Pro Local

🏆 Трето место за Про Локал на 4-тата WeBER Regional Citizens First Conference

Во конкуренција на организации од целиот Западен Балкан, проектот на Про Локал, презентиран од Рубин Николоски, беше награден со трето место според изборот на публиката, добивајќи признание за „Best Project“ на 4-тата WeBER Regional Citizens First Conference.

Ова признание претставува потврда за значењето на пристапите кои ги ставаат граѓаните во центарот на процесите на креирање политики и јавни услуги, како и за важноста на активното граѓанско учество во развојот на локалните заедници.

Конференцијата обедини претставници на граѓански организации, институции и експерти од регионот, создавајќи простор за размена на искуства и современи практики насочени кон поинклузивно и поодговорно управување.

Наградата претставува значајно регионално признание за работата на Про Локал и дополнителна потврда дека иницијативите кои произлегуваат од потребите на граѓаните можат да создадат видливи и одржливи резултати.

КОЊАНОВСКИ ВО РАБОТНА ПОСЕТА НА ХАГ: ПЕЛАГОНИЈА УЧИ ОД ХОЛАНДСКИТЕ МОДЕЛИ ЗА ИДНИНАТА - PelaNet Градоначалникот на Општина Битола, Тони Коњановски, како дел од регионалната делегација на Пелагонија, оствари работна средба со градоначалникот на Хаг, Јан ван За...

Коњановски во работна посета со градоначалникот на Хаг: Пелагонија учи од холандските модели - Bitola News -Во делегацијата се и градоначалниците на Новаци - Стевче Стевановски, на Могила - Драганчо Саботковски, како и на Прилеп, Ресен, Кривогаштани и Долнени. Градоначалн....

🌍 ОД ХОЛАНДИЈА ДО ПЕЛАГОНИЈА: КАКО СЕ ГРАДАТ ЕКОСИСТЕМИ ЗА МЛАДИ, ИНОВАЦИИ И ОДРЖЛИВА ИДНИНА

Што е заедничко за една напуштена бродоградилишна зона во Амстердам, најголемата асоцијација на општини во Холандија, еден од најдобрите технички универзитети во Европа и центар во кој студентските идеи стануваат производи на пазарот?

Одговорот е едноставен: сите тие покажуваат како различни чинители можат да работат заедно за да создадат подобар квалитет на живот, нови можности за младите и поодржлива локална економија.

Токму со оваа цел, Про Локал организираше студиска посета на Холандија во која учествуваа градоначалниците на Битола, Прилеп, Ресен, Новаци, Могила, Кривогаштани и Долнени, како и претседателот на Регионалната стопанска комора – Прилеп, Никола Мариноски.

Посетата беше реализирана во рамки на проектот ПЕЛО поддржан од Амбасадата на Кралството Холандија во Северна Македонија преку програмата MATRA.

Не патувавме за да видиме убави објекти

Ова не беше класична студиска посета.

Не патувавме за да видиме убави објекти.

Не патувавме за да слушнеме успешни приказни.

Патувавме за да разбереме како се создаваат услови младите луѓе да останат, да напредуваат и да создаваат вредност во своите заедници.

Патувавме за да видиме како локалната самоуправа, бизнисите, универзитетите и граѓанските организации можат заедно да создаваат решенија за реалните предизвици на денешницата

Од загаден простор до пример за циркуларна економија

Во Амстердам, во De Ceuvel, видовме како загаден и напуштен простор може да стане лабораторија за циркуларна економија и заедница што живее според принципите на одржливост.

На место кое некогаш било симбол на индустриско загадување, денес функционира жив екосистем во кој архитектите, инженерите, граѓанските организации и локалната самоуправа заедно демонстрираат дека отпадот може да стане ресурс, а проблемите можат да станат можности.

Хаг: кога локалната самоуправа е двигател на промените

Во Хаг, делегацијата оствари работна средба со градоначалникот на градот, Јан ван Занен што претставуваше еден од клучните моменти на посетата.

Разговорот не беше протоколарен, туку суштински насочен кон предизвиците со кои денес се соочуваат европските градови – управувањето со отпад, климатските промени, циркуларната економија, улогата на младите во локалните политики и потребата од постојана соработка помеѓу локалната самоуправа, бизнис секторот и граѓанското општество.

Особено значајно беше што претставниците на Пелагонискиот регион имаа можност директно да разменат искуства со раководството на еден од најзначајните европски градови во областа на одржливиот урбан развој.

Средбата потврди дека, без разлика на големината на градот или државата, предизвиците се слични – како да се задржат младите, како да се создадат нови можности за вработување, како да се намали загадувањето и како локалните заедници да станат поотпорни и поконкурентни.

Токму затоа беше особено вредно да се слушне како Хаг ги користи партнерствата со граѓанските организации, универзитетите, компаниите и локалните заедници за да ги претвори овие предизвици во конкретни политики и проекти.

За нас тоа беше уште една потврда дека одржливите промени не се резултат на работа на една институција, туку на силна локална коалиција која работи кон заедничка визија.

Од младински политики до зелени работни места

Преку средбите со Асоцијацијата на холандски општини (VNG) и Академијата за локално управување во Хаг, се запознавме со холандскиот модел на локално управување, меѓуопштинска соработка и активно вклучување на младите во процесите на донесување одлуки.

Посебен впечаток остави начинот на кој младите не се третираат само како корисници на политики, туку како активни партнери во нивното создавање и спроведување.

Уште поважно, видовме како локалните власти систематски работат на подготовка на младите за новите зелени работни места, обезбедувајќи им пристап до знаење, иновации и практично искуство.

Titaan Hub: каде што идеите стануваат реалност

Особено инспиративен беше Titaan Hub каде што видовме како иновацијата не се случува случајно.

Таму младите, компаниите, истражувачите и инвеститорите се дел од ист екосистем.

Студентските идеи не остануваат во училница.

Тие се тестираат, се развиваат и се претвораат во реални решенија за реални потреби на пазарот.

Токму оваа директна врска помеѓу младите таленти и потребите на бизнис секторот беше една од најважните лекции за идниот развој на регионален младински и иновациски хаб во Пелагонија.

Делфт: иднината се тестира денес

Во Делфт, на Техничкиот универзитет Делфт, еден од најреномираните технички универзитети во Европа, ја посетивме The Green Village– уникатна лабораторија на отворено каде што научниците, студентите, компаниите и локалните власти заеднички развиваат и тестираат решенија за справување со климатските промени.

Од нови градежни материјали, преку енергетски ефикасни системи за греење и ладење, до иновативни пристапи за проектирање на инфраструктурата – сè што се развива таму има една цел: да создаде поодржливи, поотпорни и поквалитетни услови за живот.

За градоначалниците од регионот, ова беше можност од прва рака да видат како науката и иновациите можат директно да придонесат за подобри јавни услуги и поефикасна инфраструктура.

Најважната лекција

Можеби најважната лекција од целата посета беше дека успехот не лежи во зградите, технологиите или буџетите.

Успехот лежи во партнерствата

Во Холандија видовме дека младите не се само корисници на политики, туку нивни креатори.

Бизнисите не се само работодавачи, туку партнери во создавањето на иднината.

Универзитетите не се изолирани институции, туку активни учесници во решавањето на локалните предизвици.

А општините не работат сами, туку се дел од поширок екосистем кој создава можности за сите.

Нашата визија за Пелагонија

Токму ова е визијата што Про Локал, заедно со општините и бизнис секторот во Пелагонија, сака да ја развива во наредниот период.

Не да копираме модели.

Туку да создадеме сопствен модел.

Модел во кој младите ќе добиваат нови знаења и вештини.

Компаниите ќе добиваат пристап до нови идеи и таленти.

Општините ќе добиваат партнери за решавање на локалните предизвици.

А регионот ќе добива нови можности за развој.

Од Холандија се враќаме со многу идеи, нови партнерства и уште посилна увереност дека Пелагонија има потенцијал да стане пример за тоа како локалната самоуправа, младите, бизнис секторот и граѓанските организации можат заедно да создаваат одржлива и просперитетна иднина.

Про Локал учествуваше на Работната средба на службениците за млади на локално ниво, организирана во рамки на проектот „Млади за инклузија, еднаквост и доверба“, посветена на Агендата „Млади, мир и безбедност“.

Во рамки на програмата, претседателката на Про Локал, Емилиa Ѓероска, се осврна на состојбите со имплементацијата на Законот за младинско учество и младински политики на локално ниво, како и на искуствата и достигнувањата на Регионалната платформа за млади како механизам за унапредување на младинското учество и меѓуопштинската соработка.

Во своето обраќање, таа ја нагласи важноста од доследна примена на законските механизми за младинско учество и потребата институциите активно да создаваат простор за дијалог и соработка со младите. Притоа, беше истакнато дека обврската за вклучување на младите во процесите на креирање политики и донесување одлуки не треба да биде оставена исклучиво на иницијативата на младите, туку претставува одговорност и на институциите кои треба навремено и суштински да ги вклучуваат во овие процеси.

Работната средба претставуваше значајна можност за размена на искуства и добри практики меѓу службениците за млади, институциите и организациите кои работат на унапредување на младинското учество и градење доверба помеѓу младите и институциите.

Про Локал останува посветен на создавање механизми кои ќе обезбедат младите да бидат препознаени како рамноправни партнери во развојот на локалните заедници и демократските процеси.

📌 Младински политики значат подобра иднина за младите – и затоа тие мора да бидат вклучени во одлучувањето.

💡 Кога младите учествуваат, одлуките се подобри и поправедни.

Проектот „Младински политики по мерка на младите“ е поддржан од Владата на Швајцарија преку Цивика мобилитас.


Civica Mobilitas
Embassy of Switzerland in North Macedonia

📊 Младите од Долнени го кажаа своето мислење – и тоа се слуша!

Во рамки на спроведена анкета меѓу учениците од Гимназијата во Житоше, во текот на месец мај, младите имаа можност директно да ги споделат своите ставови и приоритети за подобрување на условите во училиштето.

Според резултатите од анкетата, учениците се одлучија за подобрување на училишната безбедност преку поставување и унапредување на безбедносни елементи во училиштето, како мерка која директно придонесува за зголемување на сигурноста и заштитата во училишната средина.

Оваа иницијатива уште еднаш ја потврдува важноста на младинското учество во процесите на донесување одлуки, особено кога станува збор за прашања поврзани со безбедноста и квалитетот на образовната средина.

Кога младите се вклучени во одлучувањето, решенијата се порелевантни, поодржливи и насочени кон реалните потреби на заедницата.

Проектот „Младински политики по мерка на младите“ е поддржан од Владата на Швајцарија преку Цивика мобилитас.


Civica Mobilitas
Embassy of Switzerland in North Macedonia

🔵 Со успешно реализираниот завршен настан во Офицерски дом – Битола, официјално беше заокружен проектот „Граѓански кругови – од институционален молк до дијалог предводен од млади“.

🟠 Извршниот директор на МКЦ-Битола, Златко Талевски, истакна дека проектот овозможи воспоставување простор за отворен дијалог и соработка помеѓу младите и институциите, при што младинските идеи беа преточени во конкретни иницијативи и активности.

🟣 Претседателката на Про Локал, Емилиa Ѓероска, нагласи дека младите треба да бидат препознаени и вклучени како рамноправни партнери во процесите на креирање политики и развој на локалните заедници.

🔵 Во рамките на настанот беа презентирани резултатите од локалните демократски кругови, реализираните младински активности и препораките содржани во Регионалната политика за младинско вклучување (Regional Policy Paper), кои ги презентираше проектниот координатор од Про Локал, Рубин Николоски.

🟠 Во своето обраќање, градоначалникот на Општина Новаци и претседател на Советот на Пелагонискиот плански регион, Стевче Стевановски, ја нагласи потребата младите да бидат активни и одговорни чинители во развојот на локалните заедници и во процесите што непосредно влијаат врз нивната иднина.

🟣 Претседателот на Советот на Општина Битола, Бојан Бојкоски, се осврна на значењето од воспоставување механизми преку кои гласот на младите не само што ќе биде слушнат, туку и суштински интегриран во институционалните процеси.

🔵 Раководителот за култура при Германската амбасада во Скопје, Кевин Маас, ја истакна важноста од поддршка на иницијативи што придонесуваат за развој на демократска култура, дијалог и младинско учество како темел за одржливи и инклузивни заедници.

🟠 Раководителот на локалната канцеларија на RYCO во Скопје, Владимир Ѓорѓевски, истакна дека моделот на „локални демократски кругови“ претставува значајна алатка за зајакнување на довербата, соработката и директната комуникација помеѓу младите и институциите, создавајќи средина во која младите не се само учесници, туку и активни носители на општествени промени.

Активноста доби поддршка преку грантовата шема RYCOgnizing YPS, поддржана од Германската соработка и имплементирана од