Life with MD

Good morning හැමෝටම♥️ සතුට පිරුණ සති අන්තයක් වේවා🙏

අපේ ගෙදර වැඩිපුරම ඉවර වෙන ජාතික ආහාරේ තමයි මේ. කොච්චර ගෙනාවත් මදි. තුන්වේලම හරි පැස්ටා කයි අපේ kayel. මොනාද හදලා ඕනේ කියලා ඇහැව්වොත් ඉතිං පැස්ටා තමයි. සමහර වෙලාවට සෑහෙන්න වෙලාවක් ආ..... කියලා කල්පනා කරලත් කියන්නේ පැස්ටා කියලා😂 ඔයාලටත් ඉන්නවද පැස්ටා වලට කැමති පොඩි ජීවියෙක්♥️🤗

පිටි ග්‍රෑම් 200න් soft මාලු පාන් 6ක් හදමුද♥️

* ඊස්ට් තේ හැඳි 1, සීනි මේස හැඳි 1, ලා රස්නේ Fresh Milk මේස හැඳි 4ක් එකට දාලා හොඳට කලවම් කරගන්න.

* මේ මිශ්‍රණය විනාඩි 10ක් ඇක්ටිව් වෙන්න පැත්තකින් තියාගන්න.

* දැන් පාන් පිටි 200g ට රස අනුව ලුණු සහ බටර් මේස හැඳි 1 එකතු කරලා ටිකක් කලවම් කරගන්න.

* ඊට පස්සේ ඇක්ටිව් කරගත්ත ඊස්ට් මිශ්‍රණය එකතු කරන්න.

* මදි ප්‍රමාණෙට වතුර ටික ටික එකතු කරගෙන අතේ ඇලෙන නොඇලෙන පදමට හොඳ soft dough එකක් අනාගන්න.

* ඩෝ එක විනාඩි 10–15ක් හොඳට knead කරගන්න.

* ඊට පස්සේ ඩෝ එක වහලා විනාඩි 45ක් පැයක් විතර පිපෙන්න තියාගන්න.

* පිපුණු ඩෝ එක සමාන කොටස් 6කට කඩාගෙන බෝල හදාගන්න.

* ඒ බෝල ටිකත් ආයෙම විනාඩි 30ක් වහලා පිපෙන්න තියාගන්න.

* දැන් එක බෝලයක් අරගෙන පොඩි කරන්නේ නැතුව පරිස්සමට තුනී කරලා මැදට මාලු පාන් filling ටිකක් දාන්න. (මේ විදිහට බෝල හයම හදාගන්න)

* ත්‍රිකෝණ හැඩයට නමලා හොඳට සීල් කරගන්න.

* Baking tray එකට බටර් ටිකක් ගාලා හදාගත්ත මාලු පාන් ටික තියාගන්න.

* ආයෙත් මේ ටික වහලා තවත් විනාඩි 20ක් විතර පිපෙන්න දෙන්න.

* විනාඩි 20ට විතර පස්සේ මාළුපාන් උඩ Egg Wash කරගන්න.

* මේ අතරේ Oven එක 180°C ට විනාඩි 10ක් preheat කරගන්න.

* ඊට පස්සේ 180°C ට විනාඩි 20ක් හොඳට bake කරගන්න.

* Oven එකෙන් එළියට ගත්ත ගමන් උණු උණුවෙම බටර් ටිකක් ගාගන්න.( එතකොට ලස්සන shiny finish එකක් ලැබෙනවා)

* ටිකක් අතේ ඇලෙන පදමට ඩෝ එක අනාගත්තම හොද soft bun ටිකක් හදාගන්න පුළුවන් හදලා බලන්නකෝ. බලලා රස මටත් කියන්න.
වීඩියෝ එකකුත් කලින් දාල තියනවා ඒකත් බලන්නකෝ♥️

මේ දවස් වල lunch box හදන්නේ නැතුව හරි පාළුයි වගේ අනේ🥹 ඔයලගේ ලස්සන lunch box ටික photo දාන්නකෝ මට බලන්න♥️

පොඩ්ඩන්ට කඩලවලින් රස Snack එකක් 😍♥️
* හොඳට තම්බගත්ත කඩල ටිකක් ගන්න.

* ඒකට චීස් ටිකක්, රස අනුව ලුණු චුට්ටක් එකතු කරන්න.

* මේ ටික හොඳට grind කරලා pip කරන්න පුළුවන් smooth mixture එකක් හදාගන්න.(ඝන ගතිය වැඩි නම් වතුර ටිකකුත් එකතු කරලම grind කරගන්න)

*Mixture එක piping bag එකකට දාලා, baking paper දාපු tray එකක් උඩ කැමති shape එකට pipe කරගන්න.

* තියනව නම් උඩින් තල ඇට ටිකකුත් දාගන්න.

*උඩින් තෙල් ටිකක් ස්ප්‍රේ කරලා Air Fryer එකේ 200°C උෂ්ණත්වයේ විනාඩි 10-12 ක් බේක් කරගන්න.

කලින් වීඩියෝ එකකුත් දාල තියනවා. අදහසක් ගන්න ඒකත් බලන්න. හදපු අය ඉන්නවා නම් පිංතූරත් දාගෙන යන්න මට බලන්න🙈

බබාලට හරිම රස වගේම ගුණ snack එකක් මේක🤤
මේ විදිහටම කන්නත් පුළුවන්. බබාලා කැමති නම් චොකලට් spread ටිකක් එක්ක dip කරලා දෙන්නත් පුළුවන්. ❤️

ඔන්න කාලෙකට පස්සේ ආයෙත් ඉන්දියාවෙන් වෝල් එක අරක්ගෙන ඇත. ඔයාලගෙත් එහෙමද🤗🤪

රතු අල කොළ ගැන මම දාපු post එකට මෙච්චර comments එයි කියලා නම් හිතුවෙවත් නැහැ🥹 ගොඩක් අය ලස්සන recipes share කරලා තිබුණා. ඒ හැමෝටම ගොඩක් ස්තූතියි♥️
ඒ නිසාම අද දවල් රතු අල කොළවලින් මැල්ලුමක් හදාගත්තා. පොල් නම් ටිකක් වැඩි වුනා වගේ.ඒත් මාරම රසට තිබුණා. දැන් ඉතින් රතු අල ගෙනාවම කොළ ටික විසි කරන්නෙ නැහැ. තව comments වල තිබුණු recipes එකින් එක try කරලා බලනවා🙈
Good night everyone 😘😴

මට සැහෙන්න කාලෙක ඉඳන් තියෙන ප්‍රශ්නයක්. ඇයි මේ බීට්රූට් දණ්ඩයි කොළයි එක්කම විකුණන්නේ. මම නම් ගෙදර ගෙනාවම ඒ ටික විසි කරලා දානවා. මේකෙන් මොනවා හරි හදන්න පුළුවන්ද. රස recipe එකක් තියෙනවද🤗 මම හොයලා බැලුවත් හොද රෙසිපි එකක් හොයාගන්න බැරි වුනා. දන්න අය comment එකක් දාගෙන යන්නකෝ🙈♥️