Dibra.tv

🏠KËRKOHET BANESË OSE SHTËPI ME QIRA

Kërkohet banesë ose shtëpi me qira afatgjatë në Dibër të Madhe.

Nëse keni banesë ose shtëpi për të ofruar me qira, na shkruani në mesazh, që t’ju lidhim me personat e interesuar.

📍 Dibër e Madhe
📩 Na kontaktoni në inbox.

NJOFTIM

Të nderuar qytetarë,

Ju njoftojmë se koncerti “DIBRA FEST 2026”, i planifikuar për sonte, anulohet për shkak të ndarjes nga jeta të një bashkëqytetari tonë, një djaloshi të ri dibran.

Shprehim ngushëllimet tona më të sinqerta familjes, të afërmve dhe miqve të tij. Në këto momente dhimbjeje, qëndrojmë pranë tyre me mendje dhe zemër.

I ndjeri u prehtë në paqe, ndërsa familjes, forcë dhe durim për ta përballuar këtë humbje të rëndë.

Sot në Dibër për vizitë zyrtare qëndroi Kryeministri i Republikës së Maqedonisë së Veriut, Hristijan Mickoski, i cili mori pjesë në ceremoninë e ndarjes së çelësave për 47 banesa sociale, të ndërtuara për qytetarët që kanë përmbushur kushtet sipas thirrjes publike dhe kritereve të përcaktuara me ligj.

Në këtë aktivitet morën pjesë gjithashtu Ministri i Transportit, Aleksandar Nikoloski, Drejtori i Përgjithshëm i Ndërmarrjes për Ndërtim dhe Menaxhim me Hapësirat Banesore, Marjan Stefanovski, si dhe përfaqësues të institucioneve qendrore dhe lokale.

Banesat iu ndanë përfituesve që kanë plotësuar kriteret e përcaktuara në thirrjen publike. Mes tyre janë persona pa zgjidhje strehimi, fëmijë pa prindër ose pa përkujdesje prindërore pas moshës 18-vjeçare, përfitues të ndihmës minimale të garantuar, si dhe persona të prekur nga fatkeqësi natyrore.

Në fjalën e tij, Kryetari i Komunës së Dibrës shprehu mirënjohje për mbështetjen e vazhdueshme të institucioneve qeveritare ndaj qytetit, duke theksuar se projekte të tilla ndikojnë drejtpërdrejt në përmirësimin e cilësisë së jetës së qytetarëve.

Ai veçoi gjithashtu investimet që po realizohen në Dibër, përfshirë ndërtimin e bulevardit të ri pranë kësaj ndërtese, i cili financohet në kuadër të projekteve nga kredia hungareze, me një vlerë prej rreth 2 milionë euro për Komunën e Dibrës.