Ceylon Journal

"දැන් තරුණ කොල්ලෝ කෙල්ලෝ
භාවනා කරනවා.
ධර්මය අහනවා.
ජීවිතය ගැන කියවනවා.
මේ හැමදේකම ඇත්ත මොකක්ද කියලා හොයනවා"

"එහෙම කරන එකෙන්,
උන්ට ජීවිතය කලකිරිලා කියලා අදහස් වෙන්නෙත් නැ.
උන් රහත් වෙන්න හදනවා කියලත් අදහඩ් වෙන්නෙත් නැ.
උන්ට තේරෙන්න පටන් අරගෙන තියෙනවා,
මේ වේගයෙන් දුවන ජීවිතය ඇතුළේ
මොකක් හරි තැනක අවුලක් තියෙනවා කියලා"

"සල්ලි තිබුණත් හිත නිවෙන්නේ නැති තැන් තියෙනවා.
ආදරය තිබුණත් තනිකම දැනෙන තැන් තියෙනවා.
හැමදේම තිබුණත් ඇතුලේ හිස් කමක් දැනෙනවා.
සතුට හොයාගෙන ගියාට ඒක හම්බඋනාම,
ඒකේ ආතල් එක නැති වෙනවා..
ඊට පස්සේ තව එකක එල්ලෙනවා,
ඊටත් පස්සේ තවත් එකක.."

"උන්ට ඕන මේ අවුලට විසදුමක්.
ඒ නිසා උන් උන්ගේ ආධ්‍යාත්මය හොයනවා."

"උන්ට මේ ජීවත් වන ලෝකයෙන් අයින් වෙලා,
වනගත වෙන්න උවමනාවක් නෑ,
උන් හදන්නේ,
උන්ගේ ජීවිතත් සාර්ථක කරගෙන,
උන්ගේ ඇතුලාන්තයත් නිදහසින් පුරවගන්න.."

"උන්ට ඕනේ
ආධ්‍යාත්මයයි භෞතික ජීවිතයයි අතර
තමන්ට ගැලපෙන තැනක් හොයාගන්න."

"මොකද සමහරවිට
නිවීම කියන්නේ ලෝකයෙන් ඈත් වෙන එක නෙවෙයි.
මේ ඇවිලෙන ලෝකය ඇතුළේම ඉඳගෙන,
ඇතුළින් නොඇවිළී ජීවත් වෙන්න ඉගෙනගන්න එක
වෙන්නත් පුළුවන්.."

✨🍃🤍

අවස්තානූකූලව, තමංගේ ප්‍රතිපත්ති වෙනස් කරන පිරිමි,
කවදාවත් Alpha පිරිමියෙක් වෙන්නේ නෑ..

උන් Alpha ලා වෙන්නේ උන්ගේ Fantasy එකේ විතරයි,
Reality එකේ නෙවෙයි...

“Alpha පිරිමියා කියන්නේ අනිත් අයව පාලනය කරන පිරිමියෙක් නෙවෙයි; තමන්ගේ හැඟීම්, තීරණ සහ ජීවිතය පාලනය කරගන්න පුළුවන් පිරිමියෙක්.”

🤍✨🍃

"අද ජීවත් වෙනවට වඩා හොද විදියකට ජීවත් වෙන්න,
මිනිස්සු හරි වේගයෙන් කොහෙදෝ දුවනවා.
ඒ අතරින් මාත් එක මනුස්සයෙක්.
දවස තිස්සේ දුවලා දුවලා,
මහ රෑට මාත් මගේ හිතත්,
ඉවරයක් නැති සංවාද අතරේ තනි වෙනවා..."

"මේ ලෝකයේ මිලියන ගානක් මිනිස්සු ජීවත් වෙනවා,
ඒත් මං වෙනුවෙන් එකම එක මනුස්ස ආත්මයක්වත්,
නැත්තේ ඇයි කියලා මගේ හිත මගෙන් ප්‍රශ්න කරනවා..
සතුටින් ජීවත් වෙනවද කියලා අහන්න,
ජීවිතය කොහොමද ගෙවෙන්නේ අහන්න,
මගේ හොද නරක තේරුම් අරං,
මගේ හොදම version එක වෙනුවෙන්,
හයියක් වෙන්න, විශ්වායක් දෙන්න,
අද මං ලග කවුරුත් නෑ.."

"මට මිනිස්සු ගොඩක් ඕනේ නෑ..
මේ ජීවිතයේ ඉතුරු කාලය සතුටින් නිදහසින් අරං යන්න,
මාව ආදරයෙන් සෙනෙහසින් පුරවන්න,
මට මං ගැන සැකයක් ඇති උනු වෙලාවට,
මටත් වඩා මාව විශ්වාස කරන්න,
මේ ජීවිතයේ ඇතුලේ එකට හීන දකින්න,
එකට හීන වෙනුවෙන් මහන්සි වෙන්න,
එකට හීන හැබෑ කරන්න,
අවසාන හුස්ම වෙනකල් ජීවිතයේ හැම අංශු මාත්‍රයක්ම,
සතුටින් නිදහසින් බෙදාගන්න..
එකම එක මනුස්ස ආත්මයක් වත්,
මං වෙනුවෙන් ඉපදිලා නැද්ද කියලා,
මගේ හිත මගෙන් ප්‍රශ්න කරනවා.."

"ඒ ප්‍රශ්න වලට උත්තරයක් මං ලග කවදාවත් තිබුනේ නෑ.
උත්තරයක් හොයන්න පටං ගන්නේ කොතනින්ද කියලවත්,
මට තේරෙන්නේ නෑ..
ඒත් මං දකිනවා ඒ විදියට ආදරයෙන් ජීවත් වෙන මිනිස්සු,
මං හැමදාම කරේ ඒ අය දිහා සතුටින් බලං ඉදලා,
මටත් එහෙම දවසක් එයි කියලා,
අහස උසට බලාපොරොත්තු හදාගත්තු එක විතරයි.."

"මං දන්නවා බලාපොරොත්තු කියන්නෙම,
මේ මොහොතේ තියෙන සතුටේ විනාශය කියලා,
ඒත්
ඒ අහිංසක බලාපොරොත්තුව,
තව දවසක් අලුතින් පටං ගන්න,
මාව ජීවත් කරවනවා.."

✨🍃🤍

ඔයාගේ සිතුවිලි ගැන පරිස්සම් වෙන්න.
මොකද අද ඔයා හිතන දේ,
හෙට ඔයාගේ වචන වෙනවා.

වචන, ක්‍රියාවන් වෙනවා.
ක්‍රියාවන්, පුරුදු වෙනවා.
පුරුදු, ඔයාගේ චරිතය හදනවා.

අන්තිමේදී,
ඔයාගේ චරිතය තමයි
ඔයාගේ ජීවිතය කොහෙට යනවද කියලා තීරණය කරන්න පටන් ගන්නේ.

ඒ නිසා ජීවිතය වෙනස් කරන්න කියලා හැමදාම ලොකු දේවල් හොයන්න එපා.

මුලින්ම බලන්න,
ඔයා තනියම ඉන්න වෙලාවක ඔයාගේ ඔළුව ඇතුළේ මොනවද සිද්ධ වෙන්නේ කියලා.

මොකද සමහරවිට,
අපිට වෙනස් කරන්න ඕනේ අපේ ජීවිතය නෙවෙයි.

ඒ ජීවිතය හදමින් ඉන්න අපේම ඇතුළත ලෝකය.

අද එක සිතුවිල්ලක් වෙනස් කළාම,
හෙට එක වචනයක් වෙනස් වෙනවා.

එක වචනයක් වෙනස් කළාම,
එක ක්‍රියාවක් වෙනස් වෙනවා.

එක ක්‍රියාවක් නැවත නැවත කළාම,
අපි වෙනස් වෙනවා.

ඒ නිසා ඔයාගේ ඉරණම කොහේ හරි ඈත ලියලා තියෙන දෙයක් නෙවෙයි.

සමහරවිට ඒක මේ මොහොතේ,
ඔයාගේම ඔළුව ඇතුළේ ලියවෙමින් තියෙනවා.

✨🍃🤍

කෙල්ලෙක් ලස්සනම වෙන්නේ
කැඩපත ඉස්සරහා නෙවෙයි
පොතක් ඉස්සරහා

තමන්ගේ වටිනාකම
වෙන කෙනෙක්ගේ ආදරයෙන්
මනින්නේ නැතුව
තමන්ගේ ලෝකය තමන්ගේ
දැනුමෙන් ගොඩනගාගත්තම

මොකද ලස්සන මුහුණක්
වයසත් එක්ක වෙනස් වෙනවා
ඒත් ඉගෙනගත්ත කෙල්ලෙක්ගේ
ආත්මවිශ්වාසය
වයසත් එක්ක තවත් ලස්සන වෙනවා

🤍

අසම්පූර්ණ මිනිස්සු,
සැනසුම් නොලබති..
පරිපූර්ණ මිනිස්සු,
ප්‍රේමය නොවිදිති...
මිනිස්සු,
සපුරාම මුද්‍රණ දෝශයකි...

✨

1. Control කරන්න පුළුවන් දේවල් වලට විතරක් Focus එක දෙන්න.
අපිට හැමදේම control කරන්න බැහැ.
ඒත් අපේ සිතුවිලි, ක්‍රියාවන් සහ ඒ දේවල් දිහා බලන විදිහ අපිට තෝරගන්න පුළුවන්.

2. හිතට එන හැම සිතුවිල්ලක්ම විශ්වාස කරන්න එපා.
සමහර වෙලාවට අපේම හිත අපිව රවට්ටනවා.
ඒ නිසා සිතුවිල්ලක් ආවා කියලා, ඒක ඇත්තක් වෙන්නේ නැහැ. ප්‍රශ්න කරන්න. නැවතිලා බලන්න. තේරුම් ගන්න.

3. අපහසුතාවයට හුරු වෙන්න.
දියුණුව කවදාවත් Comfortable තැනකින් පටං ගන්නේ නෑ.
අමාරු දේවල් කරන්න. දවසින් දවස තමන්ට අලුත් අභියෝග දෙන්න..

4. හැමදෙනාගෙම පිළිගැනීම හොයන එක නවත්තන්න.
අනිත් මිනිස්සු කැමති වෙන විදිහට ජීවත් වෙනවා වෙනුවට,
තමන් විශ්වාස කරන දේවල් එක්ක ජීවත් වෙන්න.

5. ජීවිතය හැමවෙලාවෙම සාධාරණ වෙන්නේ නෑ කියන ඇත්ත පිලිගන්න..
සමහර දේවල්වලට හේතුවක් හොයාගන්න බැහැ.
සමහර දේවල් අපිට ලැබෙන්නේ අපි සුදුසු නිසා නෙවෙයි.
ඒත් හැම දෙයක්ම තේරුම් ගන්න ඕනේ නැහැ.
සමහර දේවල් පිළිගෙන, ඉස්සරහට යන්න වෙනවා.

6. තමන් ගැන විශ්වාසයක් ගොඩනඟාගන්න.
තමන්ටම දීපු පොරොන්දු රකින්න.
තමන් කියපු දේ තමන්ම කරන හැම වතාවකම,
තමන් ගැන තියෙන විශ්වාසය ටිකෙන් ටික ගොඩනැගෙනවා.

7. තමන්ගේ හිත ඇතුළට දාගන්න දේවල් ගැන පරිස්සම් වෙන්න.
ප්‍රවෘත්ති, සමාජ මාධ්‍ය, මිනිස්සු, සංවාද
ඔය හැම දෙයක්ම අපේ හිතට බලපානවා.
හැම දෙයක්ම ඇතුළට ගන්න අවශ්‍ය නැහැ.

8. ප්‍රතිචාර දක්වන්න කලින් ටිකක් නතර වෙන්න.
තරහකින් ගන්න ක්ශනික තීරනයක් අවුරුදු ගණනක් පසුතැවෙන්න හේතුවක් වෙන්න පුළුවන්.
ඒ නිසා ටිකක් නතර වෙලා හුස්මක් අරං ඉන්න.

9. තමන්ගේ හැඟීම්වලට වඩා විශාල අරමුණක් තියාගන්න.
අද දවසේ හිතෙන දේවල් හැමදාම තියෙන්නේ නැහැ.
ඒත් තමන්ට යන්න තැනක් තියෙනවා නම්,
අමාරු දවසකදීත් ඉස්සරහට යන්න පුළුවන්.

10. හැඟීම් තාවකාලිකයි කියලා මතක තියාගන්න.
අද තියෙන දුක හැමදාම තියෙන්නේ නැහැ.
අද තියෙන බයත් එහෙමයි.
මේ මොහොතත් ගෙවිලා යනවා.

11. තමන්ගේ ජීවිතය වෙනුවෙන් සම්පූර්ණ වගකීම ගන්න.
කිසිම දේකට එලියට ඇගිල්ල දිග් කරන්න එපා.
තමංගේ ජීවිතය තමංගේ කරගන්න ගන්න නම්, හැමදේකම,
Responsibility එක ගන්නම වෙනවා.

12. තියෙන දේවල් ගැන ස්තුතිවන්ත වෙන්න.
නැති දේවල් දිහාම බලනකොට,
තියෙන දේවල් අපිට පේන්නේ නැති වෙනවා.
ස්තුතිවන්තකම හිතේ අවධානය පූර්ණත්වය පැත්තට හරවනවා.

13. Perfect වෙන්න ඕනේ නෑ. Consistent තමා වැදගත්.
එක් දවසක් ලස්සනට කරලා, ඊළඟ දවසේ නවතින එකට වඩා,
ටික ටික වුණත් දිගටම කරන එක වටිනවා.
Motivation එකට වඩා consistency එක බලවත්.

14. සිදුවෙන හැම දෙයකින්ම ඉගෙනගන්න.
හැම පරාජයක්ම අවසානයක් නෙවෙයි.
හැම වැරැද්දක්ම අපේ වටිනාකම ගැන තීන්දුවක් නෙවෙයි.
සමහර අත්දැකීම් අපිට දේවල් දෙන්නේ,
ඒවා අහිමි කරලා.

15. තමන්ගේ නිදහස සහ සැනසීම ආරක්ෂා කරගන්න.
ඔයාගේ ශක්තිය අපතේ යන දේවල් වලට "නෑ” කියන්න පුරුදු වෙන්න..
සමහර මිනිස්සුන්ගෙන්, සමහර තැන්වලින්, සමහර දේවල්වලින් දුරස්වීමත් තමන්ව රැකගැනීමක්.

16. තැනකට ආවා කියලා නවතින්න එපා.
දිගටම ඉස්සරහට යන්න..
Strong mind එකක් කියන්නේ එක දවසකින් හදාගන්න දෙයක් නෙවෙයි.
ඒක දවසින් දවස තමන්වම හදාගන්න ගමනක්.

අන්තිමේදී,

හිත ශක්තිමත් වෙනවා කියන්නේ කිසිම දෙයක් දැනෙන්නේ නැති මනුස්සයෙක් වෙන එක නෙවෙයි.

දුක දැනෙද්දිත් ඉස්සරහට යන එක.
බය දැනෙද්දිත් තීරණ ගන්න එක.
කඩා වැටුණාමත් ආයෙත් නැගිටින එක.
අනිත් මිනිස්සුන්ගේ හඬ අතරින් තමන්ගේම හඬ අහගන්න එක.

මේ Comeback ඔයාට ඔයා වෙනුවෙන් කරන්නම වෙනවා.
ඔයාට කරන්න බැරි නම් කාටවත් කරන්න බෑ..
එහෙනම් ඔන්න..
ජීවිතයේ ලස්සනම කාලය මේ මොහොතින් පටං ගන්නවා.
ජය.! 😌💪🏻

✨🍃🤍