට හාල් ග්‍රයින්ඩ් කර කුඩු කර තැම්බෙන්නට හැර කැඳ හැදුවාම කැඳ
කෝප්පයේ අඩියේ බත් ඇට ඉතිරි වන්නේ නැහැ. කැඳ කෝප්පයට උකු ගතියකුත් එනවා ...

🔸 හාල්ටික තැම්බෙන්නට දමද්දීම සුදුළූණු බික් කිහිපයක් කපා දමන්න .

🔸 දැන් අවශ්‍ය ප්‍රමාණයට පොල් ගාගෙන එය බ්ලෙන්ඩර් එකේ ජූස් ජා එකට දමා එයටම අවශ්‍ය ප්‍රමාණයට සෝදාගත් මුරුංගා කොළ ටික දමා හොදින් බ්ලෙන්ඩ් කර භාජනයකට පෙරාගන්න.

🔸 දැන් හොදින් තැම්බුනු බත් පොඩිකර එයටම පෙරාගත් මුරුංගා යුෂ මිශ්‍ර පොල්කිරි ටික එක්කර හැදිගාමින් උතුරවාගෙන එන විටම ලිපෙන් ඉවත්කර නැවතත් හොදින් හැදිගාමින් කලවම් කරන්න.

🔸 රස බලා නැවතත් අවශ්‍ය නම් ලුණු එක්කර රස්නෙන්ම කෝප්ප වලට දමා පිළිගැන්වන්න.
මෙය කිතුල් හකුරුත් එක්ක වඩාත් රසවත් ...

✅ මුරුංගා කොළ දැමීමේදී ප්‍රමාණය ගැන සැලකිලිමත් වන්න වනවා . කොළ වැඩි ප්‍රමාණයක් දැමූවිට කට කාරන ගතියක් දැනෙන නිසා මුරුංගා කොළ අවශ්‍ය ප්‍රමාණයට විතරක් දමාගන්න .






#කොළකැද

♥️ අද දවාලෙට මෙහෙමයි 👇

🍅 කීරිසම්බා සුදුබතට
🍅 තැම්බූ කොස්
🍅 කෙළවල්ලන් මාළු මිරිසට
🍅 පොල් අඹරල ඉව්ව වට්ටක්කා
🍅 තෙල්දැමූ කංකුං
🍅 බැදගත් වියළි මිරිස්

🔸 මුංඇට , කඩල එක්කල තෝසා 🔸

♥️ සුබ උදෑසනක් වේවා ...

ඉතින් , අදත් ඉර අව්ව හොදින් වැටුනත් සැරින් සැරේට වැහි අඳුර නිසා තරමක අඳුරු ස්වභාවයකුත් තියෙන ලස්සන උදෑසනක් උදාවුනා ...
අද උදේට ගෙදර ආදරණීයන්ට හදල දුන්නෙ මුංඇට හා කඩල වලින් හැදුව තෝසා එකක් . ඇත්තටම හරිම රසවත් , තෝසා දෙකකට වඩා කන්නත් බැරි තරම් . බඩ පිරෙනව ඉක්මනින්ම .
තෝසා කන්න රසට සාම්බාරු හොද්දක් හදාල පොල් චට්නියකුත් හදල Nescafe plain cofee කෝප්පයකුත් එක්ක පිළිගැන්වූවා ...
තෝසා හදාගන්න විදිහට පහලින් ලියන්නම් ✍️

උදාවුනු සතිඅන්තය සතුට හා සැනසිල්ල , විවේකය පිරි සුබ සතිඅන්තයක් වේවා !!!

🔸 මුංඇට , කඩල මිශ්‍ර තෝසා 🔸

🔸 කලින් රැයේ පොගවාගත් කඩල කප් 1 1/2
හා මුංඇට කප් 1 1/2
🔸 අවශ්‍ය ප්‍රමාණයට වතුර
🔸 තෙම්පරාදුව සඳහා හීනිවට කපාගත් රතුළූණු බික් කිහිපයක් , තලාගත් සුදුළූණු තේ හැන්දක් පමණ , හීනිවට ලියාගත් කරපිංචා , හීනිවට ලියාගත් බීලූණු ගෙඩියකින් බාගයක්
🔸 රස අනුව ලුණු

➡️ මෙහෙමයි හදන්නෙ ...

🔸 මුලින්ම පෙගෙන්නට දැමූ කඩල හා මුංඇට හොදින් සෝදා , ගරා බ්ලෙන්ඩර් එකේ ග්ලයින්ඩ් කප් එකට දමා වතුර ස්වල්පයක් එක්කර හීනිවට කෑලි ඇඹරෙන ලෙස ග්ලයින්ඩ් කරගන්න .

🔸 ඉන්පසු එම මිශ්‍රණය තරමක ඉඩ ඇති භාජනයකට දමා වඩාත් උකු නොවූ හා වඩාත් දියාරු ලෙසින් නොවන්නට සාමාන්‍යයෙන් හදන තෝසා මිශ්‍රණයක ලෙසින්ම වතුර වැඩි හෝ අඩු නොකරගෙන තෝසා මිශ්‍රණය සාදාගන්න.

🔸 දැන් රස අනුව ලුණු එක්කරගන්න.

🔸 දැන් තෙම්පරාදුව සඳහා පෑන් එකක් ලිපේ තබා එය රත්වන විට පිරිසිදු පොල්තෙල් දමා තෙල් රත්වන විට එයට අබ , හීනිවට ලියාගත් කරපිංචා , රතුළූණු , බීලූණු හා සුදුළූණු දමා රන්වන් පැහැයට එනවිට තෝසා මිශ්‍රණයට දමා හොදින් කලවම්කරන්න .

🔸 දැන් පෑන් එකක් ලිපේ තබා බටර් හෝ Ghee ස්වල්පයක් පෑන් එකේ තවරා තෝසා මිශ්‍රණය දමා සාදාගන්න .

✅ මෙය සාමාන්‍ය තෝසා සාදන ප්‍රමාණයට වඩා ටිකක් වැඩි වේලාවක් ගන්නවා පිළිස්සෙන්නට . සාමාන්‍ය ගින්දරේ දෙපැත්ත රන්වන් පැහැය වනතෙක් පුළුස්සාග්නන .
ආහ් ... තව දෙයක් ... තෝසා හැදුව ගමන් රස්නෙන්ම පිළිගන්වන්න . නිවුනාම වියළි ස්වභාවයක් එනවා .

Slow Morning | ⛅ ☁️ 🌿 🍲 💛

♥️ සුබ උදෑසනක් වේවා ...

ඉතින් , අදනම් උදෑසනින්ම ඉර අව්ව කහ පාටින් දිස්නෙදිදී බැබළුණු ලස්සන , කහපාට උදෑසනක් .
අද උදේට ගෙදර ආදරණීයන්ට කව්පි තම්බා , සැරට කටින් කටට උම්බලකඩ හැපෙන කට්ට සම්බෝලයකුත් හදල , ගාගත් ළපටි පොල් එක්ක පිළිගැන්වූවා . කන ගමන් බොන්නට උණුවෙන් ප්ලේන්ටියකුත් හැදුවා ...
අද විවේකී සතිඅන්තය සතුටින් , සුවෙන් ගතකරන්නට ලැබෙන සුබ සෙනසුරාදාවක් වේවා !!!

♥️ අද දවාලෙට මෙහෙමයි 👇

🍅 රෝස කැකුළු බතට
🍅 බීට් කිරට
🍅 ගම්මිරිස් සැරට තෙල්දැමූ පතෝල
🍅 කූණිස්සන්දමා මැලවූ දඹල මැල්ලුම
🍅 බැදගත් මාළු

♥️ අද දවාලෙට මෙහෙමයි 👇

🍅 කීරිසම්බා සුදුබතට
🍅 අල , හාල්මැස්සන් කිරට
🍅 කතුරුමුරුංගා කොළමැල්ලුම
🍅 කූණිස්සන්දමා තෙල්දැමූ ගෝවා
🍅 තැම්බූ බිත්තර
🍅 පපඩම් , බැදගත් වියළි මිරිස් කරල්

♥️ සුබ උදෑසනක් වේවා ...

ඉතින් , අදත් වරින් වර ඉර අව්ව වැහිවළාකුළු වලින් මුවා වුනු ලස්සන දවසක් ...
අද උදේට ගෙදර ආදරණීයන්ට රෝස කැකුළු හාල් වලින් කිරි රසට කිරිබතක් සාදා කටින් කටට උම්බලකඩ හැපෙන රස කට්ට සම්බෝලයකුත් සාදා නෙස්කැෆේ plain cofee කෝප්පයකුත් එක්කම පිළිගැන්වූවා ...
මගේ සතුටු බඳුන ආසම විදිහට පුරෝගත්තා කෑම පින්තූරු පෙලක්ම එකතුකරගෙන ...

උදාවුනු අද දවස සතුටින් හා සුවෙන් ගතකරන්නට ලැබෙන සුබ දවසක් වේවා !!!




#කිරිබත්

♥️ සුබ උදෑසනක් වේවා ...

ඉතින් , අදත් තරමක වැහිබර උදෑසනක් තමයි උදාවුනේ . අද උදේට ගෙදර ආදරණීයන්ට කඩල තම්බා තෙම්පරාදු කර පිළිගැන්වූවා . තෙම්පරාදුවට බීලූණු හා කොච්චි , රම්පෙ , කරපිංචා දමා තෙම්පරාදු කර ලිප ඕෆ් කරන්න කලින් මාමයිට් පිරෙව්ව තේ හැන්දක් එකතුකර හොදින් කලවම්කර ලිප ඕෆ් කරා .
එතනිනුත් නොනැවතී රස මාමයිට් කෝප්පයක් හදාගෙන උණුවෙන්ම බ්ව්වා කඩල කන ගමන්ම...
ඒ තරම්ම මම මාමයිට් එක්ක මනාපයි 😁🙈. පොඩි පහේ මනාපයක් නෙමෙයි තියෙන්නෙ. දැන් අවුරුදු හතලිස් පහක් තිස්සෙ අපි දෙන්නට දෙන්න මනාපයි. අද ඒ මනාපෙට පුතත් හවුල්කාරයෙක් වෙලා .පුතාටයි මටයි මාමයිට් කියන්නෙ ඕන වෙලාවක කන්න පුලුවන් කෑමක්.
බත් , රොටී , පාන් , කඩල , තැම්බූ බඩ ඉරිගු එක්ක තවරා , ක්‍රීම්ක්‍රැකර් බිස්කට් එක්ක මේ ඕන එකක එක්ක අපි දෙන්න මාමයිට් තවරා කනවා . මම මාමයිට් die hard fan කෙනෙක් හිතවතුනි 😁

උදාවුනු අද දවස සුබම වේවා !!!






#𝐁𝐞𝐒𝐦𝐚𝐫𝐭