Sports1st

ඉන්දියාව මෙවර ආසියානු ක්‍රීඩා උළෙලේ පිරිමි ක්‍රිකට් ඉසව්වේ රන් පදක්කම දිනා ගත්තා.

ඒ පාකිස්ථානය සමග පැවති අවසන් මහා තරගය ලකුණු 19කින් ජය ගනිමින්.

නිස්ෂිංහිදී පැවති තරගයේ පළමුවෙන් පන්දුවට පහර දුන් ඉන්දීය කණ්ඩායම පන්දුවාර 20තුළ කඩුලු 6ක් දැවී රැස් කළ ලකුණු සංඛ්‍යාව 211ක්.

අභිෂේක් ශර්මා ලකුණු 61ක් රැස් කළා.

ලකුණු 212ක ඉලක්කයක් හඹා යාමට පිටියට පිවිසි පාකිස්ථානයට පන්දුවාර 20තුළ කඩුලු 6ක් දැවී රැස් කිරීමට හැකි වුණේ ලකුණු 192ක් පමණයි.

හසන් නවාස් ලකුණු 96ක් රැස් කළා.

ශ්‍රී ලංකා කණ්ඩායම මෙවර ආසියානු ක්‍රීඩා උළෙලේ පිරිමි ක්‍රිකට් ඉසව්වේ ලෝකඩ පදක්කම දිනා ගත්තා.

ඒ බංග්ලාදේශය සමග පැවති තරගය ලකුණු 63කින් ජය ගනිමින්.

නිස්ෂිංහිදී පැවති තරගයේ පළමුවෙන් පන්දුවට පහර දුන් ශ්‍රී ලංකා කණ්ඩායම පන්දුවාර 20තුළ කඩුලු 9ක් දැවී රැස් කළ ලකුණු සංඛ්‍යාව 165ක්.

තරිදු රත්නායක පන්දුවාර 20/20 ජාත්‍යන්තර ක්‍රිකට් පිටියේ මංගල අර්ධ ශතකය වාර්තා කිරීමට සමත් වුණා.

ඔහු පන්දු 32කින් ලකුණු 65ක් රැස් කළේ 4පහර 7ක් සහ 6 පහර 5ක් සමගින්.

නායක සහන් ආරච්චිගේ ලකුණු 33ක් රැස් කළා.

ලකුණු 166ක ඉලක්කය හඹා යාමට පිටියට පිවිසි බංග්ලාදේශ කණ්ඩායමට පන්දුවාර 17යි පන්දු 3ක් තුළ සියල්ලන් දැවී රැස් කිරීමට හැකි වුණේ ලකුණු 102ක් පමණයි.

2026 ආසියානු ක්‍රීඩා උළෙලේ පිරිමි ක්‍රිකට් ඉසව්වේ අවසන් මහා තරගය අද පැවැත්වෙනවා.

ඒ ඉන්දීය සහ පාකිස්ථාන කණ්ඩායම් අතරයි.

අවසන් පූර්ව වටයේදී ශ්‍රී ලංකාව සමග පැවති තරගය ජයගත් ඉන්දීය කණ්ඩායම අවසන් තරගයට පිවිසියා.

පාකිස්ථානය අවසන් තරගයට පිවිසියේ බංග්ලාදේශය පරාජයට පත් කරමින්.

නිස්ශිංහිදී පැවැත්වෙන තරගය මෙරට වේලාවෙන් අද උදෑසන 10ට ආරම්භ වනවා.

පාකිස්ථාන තරග සංචාරය සඳහා ශ්‍රී ලංකා වයස අවුරුදු 17න් පහළ ක්‍රිකට් සංචිතය අද නම් කළා.

ක්‍රීඩකයින් 15 දෙනෙකු ඊට ඇතුළත්.

ගල්කිස්ස සාන්ත තෝමස් විද්‍යාලයේ ස්ටෙවන් පීරිස් එහි නායක ලෙස කටයුතු කරන අතර, රත්ගම දේවපතිරාජ විද්‍යාලයේ සඳරු මල්ශාන්, උප නායක ලෙස නම් කර තිබෙනවා.

මෙම තරගාවලියට තුන් දින තරගයක් සහ එක් දින තරග 5ක් ඇතුළත්.

තරගාවලියට සහභාගී වීමට ශ්‍රී ලංකා කණ්ඩායම අනිද්දා දිවයිනෙන් පිටත්ව යෑමට නියමිතයි.

පාකිස්ථානයට එරෙහි පන්දුවාර 20යි 20 ක්‍රිකට් තරගාවලිය සඳහා ශ්‍රී ලංකා සංචිතය අද නම් කළා.

ඊට ක්‍රීඩකයින් 15 දෙනෙකු ඇතුළත් වන අතර, කණ්ඩායමේ නායකත්වය හිමිව තිබෙන්නේ කුසල් මෙන්ඩිස්ටයි.

සිනෙත් ජයවර්ධන, සහන් ආරච්චිගේ, චමිඳු වික්‍රමසිංහ සහ විජයකාන්ත් වියස්කාන්ත් එම සංචිතයට කැඳවා තිබෙනවා.

කෙසේ නමුත් එංගලනත්තයට එරෙහි තරගාවලියට නම් කළ ක්‍රීඩකයින් 18 දෙනෙකුගෙන් සමන්විත සංචිතයේ සිටි පැතුම් නිස්සංක, පවන් රත්නායක, චරිත් අසලංක, වනිඳු හසරංග, ජනිත් ලියනගේ, තරිඳු රත්නායක සහ ඩිල්ෂාන් මදුශංක මෙම අද නම් කළ සංචිතයට ඇතුළත්ව නැහැ.

එංගලන්ත සංචාරයට එක් වූ කමිල් මිශාර, ලහිරු උදාර, කමිඳු මෙන්ඩිස්, දසුන් ශානක, බිනුර ප්‍රනාන්දු, නුවන් තුශාර, එෂාන් මාලිංග සහ දුෂ්මන්ත චමීර අද නම් කළ සංචිතයටද ඇතුළත්.

තරග 3කින් සමන්විත ශ්‍රී ලංකා - පාකිස්ථාන පන්දුවාර 20/20 තරගාවලිය ලබන 9 වැනිදා රාවල්පින්ඩිහිදී ආරම්භ වනවා.