Village Kitchen

හාල්මැස්සන් බැදුම 🌶😋

සමහර වෙලාවලට හාල්මැස්සො බැදුම් හැදුවට රස පොඩ්ඩක් අඩුයි නේද. 🤔 එහෙම නොවෙන්න රසම රසට හාල්මැස්සන් බැදුමක් හදාගන්න විදිහ බලමුද අපි එහෙනම්.

අවශ්‍ය ද්‍රව්‍ය
🐟හාල්මැස්සො
🐟බීලූනු
🐟කඩ මිරිස් කරල්
🐟ලුනු
🐟මිරිස් කුඩු
🐟තුනපහ කුඩු
🐟කහ කුඩු
🐟පොල් තෙල්
🐟දෙහි

සාදා ගන්නා ආකාරය

🐟හාල්මැස්සන්ගෙ ඔලුව කඩලා හොදට සෝද ගන්න

🐟වතුර ටික බේරෙන්න තියලා. හල්මැස්සො ටිකට තුනපහ කුඩු ගොඩක් නෙමෙයි පොඩ්ඩක්,කහ කුඩු,මිරිස් කුඩු,එකතු කරලා හොදට හාල්මැස්සන්ගෙ තැවරෙන තරමට කලවන් කර ගන්න. දෙහි ගෙඩි බාගයක යුෂත් එකතු කරලා වහලා පැත්තකින් තියන්න

🐟බී ලූනු කපා ගන්න. ලූනු කෑලි එකට එකක් ඇලිලා තියෙයි නම් අතින් ඒවා පොඩි කර ගන්න.කඩ මිරිස් කරල් ටිකත් කපා ගන්න. දැන් ලූනුයි,කඩ මිරිසුයි ටිකත් වෙනම තියා ගන්න

🐟තෙල් තාච්චිය ලිපෙන් තියලා තෙල් හොඳට රත් වෙන්න දෙන්න.

🐟හොඳට රත් උනාම තෙල් ටිකට හාල්මැස්සො එකතු කරලා. බැදෙන්න දෙන්න රන්වන් පාට වෙනකන්.

🐟හොඳට බැදුනම ලූනු ටිකයි, කපා ගත්තු මිරිස් කරල් ටිකයි එකතු කරන්න.මේකට කහ කුඩු පොඩි ප්‍රමාණයක් දාන්න. දැන් හොදට කලවන් කරන්න

🐟ටික වෙලාවක් යද්දි හොඳ සුවඳකුත් එක්ක ලූනු ටික තැම්බුනු පාටක් වෙනවා.

🐟ලිපෙන් බාලා බත් ටිකකුත් එක්ක සම්බෝලෙකුත් කොටා ගෙන කාලා බලන්නකො රස කොහොමද කියලා. 😋😌

🌶කොස් ඇට+කොච්චි🌶

මේ දවස් වල කොස් ගස් වල කොස් පිරිලා. කිසිම වියදමක් නැතුව නැතුව කොස් ඇට ටිකක් අරගෙන හදා ගන්න පුලුවන් රසම රස කෑමක් තමයි කොස් ඇට වලට කොච්චි දාලා කූරු ගාලා හදන මේ කෑම. ලේසියෙන්ම හදා ගන්න පුලුවන් නිසා ඔයාලත් හදල බලන්නකො රස 😋

අවශ්‍ය ද්‍රව්‍ය
🌶කොස් ඇට
🌶කොච්චි
🌶රතු ලූනු
🌶සුදු ලූනු
🌶ගම්මිරිස්
🌶ලුනු
🌶පොල්
🌶දෙහි

සාදා ගන්නා ආකාරය
🌶සමහර කොස් ගස් තියනවා. එවගේ කොස් ඇට පිටි වෙනවා. හරි රසයි. ඒවගේ ටිකක් ගන්න පුලුවන් නම් හොඳයි.එහෙම අරගන කොස් ඇට ටික තලලා පොතු අයින් කරගෙන. වතුර දාලා හොදට තැම්බෙන්න තියන්න.

🌶ඒක තැම්බෙනකන් පොල් ටිකක් ගාලා අරගන්න. ඒකට කොච්චි,ගම්මිරිස්,ලූනු,සුදු ලූනු,ලුනු දාලා හොඳට තලා ගන්න. කොච්චි සම්බෝල එකට දැන් දෙහි ටිකක් මිරිකලා දාලා කලවම් කර ගන්න

🌶දැන් කොස් ඇට ටිකත් හොඳ ගානට තැම්බිලා තියෙයි. තැම්බිලා තියන කොස් ඇට ටික භාජනයකට දාන්න. ඒකට දැන් කොච්චි සම්බෝලෙත් දාලා පොල් කටු හැන්දකින් හොඳට පොඩි කරන්න.

හදලා බලන්න කොහොමද රස කියලා. 😋බත් එක්ක වගේම කරවල හොද්දක් එක්ක නිකන් කාලත් බලන්නකො 😌

🍲 ගමේ රසට පරිප්පු 🍲

අද කියන්න යන්නෙ වයස් භේදයක් නැතුව අපි හැමෝම කන්න කැමතිම කෑමක් රසට උයාගන්න විදිහ. තුන් වේලම උනත් කන්න දුන්නොත් කන්න ආස හිතෙන විදිහට පරිප්පු මෙහෙම හදලා බලන්නකො. පාන්, ඉඳි ආප්ප ,පරාටා කද්දි මෙහෙම පරිප්පු හොද්දක් හදා ගත්තම රස 😋

අවශ්‍ය ද්‍රව්‍ය
🍛පරිප්පු
🍛රතු ලූනු
🍛සුදු ලූනු
🍛කරපිංචා
🍛රම්පෙ
🍛අමු මිරිස්
🍛කුරුඳු
🍛මිරිස් කුඩු
🍛කහ කුඩු
🍛තුනපහ කුඩු
🍛ලුනු
🍛මිටි කිරි
🍛පොල් තෙල්

සාදා ගන්නා ආකාරය
🍛ඔයාට ඕනි ප්‍රමාණයෙන් පරිප්පු අරගන හෝදලා වෙනම භාජනයකට දාගන්න

🍛රතු ලූනු,සුදු ලූනු,කරපිංචා,අමු මිරිස,රම්පෙ,කුරුඳු (පොඩි කෑල්ලක්) හෝදලා මේ සේරම පොඩියට කපලා ඒ ටිකත් පිඟානකින් වෙන වෙනම තියා ගන්න

🍛ඔයාට පරිප්පු හොදි හිටින්න ඕනි නම් මිටි කිරි ටිකක් වැඩිපුර ගන්න. එහෙම නැත්නම් ගොඩක් ඕනි නැහැ. පරිප්පු තැම්බෙන ප්‍රමාණයක් තිබුනා නම් හොඳටම ඇති. දැන් පොල් කිරි ටිකත් ලැහැස්ති. ඒකත් භාජනයකට දාලා තියා ගන්න.

🍛ලිප පත්තු කරලා මැටි ඇතිලියක් ලිපෙන් තියන්න(දර ලිපේ නම් ගොඩක් හොඳයි)ඒකට පොල් තෙල් මේස හැඳි 3-4 දාන්න. දැන් තෙල් ටික හොදට රත් වෙන්න දෙන්න

🍛තෙල් ටික රත් උනාම කරපිංචා,රම්පෙ දාලා ටිකක් මැලවෙන්න දෙන්න. බැදෙනකන් තියන්න එපා. ✋ දැන් සුදු ලූනු ටික දාන්න, ඊගාවට රතු ලූනු, දැන් කුරුදු ටික දාන්න. කපා ගත්තු මිරිස් ටිකත් දාන්න

🍛මේ ටිකට දැන් මිරිස් කුඩු,තුනපහ, කහ කුඩු ,ලුනු ඔයාගෙ පදමට එකතු කරන්න

🍛දැන් මේ මිශ්‍රණයට පරිප්පු ටික දාලා හොදට කලවම් කරන්න. විනාඩි 5 විතර ලිපේ තියෙන්න අරින්න.

🍛මේ වෙනකොට පරිප්පු එකෙන් බඩගිනි එන තරමේ සුවඳක් එයි. දැන් පොල් කිරි ටික පරිප්පු ටිකට දාන්න. හොඳට කලවම් කරන්න.පරිප්පු හොද්ද හොඳට බුබුළු දානකන් උතුරන්න දෙන්න.

🍛සමහර අය පරිප්පු ඇට බෙරි වෙනකන් තියනවා. එහෙම නැති අයත් ඉන්නවා. ඔයා කැමති ප්‍රමාණයට පරිප්පු ඇට තැම්බෙනකන් තියලා පරිප්පු එක ලිපෙන් බාගන්න.

පාන් කෑල්ලක් 🍞 ඉඳිආප්ප ටිකක් කාලා බලන්නකො මෙහෙම පරිප්පු හොද්දක් එක්ක.. 😋😋😋