Yathra

❤️‍🩹

ආදරණීය ගුරු හදවත්..🙏

අඩි තැබීමේ අරුතවත් නොදැන...
රිද්මය යනු කුමක්දැයි නොහඳුනන...
පුංචි වයසේ මගේ පාද
නර්තනය වෙත
යොමු කළ....
අවිනිශ්චිත අඩි අතර
වැරදුණු ඉරියව් අතර
සැලෙන සිහින අතර
මා තුළ තිබූ හැකියාව
මටත් කලින් දැකපු දෑස්...
දහඩියෙන් තෙත් වූ පුහුණු කාලයන්,
වේදනාවෙන් බර වූ පාද,
කඳුළු හංගාගෙන නැවත නැගිටුණු දවස්…
ඒ හැම මොහොතකම
මට නතර නොවෙන්න
අදෘශ්‍යමාන ශක්තියක් වූයේ
ඔබගේ වදන්...
වේදිකාව මත
ආලෝකය මාව පමණක් සොයා ආවත්,
ඒ ආලෝකය පිටුපස
නිහඬවම දැල්වුණේ
ඔබගේ කැපකිරීම්...
මගේ දෑත්වල හැඟීම් තිබේ නම්,
මගේ පාදවල තාලයක් තිබේ නම්,
මගේ ආත්මය නර්තනය සමඟ බැඳී තිබේ නම්,
ඒ සියල්ලේ මුල් අක්ෂර
ඔබ විසින් ලියන ලද්දකි...

අද ලෝක නර්තන දිනයේ,
මගේ නර්තන ගමනේ
පළමු පියවරේ සිට
අද දක්වා
මට අඩියක් හෝ උගැන්වූ
සියලුම ගුරු මව්වරුන්ට..පියවරුන්ට...

වචනවලින් සම්පූර්ණ කළ නොහැකි
ගෞරවයත්,
හදවතින්ම උපන්
අසීමිත කෘතඥතාවත්...
මේ නිහඬ උපහාරය
ආදරයෙන් පුද කරමි.

මගේ සෑම තාලයකම
ඔබගේ නාදය සදා ජීවමානයි…

,
✍️ පරණි ✍️

සුබ පැතුම් 🥹🫂💖

🙏 ද්වාර සමඟ රැඳි සිටින ඔබ සැමට ස්තුති ...❤️💌❤️