PixMood

Name: PixMood
Address: Colombo, LK
Telephone: +94777768603

When words become unclear, I shall focus with photographs. When images become inadequate, I shall be

19/05/2026

😪💔මාලදිවයිනේ ඛේදවාචකය: අතුරුදන් වූ ඉතාලි කිමිදුම්කරුවන් 4 දෙනාගේ සිරුරු දිය යට ගුහාවකින් සොයාගැනේ!

මාලදිවයිනේ 'වාවු අතොළු' (Vaavu Atoll) මුහුදු කලාපයේ සිදුවූ දරුණුතම කිමිදුම් අනතුරකින් අතුරුදන්ව සිටි ඉතාලි ජාතිකයන් සිව්දෙනාගේම සිරුරු මීටර් 60ක් (අඩි 197ක්) පමණ ගැඹුරු දිය යට ගුහාවක තිබී සොයා ගැනීමට මාලදිවයින සහ ෆින්ලන්ත විශේෂඥ කිමිදුම්කරුවන්ගේ ඒකාබද්ධ කණ්ඩායමක් සමත්ව ඇත. පසුගිය බ්‍රහස්පතින්දා (14) සිදුවූ මෙම අවාසනාවන්ත අනතුරෙන් ජීවිතක්ෂයට පත්වූ පස්දෙනෙකුගෙන් යුත් ඉතාලි කණ්ඩායමේ පළමු සිරුර අනතුර සිදුවූ දිනයේදීම හමුවූ අතර, ඉතිරි සිරුරු හතර ද එම දිය යට ගුහාවේම අභ්‍යන්තර කොටසක තිබී මෙලෙස හඳුනාගෙන තිබේ. මියගිය පිරිස අතර ඉතාලියේ ජෙනෝවා විශ්වවිද්‍යාලයේ පර්යේෂණ කණ්ඩායමකට අයත් මහාචාර්ය මොනිකා මොන්ටෙෆැල්කෝන්, ඇයගේ දියණිය වන ජෝර්ජියා සොම්මකල්, පර්යේෂකයන් වන මුරියෙල් ඔඩෙනිනෝ, ෆෙඩෙරිකෝ ගුවල්ටියෙරි සහ කිමිදුම් උපදේශක ජියාලුකා බෙනෙඩෙට්ටි යන මහත්ම මහත්මීන් ඇතුළත් වන බව තහවුරු කර ඇත. මාලදිවයින රජයේ ප්‍රකාශක මොහොමඩ් හුසේන් ෂරීෆ් බීබීසී පුවත් සේවයට ප්‍රකාශ කර ඇත්තේ, දැනට සොයාගෙන ඇති මෙම සිරුරු මතුපිටට ගොඩගැනීමේ අතිදුෂ්කර මෙහෙයුම් මේ වන විටත් ක්‍රියාත්මක වන අතර ඉදිරි දින කිහිපය තුළ ද ඒ සඳහා තවදුරටත් කිමිදුම් කටයුතු සිදුකරන බවයි.

ලොව පුරා සංචාරක ආකර්ෂණය දිනාගත් මාලදිවයිනෙන් වාර්තා වූ මෙම දරුණුතම තනි කිමිදුම් ඛේදවාචකය වඩාත් සංවේදී මුහුණුවරක් ගත්තේ, අතුරුදන් වූවන් සෙවීමේ ජීවිත ගලවා ගැනීමේ මෙහෙයුමට එක්ව සිටි මාලදිවයින ආරක්ෂක බලකායේ සහන සේවා කිමිදුම් නිලධාරියෙකුට ද මෙහිදී ජීවිතය අහිමි වීමත් සමඟය. පසුගිය සෙනසුරාදා අට දෙනෙකුගෙන් යුත් සහන සේවා කණ්ඩායමක් සමඟ සෝදිසි මෙහෙයුම්වලට එක්ව සිටි ස්ටාෆ් සැරයන් මොහොමඩ් මහ්දී නමැති මෙම දක්ෂ නිලධාරියා, අනෙක් කිමිදුම්කරුවන් යළි ජලයෙන් මතුවන විට පැමිණ නොසිටි බැවින් වහාම ක්‍රියාත්මක වූ සහන කණ්ඩායම් නැවතත් දිය යටට ගොස් සිහිය විසඥව සිටි ඔහුව සොයාගෙන තිබුණි. කෙසේ වෙතත්, රෝහල්ගත කිරීමෙන් පසු ඔහු මියගොස් ඇත්තේ අධික ගැඹුරේ සිට වේගයෙන් මතුපිටට පැමිණීමේදී ඇතිවන 'Decompression Sickness' (කිමිදුම් ආබාධය) නමැති දරුණු ශාරීරික තත්ත්වය හේතුවෙන් බව බලධාරීන් පවසයි. කොරල් පර සහ නිල් දිය දහරාවන් නැරඹීමට පැමිණි විදෙස් විද්‍යාඥයන් පිරිසක් මෙන්ම ඔවුන් බේරා ගැනීමට ගිය දේශීය වීරෝදාර සෙබළෙකු ද බිලිගත් මෙම අනතුර, මාලදිවයින මුහුදු සීමාවේ ආරක්ෂිත කිමිදුම් කටයුතු පිළිබඳ ජාත්‍යන්තරයේ දැඩි අවධානයට ලක්වූ සිදුවීමක් බවට පත්ව ඇත.

17/05/2026

ලංකා සිතියමෙන් මැකී යන "හොල්මන් නගරය" - දේදුගල
බටහිර සිනමා පට වල අපි දැකලා තියෙනවා මිනිස්සු අතෑරලා දාපු, ගොඩනැඟිලි විතරක් ඉතිරි වුණු "Ghost Towns" නැත්නම් පාළු නගර. හැබැයි අපේ රටේ මධ්‍යම කඳුකරයේ අස්සකට වෙන්නත් එවැනිම ඉරණමකට මුහුණ දුන්නු අපූරු නගරයක් තියෙනවා කියලා ඔබ දැනගෙන හිටියාද?

ඒ තමයි කෑගල්ල දිස්ත්‍රික්කයේ පිහිටි "දේදුගල". 📍
කාලය විසින් සඟවා ගත් අතීත ශ්‍රී විභූතිය... ⏳

1970 දශකය වෙනකොටත් දේදුගල කියන්නේ හරිම ජනාකීර්ණ, කාර්යබහුල නගරයක්. එදා මේ නගරයේ කඩසාප්පු 150කට වඩා තිබුණා. රෙදි කඩ, බාබර් සාප්පු, හෝටල් විතරක් නෙවෙයි, පාන්දර 6ට දේදුගලින් පිටත් වුණු බස් එක උදේ 9 වෙනකොට පිටකොටුවට යන තරමට ප්‍රවාහන පහසුකම් පවා දියුණු වෙලයි තිබුණේ.

එස්. කේ. කඩේ, බාවා කඩේ, කොච්චි මොහිදීන් කඩේ වැනි නගරයම පිරුණු වෙළෙඳ ව්‍යාපාර එදා දේදුගල ආර්ථිකයේ පණ ගැන්වුම්කරුවන් වුණා.

නගරයක් මිය ගියේ කොහොමද? 📉

ඕනෑම නගරයක් කාලයත් එක්ක දියුණු වෙන එක සාමාන්‍ය දෙයක් වුණත්, දේදුගලට වුණේ ඒකෙ අනිත් පැත්ත.

වතු ජනසතු වීම: 1972 දී වතු රජයට පවරා ගැනීමත් එක්ක සුදු ජාතික වතු පාලකයන් රට හැර ගියා. ඒත් එක්කම වතු ආශ්‍රිතව තිබුණු ඒ "කඩිසර" බව නැති වෙලා ගියා.

මිනිසුන්ගේ නික්මයාම: නගරයේ ප්‍රධාන ගනුදෙනුකරුවන් වුණු වතු කම්කරුවන් සහ මුස්ලිම් ව්‍යාපාරිකයන් ක්‍රමයෙන් නගරය අතහැර යාම නිසා වෙළෙඳාම බිඳ වැටුණා.

මඟහැරුණු පාර: හැත්තෑව දශකයේ පැලම්පිටියට පාර හදනකොට දේදුගල නගරය මඟහැරලා අලුත් පාර හැදීමත් එක්ක මේ නගරය තනිකරම හුදෙකලා වුණා.

අද ඔබ එහි ගියොත්... 🌿

අද දේදුගලට ගියොත් ඔබට දකින්න ලැබෙන්නේ ගුප්ත ස්වභාවයක්. ඉංග්‍රීසි පාලන සමයේ ඉදිකළ අලංකාර දෙමහල් ගොඩනැඟිලි අද දිරාපත් වෙමින් පවතිනවා. තාර පාරවල් පතුරු ගැලවිලා වල් බිහිවෙලා. එදා 150ක් තිබ්බ කඩ වලින් අද ඉතිරි වෙලා තියෙන්නේ කඩ 5ක් වගේ සුළු ප්‍රමාණයක් විතරයි.

සංචාරකයෙකුට නම් පාරාදීසයක්! 🌊

නගරය පාලුවට ගියත් මේ අවට පරිසරය නම් හරිම සුන්දරයි. බුලත්කොහුපිටිය හරහා දේදුගලට යන ගමනේදී නළඟන ඇල්ල, රිටිගහ ඇල්ල, රුක්මල් ඇල්ල වැනි දියඇලි රැසක් ඔබට දැකගන්න පුළුවන්. ඒ වගේම අඩි 4000ක් උස උඩපැලැම්පිටිය කඳු පන්ති මීදුමෙන් වැහිලා තියෙන හැටි හරිම අපූරුයි.

ලෝකය දියුණු වෙද්දී, ආපස්සට ගිය දේදුගල අදටත් සාක්ෂි දරන්නේ කාලය කියන්නේ ඕනෑම අධිරාජ්‍යයක් නටබුන් කළ හැකි දෙයක් බවටයි...

Copied
゚